تازہ ترین

سنٹرل یونیورسٹی طلبا کاپریس کالونی میں احتجاج | آن لائن امتحانات منعقد کرنے کا مطالبہ

سرینگر//سنٹرل یونیورسٹی کشمیر میں زیر تعلیم طلبا نے کل پریس کالونی میں ایک احتجاجی مظاہرہ کیا ہ جس میں طلبا ء موجودہ کوروناصورت حال کے پیش نظر آن لائن امتحانات منعقد کرنے کا مطالبہ کر رہے تھے ۔احتجاج میں شامل طلبا ء بیک لاگ پرچوں کے امتحانات کو آن لائن منعقد کرنے کا مطالبہ کر رہے تھے ۔انہوں نے کہا کہ حال ہی میں یونیورسٹی نے مختلف پرچوں کا ڈیٹ شیٹ نکالا ہے جس میں طلبا کو بتایا گیا تھا کہ امتحان آف لائن موڈ میں لیا جائے گا۔انہوں نے بتایا موجودہ صورتحال کے پیش نظر طلباء آف لائن امتحان میں طلبا کا شریک ہونا ان کے لئے انتہائی خطرہ ثابت ہو سکتا ہے۔احتجاجی طلبا کا کہنا تھا کہ جو طلبا ء بیرون ریاستوں سے تعلق رکھتے ہیں وہ بھی آف لائن امتحانات میں شریک نہیں ہو سکیں گے کیو نکہ انہیں یہاں پہلے قرنطین میںجانا پڑے گا۔طلبا ء کا یہ احتجاج سنٹرل یونیورسٹی سٹوڈنٹس فیڈریشن اینڈگلو بل پیپلز فاونڈیشن

سازگری پورہ حول میں آگ کی بھیانک واردات | 4 رہائشی مکانات راکھ کے ڈھیر میں تبدیل

 سرینگر// سازگری پورہ حول میں کل آگ کی ایک بھیانک واردات میں چار رہائشی مکانات تباہ ہوگئے ہیں جس کی وجہ سے مکانات میں موجود لاکھوں روپے کا سازوسامان راکھ کے ڈھیر میں تبدیل ہوچکا ہے ۔سازگری پورہ حول میںکل صبح ایک مکان سے اچانک آگ نمودار ہوئی جس نے آنا فانا دیگر کئی مکانوں کو بھی اپنی لپیٹ میں لے لیا ۔ آگ نمودار ہونے کے ساتھ ہی اگرچہ پولیس اور محکمہ فائر اینڈ ایمرجنسی عملہ جائے واردات پر پہنچا جہاں پر انہوںنے مقامی لوگوں کی مدد سے آگ کو مزید پھیلنے سے روک لیا تاہم چار مکانات آگ کی اس واردات میں مکمل طور پر تباہ ہوئے جن میںموجود تمام سازوسامان جس میں برتن، کپڑے، بستر، نقدی ، زیورات اور دیگر قیمتی اشیاء راکھ ہوگئی۔ آگ کی اس واردات میں کسی کے زخمی یا ہلاک ہونے کی کوئی اطلاع نہیں ہے ۔آگ کی اس واردات میں منظور احمد کشوولد غلام حسن کشو، فیروز احمد کشو ولد محمد یوسف، غلام محی الدین

بٹہ مالو میں ایس ایم سی کی خصوصی صفائی مہم

سرینگر//بٹہ مالو میں کل سرینگر میونسپل کارپوریشن کی جانب سے ایک خصوصی صفائی مہم شروع کی گئی جس دوران سڑکوں اور گلی کوچوں سے کوڑا کرکٹ جمع کیا گیا اور جراثیم کش ادویات کا چھڑکائو کیا گیا ۔وراڈ آفیسر مختار احمد خان کی نگرانی میں اس صفائی مہم میں وارڈ نمبر28بٹہ مالو کے فیلڈ سٹاپ نے حصہ لیا جبکہ اس موقعہ پر کونسلر شفقت احمد بھی موجود تھے۔میونسپل اہلکاروں نے سڑکوں ،چوراہوں ،گلی کوچوں اور کئی اہم جگہوں کی صفائی کی ۔مقامی لوگوں نے ایس ایم سی کی اس مہم کی سراہنا کی ہے۔  

