بانڈی پورہ میں جگہ جگہ گندگی کے ڈھیر

بانڈی پورہ//بانڈی پورہ بازار میں آٹوسٹینڈ میونسپل کمیٹی کی عدم توجہی سے نہایت خستہ حالت میں ہے۔ گندگی موجود ہونے سے لوگوں اور دکانداروں کو ذہنی کوفت کا سامنا کرنا پڑتا ہے جبکہ گردوارہ مارکیٹ کے عقب میں ڈرین کوڑاکرکٹ کے ڈھیر میں تبدیل ہوچکی ہے اورلوگوں کے لئے سوہان روح بنی ہوئی ہے۔ ضلع عدالت بانڈی پورہ کے صحن میں پولیس اہلکاروں کیلئے قائم بنکر کے عقب میں بھی گندگی کے ڈھیر موجود ہیں لیکن اس کی طرف ضلع انتظامیہ نے کوئی توجہ نہیں دی جس کی وجہ سے ڈیوٹی پر مامور پولیس اہلکار تکلیف میں مبتلا ہیں۔اس سلسلے میں ڈپٹی کمشنر سے مداخلت کی اپیل کی گئی ۔  

کھانڈی پورہ کولگام میں آگ، دارالعلوم کی عمارت کونقصان | انجمن علماء و ائمہ مساجد کا اظہار یکجہتی

کولگام// کھانڈی پورہ کولگام میں قائم دارالعلوم ’سواء سبیل ‘ کی عمارت کو آگ کی ایک واردات میں جزوی نقصان پہنچا ۔ضلع کولگام میں یہ دارالعلوم معروف اسلامی اسکالر مولانا حمیداللہ کی سرپرستی میں تعلیم و تربیت فراہم کررہا ہے۔اطلاعات کے مطابق جمعرات بعد دوپہردارالعلوم کی تیسری منزل سے آگ نمودار ہوئی تاہم فائراینڈسروسز نے آگ بجھانے کی فوری کارروائی عمل میں لائی ۔اگرچہ آگ پو فوری طور قابو پالیا گیا تاہم تیسری منزل کونقصان پہنچا جس میں بسترے وغیرہ موجود تھے ۔آگ کی اس واردات میں یہاں زیرتعلیم کوئی طالب علم یاکوئی مدرس زخمی نہیںہوا۔پولیس نے بتایاکہ ابتدائی اطلاعات ہیں کہ دارالعلوم میں بجلی شارٹ سرکٹ کی وجہ سے آگ لگ گئی تاہم معاملہ درج کرکے تحقیقات شروع کردی گئی ہے۔ انجمن علما وائمہ مساجدکے ایک وفدنے سر پرست اعلیٰ مفتی محمد قاسم قاسمی ،امیرحافظ عبدالرحمن اشرفی ،مولانا محمد شفیع تر

سی ٹی یونیورسٹی کاکشمیر اور پنجاب میں باہمی تعاون سے تعلیمی اقدام

سرینگر//سی ٹی یونیورسٹی نے 1 اور 2 اگست2021 کو سرینگر میں کے اے ایس پی یو این 1.0 کو منظم کرنے کے لئے انوکھی پہل کی ہے۔ یہ ایک تعلیمی اقدام ہے جو کشمیر اور پنجاب کے خطے میں طلبا کو ان کے روزگار کے زیادہ مواقع کے لئے جامع ترقی کے لئے ایک پلیٹ فارم پر کوشش ہوگی۔KASPUN کا بنیادی مقصد نئی تعلیمی پالیسی اور اس کے تعلیمی ایکو سسٹم کو فروغ دینے اور تخلیقی صلاحیتوں اور تجربہ کار ماہرین صنعت کے ماہرین کے ساتھ تعلیم کے ماحولیاتی نظام کو فروغ دینا ہے۔کانفرنس کا دائرہ کار نئی تعلیمی پالیسی اور صحت سے متعلق شعبے کو فائدہ پہنچانا ہے۔مستقبل میں اعلیٰ کارکردگی کا مظاہرہ کرنے کیلئے ہونہار طالب علموں کو بھی اعزاز دئے جائیں گے۔  

مشیر بصیر خان کا دورۂ کولگام | کئی پروجیکٹوں کا معائنہ کیا،بجلی کا نظام بہتر بنانے پر زور

