رام بن// ڈویژنل کمشنر جموں رمیش کمار نے ضلع رام بن میں قومی شاہراہ چار لین کے تعمیراتی کاموں کی رفتار کا معائنہ کیا۔ انہوں نے ہائی وے پر ٹریفک کی نقل و حرکت کی صورتحال کا بھی جائزہ لیا۔صوبائی کمشنرکے ساتھ ڈپٹی کمشنر رام بن مسرت الاسلام، ایس ایس پی موہتا شرما، این ایچ اے آئی کے افسران کے علاوہ چار لیننگ پروجیکٹ کے لیے مصروف تعمیراتی کمپنیوں کے نمائندے بھی موجود تھے۔صوباجی کمشنرنے مہاڑ میں سلائیڈنگ ایریا سمیت کئی خطرناک مقامات کا دورہ کیااور نیشنل ہائی وے اتھارٹی آف انڈیاکو ہدایت کی کہ وہ ڈبل لین ٹریفک کو ہموار کرنے کے لیے روڈ کلیئرنس کے کام کو تیز کرے۔انہوں نے این ایچ اے آئی کو چوڑا کرنے کے کام پر پیشرفت کی رفتار کو تیز کرنے اور قومی شاہراہ پر ٹریفک کی بلا رکاوٹ نقل و حرکت کے لئے موجودہ ہائی وے کی میکڈمائزیشن کو یقینی بنانے کی بھی ہدایت کی۔انہوں نے تعمیراتی کمپنیوں کو ہدایت کی کہ وہ لینڈ سلائیڈنگ کو فوری طور پر کلیئر کرنے اور بغیر کسی پریشانی کے ٹریفک کو برقرار رکھنے کے لیے تمام خطرناک سلائیڈنگ زونز میں مناسب افرادی قوت اور مشینری تعینات کریں۔ڈی سی نے نیشنل ہائی وے کی چار لینگ بشمول ناشری۔رام بن اور رام بن۔بانہال سیکشن پر سیکشن وار پیشرفت کے بارے میں صوبائی کمشنرکو آگاہ کیا۔صوبائی کمشنرنے ٹریفک پولیس ڈیپارٹمنٹ کو گاڑیوں کی ٹریفک کو مؤثر طریقے سے منظم کرنے اور قومی شاہراہ پر پھل لے جانے والی گاڑیوں کے آسانی سے گزارنے کی بھی ہدایت کی۔دریں اثناء ڈی سی نے ضلعی انتظامیہ کی طرف سے تعمیراتی کمپنیوں کی طرف سے پیش کردہ باوقار قومی منصوبے پر پیش رفت کی رفتار میں رکاوٹ بننے والی رکاوٹوں کو دور کرنے کے لیے کیے گئے اقدامات سے بھی آگاہ کیا۔
صوبائی کمشنر جموں کا دورہ رام بن،قومی شاہراہ توسیع کاری کا جائزہ لیا شاہراہ پر ٹریفک کی روانی یقینی بنانے اورموجودہ ہائی وے کی میکڈمائزیشن کی ہدایت
