کشمیر میں خشک موسم کے درمیان درجہ حرارت معمول سے کم درج

سری نگر// اگلے 24 گھنٹوں میں بنیادی طور پر خشک موسم کی پیشین گوئی کے درمیان، جموں و کشمیر میں کم سے کم درجہ حرارت میں کمی ریکارڈ کی گئی ۔ اسی دوران پیر کو پہلگام اور گلمرگ میں پارہ صفر سے نیچے درج کیا گیا۔
محکمہ موسمیات کے ایک عہدیدار نے بتایا کہ سری نگر میں درجہ حرارت گزشتہ رات 5.7 ڈگری سینٹی گریڈ کے مقابلے میں کم سے کم 3.0 ڈگری سینٹی گریڈ ریکارڈ کیا گیا اور موسم گرما کے دارالحکومت کے لئے یہ معمول سے 3.1 ڈگری سینٹی گریڈ کم تھا۔
قاضی گنڈ میں درجہ حرارت گزشتہ رات 5.0 ڈگری سینٹی گریڈ کے مقابلے میں 2.1 ڈگری سینٹی گریڈ کا کم سے کم درجہ حرارت ریکارڈ کیا گیا اور کشمیر کے گیٹ وے ٹاون کے لئے یہ معمول سے 2.6 ڈگری سینٹی گریڈ کم تھا۔
انہوں نے کہا کہ پہلگام میں گزشتہ رات 2.0 ڈگری سینٹی گریڈ کے مقابلے میں 1 منفی .8 ڈگری سینٹی گریڈ ریکارڈ کیا گیا اور جنوبی کشمیر کے اننت ناگ ضلع کے مشہور سیاحتی مقام کے لیے یہ معمول سے 3.4 ڈگری سینٹی گریڈ کم تھا۔
حکام نے بتایا کہ کوکرناگ میں گزشتہ رات 4.1 ڈگری سینٹی گریڈ کے مقابلے میں کم سے کم 3.1 ڈگری سینٹی گریڈ ریکارڈ کیا گیا اور یہ اس جگہ کے لیے معمول سے 1.6 ڈگری سینٹی گریڈ زیادہ تھا۔
انہوں نے کہا کہ گزشتہ رات گلمرگ میں درجہ حرارت منفی 1.9 ڈگری سینٹی گریڈ کے مقابلے میں منفی 1.4 ڈگری سینٹی گریڈ ریکارڈ کیا گیا اور شمالی کشمیر کے بارہمولہ ضلع میں دنیا کے مشہورسیاحتی مقام کے لئے یہ معمول سے 1.1 ڈگری سینٹی گریڈ کم تھا۔
انہوں نے کہا کہ کپواڑہ قصبے میں پارہ گزشتہ رات 3.8 ڈگری سینٹی گریڈ کے مقابلے میں 1.6 ڈگری سینٹی گریڈ رہا اور شمالی کشمیر کے علاقے میں یہ معمول سے 2.9 ڈگری سینٹی گریڈ کم تھا۔
جموں میں کم سے کم درجہ حرارت 12.5 ڈگری سینٹی گریڈ ریکارڈ کیا گیا جو گزشتہ رات 11.9 ڈگری سینٹی گریڈ تھا۔ انہوں نے کہا کہ جموں و کشمیر کے سرمائی دارالحکومت کے لیے یہ معمول سے 4.1 ڈگری سینٹی گریڈ کم تھا۔
انہوں نے کہا کہ بانہال میں کم سے کم درجہ حرارت 3.8، بٹوت میں 6.1، کٹرہ میں 11.2 اور بھدرواہ میں 3.6ڈگری سینٹی گریڈ ریکارڈ کیا گیا۔
لداخ کے لیہہ اور کرگل میں درجہ حرارت بالترتیب منفی 3.8 ڈگری سینٹی گریڈ اور 2.0 ڈگری سینٹی گریڈ ریکارڈ کیا گیا۔