کشمیر یونیورسٹی کے زیر اہتمام | 3روزہ قومی ویبناراختتام پذیر

سرینگر// کشمیر یونیورسٹی کے محکمہ سوشل ورک کے زیر اہتمام3روزہ قومی ویبنار سیریز کل اختتام پذیر ہوئی ۔کووڈ19 اور لاک ڈاون کے دوران معاشرتی مسائل پر سوموار کو شروع ہونے والی ویبنار سیریز کا افتتاح ڈین ریسرچ ، یونیورسٹی آف کشمیر پروفیسر شکیل احمد رومشو ،رجسٹرار ڈاکٹر نثار احمد میراورسکول آف   سوشل سائنسز کے ڈین پروفیسر بشیر احمد خان نے کیا۔ویبنار میں مقررین نے وبائی بیماری اور لاک ڈاؤن کے دوران گھریلو تشدد ، منشیات کی لت اور خودکشی کے واقعات میں غیر معمولی اضافے پر تشویش کا اظہار کیا اور ایسے مسائل کا شکار ہوئے لوگوں کی شناخت کرنے کی ضرورت پر زور دیا تاکہ ان مسائل کی انتباہی علامتوں کے بارے میںجانکاری مل سکے۔سیریز میں ملک بھر کے ریسرچ اسکالرز ، پی جی طلباء اور معاون پیشہ ور افراد کی ایک بڑی تعداد نے حصہ لیا۔  

کہنہ کھن میں آٹو سے شراب ضبط

سرینگر// ڈلگیٹ علاقے میں کہنہ کھن کے نزدیک پولیس نے ناکہ چیکنگ کے دوران غیر قانونی شراب کے45  بوتلیں ضبط کرکے ایک شخص کو گرفتار کر لیا ۔پولیس نے ناکہ چیکنگ کے دوران ایک آٹو زیرنمبر کو روک کر تلاشی لی اور شراب کی 45 بوتلیں برآمد کرکے ضبط کر لی۔پولیس نے منظور احمد شیخ ساکن بٹوارہ کو گرفتار کرکے پولیس اسٹیشن رام منشی باغ میں ایف آئی آر زیر نمبر  91/2020کے تحت کیس درج کیا۔  

۔15پروازوں میں2324مسافر سرینگر وارد

سرینگر////جموں وکشمیر یونین ٹریٹری میں گھریلو پروازوں کے دوبار ہ چالوہونے کے80واں دِن  2324مسافروں کو لے کر15 پروازیں کل سری نگر کے ہوائی اڈے پر اتریں۔واضح رہے کہ25؍ مئی سے اب تک سری نگر ائیر پورٹ پر1,016گھریلو پروازیںاتریں ہیں جن میں  1,31,907مسافروں نے سفر کیا ہے۔نیز جموں وکشمیر حکومت نے عالمی وَبا کے پیش نظر اَب تک متعدد ممالک سے تقریباً3,676 مسافروں کو خصوصی اِنخلأ پروازوں کے ذریعے جموںوکشمیر یوٹی میں واپس لایا ہے۔ہوائی اڈے پر اُترتے ہی تمام مسافروں کا کووِڈ۔19ٹیسٹ کیا گیا اوردونوں ہوائی اڈوں سے اَپنے منازل کی طرف تما م احتیاطی تدابیر پر عمل پیر ا رہ کر روانہ کئے گئے۔حکومت نے ہوائی پروازوں کے ذریعے یوٹی میں وارِد ہونے والے تمام مسافروں کی آمد سکریننگ نمونے لینے اور قرنطین مراکز کی طرف لے جانے کے لئے معقول ٹرانسپورٹ اِنتظامات کئے گئے ہیں اور اِس دوران مرکزی  شہری ہو

