تازہ ترین

سری نگر میں دریائے جہلم سے 15 سالہ لڑکی کی لاش بر آمد

سری نگر// گرمائی دارلحکومت سری نگر کے پنزی نارہ علاقے میں بدھ کی صبح دریائے جہلم سے ایک 15 سالہ لڑکی کی لاش بر آمد کی گئی۔ سرکاری ذرائع نے بتایا کہ سری نگر کے پنزی نارہ علاقے میں بدھ کی صبح کچھ مقامی لوگوں نے ایک لاش کو تیرتے ہوئے دیکھا اور فوری طور پولیس کو اس کے متعلق مطلع کیا۔ انہوں نے بتایا کہ پولیس نے لاش کو دریائے سے بر آمد کرکے طبی و قانونی لوازمات کی ادائیگی کے لئے اپنی تحویل میں لے لیا۔  

این ایچ ایم اورآر ٹی سی ملازمین کی تنخواہیں واگزار کی جائیں: نیشنل کانفرنس

سرینگر//نیشنل کانفرنس کے ترجمان عمران نبی ڈار نے انتظامیہ سے اپیل کی ہے کہ ڈیلی ویجروں اور دیگر عارضی ملازمین کی تنخواہوں کو فوری طور پر واگزار کیا جائے۔ انہوں نے کہا کہ عارضی ملازمین کئی کئی مہینوں کی تنخواہوں سے محروم ہیںاور یہ طبقہ اس وقت کسمپرسی کی حالت میں زندگی بسر کررہا ہے۔ترجمان نے اس بات پر تشویش کا اظہار کیا کہ 8500کے قریب نیشنل ہیلتھ مشن ورکروں کی تنخواہیں بند پڑی ہیں ۔ انہوں نے کہا کہ یہ این ایچ ایم ورکر کورونا وائرس کی موجودہ صورتحال میں اپنی زندگیوں کو خطرے میں ڈال کر صف اول پر کام کررہے ہیں لیکن ان کی حوصلہ افزائی ہونے کے بجائے انہیں اپنے حق سے بھی محروم رکھا جارہا ہے۔ اس کے علاوہ ایس آر ٹی سی ملازمین کو بھی تنخواہیں واگذار نہیں کی گئی ہیں۔ ترجمان نے انتظامیہ سے اپیل کی کہ عید کے پیش نظر عارضی ملازمین کی تنخواہیں فوری طور پر واگذار کی جائیں اور مستقبل میں بھی اس بات کو

عید کی خوشیوں میں حاجت مندوں کو نہ بھولیں:جمعیت اہلحدیث/انجمن تبلیغ الاسلام

سرینگر//جمعیت اہلحدیث نے عید الفطر کے ایک مقدس موقع پرمبارکباد پیش کرتے ہوئے کہا ہے کہ عید کی خوشیوں میں ضرورتمندو ںاور حاجت مندوںکو کسی بھی صورت میں نہ بھولیں بلکہ عید کی خوشیوں میںانہیں بھی شامل کریں۔ایک بیان میں جمعیت نے کہا ہے کہ ہمارے قلوب جہا ں ایک جانب مسرتوں سے سرشار ہیں وہیں دوسری جانب اپنے گردو نواح میں درد و کرب کے مارے ہزاروں مصیبت کے ماروں کی آہ و بکا خون کے آنسوں رُلا رہی ہے۔ بیواؤں اوریتیموں کی لمبی قطاریں ہیں جن کی چیخ و پکار ہمارا سکھ چین چھین رہی ہیں۔ اس لئے ہم پر لازم ہے کہ عید کی مسرتوں میں ہم کسی بھی صورت میں ان کو نہ بھولیں اور عید کی خوشیوں میںانہیں بھی شامل کریں۔بیان کے مطابق جمعیت کے سبھی منصوبوں کی عمل آوری کے لئے اپنا روایتی اور مثالی تعاون قائم رکھئے۔ تعلیمی مراکز اور فلاہی و طبی اداروںکومضبوط بنانے کیلئے گرمجوشی سے تعاون کریں۔ادھر انجمن تبلیغ الاسلام کے