کولگام//لیفٹیننٹ گورنر کے مشیر بصیر احمد خان نے ضلع کولگام کا وسیع دورہ کیا ۔ اپنے دورے کے دوران مشیر نے ترقیاتی منظر ناموں ، یومِ آزادی کی تیاریوں ، سیلاب سے بچاؤ کی تیاریوں ، پی ڈی ڈی کے کاموں کا جائیزہ لیا جس میں کھمبے ، تاروں ، کنڈکٹرزکی تبدیلی اور کووڈ ایس او پیز پر عمل شامل ہیں ۔ مشیر نے پہلو میں ہرناگ کی بحالی کے جاری کام کا معائنہ کیا جو منریگا کے تحت 19.95 لاکھ روپے کی لاگت سے جاری ہے ۔ انہوں نے ڈپٹی کمشنر کو ہدایت دی کہ وہ جل جیون مشن کے تحت اس آبی وسائل کو بروئے کار لانے کیلئے اس پروجیکٹ کو جل شکتی ڈیپارٹمنٹ کے ساتھ جوڑیں ۔ مشیر نے بعد میں اڈیگنتنو میں سیلاب سے بچاؤ کے بنڈ کا معائینہ کیا ۔ اے سی ڈی کلگام اور ایگزیکٹو انجینئر آر ای ڈبلیو نے مشیر کو سیلاب سے بچاؤ کے اس بنڈ کی خصوصیات کے بارے میں آگاہ کیا ۔ ڈاک بنگلہ ژولگام میں مشیر نے افسران کی ایک میٹنگ کی صدارت کی ۔ ڈ

سٹریٹ لائٹس نصب کرنے میں لیت ولعل | بلاک گنڈ انتظامیہ سے برہم،اقدامات کی اپیل

کنگن// ضلع گاندربل کے بلاک گنڈ میں سائنس اینڈ ٹیکنالوجی کی طرف سے 105سولر لائٹس عید گاہوں اور مساجد کے باہر نصب کرنی تھیں لیکن گنی ون سے گگن گیر تک 80لائٹس نصب کرنے کے بعدسربل، سونہ مرگ، شتکڑی اور نیلہ گراٹھ میں آج تک ان لائٹوں کو نہیں لگایا گیا۔ ان علاقوں میں مقیم لوگوں نے انتظامیہ سے مطالبہ کیا کہ اس سلسلے میں اعلیٰ سطحی تحقیقات کی جائے۔ مقامی لوگوں نے بتایا کہ ایک سولر لائٹ کی قیمت 22500روپے ہے۔لوگوں کا کہنا ہے کہ گذشتہ برس نومبر میں گگن گیر تک جو لائٹس نصب کی گئیں ان میں پتھری بل گگن گیر میں نصب سولر لائٹ تین ماہ کے بعد بیکار ہوگئی۔ مقامی لوگوں نے کہا کہ اس بارے میں مقامی سرپنچ کو بھی آگاہ کیا گیا تھا مگر انہوں نے اس سلسلے میں کوئی کارروائی نہیں کی۔ اس سلسلے میںبی ڈی سی چیئرمین بلاک گنڈ مولوی محمد رفیق نے بتایا کہ بلاک گنڈ میں محکمہ سائنس اینڈ ٹیکنالوجی کی طرف سے ایک ٹھیکیدار کو 10

شادی پورہ میں 2قمارباز گرفتار

بانڈی پورہ//پولیس نے شادی پورہ میں2قماربازوں کورنگے ہاتھوں گرفتار کرلیا۔پولیس ذرائع نے بتایاکہ انچارج چوکی افسر شادی پورہ  گلزاراحمدکی سربراہی میں فارسٹ کمپارٹمنٹ نمبر2لاٹھی اوتھ کھوروشادی پورہ میں چھاپہ مارکارروائی کے دوران یہاں فیاض احمد ساکن وانی پورہ سالورہ اورغلام محمدساکن ریشی پورہ نامی 2افرادکورنگے ہاتھوں جوا کھیلتے ہوئے پایا۔پولیس نے مذکورہ افراد سے دائو پر لگائے گئے 2800روپے اورتاش کے پتے برآمد کرلئے ۔پولیس تھانہ گاندربل میں اس سلسلے میں ایف آئی آرزیرنمبر143/2021درج کیاگیا۔  