ماہر تعلیم آغااشرف کوخراج پیش

سری نگر//معروف ماہرتعلیم ،اسکالراوردانشورآغااشرف علی کویہاں ایک ویب نار میں خراج عقیدت پیش کیا گیا۔آغاشاہد علی رائٹرس کواپرئٹواور زراعت ٹائمز کے اشتراک سے منعقدہ اس ویب نار میں مقتدرشخصیات نے شرکت کی۔اس موقعہ پر تقریرکرتے ہوئے ڈاکٹراصغر سامون پرنسپل سیکریٹری تعلیم نے کہا کہ آغاصاحب ایک نڈراور بیباک شخصیت تھے جن کااندازبیان ہمارے ساتھ طویل وقت تک رہے گا۔انہوں نے کہا کہ ان کی پہلی اورآخری محبت تعلیم تھی اور ان کا مدعا خواندگی کو تعلیم میں بدلناتھاتاکہ سماج کافائدہ ہو۔انہوں نے کہا کہ وہ کشمیرکے گنے چنے دانشوروں میں تھے جن کا نظریہ اگر حقیقت میں بدلا جائے توانقلاب بپا ہوسکتا ہے۔سینئرایڈوکیٹ ظفر احمد شاہ نے اس موقعہ پرکہا کہ آغاصاحب ایک بے خوف آدمی تھے اور جو کچھ بھی کہناچاہتے تھے وہ بے خوف ہوکر کہتے۔انہوں نے کہا کہ سبھی لوگ وہ نہیں کہہ سکتے جو وہ کہنا چاہتے ہیں ۔انہوں نے کہا کہ تعلیم

آب گاہوں کی شماریات کا آغاز | ڈیٹا حاصل کرنے کیلئے تحصیلداروں میں موبائل فون تقسیم

سری نگر//فائنانشل کمشنر ڈاکٹرپھون کوتوا ل نے کل جموں و کشمیر کے اوّلین آب گاہوںکے سنس کا آغاز کیا۔تقریب میں ضلع سری نگر اور بڈگام کے ڈائریکٹر منصوبہ بندی اور تحصیلداروں نے شرکت کی۔اس موقعہ پرتحصیلداروں میں آب گاہوں سے متعلق آن لائن ڈیٹا حاصل کرنے کے لئے موبائل فون بھی تقسیم کئے گئے ۔آب گاہوں کے سننس میں آب گاہوں سے متعلق اہم جانکاری بشمول ان کی تعداد، رقبہ ، حالت ، استعمال ،  ذخیرہ کرنے کی صلاحیت سے متعلق جانکاری حاصل کی جائے گی۔ تاکہ ان سے متعلقہ صحیح اعداد و شمار جمع کی جاسکے جو ایک طرف مؤثر منصوبہ پالیسی سازی کے لئے اہم ہے اور دوسری طرف محققین کے لئے کار آمد جانکاری کے طور پر اِستعمال کی جاسکتی ہے۔آب گاہوں کے سنس کی نگرانی مرکزی وزارت برائے آبی ذخائر ، رِورل ڈیولپمنٹ اور گنگا کے احیائے نو کرے گی جبکہ کہ یوٹی سطح پر اس کام میں فائنانشل کمشنر کا دفتر شامل ہوگا۔ فائنانشل

ایچ ایم ٹی کا شہری 24جولائی سے لاپتہ | بازیابی کیلئے عوام سے تعاون طلب

سرینگر/سی این آئی ///سرینگر کے ایچ ایم ٹی علاقے سے 24جولائی کو گھر سے نکلنے کے بعد لاپتہ ہوا شہری ابھی تک گھر نہیں پہنچ گیا جس کے بعد افراد خانہ نے عوام سے اپیل کی ہے کہ اسکو ڈھونڈ نکالنے میں تعاون کریں ۔40سالہ غلام رسول وانی ولد غلام مصطفیٰ وانی ساکنہ خوشی پورہ ایچ ایم ٹی سرینگر 24جولائی کو گھر سے صبح کی سیر کو نکلا تاہم بعد میں گھر نہیں لوٹا جس کے بعد اگرچہ اہل خانہ نے مذکورہ شہری کو ڈھونڈ نکالنے کی ہر ممکن کوشش کی تاہم ابھی تک اس کا کہیں سے اتہ پتہ نہیںملا ہے ۔افراد خانہ نے ا س معاملے کی پولیس میں بھی رپورٹ درج کرائی ہے جبکہ انہوں نے عوام سے بھی اپیل کی ہے کہ مذکورہ شخص کے بارے میں اگر کسی کو کوئی علمیت ہو تو از رہ انسانیت افراد خانہ کو اس کی اطلاع دیں ۔ قابل ذکر ہے کہ لاپتہ ہونے والا شخص جموںکشمیر کے آئی پی ایل کھلاڑی منظور پانڈو کا قریبی راشتہ دار ہے ۔   

