اریکشن پمپ چالو نہ کرنے کا شاخسانہ | نارواو بارہمولہ میں دھان کی فصل تباہ

بارہمولہ// نارواور بارہولہ میں زرعی اراضی کی سینچائی نہ ہونے کی وجہ سے کئی کنال اراضی پر پھیلی دھان کی فصل تباہ ہوگئی ہے۔ لوگوں کاکہنا ہے کہ شیری پٹرول پمپ کے نزدیک زہو علاقے میں رات کے دوران شاہ کھاتہ اریگیشن پمپ کو چالو نہیں کیا جارہا ہے جس کے نتیجے میں اراضی کو پانی سپلائی برابر نہیں مل رہی ہے جس کے نتیجہ میں دھان کی فصل سوکھ گئی ہے ۔ایک مقامی شہری بلال احمد نے کشمیر عظمیٰ کو بتایا ہے کہ اگر پمپ کو رات کے دوران چالو نہیں کیا گیا تو ان کی سال بھر کی کمائی ضائع ہوگی ۔ مذکورہ شہری نے کہا کہ گر چہ انہوں نے کئی مرتبہ متعلقہ محکمہ کو اس معاملے کے بارے میں آگاہ کیا کوئی کارروائی نہیں کی گئی ۔ کسانوں نے گورنر انتظامیہ سے اس معاملے میں فوری طور پر مداخلت کرنے کی اپیل کی ہے۔ ادھر زوگیار کے زمینداروں کاکہناہے کہ محکمہ اریگیشن کی غفلت شعاری کی وجہ سے سینکڑوں کنال اراضی پر پھیلی دھان کی فصل تبا

لام برین میں پانی کی قلت کیخلاف احتجاج

سرینگر//لام برین نشاط میں پینے کے صاف پانی کی قلت کیخلاف خواتین نے مظاہرے کئے۔ زیارت سعید رحمان صاحب کے قریب متعدد خواتین جمع ہوئیں اور سڑک پر رکاوٹیں کھڑی کرکے محکمہ جل شکتی کے خلاف احتجاجی مظاہرے کئے۔مظاہرین کاکہناہے کہ پچھلے ایک ماہ سے لام برین میں پانی کی شدید قلت ہے جس کے سبب عوام کو سخت مشکلات کا سامنا کرنا پڑرہا ہے۔ مظاہرین نے کہاکہ انہوںنے کئی مرتبہ محکمہ جل شکتی کے عملہ سے پانی کی قلت کے بارے میں آگاہ کیا لیکن کوئی ٹھوس کارروائی نہیں کی گئی جس کے نتیجہ میں وہ سڑکوں پر احتجاج کرنے کیلئے مجبور ہوگئے۔ ایس ایچ او او نشاط نے مظاہرین کو یقین دہانی کرائی کہ پانی کی عدم دستیابی کو حل کرنے کیلئے متعلقہ محکمہ کو آگاہ کیاجائیگا جسکے بعد خواتین پُرامن طور پر منتشر ہوئیں۔  

پی ایچ سی بونیار میں پانی کی شدید قلت | طبی عملہ،بیمار اور تیمارداربرہم

اوڑی//پرائمری ہیلتھ سنٹر بونیار میں پانی کی شدید قلت کی وجہ سے طبی عملے اور مریضوں کو سخت مشکلات کا سامنا کر نا پڑ رہا ہے۔اسپتال میں تعینات عملے کے مطابق گزشتہ ایک ماہ سے اسپتال میں شدید پانی کی شدید قلت پائی جا رہی ہے اور محکمہ جل شکتی کوئی کارروائی نہیں کر رہا ہے۔کووڈ-19 کے پیش نظر اسپتال میں تعینات عملے اور مریضوں کے ساتھ آئے لوگوں کو نزدیکی نالوں سے پانی لانا پڑتا ہے۔ عملہ اورمریضوں کاالزام ہے کہ ہسپتال کے بیت الخلاء بھی پانی کے بغیر گندے پڑے ہیں۔متعلقہ محکمہ کے ایک آفیسر نے بتایا کہ خشک سالی کی وجہ سے پانی میں کمی ہوئی ہے تا ہم پی ایچ سی بونیار میں آج پانی بحال کیا گیا۔  

