تازہ ترین

پیگاسس جاسوسی معاملہ اور کسان تحریک پر اپوزیشن کا ہنگامہ جاری

 نئی دہلی/پیگاسس جاسوسی معاملہ اور کسان تحریک پر بحث کے لئے بضد اپوزیشن جماعت کانگریس، ترنمول کانگریس اور بائیں بازو کی جماعتوں نے راجیہ سبھا میں گزشتہ دو ہفتہ سے چل رہے ہنگامہ کو پیر کو بھی جاری رکھا جس کی وجہ سے ایوان کی کارروائی پورے دن کے لئے ملتوی کرنی پڑی۔تین بار ملتوی کئے جانے کے بعد پریسڈائنگ افسربھونیش کالیتا نے تین بجکر 36منٹ پر جب ایوان کی کارروائی شروع کی تو کانگریس، ترنمول کانگریس اور بائیں  بازو کی جماعتوں کے اراکین نعرے لگاتے ہوئے کرسی کے نزدیک آگئے۔ کالیتا نے ہنگامہ کررہے اراکین سے واپس اپنی سیٹوں پر جانے اور ایوان کی کارروائی چلانے میں تعاون کی اپیل کی لیکن اپوزیشن کا ہنگامہ جاری رہا۔ اسی شور و غل کے درمیان انہوں نے اپروپریئشن نمبر 3-4بل 2021ایوان میں پیش کرائے۔ اس کے بعد انہوں نے ایوان کی کارروائی تین بجکر 40منٹ پر پورے دن کے لئے ملتوی کردی۔اس سے پہلے ایوان

باشندگانِ وطن قوم کونئی بلندیوں پرلے جانے کے لئے سخت محنت کرینگے:مودی

 نئی دہلی /وزیراعظم نریندرمودی نے پیر کو کہا کہ انہیں توقع ہے کہ 130کروڑ ہندوستانی امرت مہوتسومناتے ہوئے ملک کونئی بلندیوں پرلے جانے کے لئے مسلسل سخت محنت کرتے رہیں گے۔وزیراعظم نے پیرکو سلسلے وارٹویٹ کرتے ہوئے کہا، ’’ماہ اگست کے ساتھ ہی امرت مہوتسو کی شروعات ہوگئی ہے اوراس مہینے میں ہم نے ایسے کئی واقعات دیکھے ہیں جنہوں نے ہرہندوستانی کو خوش کردیا ہے۔ ریکارڈتعداد میں ٹیکہ کاری ہوئی ہے اورجی ایس ٹی کے اونچے اعدادوشمار سے معاشی سرگرمی میں مضبوطی کے بھی اشارے ملے ہیں۔ایک دیگر ٹویٹ میں انہوں نے کہا، ’’نہ صرف پی وی سندھو نے تمغہ جیتا جس کی وہ حقدارہیں، بلکہ ہم نے اولمپک میں مردوخواتین ہاکی ٹیموں کی تاریخی کوشش بھی دیکھی۔ مجھے یقین ہے کہ 130 کروڑ ہندوستانی امرت مہوتسو کے انعقاد کے ساتھ ہندوستان کو نئی بلندیوں پر لے جانے کے لئے سخت محنت جاری رکھیں گے۔قابل ذکر ہے ک

یو جی سی نے 24 یونیورسٹیوں کو جعلی قرار دیا ، مزید 2 کے متعلق معاملہ عدالت میں زیر التوا ہے:مرکزی وزیر تعلیم

نئی دہلی/مرکزی وزیر تعلیم دھرمیندر پردھان نے پیر کو کہا کہ یونیورسٹی گرانٹس کمیشن (یو جی سی) نے 24 ’’خود ساختہ‘‘ اداروں کو جعلی قرار دیا ہے اور دو مزید کو ضوابط کی خلاف ورزی کرتے ہوئے پائے گئے۔  پردھان نے یہ بیان لوک سبھا میں ایک تحریری سوال کے جواب میں کہا’’طلباء  ، والدین ، عام عوام اور الیکٹرانک پرنٹ میڈیا سے موصول ہونے والی شکایات کی بنیاد پر ، یو جی سی نے 24 خود ساختہ اداروں کو جعلی یونیورسٹیاں قرار دیا ہے۔‘‘تحریری جواب میں کہا گیا کہاس کے علاوہ ، دو اور ادارے جن میں بھارتیہ شکشا پریشد ، لکھنؤ ، یوپی اور انڈین انسٹی ٹیوٹ آف پلاننگ اینڈ مینجمنٹ (آئی آئی پی ایم) ، قطب انکلیو ، نئی دہلی بھی یو جی سی ایکٹ 1956 کی خلاف ورزی کرتے ہوئے کام کرتے پائے گئے ہیں۔ بھارتیہ شکشا پریشد کے معاملات لکھنؤ اور آئی آئی پی ایم ، نئی دہلی