کلسٹر یونیورسٹی کی طلبہ کو راحت | بی ایڈ فارم جمع کرنے کی تاریخ میں توسیع

سرینگر//کورنا وائرس لاک ڈائون کے چلتے طلبہ کو راحت دیتے ہوئے کلسٹر یونیورسٹی سرینگر نے بی ایڈ کیلئے آن لائن فارم جمع کرنے کی تاریخ میں16اگست تک توسیع کی ہے۔ کلسٹر یونیورسٹی سرینگر کی جانب سے ایک حکمنامہ جاری کر دیا گیا ہے ۔کنٹرولر امتحانات کی جانب سے منگل کو ایک نوٹفکیشن جاری کی گئی۔نوٹفکیشن کے مطابق طالب علموں کو فی سبجکٹ مبلغ325روپے کی فیس ادا کرنی پڑے گی۔اس کے علاوہ طالب علموں سے کسی طرح کے بھی چارجز نہیں لئے جائیں گے۔ خیال رہے کہ یہ توسیع بی ایڈ کے 2019کے ریگولر بیچ، 2018-19کے بیک لاگ اور 2019کے دوسرے سمسٹر کے ایم ایڈ طالب علموں کیلئے کی گئی ہے۔  

حضرت خواجہ حبیب اللہ نوشہریؒکا عرس | نوشہرہ میں مختصر تقریب منعقد

سرینگر// وادی کے بلند پایہ ولی کامل حضرت خواجہ حبیب اللہ نوشہری کے 414ویں سالانہ عرس مبارک کے سلسلے اُن کے آستان عالیہ واقع نوشہرہ میں کووڈ19کے پیش نظر ایک مختصر اور سادہ تقریب کا انعقاد ہوا ۔جس میں عقیدتمدوں کی قلیل تعداد نے شرکت کی۔ جبکہ ایام معتبرک اور عرس پر ختمات المعظمات ، درود ازکار اور خاصکر مولود خوانی کی روح پرور مجلس کا انعقاد ہوا۔ مولود خوانی کی مجلس کی پیشوائی مولاناشوکت حسین کینگ قادری نے کی جبکہ تقریب کی صدارت پیرزادہ الحاج پیر غلام نبی فاروقی نے کی۔درگارہِ اکملیہ کے اور عطاریہ کے سجادہ نشین الحاج مقتدر کاملی نے بھی تقریب میں شرکت کی۔اس موقعے پر کووڈ 19سے نجات، جموں و کشمیر کے عوام کی فتح ونصرت اور رحمت بااراں کیلئے دعا کی گئی۔     

پانتہ چھوک میں بھنگ تباہ

سرینگر//منشیات کے خلاف اپنی کاروائی جاری رکھتے ہو ئے سرینگر پولیس نے محکمہ ایکسائز کے آفیسران کے ہمرا ہ  پانتہ چھوک علاقے میں بھنگ کی کاشت کو تباہ کیا ۔ ایس ایس پی سرینگر کی ہدایات پر پولیس نے ایس ڈی پی اوپانتہ چھوک کی سربرائی میں محکمہ ایکسائز کے آفیسران نے علاقہ میں پھیلی بھنگ تباہ کی ۔پولیس نے لوگوں سے بھنگ کو از خود ہٹانے کے لئے کہا ہے ۔   

عوامی مجلس عمل کاتنظیمی اراکین سے اظہار تعزیت

سرینگر// عوامی مجلس عمل نے تنظیم کے ایک سرگرم اور فعال رکن میر رضوان ساکن حول کی جواں سال ہمشیرہ، والدہ سہیل احمد اور عمر کالونی لالبازار کے صدر حلقہ محمد یوسف روشنگر کے برادر نسبتی نور محمد ملک ساکن عمر کالونی ، ڈاکٹر محمد شفیع سرما ساکن نوہٹہ کی اہلیہ اور غلام نبی چھینٹ ساز سکونت ملارٹہ کی اہلیہ کی وفات پر بھی صدمے کا اظہار کیا ہے۔انہوں نے غمزدہ خاندانوں کے ساتھ دلی تعزیت اور ہمدردیوں کا اظہار کرتے ہوئے مرحومین کو خراج عقیدت ادا کیا ہے۔  

