جموں شہر میں عوامی مقامات پر سیکورٹی میں غیر معمولی اضافہ

File Photo: Mir Imran

جموں// جی 20 ممالک کے ٹورازم ورکنگ گروپ کی تیسری میٹنگ سری نگر میں شروع ہوچکی ہے، جس کے پیشِ نظر جموں بس ٹرسٹینڈ سمیت شہر کے دیگر عوامی مقامات پر سیکورٹی کو بڑھا دیا گیا ہے۔
حکام نے بتایا کہ جموں شہر بھر میں چیک پوائنٹس قائم کیے گئے ہیں جہاں گاڑیوں کو روک کر تلاشی لی جا رہی ہے جبکہ بس ٹرمینلز پر لوگوں کی تلاشی کا عمل تیز کر دیا گیا ہے اور ان کے شناختی کارڈ چیک کئے جا رہے ہیں۔
انہوں نے بتایا کہ دراندازی کے خطرات کے بعد سرحدی اضلاع پر خصوصی توجہ مرکوز کرتے ہوئے پونچھ، کٹھوعہ، راجوری اور سانبہ اضلاع میں بھی سیکورٹی بڑھا دی گئی ہے۔
عہدیداروں نے کہا کہ اس تقریب کے پرامن اختتام کو یقینی بنانے کے لئے سخت حفاظتی انتظامات کئے گئے ہیں۔
تفصیلات کے مطابق، تقریباً 60 غیر ملکی مندوبین آج دن کے اوائل میں سری نگر پہنچے۔ اگست 2019 میں دفعہ 370 کی منسوخی اور سابقہ ریاست کو دو مرکز کے زیر انتظام علاقوں جموں و کشمیر اور لداخ میں تقسیم کرنے کے بعد جموں و کشمیر میں یہ پہلا بین الاقوامی اجلاس منعقد کیا جا رہا ہے۔