شیری بارہمولہ اور ٹنگمرگ میں جوتے کی دکان اور لکڑی کاکارخانہ خاکستر

 بارہمولہ // شیری نارواو بارہمولہ اور ٹنگمرگ میں آگ کے واقعات میں جوتے کادکان اور لکڑی کاکارخانہ خاکستر ہوگیا ۔ شیری مین مارکیٹ میں جمعرات کو دوران شب ارشاد احمد بٹ کے ’بٹ برردرس ‘ جوتے کی دکان سے اچانک آگ نمودار ہوئی جس نے دیکھتے ہی دیکھتے دوکان کو اپنی لپیٹ میں لے لیا ۔ لوگوںاور فائر سروس عملہ نے آگ پر قابو پالیا۔ آتشزدگی میں لاکھوں روپے مالیت کے جوتے جل گئے۔ شیری پولیس تھانہ میں اس ضمن میں کیس درج کیاگیا ہے اور آگ کی وجہ شارٹ سرکٹ بتائی جارہی ہے۔ ادھررتنی پورہ ٹنگمرگ میں نماز جمعہ کے وقت محمد ایوب میر ولد غلام محمد میر کے لکڑی کے کارخانہ میں اچانک آگ نمودار ہوئی جس سے کارخانہ اور مزید دو رہائشی کمرے خاکستر ہوگئے ۔فائر سروس ٹنگمرگ اور مقامی لوگوں کی بر وقت کاروائی سے آگ پر فوری قابو پایا لیا گیا۔  

اولڈ ائر پورٹ میں فوجی اہلکار کی کود کشی

سرینگر//سرینگرسے متصل رنگریٹ علاقے میں جمعہ کی صبح ایک فوجی اہلکار نے مبینہ طور پر خود کشی کر کے اپنا کام تمام کر دیا۔ اولڈ ایئر پورٹ رنگریٹ میں ایک فوجی اہلکار لانس نائیک اوم پرکاش  نے دوران ڈیوٹی اپنی سروس رائفل کا استعمال کر کے خود پر گولی چلائی اور زندگی کا خاتمہ کردیا۔پولیس نے اس سلسلے میں کارروائی شروع کی ہے۔  

پولیس پر حملے کے بعدشہر میں سیکورٹی بڑھا دی گئی

سرینگر//نوگام حملے کے بعدوادی میں15اگست کے پیش نظر سیکورٹی کو مزید سخت کیا گیا ہے،جبکہ اہم مقامات کے گردو نواح میں سیکورٹی میں اضافہ کیا گیا ہے۔ نوگام میں جنگجویانہ حملے کے بعد سرینگر سمیت وادی کے دیگر علاقوں میں سیکورٹی کو مزید متحرک کیا گیا اور گاڑیوں کی چیکنگ کا سلسلہ تیز کیا گیا۔آئی جی کشمیر کا کہنا ہے کہ ایجنسیوں کو یہ معلومات ملی ہے کہ جنگجو کسی بھی جگہ حملہ کرسکتے ہیں۔شہر میں جگہ جگہ ناکے لگائے گئے اور راہگیروں و گاڑیوں کی چکینگ کی گئی۔ لال چوک کو پہلے ہی سیل کیا گیا ہے جبکہ جمعہ کو شہر سرینگر میں ہر طرح کے کاروباری و تجارتی مراکز بند تھے، گاڑیاں بہت کم دیکھی گئیں۔ وادی میں15 اگست کے حوالے سے بڑی اور مرکزی تقریب سونہ وار کے کرکٹ اسٹیڈیم میں منعقد ہوگی،جہاں لیفٹیننٹ گورنر منوج سنہا پرچم کشائی کریں گے جبکہ مارچ پاسٹ پر سلامی لینگے۔ کرکٹ اسٹیڈیم کو فوجی چھانی میں تبدیل کر دیا گیا

۔15 اگست کے موقعہ پر لیفٹینٹ گورنر کی عوام کو مبارکباد | ’جموں وکشمیر کے عوام نے مذہبی بنیادوں پر تقسیم کی کوششوں کو مسترد کردیا‘