لائوڈا کی انہدامی کارروائی | سعدہ کدل میںکئی ڈھانچے منہدم

سرینگر//لیکس اینڈ واٹر ویز ڈیولپمنٹ اتھارٹی (لائوڈا)نے سعدہ کدل رنگر اسٹاپ علاقے میں انفورسمنٹ آفیسر عبد العزیز قادری کی نگرانی میںمنگل کوغیر قانونی تعمیرات کی انہدامی کارروائی عمل میں لائی جس میں پل کے قریب ایک زیر تعمیرڈھانچہ،سعدہ کدل میں ایک منزلہ مکان اور گرین بیلٹ ایریا میں دکانوں کیلئے PLinth کو مسمار کردیا گیا۔بیان کے مطابق خلاف ورزی کرنے والے لاک ڈاؤن کا فائدہ اٹھا رہے ہیں ۔ مسمار کرنے والی ٹیم کے ساتھ پی سی آر ایس کی طرف سے سیکورٹی فراہم کی گئی تھی۔ نیز رکھ آرتھ میں غیرقانونی طور زمین کی بھرائی کو جائے وقوع سے ہٹا دیا گیا۔  

ڈی جی جیل خانہ جات کا سینٹرل جیل سرینگر کا دورہ

 سرینگر//جموں و کشمیر کے ڈی جی پی جیل خانہ جات وی کے سنگھ نے منگل کو سینٹرل جیل سرینگر کا دورہ کیا اور وہاں کے کام کاج کا جائزہ لیا۔ڈی جی کو جانکاری دی گئی کہ اِس وقت سینٹرل جیل میں 635 قیدی ہیں جن میں 27 خواتین قیدی بھی شامل ہیں اور جیل میں کوئی کووِیڈ مثبت معاملہ موجود نہیں ہے۔ اس کے علاوہ یوٹی کی 13 جیلوں میں 4,572 قیدی ہیں جن میں سے 23 قیدی کووِیڈ مثبت ہیںجن کا علاج کیا جارہا ہے ۔انہیں مزیدجانکاری دی گئی کہ 219 قیدی جموں و کشمیر کی جیلوں میں قید ہیں کیو ں کہ نئے قیدیوں کو لازمی طور پرکووِیڈ۔19کی جانچ اور 14 دن کے لئے قرنطین سے گزرنا پڑتا ہے۔ڈی جی نے عملے کو ہدایت دی کہ وہ جیلوں میں کووِیڈ۔19 کے پھیلاؤ کو روکنے کے لئے وائرس سے متعلق تمام ضروری پروٹوکول اور ایس او پیز پر سختی سے عمل کریں۔    

کشمیر یونیورسٹی انڈر گریجویٹس داخلے کی تاریخ 20مئی تک بڑھا دی گئی

سرینگر //کشمیر یونیورسٹی نے انڈر گریجویٹس داخلے کی آخری تاریخ 20مئی تک بڑھا دی ہے۔ایک بیان کے مطابق فسٹ/سکنڈ سمسٹر(چوائس بیسڈ کریڈٹ سسٹم سکیم) کے تحت انڈر گریجویٹس سطح کے متعلقہ کالجز میں داخلے کی تاریخ میں 20مئی تک توسیع کی گئی ہے۔ دیگر معلومات متعلقہ کالجز نے پہلے ہی ایک نوٹیفکیشن میں مشتہر کی ہیں۔  

کشمیر یونیورسٹی کے اکیڈمک کونسلروں کی میٹنگ | معیاری تعلیم کی فراہمی میں کوئی سمجھوتہ نہیں ہوگا:پروفیسرشبیر

سرینگر//موجودہ عالمی وباء کوروناوائرس کی وجہ سے کشمیر یونیورسٹی کے ملتوی کئے گئے تمام امتحانات کو آن لائن منعقد کرنے کے فیصلے کے تناظر میں یونیورسٹی نے سنیچروار کو اکیڈمک کونسلرس کی آن لائن میٹنگ کااہتمام کیا۔میٹنگ کی صدارت اکیڈمک افیئرس کے ڈین پروفیسرشبیراحمدبٹ نے کی ،جس میں مرکزی کیمپس،سٹیلائٹ کیمپس اور پوسٹ گریجویٹ کالجوں کے 50سے زیادہ اکیڈمک کونسلرس نے حصہ لیا۔پروفیسر شبیر احمد بٹ نے آن لائن امتحانات میں طلبہ کی صد فیصد حاضری کواکیڈمک کونسلروں پرزوردیا۔انہوں نے کہا کہ آن لائن طور تدریس کے طریقے میں درس کے معیار پر کوئی سمجھوتہ نہیں ہوگا۔انہوں نے کہا کہ ہماراعزم ہے کہ ہمارے طلبہ کو معیاری تعلیم مہیاہو۔انہوں نے اکیڈمک کونسلروں کے کام کی تعریف کی اورکہا کہ ان کارول یونیورسٹی کمپس میں تعلیمی سرگرمیوں کیلئے اہم ہے۔اس موقعہ پر چیف کارڈنیٹر چوائس بیسڈکریڈٹ سسٹم ،پروفیسرمحمدشفیع نے نصا

