عظمیٰ نیوز سروس
جموں //ڈی پی ایس کٹھوعہ نے’’ مدرز ڈے‘ منانے کیلئے ایک تقریب کا اہتمام کیا گیا جس میں ماؤں اور زچگی کے احترام کے لئے ایک خصوصی اسمبلی اور متعدد مشغول سرگرمیاں شامل تھیں۔دن کا آغاز ایک متحرک اسمبلی سے ہوا جہاں طلباء نے مدرز ڈے کے لئے وقف ایک دلکش ڈرامے کے ذریعے اپنی صلاحیتوں اور ماؤں کی محنت کی تعریف کی ۔ڈرامے کے بعد کلاس کی مختلف سرگرمیاں منعقد کی گئیں، جن میں پیپر فلاور بنانا اور کراؤن کرافٹنگ شامل ہیں، جس سے طلباء تخلیقی طریقوں سے اپنی ماؤں کے لئے اپنی محبت اور شکر گزاری کا اظہار کر سکتے ہیں۔اس کے علاوہ اسکول کے جونیئر ونگ نے ایک شعری سرگرمی میں حصہ لیا جس میں اپنی ماؤں کیلئے دلی نظمیں لکھیں۔پرنسپل وویک اروڑہ نے طلباء کی کاوشوں کی تعریف کی اور تقریب کے انعقاد میں اساتذہ کی رہنمائی اور تعاون کی ستائش کی۔ انہوں نے تمام ماؤں کو ان کی غیر مشروط محبت اور قربانیوں کے لئے تعریف کا پیغام دیتے ہوئے نیک خواہشات کا اظہار کیا۔
