عظمیٰ نیوز سروس
سمبل//منشیات سے متعلق آگاہی مہم کے ایک حصے کے طور پر فزیکل ایجوکیشن ڈیپارٹمنٹ گورنمنٹ ڈگری کالج سمبل نے اتوار کو ایک بیڈمنٹن چیمپئن شپ کا انعقاد کیا۔چیمپئن شپ کا افتتاح کالج پرنسپل شبینہ اقبال شال نے کیا جس نے منشیات کے استعمال سے نمٹنے کی اہمیت پر زور دیتے ہوئے صحت مند زندگی کو فروغ دینے کیلئے ایک پلیٹ فارم کے طور پر کام کیا۔طلباء سے بات چیت کرتے ہوئے پرنسپل نے انہیں کھیلوں میں حصہ لینے کی تلقین کی اور منشیات کی لعنت سے دور رہنے کیلئے کھیلوں کی اہمیت پر زور دیا۔ٹورنامنٹ میں سات ٹیموں میں تقسیم دو کھلاڑیوں پر مبنی ہر ٹیم کے ساتھ چودہ کھلاڑیوں نے حصہ لیا۔ کھلاڑی اپنی مہارت اور تکنیک دکھانے کیلئے پرجوش تھے۔