شادی پورہ میں 2قمارباز گرفتار

بانڈی پورہ//پولیس نے شادی پورہ میں2قماربازوں کورنگے ہاتھوں گرفتار کرلیا۔پولیس ذرائع نے بتایاکہ انچارج چوکی افسر شادی پورہ  گلزاراحمدکی سربراہی میں فارسٹ کمپارٹمنٹ نمبر2لاٹھی اوتھ کھوروشادی پورہ میں چھاپہ مارکارروائی کے دوران یہاں فیاض احمد ساکن وانی پورہ سالورہ اورغلام محمدساکن ریشی پورہ نامی 2افرادکورنگے ہاتھوں جوا کھیلتے ہوئے پایا۔پولیس نے مذکورہ افراد سے دائو پر لگائے گئے 2800روپے اورتاش کے پتے برآمد کرلئے ۔پولیس تھانہ گاندربل میں اس سلسلے میں ایف آئی آرزیرنمبر143/2021درج کیاگیا۔  

مزید خبریں

یوم شہادت خلیفہ سوم حضرت عثمان غنیؓ |  وادی میں کئی تقاریب کا اہتمام سرینگر//خلیفہ سوم حضرت عثمان غنیؓ کے یومِ شہادت کے سلسلے میں آثار شریف حضرت بل میں ایک تقریب منعقدہوئی جہاں عقیدتمند نماز ظہر ادا کرنے کے بعد موئے پاکؐکے دیدار سے فیضیات ہوئے جبکہ آثار شریف شہری کلاش پورہ میں نماز ظہر سے قبل جمعیت ہمدانیہ کے سربراہ مولانا ریاض احمد ہمدانی نے شہادت حضرت عثمان غنیؓ کی سیرت مبارک پر روشنی ڈالی۔انہوں نے کہا کہ حضرت عثمان غنیؓ نے سخاوت اور قرآن مجید کی ترتیب میں جو خدمات انجام دی ہیں وہ مشعل راہ ہیں۔ ایسی ہی تقریبات آثار شریف جناب صاحب صورہ، پنجورہ شوپیان، کعبہ مرگ اننت ناگ، سیر ہمدان، لال بازار، ڈانگر پورہ نرورہ ، اندواری کے علاوہ کئی علاقوں میں منعقد ہوئیں، جہاں تبرکات کی نشاندہی کی گئی۔ اس موقعے پر علماء نے عالم اسلام کی سربلندی، انسانیت کی بقاء، کورونا وائرس سے نجات اور لو

درسو رفیع آباد میں پولیس پارٹی پر گرینیڈ حملہ | کھریو میں سرگرم جنگجو کی گرفتاری

سوپور//شمالی کشمیر کے درسو رفیع آباد میں بدھ کو نا معلوم اسلحہ افراد نے فورسز پارٹی کو نشانہ بنا نے کی غرض سے گرینیڈ داغا تاہم حملے میں کوئی نقصان نہیں ہوا۔پولیس نے بتایا کہ مسلح جنگجوئوں نے درسو رفیع آباد میںپولیس پارٹی کو نشانہ بنانے کے غرض سے ہتھ گولہ پھینکا جو پالیس پارٹی سے چند گز کی دوری پرزور دار دھماکے کے ساتھ پھٹ گیا۔واقعہ کے بعد وہاں افرا تفری مچ گئی اور سیکورٹی فورسز نے فوری طور پر محاصرہ کر کے تلاشیاں لیں۔ادھراونتی پورہ پلوامہ پولیس نے ایک سرگرم جنگجو کو گرفتار کرنے کا دعویٰ کیا ہے۔ پولیس نے ایک بیان میں کہا ہے کہ ایک مصدقہ اطلاع پراونتی پورہ پولیس، 50آرآر اور 185بٹالین سی آر پی ایف نے بدھ کی صبح شار شالی کھریو کا محاصرہ کیا اور محاصرے کے دوران ایک میوہ باغ میں مشکوک حرکت دیکھی جس کے دوران ایک مشتبہ شخص فرار ہونے کی کوشش کررہا تھا لیکن اسے پکڑ لیا گیا۔ اسکی شناخت ساحل