سرینگر//15اگست کے موقعہ پر جموں کشمیرکے لیفٹینٹ گورنر منوج سنہا نے عوام کو مبار کباد پیش کرتے ہوئے کہا ہے کہ بھارت کو بیرونی ظلم سے نجات دلانے کیلئے ان گنت مجاہدین آزادی نے قربانیاں دی ہیں ۔یہ دن ہمیں ان کی عظیم قربانیوں اور جدوجہد کو یاد کرنے کاموقعہ فراہم کرتا ہے ۔ انہوں نے کہا کہ جموں کشمیر ہمیشہ سے ہی بھارت کاسماجی،تہذیبی،روحانی اورسیاسی لحاظ سے اٹوٹ حصہ رہا ہے۔انہوں نے کہا کہ جموں کشمیرمیں ہرمذہب اورروایت کوگلے لگایا ہے۔انہوں نے کہا کہ اگرچہ اس تہذیبی گہوارے کو متعددحملوں کا سامنا کرناپڑالیکن کوئی اس کومٹانے میں کامیاب نہ ہوا۔انہوں نے کہا کہ مہاتماگاندھی کاعدم تشدد کافلسفہ بھارت کی آزادی کی تحریک کامشعل راہ تھااورعدم تشدد کے یہ اصول جموں کشمیر کے شناخت کے ساتھ مطابقت رکھتے تھے۔انہوں نے کہا کہ ملک کے بٹوارے کے ذمہ دار لوگوں نے اس دھرتی کو بھی مذہبی بنیادوں پر تقسیم کرنے کی کوشش ک

وزیراعظم ترقیاتی پیکیج | مشیر بصیر خان نے سیاحتی پروجیکٹوں کے کام کا جائیزہ لیا

سرینگر//لفٹینٹ گورنر کے مشیر بصیر احمد خان نے جموں کشمیر میں وزیر اعظم ترقیاتی پیکیج ( پی ایم ڈی پی ) کے تحت محکمہ سیاحت کے مختلف پروجیکٹوں پر جاری کام کی پیش رفت کا جائیزہ لینے کیلئے میٹنگ طلب کی ۔   دوران میٹنگ مشیر نے پی ایم ڈی پی کے تحت محکمہ سیاحت کے مکمل کئے گئے اور جاری پروجیکٹوں کا مفصل جائیزہ لیا ۔ مشیر نے متعلقہ حکام کو پی ایم ڈی پی کے تحت جاری پروجیکٹوں کے کام میں سرعت لانے کیلئے آپس میں قریبی تال میل قائم کرنے کیلئے کہا ۔ انہوں نے مکمل کئے گئے پروجیکٹوں کی تکمیلی اسناد بھی پیش کرنے کیلئے کہا ۔ اس کے علاوہ افسروں کو متعلقہ حکام کو یوٹیلائیزیشن سرٹیفکیٹ بروقت پیش کرنے کی بھی ہدایت دی گئی ۔ مشیر نے متعلقہ سی ای اوز کو اُن کے علاقوں میں جاری پروجیکٹوں سے متعلق ہفتہ وار رپورٹ پیش کرنے کی ہدایت دیتے ہوئے رُکے پڑے پروجیکٹوں کی تکمیل میں درپیش رکاوٹوں کو دور کر کے اُن پر

ترال میں 2نوجوان گرفتار | جنگجوئوں کے معاونت کار ہونے کاالزام

ترال //اونتی پورہ پولیس اورسیکورٹی فورس نے مشترکہ کارروائی کے دوران ترال علاقے سے تعلق رکھنے  والے دو نوجوانوں کو گرفتار کیا ہے جن پر الزام ہے کہ وہ ایک جنگجو تنظیم کیلئے بالائے سطح پر کام کرتے تھے۔پولیس کا کہنا ہے کہ گرفتارکئے گئے معاونت کاروں میں ریاض احمد بٹ ساکن عمر آباد ترال اور محمد عمر تانترے ساکن آری پل ترالشامل ہیں۔ان کے قبضے سے قابل اعتراض مواد سمیت گولہ بارود بھی برآمد  کرنیکا دعویٰ کیا گیا ہے ۔ پولیس نے مزید کہا ہے کہ یہ دونوں معاونت کار جیش محمد کے جنگجوئوںکو ترال اور اونتی پورہ علاقے میں مدد ،ساز و سامان کے علاوہ گولہ بارود کو ایک جگہ سے دوسری جگہ منتقل کرنے میں اہم کردار ادا کرتے تھے ۔تھانہ پولیس ترال نے اس سلسلے میں کیس زیر ایف آئی آرنمبر72/2020 درج کرکے اس سلسلے میں مذید تحقیقات شروع کردی۔  

