تازہ ترین

دعا

ہے محبوب رب کو ادا مغفرت کی  قرینے سے مانگو دعا مغفرت کی  گناہوں میں ڈوبے الہی بہت ہیں  کرم کی نگہ ہو عطا مغفرت کی  بکثرت سوم ماہِ رمضاں کےعشرے  کرو رات دن التجا مغفرت کی  سیاہ دل ہوا ہے گناہوں سے یارب عطا ہو ذرا اب دوا مغفرت کی  مدینے کی پُر نور گلیوں میں مرنا مقدر میں لکھ دے فضا مغفرت کی کبھی ہاتھ خالی پلٹ کے نہ آیا ترے در پہ جو دے صدا مغفرت کی   کوئی آس عارفؔ کو باقی نہیں ہے  الٰہی تمہارے سوا مغفرت کی    جاوید عارف شوپیان کشمیر  موبائل نمبر;؛7006800298  

بدر کا میداں

چلے آجاؤ بتلاؤں گا تُم کو بدر کا میداں کہ اس بے مثل نُصرت کے ہے پیچھے رازکیا پنہاں ہُوا جو حُکم احمدؐ تو  یکایک آگئے سارے بسا اس قدر تھا اُن ؐکے دلوں میں جذبۂ ایماں ہُوئے رُخصت مدینہ سے رسولِ پاک ؐکے ہمراہ صحابہؐ تین سو تیرہ کہ جن پہ عرش ہے نازاں عزائم دیکھ کر اُن کے ہوئی حیرت ہے قُدرت کو اُنہی کی یاد میں نازل ہوا ہے  سورۂ قُرآں اُدھر بوجہل ، عُتبہ اور شیبہِ کبر میں سرمست اِدھر ذکرِ الٰہی میں محو تھے صاحبِ فُرقاں  سکینت ہوگئی نازل، فرشتے بن گئے حامی فلک سے اور برسایا خُدا نے رحمتِ باراں اُسی دن مل  گئے  چودہ نفوسِ پاکؐ رحمٰں سے خدا کے چاہنے والوں کا ہوتا ہے یہی ارماں فضائیں نعرۂ تکبیر سے جوں بدر کی گونجی پرستارِ ہُبل اور لات یکسر ہوگئے حیراں   طُفیل ؔ شفیع طالب علم گورنمنٹ میڈی

منقبت

منقبت در شان عظمت ورفعت ام المومنین زوجہ سرکار، راحت سرکار، حضور سرور کائنات جناب محمد رسول اللہ صل اللہ علیہ وسلم حضرت سیدہ عائشہ صدیقہ رضی اللہ عنہا بنت یار غار حضرت سیدنا صدیق اکبر رضی اللہ عنہ  طیبہ و طاہرہ سیدہ عائشہؓ زوجہ مصطفیٰؐ سیدہ عائشہؓ زاہدہ و عابدہ سیدہ عائشہؓ  چاہتِ مصطفیٰؐ سیدہ عائشہؓ نقش مہر و وفا سیدہ عائشہؓ نازِ صدق و صفا سیدہ عائشہؓ   جان صدیق اکبرؓکی ہیں بے گماں کون ہے باپ سا سیدہ عائشہؓ ہے بڑا مرتبہ اور مقام آپ کا آپ ہیں صادقہ سیدہ عائشہؓ راویہ آپ سچی حدیثوں کی ہیں  کون ہے آپ سا سیدہ عائشہؓ بنت صدیقؓ آرامِ جان نبیؐ خلق کی انتہا سیدہ عائشہؓ جانِ ارشد نثار آپ کے وصف پر صابرہ شاکرہ سیدہ عائشہؓ   محمد ارشد خان رضوی فیروزآبادی  

نعتِ رسولِ مقبولؐ

نورِ حق نورِ ہدایت نورِ عرفاں آپؐ ہیں سارے گم گشتہ دلوں کا دین وایماں آپؐ ہیں آپ کا ہمسر جہاں میں کوئی بھی انساں نہیں جس کا رب العالمین ہے خود ثنا خواں آپؐ ہیں آپ جیسا رہنما کوئی نہیں پیدا ہوا جان بھی کردے فدا جس پر مسلماں آپؐ ہیں آپ نے دنیا کو دکھلایا ہے سیدھا راستہ امت مرحومہ پر جس کا ہے احساں آپؐ ہیں حضرت صدّیق کو کافی ہے بس اُن کا رسول ان کے دین ودنیا کا سارا ہی ساماں آپؐ ہیں میرا حامی اور ناصر ہے خدائے ذو الجلال میرا ہادی اور رہبر ہے جو انساں آپؐ ہیں آپ کی مدح وثنا کے ہیں طریقے بے شمار شمسؔ جس کی ذات ہے تفسیر قرآں آپؐ ہیں   ڈاکٹر شمس کمال انجم صدر شعبۂ عربی باباغلام شاہ بادشاہ یونیورسٹی راجوری موبائل نمبر؛9086180380  

کـورونا

ہوگئی مسموم یارب کیسی یہ آب و ہوا چار سو پھیلا گئی کیسی کرونا کی وبا آرہا ہے اس کی زد میں دھیرے دھیرے یہ جہاں زد میں سارے لوگ ہیں بچے کیا پیروجواں جس بشر پر بھی کرونا کی ہوئی جب بھی پکڑ ابتدا سردی کھانسی کا ہے دِکھلاتا اثر سانس کی تکلیف کا انسان ہوتا ہے شکار سر سے پا تک آدمی پر زور دِکھلاتا بخار اس مرض سے آدمی جو بھی ہوا دو چار ہے زندگی پیرانہ سالوں کی ہوئی دشوار ہے اس سے بچنے کے معالج نے بتائے احتیاط آدمی سے آدمی کا کم سے کم ہو ارتباط چاہئے کرنا سینٹائزر کا اکثر استعمال باہری آب و ہوا سے بچنے کا ہووے خیال بھیڑ سے بچ کر ہر انسان کو چلنا چاہئے ماسک چہرے پر لگا کر ہی نکلنا چاہئے ہے یہ لازم تو بھی عادلؔ کر سدا ہی احتیاط ہے اگر بچنا مرض سے مضبوط کر انضباط   ڈاکٹر نصیر احمد عادل رابطہ؛کمہرولی،کمتول،

تجھ کو تیرا واسطہ میرے خدا

اے خدا میرے خدا میرے خدا دور کر دے یہ بلا میرے خدا کر دے منزل آشنا میرے خدا کھو گیا ہے راستہ میرے خدا رحم فرما اس وبا کی وجہ سے چھن گیا جینا مرا میرے خدا اس مرض کے جتنے بھی بیمار ہیں بخش دے سب کو شفا میرے خدا در گزر کر دے خطائیں میری  سب تجھ کو تیرا واسطہ میرے خدا کیا کرے وہ جس کا جیون آسرا اس وبا نے لے لیا میرے خدا میں بہت کمزور ہوں کیسے کروں مشکلوں کا سامنا میرے خدا موت منظر ہو چلی اس دنیا کو کر دے پھر ہستی نما میرے خدا   ذکی طارق بارہ بنکوی بارہ بنکی۔ یوپی، موبائل نمبر؛7007368108