مودی کی شبہاز شریف کو وزیرِ اعظم پاکستان کا حلف لینے پر مبارکباد

عظمیٰ ویب ڈیسک

نئی دہلی// وزیر اعظم نریندر مودی نے منگل کو شہباز شریف کو پاکستان کے وزیر اعظم کے عہدے کا حلف لینے پر مبارکباد پیش کی۔
ووٹوں میں دھاندلی کے الزامات کے درمیان غیر نتیجہ خیز انتخابات کے تقریباً ایک ماہ بعد، شہباز شریف نے پیر کو پاکستان کے وزیر اعظم کے طور پر حلف لیا، اور دوسری بار بحران سے دوچار ملک کی باگ ڈور سنبھالی۔
مودی نے ایکس پر ایک پوسٹ میں کہا، ” شہباز شریف کو پاکستان کے وزیر اعظم کے طور پر حلف لینے پر مبارکباد”۔
8 فروری کے انتخابات میں شریف کی پاکستان مسلم لیگ نواز (پی ایم ایل این) پارٹی دوسرے نمبر پر رہی۔ جیل میں بند سابق وزیراعظم عمران خان کی پاکستان تحریک انصاف (پی ٹی آئی) کے حمایت یافتہ آزاد امیدواروں نے سب سے زیادہ نشستیں حاصل کیں تاہم پارلیمنٹ میں اکثریت ثابت کرنے میں ناکام رہے۔