نیوز ڈیسک
نئی دہلی //راجیہ سبھا میں بی جے پی رکن سشیل کمار مودی نے جمعہ کو مطالبہ کیا کہ جموں و کشمیر کی حد بندی کمیشن سفارشات کے مطابق جموں و کشمیر اسمبلی میں دو نشستیں بے گھر کشمیری پنڈتوں کے لیے اور ایک نشست ہندوستان میں رہنے والے پاکستانی مہاجرین کے لئے مختص کی جانی چاہیے۔ مودی نے کہا کہ کشمیری پنڈتوں نے گزشتہ تین دہائیوں کے دوران بہت نقصان اٹھایا ہے اور جموں و کشمیر کی تنظیم نو کمیشن میں ترمیم ہونی چاہیے۔حد بندی کمیشن کی سفارشات کے مطابق، جموں و کشمیر اسمبلی کی 114 نشستیں ہوں گی جن میں سے 90 منتخب ہوں گی – 47 وادی سے اور 43 جموں خطے کے لیے رہیں گی۔جموں و کشمیر (PoJK) کے پاکستان کے زیر قبضہ حصوں کے لیے کل 24 نشستیں مختص کی گئی ہیں۔حد بندی کمیشن نے مئی میں جاری اپنی رپورٹ میں سفارش کی تھی۔”قانون ساز اسمبلی میں کشمیری تارکین وطن کی کمیونٹی سے کم از کم دو اراکین (ان میں سے ایک خاتون ہونا ضروری ہے) کی فراہمی اور ایسے اراکین کو یونین ٹیریٹری کی قانون ساز اسمبلی کے نامزد اراکین کی طاقت پڈوچیری کے برابر اختیار دیا جا سکتا ہے۔مرکزی حکومت پاکستان کے زیر قبضہ جموں و کشمیر سے بے گھر افراد کو جموں اور کشمیر کی قانون ساز اسمبلی میں کچھ نمائندگی دینے پر غور کر سکتی ہے۔