۔16طیاروں میں2608مسافرسرینگر وارد

سرینگر//جموں وکشمیر یونین ٹریٹری میں گھریلو پروازوں کے دوبار ہ چالوہونے کے79واں دِن 2608مسافروں کو لے کر16 پروازیں کل سری نگر کے ہوائی اڈے پر اتریں۔واضح رہے کہ25؍ مئی سے اب تک سری نگر ائیر پورٹ پر1,001گھریلو پروازیںاتریں ہیں جن میں  1,29,583مسافروں نے سفر کیا ہے۔نیز جموں وکشمیر حکومت نے عالمی وَبا کے پیش نظر اَب تک متعدد ممالک سے تقریباً3,676مسافروں کو خصوصی انخلأ پروازوں کے ذریعے جموںوکشمیر یوٹی میں واپس لایا ہے۔ہوائی اڈے پر اُترتے ہی تمام مسافروں کا کووِڈ۔19ٹیسٹ کیا گیا اوردونوں ہوائی اڈوں سے  اپنے منازل کی طرف تما م احتیاطی تدابیر پر عمل پیر ا رہ کر روانہ کئے گئے۔حکومت نے ہوائی پروازوں کے ذریعے یوٹی میں وارِد ہونے والے تمام مسافروں کی آمد سکریننگ نمونے لینے اور قرنطین مراکز کی طرف لے جانے کے لئے معقول ٹرانسپورٹ اِنتظامات کئے گئے ہیں اور اِس دوران مرکزی  شہری ہوا باز

جنم اشٹمی پر تقریبات نہ ہوسکیں،زینہ دار محلہ سے جلوس نہیں نکالا گیا

سری نگر//یو این آئی //کورونا وبا اور اس کے پیش نظر نافذ لاک ڈاؤن کی وجہ سے وادی کشمیر میں منگل کے روز جنم اشٹمی کے موقع پر روایتی تقریبات منعقد نہ ہوسکیں۔تاہم عقیدت مندوں نے ایک ایک کر کے نزدیکی مندروں میں حاضر ہو کر انفرادی طور پر پوجا کی اور دعائیں مانگیں۔بتادیں کہ کرشنا جنم اشٹمی ہندوؤں کا ایک سالانہ تہوار ہے۔ اس دن کو وشنو کے آٹھویں اوتار کرشن بھگوان کے جنم دن کے طور پر منایا جاتا ہے۔زینہ دار محلہ حبہ کدل سری نگر میں واقع ایک مندر کے پجاری ایم ایل داس نے میڈیا کو بتایا کہ جب سے دفعہ 370 ہٹا تب سے ہم مشکلات میں ہیں۔انہوں نے کہا: 'جب سے دفعہ 370 ہٹا ہم تب سے مشکلات میں ہیں، یہاں کوئی نہیں آتا ہے، ہم یہاں پہلے جنم اشٹمی پر جلوس بھی نکالتے تھے'۔موصوف نے کہا کہ کورونا وبا ہمیں اپنے ہی گناہوں کی سزا ہے اگر ہم بھگوان کے اصولوں کو اپنائیں گے تو یہ سب ختم ہوگا۔ایک عقیدت مند نے

مشیرفاروق خان کا سرینگر میں عوامی دربار

 سر ی نگر//کل یہاں چرچ لین میں لیفٹیننٹ گورنر س گریوینس سیل میں درجنوں وفود او رافرادلیفٹیننٹ گورنر کے مشیر فاروق خان سے ملے ۔ انہیں اَپنے مسائل اور شکایات سے آگاہ کیا۔قریباً 40وَفود و اَفراد نے مشیر خان کو اپنے مسائل اور مانگوں سے آگاہ کر کے ان کے فوری ازالے کی مانگ کی۔ رہبر کھیل کے ایک وفد نے اُن کی ملازمتوں کو باقاعدہ بنانے اور دیگر اِلتوأ میں پڑے ملازمتوں کے معاملات کو فوری طور حل کرنے کی مانگ کی۔ نیشنل یوتھ کارپس ( این وائی کے)کے ایک وفد نے اُن کی تنخواہوں اور دیگر مراعات میں تبدیلی لانے کی مانگ کی۔ پولیس اَفسران کے ایک وفد کی تنخواہوں میں تفاوت کی مانگ کو ختم کرنے کی جبکہ بارہمولہ سے آئے سرپنچوں کے ایک وفد نے متعدد ترقیاتی مسائل مشیرموصوف کے گوش گذار کئے۔ اِسی طرح این آئی ایس کمیونٹی کوچس کے ایک وفد نے اِن کی ملازمتوں کو برقرار رکھنے اور تنخواہوں کو واگذار کرنے کی مانگ