جموں وکشمیر میں کورونا مخالف ٹیکہ کاری تعداد 60لاکھ کے پار

سرینگر //جموں و کشمیر میں کورونا مخالف ویکسین لینے والے افراد کی تعداد 60 لاکھ سے تجاوز کرگئی ہے۔ جموں و کشمیر میں بدھ کو مزید 77ہزار 208افراد کو کورونا مخالف ٹیکہ لگائے گئے جن 112ہیلتھ کیئر ورکر، 349فرنٹ لائن ورکر اور 18سال سے زیادہ عمر کے 76ہزار742افراد کو کورونا مخالف ٹیکے لگائے گئے ہیں۔ بدھ کو ٹیکہ لگانے والے 77ہزار 208افراد میں اننت ناگ میں 3222، کولگام میں 3412 ،شوپیان میں 1455، پلوامہ میں 4877 ، سرینگر میں 4432 ، بڈگام میں 3680، بارہمولہ میں 5664، کپوارہ میں 8380،بانڈی پورہ میں 2759،گاندربل میں1607 ، جموں میں 0،ادھمپور میں5103،راجوری میں 3412، کٹھوعہ میں 7445،پونچھ میں 7162،رام بن میں 2454،ڈوڈہ میں 4876،کشتواڑ میں o،ریاسی میں 3238، اور سانبہ میں 4040افراد کو ٹیکی لگائے گئے ہیں۔ جموں و کشمیر میں ٹیکہ لگوانے والے 60لاکھ 12ہزار 285افراد میں1لاکھ 71ہزار4ہلیتھ کیئر ورکر، 5لاکھ 17ہزار

کورونا متاثرین میں معمولی اچھال، 160متاثر، ایک فوت

سرینگر//جموں و کشمیر میں بدھ کوچوتھے روز بھی کورونا متاثرین کی تعداد میں اضافہ ہوا ہے۔ پچھلے 24 گھنٹوں کے دوران کورونا وائرس سے 18 سفر کرنے والوں سمیت مزید 160افراد کی رپورٹیں مثبت آئی ہیں۔اس سے قبل 23جولائی کو 63، 24جولائی کو 83، 25جولائی کو 166، 26جولائی کو 102،27جولائی کو 107  افراد کی رپورٹیں مثبت آئی تھیں۔ متاثرین کی مجموعی تعداد 3لاکھ 21ہزار کا ہندسہ پار کرکے 321026ہوگئی ہے۔ اس دوران جموں صوبے میں کورونا وائرس نے ایک اور شخص کی جان لی ہے اور متوفین کی مجموعی تعداد 4376تک پہنچ گئی ہے۔ گذشتہ 24گھنٹوں کے دوران کورونا وائرس کی تشخیص کیلئے 59 ہزار 192ٹیسٹ کئے گئے جن میں 160 افراد کی رپورٹیں مثبت آئیں جن میں 60جموں جبکہ 100کشمیر سے تعلق رکھتے ہیں۔ کشمیر سے تعلق رکھنے والے 100افراد میں 3بیرون ریاستوں  سے سفر کرکے کشمیر پہنچے جبکہ دیگر 97افراد مختلف اضلاع میں روز مرہ کی سرگر

قیدیوں کے پیرول میں توسیع | ڈائریکٹرجنرل جیل خانہ جات کواختیار عطا

سری نگر //جموں و کشمیر حکومت نے کووِڈ - 19 کی صورتحال کو مدنظر رکھتے ہوئے ڈائریکٹر جنرل جیل خانہ جات کو مجرم قیدیوںکے خصوصی پیرول میں کم سے کم 90 دن کی توسیع کرنے کا اختیار دیا ہے۔ضابطہ اخلاق مجریہ 1973 کے  دفعہ 432 کے ذیلی  دفعہ (5) کے تحت حاصل  اختیارات کا استعمال کرتے ہوئے ، حکومت ، ڈائریکٹر جنرل (جیل خانہ) ،کے کو ایک مجاز اتھارٹی کا اختیار دیتی ہے کہ سزا پانے والے قیدیوں کے خصوصی پیرول کی90روز تک توسیع کریں اور اگر کووِڈ -  19صورتحال میں بہتری نہیں آئے تو اس میں مزید ایک ماہ کی توسیع  بھی کرسکتے ہیں۔    

