ہندوستانی بحریہ کی پھرتی | ایرانی بحری جہاز پر سوار پاکستانی عملے کو طبی امداد فراہم

یواین آئی
نئی دہلی// ہندوستانی بحریہ نے بحیرہ عرب میں ایک پریشان کن کال کا جواب دیتے ہوئے ایک ایرانی ماہی گیری جہاز الرحمانی کو فوری طور پر طبی امداد فراہم کی جس میں عملے کے 20 اراکین سوار تھے اور جب اس کے عملے کا ایک رکن تقریبا ڈوب رہا تھا۔ہندوستانی بحریہ نے ہفتے کے روز ایک بیان میں کہا’’ایک پریشان کن کال کے فوری جواب میں، بحیرہ عرب میں بحری قزاقی کے خلاف کارروائیوں کے لیے تعینات مشن آئی این ایس سمیدھا نے ایک ایرانی ایف وی (20 پاکستانی عملے کے ساتھ) کو اہم طبی امداد فراہم کی‘‘۔بیان میں یہ بھی کہا گیا ہے ، ’’ پریشانی والی کال کا فوری جواب دیتے ہوئے آئی این ایس سمیدھا نے 30 اپریل کے اوائل میں ایف وی الرحمانی کو روکا۔ جہاز کی بورڈنگ ٹیم اور طبی ماہرین ایف وی پر سوار ہوئے اور عملے کے رکن کو طبی امداد فراہم کی، جسے سانس لینے میں دشواری کا سامنا تھا۔‘‘ طبی امداد فراہم کرنے کے بعد عملے کے رکن نے سکون محسوس کیا۔