حج ہائوس سرینگر 100بستروں والے کووڈ کیئر سینٹر میں تبدیل

 سرینگر// جموں و کشمیر حکومت نے سرینگر حج ہائوس کو آکسیجن سے لیس 100 بستروں والے کوویڈ کیئر سینٹر میں تبدیل کر دیا ہے ۔عارضی طور پر کوویڈ کیئر سینٹر میں تبدیل کئے جانے والے حج ہائوس میں متاثر مریض بھرتی ہونا بھی شروع ہو گئے ہیں۔ضلع مجسٹریٹ محمد اعجاز اسد نے ہفتے کو حج ہائوس کوویڈ سینٹر کا دورہ کرنے کے بعد نامہ نگاروں کو بتایا: 'لیفٹیننٹ گورنر کی ہدایت پر سرینگر سمیت پورے جموں و کشمیر میں بیڈوں کا اضافہ کیا جا رہا ہے ۔ ان کی ہدایت پر ہی کووڈ کیئر سینٹروں میں آکسیجن سے لیس بیڈوں کا انتظام کیا جا رہا ہے '۔ان کا مزید کہنا تھا: 'حج ہائوس میں ہم نے آکسیجن سے لیس 100 بیڈوں کا انتظام کیا ہے ۔ یہاں مریض بھی بھرتی کئے جا رہے ہیں۔ مزید جگہوں پر بھی ایسا ہی انتظام کیا جائے گا۔ اس کے علاوہ آکسیجن کنسنٹریٹرس اور سلنڈر حکومت فراہم کر رہی ہے '۔

آئی جی پی کا دورہ پائین شہر

 سرینگر//انسپکٹر جنرل پولیس کشمیروجے کمار نے جمعہ کو سیکورٹی صورتحال اور لاک ڈاؤن انتظامات کا جائزہ لیا۔آئی جی پی کشمیر نے جامع مسجد سرینگر ، درگاہ حضرت بل اور لالچوک کے کئی علاقوں کا دورہ کیا اور ان علاقوں کی سلامتی اور لاک ڈاؤن انتظامات کا جائزہ لیا۔دورے کے دوران ، آئی جی پی کشمیر نے افسران کو کورونا وائرس کے رہنما خطوط اور معیاری عملیاتی طریقہ کاروںپر سختی سے عمل درآمد کرانے کی ہدایت کی ۔ انہوں نے افسران کو تاکید کی کہ رہنما اصولوں اور ضوابط کی خلاف ورزی کرنے والوں کے خلاف سخت کارروائی کی جائے۔وجے کمار کے ہمراہ ایس ایس پی سری نگر سندیپ چودھری اور پولیس و سی آر پی ایف کے دیگر افسران تھے۔  

کورونا بحران:جامع مسجد سرینگر میں جمعتہ الوداع کی نماز اورشب قدر کی تقریب منسوخ

سرینگر//انجمن اوقاف جامع مسجد سرینگرنے جمعرات کو اپنے ایک بیان میں کہا کہ کوروناوائرس کی دوسری قہر انگیز لہر کے نتیجے میں کووڈ کیسز میں بے تحاشہ اضافہ اور اموات کی شرح میںآئے روز تشویشناک تیزی اور مسلسل لاک ڈاون کی وجہ سے جامع مسجد میں شب قدر اور جمعتہ الوداع کی نماز ، شب خوانی وغیرہ منسوخ کردی گئی ہے۔ بیان میں انجمن اوقاف نے عوام الناس پر زور دیا ہے کہ وہ ان مقدس اور متبرک تقریبات اور عشرئہ نجات کی خصوصی عبادات ، ذکر و اذکاراور دعا و مناجات اپنے اپنے گھروں میں ہی رہ کر انجام دیںاور اللہ تعالیٰ کے حضور انکساری اور عاجزی کے ساتھ اسکی رضا اور خوشنودی حاصل کرنے اور موجودہ عالمی وبا سے مکمل نجات کیلئے دعاﺅں کا اہتمام کریں۔ انجمن نے مسلمانوں سے تلقین کی کہ وہ عید الفطر سے قبل شرعی فریضہ صدقہ عید الفطر بھی ادا کرکے اپنے گردو پیش کے ضرورتمندوں ، غریبوں اور مسکینوں تک پہنچانے کی کوشش ک

