الطاف بخاری نے ریٹائرڈ ایس ایس پی کے قتل کی مذمت کی

عظمیٰ ویب ڈیسک

سرینگر// جموں و کشمیر اپنی پارٹی کے صدر سید محمد الطاف بخاری نے اتوار کو شمالی کشمیر کے بارہمولہ میں ریٹائرڈ پولیس افسر کے قتل کی مذمت کی اور سوگوار خاندان سے دلی تعزیت کا اظہار کیا۔
ایکس پر اپنے ایک پیغام میں بخاری نے کہا ، “گانٹہ مولہ بارہمولہ میں ریٹائرڈ ایس ایس پی محمد شفیع میر کے بزدلانہ قتل کی مذمت کرتے ہیں۔ انتہائی غم اور دکھ کی اس گھڑی میں سابق پولیس افسر کے سوگوار خاندان کے ساتھ دلی تعزیت کرتا ہوں۔ محمد شفیع میر مرحوم کی روح کو دنیا آخرت میں سکون اور سکون نصیب ہو“۔
انہوں نے کہا، ”بزدلانہ کارروائی قاتلوں کے اصل رنگ دکھانے کیلئے جاری ہے کیونکہ مقتول کو اذان دیتے ہوئے گولی ماری گئی تھی۔ شرم آنی چاہیے ان لوگوں پر جو اب بھی محسوس کرتے ہیں کہ قاتل جہاد کر رہے ہیں“۔
بخاری نے مزید کہا،”قاتل قاتل ہوتے ہیں چاہے ان کا تعلق کسی بھی عقیدے سے ہو۔ اور ہمیں بحیثیت معاشرہ ایسی ہلاکتوں کے خلاف اٹھنے کی ضرورت ہے“۔