نائیڈونے پنگلی وینکیاکو سلام پیش کیا

نئی دہلی // نائب صدرایم وینکیانائیڈونے مجاہدآزادی اور قومی پرچم کے ڈیزائنرپنگلی وینکیاکوان کی جینتی پرسلام پیش کیا۔مسٹرنائیڈو نے پیر کو یہاں جاری ایک پیغام میں کہا کہ وہ سچے گاندھی وادی اور سرشارمحب وطن تھے۔نائب صدر نے کہا، ’’ہمارے قومی پرچم کے ڈیزائنر، باصلاحیت، گاندھی وادی مجاہدا?زادی مسٹر پنگلی وینکیا جی کی یوم پیدائش پران کی لازوال یادکو سلام پیش کرتاہوں۔‘‘

بھارت میں 40,134 نئے کیس، 422 اموات درج

نئی دہلی//بھارت میں گزشتہ 24 گھنٹوں کے دوران کورونا کے 40,134 نئے کیسز کی تصدیق ہوئی ہے، جس کے بعد کورونا کیسز کی کل تعداد 3,16,95,958 ہوگئی ہے۔ وہیں، 422 اموات بھی ہوئی ہیں جس کے بعد اموات کی مجموعی تعداد 4,24,773 تک پہنچ گئی ہے۔ بھارت میں گزشتہ 24 گھنٹوں کے دوران کورونا وائرس کے 40,134 نئے کیسز درج ہوئے ہیں اور انفیکشن کی وجہ سے 422 افراد ہلاک ہوگئے ہیں۔ مرکزی وزارت صحت کی جانب سے جاری کردہ اعداد و شمار کے مطابق ملک میں کورونا وائرس کے کل معاملات بڑھ کر 3,16,95,958 ہوگئے ہیں اور اب تک مجموعی طور پر 4,24,773 اموات ہوچکی ہیں۔ملک میں گزشتہ 24 گھنٹے میں 36,946 افراد صحت یاب ہوئے ہیں جس کے بعد صحت یاب ہونے والوں کی تعداد بڑھ کر 3,08,57,46 ہوگئی ہے جب کہ کل ایکٹیو کیسز 4,13,718 ہیں۔ تاہم ملک میں ویکسینیشن کی کل تعداد 47,22,23,639 ہو گئی ہے۔      

ملک میں کورونا وائرس کے40134 نئے کیس،422اموات

سرینگر//ملک میں گزشتہ 24 گھنٹوں کے دوران کورونا وائرس کے 40134 نئے کیس درج ہوئے ہیں اور انفیکشن کی وجہ سے 422 افراد ہلاک ہوگئے ہیں۔  پیر کومرکزی وزارت صحت کی جانب سے جاری کردہ اعداد و شمار کے مطابق ملک میں کورونا وائرس کے کل معاملات بڑھ کر 31695958 ہوگئے ہیں اور اب تک مجموعی طور پر 424773 اموات ہوچکی ہیں۔ ملک میں گزشتہ 24 گھنٹوںمیں 36946 افراد صحت یاب ہوئے ہیں جس کے بعد صحت یاب ہونے والوں کی تعداد بڑھ کر 3085746 ہوگئی ہے جب کہ کل ایکٹیو کیسز 413718 ہیں۔ دریں اثناءملک میں ویکسی نیشن کی کل تعداد 472223639 ہو گئی ہے۔  

