جموں وکشمیر میں برف و باراں؛ گلمرگ میں ایک فٹ سے زائد برف باری

سری نگر//سری نگر سمیت جموں وکشمیر کے بیشتر میدانی علاقوں میں بارش ہوئی جبکہ وادی کشمیر کے کچھ حصوں میں تازہ برف باری ہوئی، اسی دوران گلمرگ میں ایک فٹ سے زیادہ برفباری ہوئی۔
محکمہ موسمیات نے بتایا کہ وقفے وقفے سے ہلکی بارش اور برف باری کا سلسلہ دوپہر تک جاری رہنے کا امکان ہے جس کے بعد موسم میں بتدریج بہتری کی توقع ہے۔
محکمہ کے ایک عہدیدار نے بتایا کہ 7 اور 8 فروری کو موسم “جزوی طور پر ابر آلود” رہے گا۔ انہوں نے کہا کہ 9 سے 11 فروری تک کئی مقامات پر ہلکی سے درمیانی برف باری اور بارش متوقع ہے۔ تاہم،اگلے ایک ہفتے کے دوران “کسی بڑی برف باری” کی توقع نہیں ہے۔
انہوں نے کہا کہ گزشتہ 24 گھنٹوں میں آج صبح ساڑھے آٹھ بجے تک سری نگر میں 5.2 ملی میٹر، قاضی گنڈ میں 5.6 ملی میٹر، کوکرناگ میں 11.2 ملی میٹر، جموں میں 1 ملی میٹر، بانہال میں 9.0 ملی میٹر، بٹوت میں 9.2 سینٹی میٹر، کٹرہ میں 1.2 ملی میٹر اور بھدرواہ میں 3.6 ملی میٹر بارش ہوئی۔ گلمرگ میں (1.14 فٹ) برف باری، کپواڑہ 5 سینٹی میٹر اور پہلگام 2 سینٹی میٹر برفباری ہوئی۔
دریں اثنا، بادل چھائے رہنے کے درمیان، کم از کم درجہ حرارت میں مزید اضافہ ہوا ، جہاں سری نگر میں کم سے کم 1.8 ڈگری سینٹی گریڈ ریکارڈ کیا گیا، جو کہ گزشتہ رات کی طرح ہی تھا۔ انہوں نے کہا کہ آج کا کم از کم درجہ حرارت موسم گرما کے دارالحکومت کے لیے معمول سے 2.2 ڈگری سینٹی گریڈ زیادہ تھا۔
عہدیدار نے بتایا کہ قاضی گنڈ میں گزشتہ رات 0.4 ڈگری سینٹی گریڈ کے مقابلے میں منفی 1.6 ڈگری سینٹی گریڈ ریکارڈ کیا گیا اور کشمیر کے گیٹ وے ٹاون کے لیے یہ معمول سے 3.1 ڈگری سینٹی گریڈ زیادہ تھا۔
انہوں نے کہا کہ پہلگام میں گزشتہ رات منفی 5.4 ڈگری سینٹی گریڈ کے مقابلے میں منفی 0.2 ڈگری سینٹی گریڈ ریکارڈ کیا گیا اور جنوبی کشمیر کے اننت ناگ ضلع کے مشہور سیاحتی مقام کے لئے یہ معمول سے 6.0 ڈگری سینٹی گریڈ زیادہ تھا۔
عہدیداروں نے بتایا کہ کوکرناگ میں گزشتہ رات 0.0 ڈگری سینٹی گریڈ کے مقابلے میں منفی 1.1 ڈگری سینٹی گریڈ ریکارڈ کیا گیا اور یہ اس جگہ کے لئے معمول سے 3.1 ڈگری سینٹی گریڈ زیادہ تھا۔
انہوں نے کہا کہ گلمرگ میں گزشتہ رات منفی 6.4 ڈگری سینٹی گریڈ کے مقابلے میں کم سے کم 3.6 ڈگری سینٹی گریڈ ریکارڈ کیا گیا اور شمالی کشمیر کے بارہمولہ ضلع میں دنیا کے مشہور سیاحتی مقام کے لیے یہ معمول سے 3.1 ڈگری سینٹی گریڈ زیادہ تھا۔
کپوارہ قصبے میں، پارہ میں گراوٹ ریکارڈ کی گئی اور پچھلی رات کو 2.9 ڈگری سینٹی گریڈ کے مقابلے میں منفی 0.3 ڈگری سینٹی گریڈ تک گر گیا اور یہ شمالی کشمیر کے علاقے کے لئے معمول سے 1.7 ڈگری سینٹی گریڈ زیادہ تھا۔
جموں میں کم سے کم درجہ حرارت 11.9 ڈگری سینٹی گریڈ ریکارڈ کیا گیا جو گزشتہ رات 8.3 ڈگری سینٹی گریڈ تھا۔ انہوں نے کہا کہ یہ جموں و کشمیر کے سرمائی دارالحکومت کے لیے معمول سے 2.4 ڈگری سینٹی گریڈ زیادہ تھا۔
انہوں نے کہا کہ بانہال میں کم سے کم درجہ حرارت 4.2 ، بٹوت میں 3.1، کٹرہ میں 10.5 اور بھدرواہ میں 3.8ڈگری سینٹی گریڈ ریکارڈ کیا گیا۔
عہدیدار نے بتایا کہ لداخ کے لیہہ اور کرگل میں بالترتیب منفی 9.5 اور منفی 14.0 ڈگری سینٹی گریڈریکارڈ کیا گیا۔