مائسمہ میں آتشزدگی پر نیشنل کانفرنس رنجیدہ

سرینگر//نیشنل کانفرنس نے مائسمہ میں بھیانک آگ میں 6دکانیں اور دیگر املاک خاکستر ہونے پر گہرے صدمے کا اظہار کیا ہے ۔ پارٹی کے صوبائی صدر اور سابق ایم ایل اے امیرا کدل ناصر اسلم وانی نے متاثرین کیساتھ اظہارِ یکجہتی کرتے ہوئے ضلع انتظامیہ پر زور دیا کہ وہ دکانداروں کی بازآبادکاری جنگی بنیادوں پر عمل میں لائے۔ انہوں نے متاثرین کی مالی امداد کے علاوہ انہیں از سر نو اپنا کاروبار کھڑا کرنے کیلئے کم شرحوں پر آسان قرضہ جات فراہم کیا جائے ۔  

۔ 11،12،13اور 17اگست کو سرینگر،بڈگام کے کچھ علاقوں میں بجلی سپلائی متاثر رہے گی

 سرینگر// پاور کنٹرولر کشمیرکی اطلاع کے مطابق  33 کے وی کے منصوبے کے تحت سنگل کور کیبل بچھانے کا کام ہاتھ میں لیا جارہا ہے جس کے پیش 11،12،13اور 17اگست کوسرینگراوربڈگام کے کچھ علاقوں میں بجلی سپلائی متاثر رہے گی ۔ ریسوینگ اسٹیشن نارہ بل سنور کے تحت آنے والے علاقوں اور 33کے وی شریف آباد نارہ بل کے فیڈر 1کے تحت آنے والے علاقوں میں  11،13اور 17اگست کو صبح 9بجے سے شام5بجے تک بجلی سپلائی متاثر رہے گی ۔ادھر بڈگام میں ترسیلی لائینوں کی مرمت کے پیش نظر ماگام ریسوینگ اسٹیشن ،فیڈر نمبر1اور 2جبکہ سنور فیڈر نمبر1کے تحت آنے والے علاقوں میں 13اگست کوصبح10بجے سے شام 5بجے تک بجلی متاثر رہے گی ۔اسی طرح 33کے وی ریسوینگ اسٹیشن اور سٹالائٹ فیڈر نمبر3کے تحت آنے والے علاقوں میں 12اور13اگست کو صبح10بجے سے شام5بجے تک بجلی سپلائی متاثر رہے گی۔  

شکیل بٹ رہا

سری نگر// شکیل احمدبٹ جنہیں  دفعہ 370 کی منسوخی سے قبل 4 اگست 2019 کو گذشتہ سال گرفتار کیا گیا تھاکو الہ آباد جیل سے رہا گیا گیا۔اس عرصے میں شکیل بٹ کے بھائی غلام محمدبٹ 2 جون کو انتقال کرگئے۔ جیل سے رہائی پانے کے فوراً بعد شکیل بٹ سیدھے اپنے برادر کے قبرستان پر گئے جہاںاْنہوں نے اپنے بھائی کی فاتحہ خوانی کی۔    

مزید خبرں

۔15طیاروں میں 2274  مسافر سرینگر وارد  جموں//جموں وکشمیر یونین ٹریٹری میں گھریلو پروازوں کے دوبار ہ چالوہونے کے78واں دِن2274مسافروں کو لے کر15 پروازیں کل سری نگر کے ہوائی اڈے پر اتریں۔واضح رہے کہ25؍ مئی سے اب تک سری نگر ائیر پورٹ پر985گھریلو پروازیں  اتریں ہیں جن میں  1,26,975 مسافروں نے  سفر کیا ہے۔ نیز جموں وکشمیر  حکومت نے عالمی وَبا کے پیش نظر اَب تک متعدد ممالک سے تقریباً3,676مسافروں کو خصوصی انخلأ پروازوں کے ذریعے جموںوکشمیر یوٹی میں واپس لایا ہے۔ہوائی اڈے پر اُترتے ہی تمام مسافروں کا کووِڈ۔19ٹیسٹ کیا گیا اوردونوں ہوائی اڈوں سے  اپنے منازل کی طرف تما م احتیاطی تدابیر پر عمل پیر ا رہ کر روانہ کئے گئے۔حکومت نے ہوائی پروازوں کے ذریعے یوٹی میں وارِد ہونے والے تمام مسافروں کی آمد سکریننگ نمونے لینے اور قرنطین مراکز کی طرف لے جانے کے لئے معقول ٹ