بنیادی حقوق کی خلاف ورزیاں

 نئی دہلی//سرکاری اعداوشمار کے مطابق 2019 سے ملک بھر میں مختلف عدالتوں میں بنیادی حقوق کی خلاف ورزیوں کے خلاف مفاد عامہ کی 7800عرضیاں داخل کی گئی ہیں ۔اگرچہ کئی عدالتوں نے مفاد عامہ کی ایسی عرضیوں کی کوئی الگ فہرست نہیں بنائی ہے لیکن کئی ہائی کورٹوں نے برسوں کے حساب کے بغیرایسی عرضیوں کی فہرست بنائی ہے ۔یہ اعدادوشمار حکومت نے گزشتہ ہفتے راجیہ سنبھامیں ایک تحریری سوال کے جواب میں پیش کئے جس میں بنیادی حقوق کی خلاف ورزیوں سے متعلق سپریم کورٹ اور ہائی کورٹوں میں داخل عرضیوں کی تفصیل طلب کی گئی تھی۔2019سے اس سال کے جولائی مہینے تک 7832مفاد عامہ کی عرضیاں جوبنیادی حقوق کی خلاف ورزیوں سے متعلق ہیں،ملک بھر کے ہائی کورٹوں میں داخل کی گئیں ۔سپریم کورٹ میں دائر ایسی عرضیوں کی تعداد کے بارے میں حکومت نے راجیہ سبھاکو مطلع کیا کہ سپریم کورٹ میں اس طرح کا ریکارڈ نہیں رکھا جاتا ہے جیساکہ طلب کیا

یوپی میں بی جی پی دوبارہ اکثریت سے حکومت بنائے گی:امت شاہ

لکھنو//(یواین آئی) مرکزی وزیر داخلہ امت شاہ نے اترپردیش میں آئندہ اسمبلی انتخابات میں بی جے پی کے سادہ اکثریت کے ساتھ دوبارہ اقتدار حاصل کرنے کا دعوی کرتے ہوئے کہا کہ مرکز کی اسکیمات کے نفاذ میں یوپی سرفہرست ہے اور اسی وجہ سے اپوزیشن خائف ہے لہذا اپوزیشن کو آئندہ اسمبلی انتخابات میں شکست فاش کا سامنا کرنے کی تیاریاں شروع کردینی چاہئے۔امت شاہ اتوار کو ریاستی راجدھانی لکھنو کے سروجنی نگر علاقے میں یوپی اسٹیٹ انسٹی ٹیوٹ آف فورنسک سائنس(یوپی ایس آئی ایف ایس) کی تعمیر کا سنگ بنیاد رکھنے کے بعد منعقد تقریب سے خطاب کررہے تھے۔اس موقع پر انہوں نے ریاست کے وزیر اعلی یوگی آدتیہ ناتھ کی تعریف کرتے ہوئے کہا کہ ریاستوں کے لئے مرکز کی سبھی 44بڑی اسکیمات کے نفاذ میں اترپردیش اول مقام پر ہے۔انہوں نے اپنے حریفوں کو ہدف تنقید بناتے ہوئے کہا کہ اترپردیش میں جن لوگوں کو حکومت بنانے کے سپنے آرہے ہیں انہیں م

بی جے پی حکومت آئینی اداروں کی معتبریت کو کررہی ہے مشکوک:اکھلیش

لکھنو//(یواین آئی) سماج وادی پارٹی(ایس پی) کے صدر و سابق وزیر اعلی اکھلیش یادو نے کہا کہ بی جے پی حکومت میں آئینی اداروں کی معتبریت کو ختم کیا جارہا ہے۔انہوں نے کہا کہ بی جے پی نے اقتدار کی طاقت پر سرکاری مشنری کو اپنا انتخابی ایجنڈا بنا لیا ہے۔ عوامی منڈیٹ کا غلط استعمال کر کے اس نے جمہوریت کی شفافیت کو مشتبہ کردیا ہے۔ سال 2022 کا یو پی اسمبلی انتخاب ملک کو بچانے کا ہے۔آئینی اداروں پر ہورہے حملوں سے گہری ناامید پھیل رہی ہے۔ان حالات میں عوام کا اعتماد سماج وادی پارٹی پر بڑھ رہا ہے۔ یادو نے کہا کہ حکومت پبلک شیم اور بھروسے سے چلتی ہے۔ منتخب حکومتوں کو جواب دہ ہونا چاہئے۔ لیکن بی جے پی حکومت اس ذمہ داری سے بچنے کی کوشش کرتی ہے۔ حکومت کی ذمہ داری کے تئیں اس کی مایوسی جگ ظاہر ہے۔ اچھے دن کے نام پر عوام کو گمراہ کرنا ہی بی جے پی کی پالیسی ہے۔انہوں نے کہا کہ سرکاری ایجنسیوں کا غلط استعمال کر

