نیوز ڈیسک
جموں// ریلوے کی وزارت نے جمعرات کو کہا کہ دنیا کا سب سے اونچا ریل پل، جو جموں و کشمیر میں دریائے چناب پر تعمیر کیا جا رہا ہے، جلد ہی کشمیر تک ہر موسم کا ریل رابطہ لائے گا۔یہ پل کشمیر اور بقیہ ملک کے درمیان انتہائی ضروری ہر موسمی رابطہ فراہم کرے گا۔ریلوے کی وزارت نے اپنے سرکاری ٹویٹر ہینڈل پر مطلع کیا کہ “ڈیک لانچنگ کی 88 فیصد تکمیل کے ساتھ، چناب پل جلد ہی کشمیر تک ہر موسم کے لیے ریل کنیکٹیوٹی لائے گا،” ۔
قابل ذکر بات یہ ہے کہ ادھم پور-سری نگر-بارہمولہ ریل لنک (USBRL) پروجیکٹ کے ایک حصے کے طور پر یہ پل دنیا کا سب سے اونچا ریلوے پل ہے اور اسے شمالی ریلوے 28,000 کروڑ روپے کی تخمینہ لاگت سے تعمیر کر رہا ہے۔