لائوڈا کی انہدامی کارروائی | 3دکانوں سمیت 5ڈھانچے مسمار

سرینگر// ڈل جھیل اور اس کے گرد ونواح میں غیر قانونی تجاوزات ہٹانے کی مہم کو جاری رکھتے ہوئے لیکس اینڈ واٹر ویز ڈیو لپمنٹ اتھارٹی(لائوڈا ) نے کل نائو پورہ ،صدرہ بل ،باغوان پورہ لالبازار ،شالیمار اور تیل بل میں انہدامی کارروائی عمل میں لائی اور3کانوں ،ایک یکہ منزلہ مکان اور ایک ٹین شیڈ کو مسمار کیا۔لائوڈا کے ترجمان کا کہنا ہے کہ ان علاقوں میںچند خود غرض لوگوں نے کورونا وبا کی صورتحال کا فائدہ اٹھا کر یہ ناجائز تجاوزات کھڑا کی تھیں ۔لائوڈا حکام نے کہا ہے کہ قانون کی خلاف ورزی کرنے والوں کے خلاف کارروائی جاری رہے گی جبکہ ٹپر،آلورڈ کیر ئر ڈرائیوروں کو ہدایت دی گئی ہے کہ وہ اجازت کے بغیر تعمیراتی میٹرل ڈل اورنگین جھیل کے حدود میں نہ ڈالیں۔بصورت دیگر اْن کے خلاف کارروائی عمل میں لائی جائیگی۔    

کوئی کورونا کرفیو کی خلاف ورزی نہ کرے

سرینگر //ضلع حکام نے منگل کے روز سرینگر میں سول اور پولیس انتظامیہ کے ساتھ مل کر شہر میں کورونا کرفیو نافذ کرنے کے لئے سڑکوں پر سخت اقدامات نافذ کردیئے۔ڈپٹی کمشنر سرینگر ، محمد اعجاز نے کہا کہ سخت کورونا کرفیو نافذ کرنے کے لئے سول پولیس اور پولیس انتظامیہ سڑکوں پر موجود ہے تاکہ لوگ اس بات کو یقینی بنائیں کہ لوگ کرفیو ہدایات کی خلاف ورزی نہ کریں۔ضلع ترقیاتی افسر اعجاز اسد نے کہا‘‘میں لوگوں سے اپیل کرتا ہوں کہ وہ گھر میں ہی رہیں اور صرف انتہائی طبی ہنگامی صورتحال میں باہر آئیں، یہ ہمارے مفاد میں ہے کہ ٹرانسمیشن کے سلسلے کو توڑنا ہے اور اسی کے ساتھ ہمیں کوویڈ 19 سے متعلق تمام ایس او پیز پر عمل کرنے کی بھی ضرورت ہے‘‘۔انہوں نے یہ بھی کہا کہ متعدد گاڑیاں قبضے میں لے لی گئیں ہیں اور ایس ایس پی سری نگر خودنگرانی پر موجود ہیں تاکہ یہ یقینی بنایا جاسکے کہ کوئی بھی کرفیو