پٹرول اورڈیزل کی قیمتیں مستحکم

نئی دہلی // (یو این آئی) بین الاقوامی سطح پر تیل کی قیمتوں میں گزشتہ ہفتے اضافے کے باوجود اتوار کو ملک میں پٹرول کی قیمتیں مسلسل 15 ویں دن مستحکم رہیں۔ ڈیزل کی قیمتوں میں بھی مسلسل 16 ویں دن کوئی تبدیلی نہیں کی گئی۔آئل مارکیٹنگ کمپنی انڈین آئل کارپوریشن کے مطابق اتوار کو دہلی میں پٹرول 101.84 روپے اور ڈیزل 89.87 روپے فی لیٹر رہا۔ ملک کے دیگر شہروں میں بھی پٹرول اور ڈیزل کی قیمتیں مستحکم رہیں۔تاہم بین الاقوامی تیل کی قیمتوں میں تیزی برقراررہی۔ امریکہ کے تیل کے ذخائر میں کمی ا?نے کے بعد سے اس کی قیمتیں بڑھ رہی ہیں۔پٹرول اور ڈیزل کی قیمتوں کا یومیہ جائزہ لیا جاتا ہے اور اس کی بنیاد پر نئی قیمتیں ہر روز صبح 6 بجے لاگو کی جاتی ہیں۔ 

پولیس افسران ایک بھارت، سریشٹھ بھارت کے علمبردار :وزیراعظم

نئی دہلی// وزیراعظم نریندر مودی نے کل کہا کہ پولیس افسر ایک بھارت، سریشٹھ بھارت کے علمبردار ہیں، اس لئے ان کے ہر کام میں قوم سب سے پہلے کے جذبے کی عکاسی ہونی چاہئے ۔حیدرآباد پولیس اکیڈمی میں زیر تربیت انڈین پولیس سروس کے ٹرینیوں سے خطاب کرتے ہوئے مسٹر مودی نے کہا ‘‘آپ کو ہمیشہ یاد رکھنا ہوگا کہ آپ ایک بھارت ، شریشٹھ بھارت کے علمبردار ہیں۔ اس لئے آپ کے ہر ایکشن، آپ کی ہر سرگرمی میں قوم سب سے پہلے ، ہمیشہ پہلے کا جذبہ جھلکنا چاہیے ’’۔انہوں نے ٹرینی افسران سے کہا کہ وہ ایسے وقت میں پولیس سروس میں شامل ہو رہے ہیں جب ملک میں ہر میدان اور ہر سطح پر تبدیلی کی لہر جاری ہے ۔آزادی کی جدوجہد میں نوجوانوں کی شرکت کا حوالہ دیتے ہوئے وزیر اعظم نے کہا ‘‘1930 سے 1947 کے درمیان ملک میں جو لہر اٹھی ، جس طرح ملک کے نوجوان آگے آئے ، پوری نوجوان نسل ایک مقصد کے لیے متحد

کورونا سے فوت ہوئے 55صحافی

لکھنئو//کووڈ۔19 کی وجہ سے مرنے والے 55 صحافیوں کے اہل خانہ نے ہفتہ کو اترپردیش کے وزیر اعلیٰ یوگی آدتیہ ناتھ سے 10دس لاکھ روپے کی مالی امداد حاصل کی۔وزیراعلیٰ نے کہا ، "ہم نے بہت سے ایڈیٹروں صحافیوں اور میڈیا برادری کے ارکان کو دیکھا ہے کہ وہ اپنا فرض پورا کرتے ہوئے کورونا وائرس کی وجہ سے اپنی جانیں گنوا چکے ہیں۔ نقصان کی تلافی نہیں کی جا سکتی ، لیکن ہم خاندانوں کو مدد فراہم کر سکتے ہیں۔  

ملک میں ٹیکہ کاری کے اعداد 46 کروڑ کے پار

نئی دہلی//یو این آئی// ملک میں کورونا وائرس کی عالمی وبا پر قابو پانے کے اقدامات کے ضمن میں کووڈ- 19 کی ٹیکہ کاری کی تعداد 46 کروڑ سے تجاوز کر گئی ہے ۔مرکزی وزارت صحت و خاندانی بہبود کی طرف سے ہفتہ کے روز جاری ہونے والے بیان میں کہا گیا ہے کہ ہفتہ کی صبح 8 بجے تک کے اعداد و شمار کے مطابق کووڈ- 19 کے ٹیکے کی 46 کروڑ 15 لاکھ 18 ہزار 479 خوراکیں 54 لاکھ 94 ہزار 423 سیشن میں مستحق افراد کو دی گئی ہیں۔ گزشتہ 24 گھنٹے میں ٹیکے کی 52 لاکھ 99 ہزار 036 خوراکیں دی گئی ہیں۔بیان کے مطابق اب تک ملک گیر ٹیکہ کاری مہم کے تحت ریاستوں اور مرکز کے زیر انتظام علاقوں کو 48.78 کروڑ سے زائد ٹیکے کی خوراکیں فراہم کی جا چکی ہیں اور 68 لاکھ 57 ہزار 590 خوراکیں بھیجی جا رہی ہیں۔ اس وقت ریاستوں اور مرکز کے زیر انتظام علاقوں اور پرائیویٹ اسپتالوں میں 3.14 کروڑ سے زائد ویکسین خوراکیں دستیاب ہیں۔بیان میں کہا گیا ہے

