عظمیٰ نیوز سروس
سرینگر//سرینگرضلعی انتظامیہ نے ڈسٹرکٹ ایمپلائمنٹ اینڈ کاؤنسلنگ سینٹر کے اشتراک سے منگل کو امر سنگھ کالج سری نگر میں ایک جاب فیئر کا کامیاب انعقاد کیا۔تقریب کا افتتاح ضلع ترقیاتی کمشنر ڈاکٹر بلال محی الدین نے کیا۔ڈی ڈی سی نے خود روزگار کے تئیں انتظامیہ کی وابستگی پر زور دیا اور اس طرح کے اقدامات کے ذریعے ملازمت کے متلاشیوں اور آجروں کے درمیان فاصلوں کو ختم کرنے پر زور دیا۔مالی سال 2023-24 میں مختلف خود روزگار اسکیموں کے ذریعے ایک لاکھ سے زائد نوجوانوں کو روزگار فراہم کیا گیا۔تقریباً 1200 رجسٹریشنوں نے نوجوانوں میں دلچسپی کی اعلی سطح کو اجاگر کیا۔ 21 کوموقع پر ملازمت کی پیشکشیں تقسیم کی گئیں، 452امیدواروں کو انٹرویو کے دوسرے دور کے لیے شارٹ لسٹ کیا گیا۔ ملازمت کے متلاشیوں کو متنوع صنعتوں کے آجروں کے ساتھ براہ راست مشغول ہونے کی اجازت دی، نیٹ ورکنگ کی سہولت اور فوری ملازمت کی جگہوں کا تعین کیا۔