آکسیجن کنسنٹریٹربینک کووسعت | دارالخیر کی صاحب ثروت لوگوں سے امداد کی اپیل

سرینگر//دارالخیرگزشتہ سال قائم کئے گئے آکسیجن کنسنٹریٹربینک کو وسعت دے رہا ہے اور اس کیلئے اس نے ضرورت مندافراد کو اپنا نام وپتہ درج کرنے کو کہا ہے۔ایک بیان کے مطابق دارلخیر کی ایک ٹیلی میٹنگ میں کووِڈ معاملات میں اضافہ پرتشویش کااظہارکرتے ہوئے اس عزم کااظہار کیا گیا کہ کووِڈ سے متاثرہ افراد کی فوری مدد کیلئے آگے آنے کی ضرورت ہے۔میٹنگ میں کہا گیا کہ گزشتہ سال قائم کئے گئے آکسیجن کنسنٹریٹر بینک کووسعت دیناحالات کاتقاضا اور ناگزیر ہے۔چناچہ دارالخیر نے اس سلسلے میں ضرورت مندافراد کوآکسیجن کنسنٹریٹر کے حصول کیلئے اپنانام اور پتہ دارالخیر میں رجسٹر کرانے کو کہاہے اوراس کے لئے ہیلپ لائن نمبر   91-7006276109پررابطہ قائم کیاجاسکتا ہے۔بیان میں کہا گیا کہ چونکہ دارالخیر قدرتی آفات اور آگ سے متاثرہ افراد کے تئیں امدادی کاموں میں سرگرم عمل رہتا ہے۔ لہٰذا رمضان المبارک کے متبرک مہی

سرینگر میں 84گھنٹے طویل کورونا کرفیو کا آغاز

سرینگر//سرینگر میں حکام نے کورونا وائرس کے پھیلاو کو قابو کرنے کیلئے جمعہ کو عام لوگوں کی نقل و حرکت پر سخت پابندیاں عائد کیں۔ یہ پابندیاں پہلے ہی اعلان شدہ پروگرام کے مطابق عمل میں لائی گئیں اور ان کا اطلاق پیر کی صبح تک رہے گا۔ اطلاعات کے مطابق پولیس اور نیم فوجی اہلکار وں نے سبھی اہم سڑکوں پر رکاوٹیں کھڑی کی ہیں تاکہ گاڑیوں اور پیدل چلنے والے لوگوں کی نقل وحمل کو روکا جاسکے۔تاہم لازمی خدمات کو پابندیوں سے مستثنیٰ رکھا گیا ہے۔ آئی جی کشمیر وجے کمار نے گذشتہ روز ہی پولیس کو ہدایات دیں کہ ہیلتھ ورکروں اور صحافیوں کی نقل و حمل کو نہ روکا جائے۔ ضلع کمشنر سرینگر محمد اعجاز نے بھی لوگوں سے اپیل کر رکھی ہے کہ وہ بلا ضرورت باہر نہ نکلیں۔  

شالہ ٹینگ میں نوجوان کی لاش برآمد

سرینگر//سرینگر کے مضافات شالٹینگ میں 35 سالہ نوجوان کی لاش بدھ کے روز مشکوک حالات میں پائی گئی۔پولیس کے اعلیٰ حکام نے کشمیر عظمی کو بتایا کہ شالٹینگ علاقے میں  فیاض احمد بیگ ولد ولی محمد ساکنہ گلشن آباد حیدر پورہ سرینگر کی نعش مشکوک حالت میں پائی گئی۔ پولیس نے لاش اپنی تحویل میں لیکر جہلم ویلی ہسپتال بمنہ منتقل کی جہاں پوسٹ مارٹم اور قانونی لوازمات مکمل کرنے کے بعد نعش کو آخری رسومات کے لئے پسماندگان کے سپرد کردیا گیا۔پولیس نے معاملے کی نسبت دفعہ174 کے تحت تحقیقات شروع کردی۔  

کورونا بحران؛ جامع مسجد سرینگر میں تمام اجتماعی نمازیں معطل

سرینگر//انجمن اوقاف جامع مسجدسرینگر نے بدھ کو اعلان کیا کہ تاریخی جامع مسجد میں مہلک کورونا وائرس کے پھیلاو کے پیش نظر تمام اجتماعی نمازیں معطل رہیں گی۔ انجمن اوقاف جامع مسجدسرینگر کی طرف سے جاری ایک بیان میں کہا گیا کہ آج علی الصبح پولیس اہلکاروں نے جامع مسجد آکر انجمن کے عہدیداروں کو مطلع کیا کہ سرینگر میں دفعہ 144 نافذ العمل ہے اس لئے جامع مسجد میں تمام اجتماعی نمازیں معطل کی جائےں۔  انجمن بیان میں واضح کیا گیاکہ COVID-19 کے تیزی سے پھیلاو کے پیش نظراگرچہ جامع مسجد میں نماز کے دوران تمام ایس او پیز پر سختی سے عمل کیا جارہا تھا تاہم نمازیوں کی صحت و سلامتی اور حفاظت کیلئے جامع مسجدمیں تمام اجتماعی نمازوں کو فی الحال معطل کرنے کا فیصلہ لیا گیا ہے۔