حکومت کی پالیسیوں سے سرحدیں غیر محفوظ :راہل

نئی دہلی //یو این آئی// کانگریس کے سابق صدر راہل گاندھی نے مرکزی حکومت کی نکتہ چینی کرتے ہوئے کہا ہے کہ یہ متکبر لوگوں کی حکومت ہے اور اس کی پالیسیوں کی وجہ سے ملک اور ریاستوں کی سرحدیں غیر محفوظ ہو گئی ہیں۔ انہوں نے چین کے ساتھ لائن آف ایکچول کنٹرول (ایل اے سی) پر بڑھ رہے تنازعہ اور میزورم اور آسام سرحد پر ہوئی جھڑپ کا ذکر کرتے ہوئے کہا کہ تنازعات کا جو بیج بویا جارہا ہے اس کے نتائج بہت خطرناک ہوں گے ۔  

پنجاب میں ہند- پاک سرحد کے نزدیک ہندوستانی علاقے میں 2 درانداز ہلاک: بی ایس ایف

فیروزپور// پنجاب کے فیروز پور سیکٹرکے متصل ہندوستان- پاکستان سرحد پر امرکوٹ تھیہکلن بی او پی میں بارڈر سکیورٹی فورس کے اہلکاروں نے دو پاکستانی دراندازوں کو ہلاک کردیا۔ بی ایس ایف کی جانب سے جاری پریس ریلیز کے مطابق گزشتہ شب بی او پی علاقے میں تعینات اہلکاروں نے کچھ مشکوک حرکت دیکھی اور دراندازہندوستانی علاقے میں گھسنے کی کوشش کر رہے تھے۔ پی ایس ایف بیان کے مطابق حرکت ہونے پر اہلکاروں نے انہیں روکنے کے لئے کہا لیکن انہوں نے آگے بڑھتے ہوئے سرحد پر لگی باڑ کو عبور کرنے کی کوشش کی جس کے بعد اُنہیں ہلاک کیا گیا۔

مانسون اجلاس کے پہلے 2 ہفتے اپوزیشن کے ہنگامے کی نذر

 نئی دہلی// پارلیمنٹ کے مانسون اجلاس کے پہلے دو ہفتے پیگاسز۔ جاسوسی معاملے ، کسان تحریک اور مہنگائی کے سلسلے میں کئے گئے اپوزیشن کانگریس، ترنمول کانگریس اور بائیں بازو سمیت متعدد دیگر پارٹیوں کے ہنگامے کی نذر رہے ۔ اگرچہ حکومت لوک سبھا اور راجیہ سبھا میں اس دوران شور و غل کے درمیان ہی کووڈ پر بحث کرانے ، کچھ ضروری بل منظور کرانے اور وزیروں کے بیان ایوان میں پیش کرنے میں کامیاب رہی۔پارلیمنٹ کا مانسون اجلاس 19 جولائی کو شروع ہوا تھا اور اپوزیشن پہلے دن سے پیگاسز۔ جاسوسی معاملے کی جانچ کرانے کی مانگ، کسان تحریک کی حمایت اورمہنگائی کے خلاف ہنگامہ کررہی ہے ۔ اس سے دونوں ایوان میں تعطل برقرار ہے ۔ سیشن کے دوسرے ہفتے کے آخری دن کل بھی دونوں ایوانوں میں پیگاسز جاسوسی، مہنگائی اور زرعی قوانین سمیت دیگر امور کے تعلق سے اپوزیشن پارٹیوں کے ارکان کا ہنگامہ جاری رہا۔ جس سے دونوں ایوانوں کی کارر

