ڈی ایس ای کشمیر نے’جونیئرکلاسز کے ٹرم II امتحانات‘ مارچ میں منعقد کرانے کی تجویز پیش کی

سری نگر//ڈائریکٹر سکول ایجوکیشن کشمیر (ڈی ایس ای کے)، تصدق حسین میر نے جمعرات کو کہا کہ جونیئر کلاسز کے ٹرم II کا امتحان مارچ 2023میں منعقد کیا جائے گا۔
ایس کے آئی سی سی میں ایک تقریب کے موقع پر میڈیا کے نمائندوں سے بات کرتے ہوئے، ڈی ایس ای کے تصدق حسین میر نے کہا کہ انہوں نے اپنی تجویز حکومت کو بھیج دی ہے اور دو دن میں حتمی فیصلہ کر لیا جائے گا۔
انہوں نے کہا کہ اگر موسم سازگار رہا تو دسمبر تک موسم سرما کی تعطیلات نہیں ہوں گی اور تمام ایلیمنٹری کلاسز کے امتحانات مارچ میں ہوں گے۔ حتمی فیصلہ دو دن میں اعلان کر دیا جائے گا۔
واضح رہے کہ سکول ایجوکیشن ڈپارٹمنٹ (SED)جموں وکشمیر نے قبل ازیں موجودہ تعلیمی سیشن سے 10ویں سے 12ویں جماعت کے طلباء کے لیے مارچ کے امتحان کے سیشن میں منتقل کرنے کا حکم دیا تھا۔