سرینگر کے مضافات میں شہری کی لاش بر آمد

سرینگر//سرینگر کے مضافاتی علاقہ شالہ ٹینگ میں بدھ کو حیدر پورہ کے رہنے والے ایک شخص کی لاش بر آمد ہوئی۔ نیوز ایجنسی کے این او کے مطابق فیاض احمد بیگ ولد ولی محمد بیگ ساکن گلشن آباد حیدر پورہ کی لاش شالہ ٹینگ میں پائی گئی۔ لاش کو جے وی سی اسپتال بمنہ لیجایا گیا جہاں سے اسے لواحقین کے حوالے کیا جائے گا۔ دریں اثناءپولیس نے معاملے کی تحقیقات شروع کی ہے۔  

سرینگرضلع انتظامیہ کورونا کی موجودہ لہر سے نمٹنے کے لئے تیار ہے: ضلع کمشنر

سری نگر//ضلع مجسٹریٹ سری نگر اعجاز اسد نے لوگوں سے کورونا گائیڈ لائنز پر عمل کرنے کی اپیل کو دہراتے ہوئے کہا ہے کہ ضلع انتظامیہ کورونا کی موجودہ لہر سے نمٹنے کے لئے مکمل طور پر تیار ہے۔ انہوں نے کہا کہ موجودہ حالات میں گھبرانے کی نہیں بلکہ صبر و تحمل سے کام لے کر ایس او پیز پر عمل کرنے کی ضرورت ہے۔ ان کا کہنا تھا کہ دو دنوں کے اندر بستروں کی گنجائش 13 سو کے قریب بڑھا دی گئی ہے اور ضرورت پڑنے پر اس میں مزید اضافہ کیا جائے گا۔  

نٹی پورہ کے گلی کوچوں زیر آب

سرینگر//حالیہ بارشوں کے بعد نٹی پورہ سرینگر کی سڑکوں اور گلی کوچوں میں ابھی تک پانی جمع ہے جس کی وجہ سے لوگوں کو عبور و مرورمیں دقتوں کاسامنا کرنا پڑرہاہے۔نٹی پورہ گرین لینڈ آ زاد بستی میں دکانداروں اور عام لوگوں نے وہاں جمع بارشوں کے پانی کی نکاسی نہ ہونے کے خلاف احتجاج کرتے ہوئے کہا کہ یو ای ای ڈی ، سرینگر میونسپل کارپوریشن اور دیگرادارے فوری اقدامات کرنے میں ناکام رہے ۔انہوں نے کہا کہ حالیہ بارشوں کے بعد علاقہ کی سڑکوں اور گلی کوچوں میں پانی کی اس قدر بھاری مقدار جمع ہے کہ یہ سڑکیں ندی نالوں کا منظرپیش کررہی ہیں۔ہر بار کی طرح اس بار بھی بارشیں شروع ہونے کے ساتھ ہی علاقہ کی بیشترسڑکیں زیر آب آگئی ہیں جس کے نتیجے میں پید ل چلنے والوں کو سخت مراحل سے گزرنا پڑرہا ہے یہاں تک کہ علاقہ کا بجلی ٹرانسفا رمربھی چاروں طرف پانی کی زد میں آ چکا ہے۔ انہوںنے کہا کہ گلی کوچوں میں پانی موجود ہون

سرائے بالا کے گلی کوچے کھنڈرات میں تبدیل

سرینگر//شہر سرینگرکے بیشتر سڑکیںکھنڈرات میں تبدیل ہوگئی ہیں جس کے نتیجے میں لوگوں کوعبور و مرور میں گوناگوں مسائل کا سامنا ہے۔سرینگر کے مصروف بازار گونی کھن اور سرائے بالا کے اندرونی گلی کوچوں کی ناگفتہ بہ حالت کی وجہ سے لوگوں کوعبور و مرورمیں دقتوں کا سامنا کرنا پڑ رہا ہے۔سرائے بالا میں گزشتہ سال سیمنٹ ٹائلوں کا فرش بچھایا گیا تھا جو جگہ جگہ اکھڑ گیا ہے جس میں اکثر وبیشتر سکوٹر سوار اور راہگیر زخمی ہوجاتے ہیں۔تجارت پیشہ سے وابستہ افراد نے گورنر انتظامیہ سے مطالبہ کیا ہے کہ گلی کوچوں اور سڑکوں کی مرمت کیلئے اقدامات کئے جائیں ۔