کیرن میں ہند پاک افواج کے درمیان گولہ باری

کپوارہ// کپوارہ کے کیرن سیکٹر میں ہندپاک افواج کے درمیان گولہ باری کاتبادلہ ہواجس کے نتیجے میںکرالہ پورہ لیکر رامحال تک لوگو ں میں زبر دست خوف و ہراس پھیل گیا ۔کیرن سیکٹر میں شام دیر گئے رات10بجے ہند و پاک افواج نے جنگ بندی معاہدے کی خلاف ورزی کے دوران ایک دوسرے کی چوکیو ں کو نشانہ بنایا۔گولہ باری کی وجہ سے کیرن کے لوگ گھرو ںمیں سہم کر رہ گئے اور اپنے مکانوں کے نچلی منزلو ں میں پناہ لی ۔مقامی لوگو ں کا کہنا ہے گولہ باری رات کے دوران ہوئی جس کے باعث وہ کمیو نٹی زیر زمین بینکرو ںمیں پناہ نہ لے سکے۔مقامی لوگو ں نے ایک مرتبہ پھر سرکار سے مطالبہ کیا کہ وہ کیرن میں ہر کنبہ کو منفرد زیر زمین بینکر دینے کو منظوری دیں تاکہ دوران شب وہ ان بینکرو ں میں پناہ لے سکے  ۔گولہ باری کا دائر اس قدر بڑھ گیا کہ پنزگام کرالہ پورہ اور درنگیاری چوکی بل کے فوجی کیمپو ں سے توپو ں کے گولہ داغے گئے جس کے نیت

۔10ویں اور12ویں جماعتوں کاامتحان | محکمہ تعلیم کا نصاب میں 30فیصد کمی کرنے کا علان

سرینگر //جموں وکشمیر حکومت نے بورڈ آف سکول ایجوکیشن  کے زیر اہتمام ہونے والے آئندہ سالانہ دسویں اور بارہویں جماعتوں کے نصاب میں 30فیصد کی کمی کر دی ہے۔ حکام کا کہنا ہے کشمیر اور سرمائی زون جموں کے طلباء جو سالانہ امتحان میں شرکت کریں گے ان سے صرف 70 فیصد سوالات کرنے کو کہا جائے گااور اس کو 100فیصد سمجھا جائے گا ۔ پرنسپل سکریٹری اسکول ایجوکیشن اصغر  سامون نے بتایا ،’’ہاں ، ہم نے دسویں ،11 ویں اور بارہویں جماعت کے نصاب کو کم کرکے صرف 70 فیصد کردیا ہے‘‘۔یہ فیصلہ کوویڈ 19 لاک ڈاؤن اور کوویڈ 19 وبائی امراض کے پیش نظر لیا گیا ہے کیونکہ مارچ سے لاک ڈائون لگنے کے بعد جموں وکشمیر میں سکول مسلسل بند پڑے ہیں۔اس سلسلے میں اصغر سامو ن نے بھی ایک ٹویٹ کیا ہے۔ حال ہی میں کشمیر عظمیٰ نے اس حوالے سے ایک خبر بھی شائع کی تھی جس میں یہ کہا گیا تھا کہ  نصاب میں کمی