مشیر فاروق خان کا دورۂ گاندربل | بزرگ افراد کیلئے گھر کے ڈیزائین میں تبدیلیوں کی ہدایت

گاندر بل //لیفٹیننٹ گورنر کے مشیر فاروق خان نے محکمہ سماجی بہبود ( ایس ڈبلیو ڈی ) کے تحت جاری تعمیراتی پروجیکٹوں کا جائیزہ لینے کیلئے ضلع گاندر بل کا دورہ کیا ۔ دورے کے دوران انہوں نے ڈسٹرکٹ ہسپتال کے قریب ذہنی مریضوں کیلئے پاندچھ گاندر بل میں ری ہیبلی ٹیشن ہوم اور اولڈ ایج ہوم کے زیر تعمیر پروجیکٹوں کا معائینہ کیا ۔ انہوں نے عمل آوری ایجنسیوں کو ہدایت دی کہ وہ دونوں پروجیکٹوں کو مقررہ وقت کے اندر مکمل کریں ۔ ان پروجیکٹوں پر کام کی رفتار کا معائینہ کرتے ہوئے مشیر نے عمل آوری ایجنسی کے انجینئروں کے ساتھ تفصیلی تبادلہ خیال کیا اور بہت ساری تبدیلیاں تجویز کیں اور متعلقین کو ڈرائینگ کو دوبارہ ڈیزائین کرنے کی ہدایت دی اور کہا کہ انفراسٹریکچر کا سیٹ اپ اس طرح ہونا چاہئیے جو بڑھاپے کی ضروریات کو پورا کرے اور ذہنی مریضوں کیلئے تمام تر سہولیات دستیاب ہوں ۔ پاندچھ گاندر بل میں اولڈ ایج ہوم کے

آیت مولا بانڈی پورہ میں پینے کے پانی کی قلت

بانڈی پورہ//آیت مولا بانڈی پورہ میں جل شکتی محکمہ خلاف احتجاج کرتے ہوئے لو گوں نے بتایا کہ انہیں پینے کے صاف پانی کیسخت قلت کا سامنا ہے۔ آیت مولا بٹ محلہ، لون محلہ کی آبادی نے بطور احتجاج خالی مٹکے سڑک پر رکھ کر کئی گھنٹوں تک ٹریفک کو مسدود کرکے رکھ دیا۔ احتجاج کرنے والوں نے الزام لگایا کہ کئی روز سے انہیںگدلا پانی سپلائی کیا جارہا ہے۔ اس دوران وٹلب بابا شکرالدین سنگری محلہ کے لوگوں نے بھی بتایاکہ وہ ینے کے صاف پانی سے محروم ہیں۔انہوںنے لیفٹیننٹ گورنر انتظامیہ سے اپیل کی کہ پینے کے صاف پانی کی فراہمی یقینی بنانے کے لئے کارروائی کی جائے۔  

JKSRTCکی 83ویں بورڈ آف ڈائریکٹرس میٹنگ | 2020-21کے دوران ادارے کو 75.03کروڑ روپے کی آمدن

سرینگر//لیفٹیننٹ گورنر کے مشیر راجیو رائے بھٹناگر نے یہاں سول سیکرٹریٹ میں جموں و کشمیر روڈ ٹرانسپورٹ کارپوریشن (جے کے آر ٹی سی ) کے 83 ویں بورڈ آف ڈائریکٹرز ( بی او ڈی) میٹنگ کی صدارت کی ۔ میٹنگ میں چیف سیکرٹری ارون کمار مہتہ، کمشنر سیکرٹری محکمہ ٹرانسپورٹ ہردیش کمار ، منیجنگ ڈائریکٹر جے کے آر ٹی سی انگریز سنگھ رانا ، ڈائریکٹر جنرل بجٹ محمد یعقوب ایتو ، چیف انجینئر میکنیکل انجینئرنگ ڈیپارٹمنٹ ، فائنانس ، پی ڈبلیو ڈی اور دیگر متعلقہ محکموں کے نمائندوں نے شرکت کی ۔ بی او ڈیز نے میٹنگ کے دوران کارپوریشن کے متعدد امور پر تبادلہ خیال کیا اس کے علاوہ بورڈ کی میٹنگوں میں ہونے والے فیصلوں کی کاروائی سے متعلق تفصیلی تبادلہ خیال کیا گیا ۔ مشیر بھٹناگر جو کہ بی او ڈی کے چئیر مین بھی ہیں ، نے میٹنگ سے خطاب کرتے ہوئے کارپوریشن میں نئے رحجانات لانے کی ضرورت پر زور دیا تا کہ کارپوریشن میں کارکردگ