سکم میں8مزدورتودے کی زد میں آکر لقمہ اجل

نئی دیلی // مغربی بنگام کئے کئی اضلاع میں کل شدید بارشوں سے نظام زندگی درہم برہم ہوا ۔کلکتہ شہر میں 30گھنٹے سے زاید وقفے تک بارش ہونے کے بعد کلکتہ شہر کے متعدد علاقے زیر آب ہوگئے ہیں ۔کلکتہ کارپوریشن نے اضافی پمپ لگا کر پانی نکالنے کا انتظام کیا ہے ۔ کارپوریشن کا کنٹرول 24گھنٹے کام کررہے ۔ شہری کسی بھی مسئلے کی اطلاع کے لیے براہ راست کنٹرول روم کو کال کر سکتے ہیں۔ اس کے ساتھ ضروری اقدامات اٹھائے جائیں گے ۔ادھر سکم میںجمعہ کی صبح تیز بارش کی وجہ سے ممکھولا میں کئی بولڈر گر گئے اور اس دوران یہاں کا کیمپ بھی بہہ گیا، اس واقعہ میں مجموعی طور پر 8 مزدور کے بہہ جانے کی خبریں موصول ہو رہی ہیں۔ریل پروجیکٹ پر کام کے دوران تیز بارش کا اثر دیکھنے کو ملا اور لینڈ سلائڈ کی وجہ سے غار میں کام کر رہے کئی مزدور پھنس گئے۔مقامی لوگوں نے تین مزدوروں کو بہ حفاظت باہر نکال لیا ہے اور انھیں مقامی اسپتال می

حزب اختلاف کی جماعتوں کی پارلیمنٹ میں میٹنگ

نئی دہلی//یو این آئی// کانگریس اورمتعدد ہم خیال جماعتوں کے کئی لیڈروں کی کل پارلیمنٹ ہاؤس میں میٹنگ منعقد ہوئی جس میں پیگاسس معاملے پر حکومت کی خاموشی پر تشویش کا اظہار کرتے ہوئے اس کے خلاف حکمت عملی پر غور کیا گیا۔ کانگریس ذرائع نے بتایا کہ یہ میٹنگ راجیہ سبھا میں حزب اختلاف کے لیڈر ملیکارجن کھڑگے کے چیمبر میں منعقد ہوئی ، جس میں پارلیمنٹ میں جاری تعطل کے پیش نظر حکومت کے خلاف حکمت عملی تیار کے لئے تبادلہ خیال کیا گیا۔ میٹنگ میں راجیہ سبھا میں اپوزیشن کے لیڈر ملیکارجن کھڑگے ، آنند شرما ، جے رام رمیش ، کے سی وینوگوپال ، سکھیندو شیکھر رائے (ترنمول) تروچی شیوا اور آر ایس بھارتی (ڈی ایم کے ) ، ایلامارام کریم (سی پی ایم) وشوبھنورنشاد (ایس پی) وندنا چوہان اور فوزیہ خان (این سی پی) ونئے وشوم (سی پی آئی) سنجے راوت (شیو سینا) ایم وی سریانش کمار (ایل جے ڈی) مسٹر وائیکو (ایم ڈی ایم کے ) اور لوک

آسام کے لوگوں کو میزورم کے سفرپرنہ جانے کی صلاح

گوہاٹی //یواین آئی// آسام حکومت نے سرحدی علاقے میں پرتشددجھڑپوں میں چھ پولیس اہلکاروں کے مارے جانے کے چارروزبعد ‘ذاتی تحفظ کے لئے خطرہ’ کاحوالہ دیتے ہوئے ریاست کے شہریوں کوہمسایہ ریاست میزورم کے سفرپرنہ جانے کامشورہ دیا جاری کیا ہے ۔حکومت نے اپنی ہدایات میں کہا کہ موجودہ سنگین صورت حال کے پیش نظر آسام کے لوگوں کو میزورم کے سفرپر نہ جانے کی صلاح دی جاتی ہے کیونکہ لوگوں کے ذاتی تحفظ کے لئے کسی بھی طرح کا خطرہ مول نہیں لیاجاسکتا۔ہدایات میں اپنے کام کے سلسلے میں میزورم میں رہنے والے لوگوں کو انتہائی محتاط رہنے کی صلاح دی گئی ہے ۔ ہدایات میں یہ بھی کہا گیا ہے کہ سرحدی علاقے میں پرتشدد جھڑپوں کے کئی معاملے سامنے آئے ہیں اورتازہ ترین واقعہ کے سبب ضلع کچھار میں پولیس اہلکاروں اورشہریوں پر اندھادھند گولی باری ہوئی ہے ۔ کچھ سول سوسائٹی ، طلباء اور نوجوان تنظیمیں مسلسل آسام ریاست