گوشہ بگ پٹن میں تلاشی کاروائی

  بارہمولہ//شمالی قصبہ  پٹن کے گوشہ بگ علاقے میں جمعہ کے روز فورسز نے تلاشی کاروائی انجام دی۔ ذرائع کے مطابق فورسز کو ایک مصدقہ اطلاع تھی کہ گوشہ بگ علاقے میں کچھ جنگجو چھپے بیٹھے ہیں جس کے بعد فوج کی  29 آر آر، ایس او جی  اور سی آر پی ایف کی مشترکہ ٹیم نے  پورے علاقے کو محاصرے میں لیکر تلاشی کاروائی انجام دی جبکہ علاقے کی طرف تمام آنے جانے والے راستوں کو سیل کردیا گیا تھا۔ آخری اطلاعات ملنے تک فورسز کو وہاں سے کوئی جنگجونہیں ملا۔  

مزید خبرں

انتہا پسندی ناقابل قبول :اپنی پارٹی |  مہلوک پولیس اہلکاروں کے لواحقین سے اظہار یکجہتی سرینگر//’ اپنی پارٹی‘ نے جمعہ کے روز نوگام میں جنگجویانہ حملہ میں دو پولیس اہلکاروں اشفاق احمد اور فیاض احمد کی ہلاکت اور متعدد کے زخمی ہونے کے واقعہ کی کڑے لفظوں میں مذمت کی ہے۔ ایک بیان میں پارٹی ترجمان نے حملے کو غیر انسانی حرکت قرار دیتے ہوئے کہاکہ تشدد کوئی حل نہیں بلکہ ایک بہت بڑی رکاوٹ ہے اور اِس سے نفرت پھیلتی ہے ۔ترجمان نے مزید کہا کہ کسی بھی مہذب معاشرے میں سیاسی ، نظریاتی یا مذہبی محرکات سے قطع نظرتشدد وانتہا پسندی ناقابل قبول ہے۔ترجمان نے کہا کہ یہ انتہائی بدقسمتی اور دل دہلادینے والی بات ہے کہ کشمیر بے حس تشدد کے ہاتھوں قیمتی جانیں گنوا رہا ہے جس نے صرف پچھلے کئی سالوں میں عوام کی مشکلات میں کئی گناہ اضافہ کیا ہے۔حملہ میں مارے گئے اہلکاروں کے اہل خانہ سے اظہارِ یکجہت

بصیر خان کی عوامی رابطہ مہم

 سرینگر//لیفٹیننٹ گورنر کے مشیر بصیر احمد خان نے چاڈورہ میں عوام تک رسائی کے پروگرام کے دوران درجنوں عوامی وفود اورافراد سے ملے جنہوں نے انہیں اپنی مانگوں اور مسائل سے آگاہ کیا۔ضلع کے دورے کے دوران مشیر نے چاڈورہ بلاک میں ایم جی نریگا کے تحت جاری کاموں کا معائنہ کیا او رمتعلقہ افسروں کو کام کی رفتار میں سرعت لاکر بروقت مکمل کرنے کے لئے کہا۔ عوام تک رسائی کے پروگرام کے دوران مشیر موصوف سے متعدد وفود ملے جنہوںنے اپنی مانگیں اور مسائل سے ان کے گوش گزار کئے۔عوام تک رسائی کے پروگرام کے دوران مشیر نے متعلقہ افسران کو زیر تعمیر پروجیکٹوں کی رفتار میں سرعت لانے اور مقامی آبادی کے ساتھ قریبی رابطہ قائم رکھنے کی ہدایت دی تاکہ ان کی شکایات کا ازالہ فوری طور یقینی بنایا جاسکے۔اس موقع پر ڈپٹی کمشنر بڈگام شہباز احمد مرزا ، ناظم دیہی ترقی کشمیر قاضی سرور دیگر متعلقین کے علاوہ مختلف محکموں کے ض