مزید خبریں

دواعلیٰ سطحی کمیٹیوں کا قیام عمل میں لانے کا حکم جاری  نئی تعمیراتی تجاویز کی منظوری اور پرانے منصوبوں کو بند کرنے کے امکانات کی کھوج  بلال فرقانی سرینگر// حکومت نے نئی تعمیراتی تجاویز کو منظوری دینے اور3سال سے زائد پرانے منصوبوں کو بند کرنے کے امکانات کے تلاش کیلئے علیحدہ علیحدہ اعلیٰ سطحی کمیٹیوں کے قیام عمل میں لانے کے احکامات جاری کئے ہیں۔ محکمہ عمومی انتظامی کے کمشنر سیکریٹری منوج کمار دیویدی کی جانب سے جاری حکم نامہ میں کہا گیا ہے کہ نئی تعمیراتی تجاویز کو با اختیار کمیٹی کے سامنے انتظامی منظوری دینے کیلئے پیش کرنے سے قبل ان تجاویز کو منظوری دینے کیلئے اس کمیٹی کا قیام عمل میں لایا گیا۔7رکنی کمیٹی میں محکمہ مکانات و شہری ترقی کے پرنسپل سیکریٹری،محکمہ بجلی کے پرنسپل سیکریٹری،محکمہ تعمیرات عامہ کے پرنسپل سیکریٹری، محکمہ جل شکتی کے کمشنر سیکریٹری، محکمہ ایسٹیٹس

صفاپورہ میں نصب سٹریٹ لائٹس بیکار

گاندربل// صفاپورہ گاندربل میں چند سال قبل مانسبل ڈیولپمنٹ اتھارٹی کی جانب سے گلی کوچوں اور بازار میں لاکھوں روپے خرچ کرکے  سٹریٹ لائٹس نصب کی گئیں جو تین سالوں کے اندر ہی خراب ہوگئیں جس کے سبب گلی کوچوں اور بازاروں میں شام ہوتے ہی اندھیرا چھاجاتا ہے ۔ مقامی آبادی کے مطابق وہ گھروں سے باہر نکلنے میں خوف محسوس کرتے ہیں کیونکہ ہر گلی، نکڑ اور بازاروں میںآوارہ کتوں نے ڈیرہ ڈالا ہے۔تجارت پیشہ افراد نے بھی بازاروں میں نصب سٹریٹ لائٹس کے ناکارہ ہونے پر تشویش کا اظہار کیا ہے۔ایک دوکاندار محمد یوسف نے بتایا کہ پچھلے چند روز سے بازار میں دوران شب نقب زنون کی سرگرمیاں دکھائی دے رہی ہیں جن کی تصویریں سی سی ٹی وی میں ریکارڈ کی گئیںجس کی وجہ سے تجارت پیشہ افراد میں تشویش کی لہر دوڑ گئی ہے۔انہوں نے مطالبہ کیا کہ بازار میں نصب سٹریٹ لائٹس جو ناکارہ ہوچکی ہیں ان کو فوری طور پر ٹھیک کیا جائے۔ &

شوپیان میں قدرتی چشمہ کوڑے دان میں تبدیل | لوگوں کی انتظامیہ سے شان رفتہ بحال کرنے کی اپیل

