یو این آئی
گوچر //وزیر دفاع راج ناتھ سنگھ نے جمعہ کو کہا کہ دنیا نے قبول کر لیا ہے کہ ہندوستان دنیا میں سب سے تیزی سے ترقی کرنے والی طاقت ہے۔مسٹر سنگھ نے یہ بات یہاں لوک سبھا انتخابات میں اتراکھنڈ کے پوڑی گڑھوال پارلیمانی حلقہ سے بھارتیہ جنتا پارٹی (بی جے پی) کے امیدوار انیل بلونی کی حمایت میں ایک جلسہ عام سے خطاب کرتے ہوئے کہی۔ انہوں نے کہا کہ آج دنیا کے ممالک ہندوستان کے ہر فیصلے پر نظر رکھتے ہیں اور آج وزیر اعظم نریندر مودی کی قیادت میں ملک کا سر فخر سے بلند ہوا ہے۔مسٹر سنگھ نے اتراکھنڈ کے لوگوں کی دفاع، فوجی خدمات اور قوم کے تئیں لگن کی تعریف کی اور کہا کہ یہ ریاست ہیروز کی سرزمین ہے۔ یہاں کی سرزمین کو بھگوانوں کی سرزمین بتاتے ہوئے انہوں نے کہا کہ پوری دنیا اتراکھنڈ کو بھگوانوں اور روحانیت کی سرزمین مانتے ہوئے اس کا احترام کرتی ہے۔ انہوں نے کہا کہ فوجیوں کی ون رینک ون پنشن کا مطالبہ کافی عرصے سے کیا جا رہا تھا۔ نریندر مودی نے وزارت عظمیٰ سنبھالتے ہی سب سے پہلا کام فوج میں ‘ون رینک ون پنشن’ کا مطالبہ پورا کیا۔’ایک رینک، ایک پنشن’ پر اخراجات کے اعداد و شمار دیتے ہوئے، وزیر دفاع مسٹر سنگھ نے کہا کہ دفاع اور قوم کی خدمت کی قدر پیسے میں نہیں، عزت میں ہوتی ہے۔ جو بی جے پی حکومت نے وزیر اعظم نریندر مودی کے فیصلے سے کیا۔ انہوں نے کہا کہ وزیر اعظم مودی کو اتراکھنڈ سے خاص لگاؤ ہے۔