شکایات کا ازالہ کرنے کیلئے طریقہ کار مستحکم

سرینگر//عوام کی جانکاری کیلئے کہا گیا ہے کہ لیفٹیننٹ گورنر کے مشیر راجیو رائے بھٹناگر نے عوام کے جائز مسائل کا مقررہ مدت کے اندر ازالہ کرنے کے لئے شکایتی ازالہ میکانز م کو مستحکم بنایا ہے ۔ عوا م سے کہا گیا ہے کہ وہ صحت ، طبی تعلیم ، تعمیراتِ عامہ ، جل شکتی ( صحت عامہ، آبپاشی و فلڈکنٹرول)، ٹرانسپورٹ ، پشو و بھیڑ پالن اور حفاظتی معاملات کے محکموں سے متعلق شکایات فون نمبرات صوبہ کشمیر کے لئے 01942506499  اور جموں صوبہ کے لئے01912542363سومو ار سے جمعہ تک صبح10بجے شام 5 بجے تک درج کراسکتے ہیں۔لوگوں کو مزید جانکاری دی گئی کہ وہ اپنی شکایات بذریعہ سوشل میڈیا ویٹس ایپ نمبر +919419670631 اور ٹویٹر ہینڈ ل@AdvisorBJKGovt. کے ٹویٹر پر بھی بھیج سکتے ہیں ۔ لوگوں کو مزید کہا ہے کہ اپنی شکایات اور مسائل بذریعہ ای میل advisorbgrievancecell@gmail.com.  پر بھیج سکتے ہیں۔واضح رہے کہ یہ قدم عوا

کچ نمبل چھترگل رابطہ سڑک کھنڈرات میں تبدیل

گاندربل//ضلع گاندربل میں چھوٹی بڑی بیشتر رابطہ سڑکیں کھنڈرات میں تبدیل ہوگئی ہیں۔ کچ نمبل سے چھتر گل 2 کلومیٹر رابطہ سڑک جگہ جگہ اکھڑ جانے سے ناقابل آمدورفت ہے۔ مقامی آبادی کے مطابق برسوںسے اس رابطہ سڑک کی مرمت نہیں کی گئی ہے ۔سڑک سے  میکڈم مکمل طور پر اکھڑ چکا ہے جس کے نتیجے میں سڑک پر بڑے بڑے کھڈ بن چکے ہیں اور اب اس پر سفر کرنا وبال جان بنا ہوا ہے۔مقامی شہری منظور احمد نے بتایا ــ’’سڑک اس قدر خستہ ہے کہ ہماری ذاتی گاڑیوں کو ہفتہ میں ایک مرتبہ ورکشاپ لینا پڑتاہے ‘‘۔پی ایم جی ایس وائی کے چیف انجینئررئوف احمد نے کہا کہ اس سلسلے میں مکمل پروجیکٹ رپورٹ اعلیٰ حکام کو روانہ کی گئی ہے‘‘۔  

نوپورہ بارہمولہ میں آگ، رہائشی مکان خاکستر

بارہمولہ//نوپورہ واگورہ بارہمولہ میں آگ کی ایک ہولناک واردات کے دوران ایک رہائشی مکان مکمل طور خاکستر ہوا جبکہ لاکھوں روپئے کی مالیت  کا ساز و سامان راکھ کے ڈھیر میں تبدیل ہوا ۔ میران گنڈ نوپورہ واگورہ بارہمولہ میں بدھ کو اُس وقت افراتفری کا ماحول پھیل گیا جب سید نثار احمد بخاری ولد مرحوم سید غیاث الدین کے دو منزلہ ر ہائشی مکان سے اچانک آگ نمودار ہوئی جس نے دیکھتے ہی دیکھتے مکان کو اپنی  لپیٹ میں لے لیا جس کے نتیجے میں مکان میں موجود لاکھوں روپے مالیت کا ساز و سامان خاکستر ہوا ۔اس دوران فائر اینڈ ایمر جنسی سروس کے اہلکاروں نے پولیس و عام لوگوں کی مدد سے آگ پر قابو پا لیا اور آگ کو مزید پھیلنے سے روکا۔  