لشوپیان//شوپیان قصبہ میں موجود ایک چشمہ کوڈا کرکٹ کی ڈھیر میںتبدیل ہوچکاہے۔ منی سیکریٹریٹ کے قریب واقع اس چشمہ کے متعلق لوگوں کا کہنا ہے کہ انتظامیہ کی عدم توجہی کے سبب یہ چشمہ اب لوگوں کی نظروں سے بھی اوجھل ہوچکا ہے۔لوگوں نے الزام عائد کیا کہ اس چشمہ کی شان رفتہ کی بحالی کیلئے انتظامیہ کوئی اقدام نہیں کررہی ہے ۔ عبدالریشد نامی ایک مقامی شہری نے بتایا کہ اس چشمے کا پانی بہت صاف و شفاف ہوا کرتا تھااور لوگ اسے شوق سے استعمال میں لاتے تھے۔کئی لوگوں نے افسوس کا اظہار کرتے ہوئے کہا کہ میونسپل کمیٹی شوپیاں بھی کوڈا کرکٹ اسی چشمہ کے پاس ڈالتی ہے جس کی وجہ سے یہ چشمہ اپنی شان کھوچکاہے بلکہ علاقے کی خوبصورت بھی ختم ہو تی جا رہی ہے ۔ لوگوں نے ضلع انتظامیہ سے مطالبہ کیا کہ اس خوبصورت چشمے کی شان رفتہ بحال کی جائے۔میونسپل کمیٹی کے ایگزیکٹیو افسر جاہد آزاد نے اس سلسلے میں کشمیر عظمیٰ کو بتایا کہ چ

بلاک گنڈ میں عملے کی کمی | پنچایتی اراکین اور بی ڈی سی سراپا احتجاج

کنگن //ضلع گاندربل کے گنڈ بلاک میں جونیئر انجینئراور ٹیکنیکل اسسٹنٹ کی اسامیاں گذشتہ چار ماہ سے خالی ہونے کی وجہ سے بلاک ڈیولپمنٹ کونسل اورپنچایتی اراکین نے برہمی کا اظہار کیا ہے۔ بی ڈی سی بلاک گنڈ مولوی محمد رفیق نے بدھ کو پنچوں اور سر پنچوں کے ہمراہ ایک پرس کانفرنس کے دوران بتایا کہ گنڈ بلاک میں گذشتہ چار ماہ سے جونیئر انجینئر اور ٹیکنیکل اسسٹنٹ کی کرسیاں خالی پڑی ہیںجس کی وجہ سے یہاں کام کاج متاثر رہتاہے۔ انہوں نے بتایا کہ اگرچہ بلاک میں ایک جونیئر انجینئر اور ٹیکنیکل اسسٹنٹ تعینات ہے لیکن بلاک گنڈ کی پنچایت سے 16حلقے منسلک ہیں جہاں کام کاج متاثر ہے ۔مولوی رفیق نے بتایا کہ اگرچہ انہوں نے اس بارے میں ڈی ڈی سی چیئرمین کو بھی آگاہ کیا ہے لیکن بلاک کنگن اور گنڈ کی طرف کوئی توجہ نہیں دی جا رہی ہے۔ ان کا کہنا تھا کہ اے ڈی سی گاندربل نے بی ڈی او گنڈ کو بلاک گنڈ میں جونیئر انجینئر اور ٹیکن

ٹنگمرگ کی بیشتر سڑکیں خستہ حال | عوام کو چلنے پھرنے میں مشکلات درپیش

 ٹنگمرگ // ٹنگمرگ کی گجر بستی رنگہ والی دارہ کشی کی رابط سڑک گزشتہ دس برسوں سے آمدورفت کے قابل نہ ہونے سے مقامی لوگوں کو زبردست مشکلات کا سامنا کرنا پڑتاہے۔ ایک مقامی سماجی کارکن منظور احمد چچی کے مطابق رنگہ والی دارہ کشی رابط سڑک محکمہ آر اینڈ بی ماگام کی لاپرواہی سے آمدورفت کے قابل نہیں ہے۔ادھر شاہ محلہ چھانہ پورہ کنزر سے قصائی محلہ تک رابط سڑک کی حالت ابتر ہونے سے  مقامی لوگوں کو سخت مشکلات کا سامنا کرنا پڑتا ہے اور ایمرجنسی کے دوران بیمار کو ہسپتال پہنچانے کیلئے کوئی گاڈی علاقے میں آنے کیلئے تیار نہیں ہوتی۔ مقامی شہری غلام جیلانی ریشی نے بتایا کہ ایک طرف جہاں محکمہ ار اینڈ بی سڑکوں کی مرمت اور میکڈم بچھانے کا دعویٰ کرتا ہے وہیں زمینی سطح پر بیشتررابط سڑکیں خستہ حالی کا منظر پیش کرتی ہیں۔ریشی کے مطابق ٹنگمرگ کے دور دراز علاقوں کی سڑکوں کی حالت ناگفتہ بہہ ہے۔ رنگہ والی

تازہ ترین