سمت بھارگو
راجوری//پیشے کے اعتبار سے ایک سرکاری ٹیچر، راجوری کے سندر بنی قصبے کی رہنے والی سیما شرما نے انتخابی حکام کی طرف سے معذور افراد ووٹرز کے لیے گھر ووٹنگ کی سہولت کا انتخاب کرنے سے انکار کر دیا اور وہ جمعے کے روز اپنے پولنگ سٹیشن پر گئی اور ووٹ کاسٹ کیا۔شرما بینائی سے مکمل طور محروم ہے اور اسے باہر چلنے کے لیے دوسرے شخص کی مدد کی ضرورت ہے۔اپنے خیالات کا اظہار کرتے ہوئے، سیما شرما نے کہا کہ ای سی آئی نے گھر پر مبنی بیلٹ پیپر ووٹنگ کی سہولت فراہم کی لیکن اس نے اس کا انتخاب کرنے سے انکار کردیا۔انکاکہناتھا”جب میں گھر کے کسی فرد کی مدد سے پولنگ سٹیشن جا سکتہ ہوں تو میں گھر پر کیوں ووٹ ڈالوں؟” اس نے بتاتے ہوئے کہا کہ اس کی بیٹی اس کے ساتھ پولنگ اسٹیشن گئی جہاں اس نے فخر سے اپنا ووٹ کاسٹ کیا۔سیما نے مزید کہا’’پولنگ سٹیشن پر ووٹ کاسٹ کرنا جمہوری جذبے کو فروغ دیتا ہےاور یہی وجہ ہے جس کی وجہ سے میں نے گھر پر مبنی بیلٹ پیپر ووٹنگ سے انکار کر دیا‘‘۔