سیکریٹری جل شکتی نے رنگل واٹر سپلائی سکیم کا معائنہ کیا

 سرینگر//سیکرٹری جل شکتی محکمہ نے واٹر سپلائی سکیم رنگل کا معائنہ کیا اور مل شاہی باغ میں سندھ ایکسٹینشن نہر میں پڑے شگاف کی مرمت کے کام کا معائنہ کیا ۔ اُن کے ہمراہ چیف انجینئر آبپاشی و فلڈ کنٹرول کشمیر اور چیف انجینئر جل شکتی محکمہ کے علاوہ ان محکموں کے دیگر اعلیٰ انجینئر تھے۔ سیکریٹری نے رنگیل میں 30 ایم جی ڈی اور 10 ایم جی ڈی فلٹریشن پلانٹوں کا معائنہ کیا اور متعلقہ حکام کو دونوں پلانٹوں پر پانی کے اعلیٰ معیار کو قائم رکھنے کیلئے کہا ۔ سیکرٹری نے مل شاہی باغ میں سندھ ایکسٹینشن نہر کا بھی معائینہ کیا جس میں شگاف پڑا تھا اور اس کی مرمت کے کام کا جائزہ لیا ۔ انہوں نے چیف انجینئر آبپاشی و فلڈ کنٹرول کو مرمت کے کام میں سرعت لا کر نہر کی فوری بحالی یقینی بنانے کی ہدایت دی ۔ دریں اثنا سیکریٹری نے چیف انجینئر کو پانی کی ترسیل کی صلاحیت میں توسیع کیلئے عارضی طور اضافی پایپیں بچھانے ک

سیلف ہیلپ گروپوں کوختم کرنے کا فیصلہ

 نیشنل کانفرنس کااحتجاج سرینگر//نیشنل کانفرنس کے ترجمان عمران نبی ڈار نے جموں و کشمیرمیں سیلف ہیلپ گروپ اسکیم کو ختم کرنے کے خلاف احتجاج کرتے ہوئے کہا کہ یہ اقدام ایک ایسے وقت میں کیا گیا جب حکومت مزید نوجوانوں کو ملازمت کے مواقع فراہم کرنے کا دعویٰ کررہی ہے اور اس کے برعکس حکومت 17 سالہ پرانی اسکیم کو ختم کرکے 4500 کے قریب انجینئروں کو دروازہ دکھا رہی ہے۔انہوں نے کہا کہ یہ اقدام اس وقت اٹھایا جا رہا ہے جب کورونا وائرس نے نجی شعبے میں ہزاروں ملازمتیں ختم کردی ہیں۔ایک بیان میں انہوں نے کہا کہ اس اقدام سے تقریبا 4500 انجینئر بے روزگار ہوجائیں گے۔اس اسکیم کو جموں وکشمیر کی حکومت نے 2003 میں شروع کیا تھا اور سرکاری محکموں ، کارپوریشنوں اور خود مختار اداروں میں رائج تھی۔عمران نبی ڈار نے کہا کہ سیلف ہیلف گروپ سکیم کو ختم کرنے سے حکومت نے نہ صرف 4500انجینئروں کو بے روزگار کردیا ہے بل

آبی ذخائرپر 45دنوں میں قبضہ ہٹایا جائے: صوبائی کمشنر کشمیر

سرینگر// صوبائی کمشنر کشمیر نے ضلع ترقیاتی کمشنروں کو ہدایت دی کہ آبی ذخائر پر غیر قانونی قبضہ کو ہٹانے اور ان میں گندگی ڈالنے کے عمل پر قدغن لگاے۔ ڈویژنل کمشنر کشمیر پی کے پولے کی سربراہی میں ہوکر سر،ولر اور کرنچون چندہارا کے آبی زخائر کو تحفظ فراہم کرنے والے افسران کی منعقدہ میٹنگ ہوئی،جس کے دوران صوبائی کمشنر نے آبی ذخائر کی نشاندہی،اراضی منتقلی، دیوار بندی، تجاوزات کو ہٹانے اور اس میں ٹھوس فضلہ ڈالنے پر قدغن کا جائزہ لیا۔ متعلقہ ضلع ترقیاتی کمشنروں کو ہدایت دی کہ وہ45دنوں کے اندر تمام غیر قانونی قبضے کو ہٹائے جبکہ لوگوں کو بھی آبی ذخائر کے،زرعی سرگرمیوں کے استعمال کرنے پر روک لگا دی جائے۔انہوں نے ڈپٹی کمشنروں کو ہدایت دی کہ ان افراد کے خلاف سخت کاروائی کریں اور کیسوں کا اندراج کریںجو بار بار اس قسم کی غیر قانونی حرکات میں ملوث ہوں۔پی کے پولے نے متعلقین کو ہدایت دی کہ وہ کمیٹیوں

تازہ ترین