عظمیٰ ویب ڈیسک

لیہہ// لداخ پارلیمانی حلقے کے لیے ہفتے کے روز کاغذات کی جانچ پڑتال کے دوران دو کورنگ امیدواروں اور ایک آزاد امیدوار کے کاغذات نامزدگی مسترد کر دیے گئے ہیں، جس کے بعد صرف 5 امیدوار میدان میں بچ گئے ہیں۔
لداخ لوک سبھا حلقہ، جس کا کل رقبہ 173.266 مربع کلومیٹر ہے اور 1.82 لاکھ سے زیادہ ووٹر ہیں، پر 20 مئی کو انتخابات کے پانچویں مرحلے میں ووٹ ڈالے جائیں گے۔
کاغذات نامزدگی واپس لینے کی آخری تاریخ 6 مئی ہے۔
جانچ پڑتال کے بعد، پانچ امیدواروں کے نامزدگی فارم درست پائے گئے ہیں، جبکہ بی جے پی اور کانگریس کے کورنگ امیدواروں سٹینزین لکپا اور سمنلا دورجے نوربو کے کاغذات منسوخ کر دیے گئے ہیں۔
الیکشن افسر سکھدیو نے کہا کہ آزاد امیدوار غلام نبی ضیاءکی نامزدگی، جن کا فارم نامکمل پایا گیا، کو بھی مسترد کر دیا گیا ہے۔
باقی پانچ امیدواروں میں، بی جے پی کی تاشی گیلسن اور کانگریس کے ٹیسرنگ نمگیال میدان میں ہیں، جو دونوں لیہہ سے ہیں۔ تین آزاد امیدواروں، محمد حنیفہ جان، سجاد حسین اور فیروز کا بھی میدان میں ہیں، جو تینوں کرگل سے ہیں۔
تھوپستان چھیوانگ نے 2014 میں پہلی بار بی جے پی سے لداخ لوک سبھا سیٹ جیتی تھی۔
انہوں نے 2018 میں پارٹی سے استعفیٰ دے دیا تھا اور فی الحال لیہہ اپیکس باڈی کی سربراہی کر رہے ہیں، جو کرگل ڈیموکریٹک الائنس کے ساتھ مل کر ریاست کی بحالی اور آئین کے چھٹے شیڈول کی یونین ٹیریٹری میں توسیع کے لیے ایک ایجی ٹیشن کی قیادت کر رہی ہے۔
بی جے پی 2019 کے عام انتخابات میں جمیانگ ٹسرنگ نمگیال کے ذریعے سیٹ برقرار رکھنے میں کامیاب ہوئی، جس نے اس بار ٹکٹ سے انکار کے بعد پارٹی کے خلاف کھل کر بغاوت کی۔ تاہم، وہ جمعے کو پارٹی کے نامزد امیدوار گیلسن کی مہم میں شامل ہوئے، جس سے پارٹی کیمپ میں ایک ہفتے سے جاری غیر یقینی صورتحال کا خاتمہ ہوا۔
کانگریس چھ بار سیٹ جیت چکی ہے ، نیشنل کانفرنس دو بار، اور تین بار آزاد امیدوار اس لوک سبھا سیٹ سے کامیاب ہوئے ہیں۔