یواین آئی
نئی دہلی// عام آدمی پارٹی (آپ) نے کہا ہے کہ جیل انتظامیہ نے آخر کار وزیر اعلی اروند کجریوال کو ان کی بڑھتی ہوئی شوگر کے لئے انسولین دے دی۔آپ لیڈر اور دہلی کے کابینہ وزیر سوربھ بھاردواج نے کجریوال کو تہاڑ جیل کی انسولین دینے کے بعد ٹویٹر پر کہا’’ہنومان جنم اتسو خوشخبری۔ خبریں آ رہی ہیں کہ آخر کار جیل انتظامیہ نے وزیر اعلیٰ کو شوگر بڑھنے پر انسولین دے دی‘‘۔انہوں نے کہا’’آج ملک کے دارالحکومت کے وزیر اعلیٰ کو انسولین کے لیے بھی عدالت جانا پڑ رہا ہے۔ بی جے پی اور مرکزی حکومت کے ماتحت افسران کا کہنا ہے کہ تمام قیدی برابر ہیں۔ کیا تہاڑ کے تمام قیدی انسولین کے لیے عدالت
جاتے ہیں؟ کیا تمام قیدیوں کو دوا کے لیے عدالت جانا پڑتا ہے؟ کیا تمام قیدیوں کو انسولین کے لیے ٹیلی ویڑن اور اخبارات میں ایک ہفتہ بحث کرنے کی ضرورت ہے؟ ‘‘اے اے پی لیڈر آتشی نے کہا ’’بجرنگ بلی کی جئے۔ ہنومان جینتی پر خوشخبری – تہاڑ انتظامیہ نے آخرکار اروند کجریوال کو انسولین دے دی۔
