تازہ ترین

پنجاب میں سیاسی ہلچل تیز

چنڈی گڑھ//پنجاب کی کی دو بار کمان سنبھالنے والے کیپٹن امریندر نے کل شام قانون ساز پارتی کی میٹنگ سے قبل ہی وزیراعلی کے عہدے سے استعفی دے دیا۔انہوں نے گورنر بنواری لال پروہت کو استعفی نامہ سونپنے کے بعد صحافیوں سے کہا کہ انہوں نے صبح کانگریس صدر سونیا گاندھی کو اس بارے میں مطلع کردیا تھا۔ میرے ساتھ ایسا تیسری بار ہوا ہے جب مجھے اطلاع دیئے بغیر قانون ساز پارٹی کی میٹنگ طلب کی گئی ہو۔ یہ میری سراسر توہین ہے کہ وزیراعلی ہونے کے ناطے اس میٹنگ میں مجھے اطلاع تک نہیں دی گئی۔ ایسا لگتا ہے کہ اعلی کمان کا مجھ سے اعتماد اٹھ گیا ہے ۔ اس لئے مزید توہین برداشت نہیں کرسکتا اور مجھے یہ فیصلہ کرنا پڑتا۔انہوں نے بھاری دل سے کہا کہ اب اعلی کمان جس پر اعتماد ہو، اسے وزیراعلی بنائیں۔ اس کے بعد وہ اپنے 52 سال سے ساتھ رہے اپنے ساتھیوں اور حامیوں سے مل کر آگے کی حکمت عملی پر غور کریں گے ۔ 

ایتھنول کیلئے گاڑیوں میں فلیکسی انجن لگیں گے :گڈکری

نئی دہلی//روڈ ٹرانسپورٹ اور شاہراہوں کے وزیر نتن گڈکری نے کہاکہ پٹرول۔ ڈیزل کی قیمتیں عام آدمی کی رسائی سے باہر ہورہی ہیں اس لئے حکومت عوام کو راحت دینے کے لئے فلیکسی انجن لگی گاڑیوں کی تیاری کی پالیسی بنا رہی ہے تاکہ لوگ ڈیزل پٹرول کی جگہ آسانی سے ایتھنول کا استعمال کرسکیں۔مسٹر گڈکری نے کہا کہ وہ جلد ہی گاڑی بنانے والوں کے ایک پالیسی بنا رہے ہیں جس کے تحت تمام گاڑیوں پر فلیکسی انجن لگانا ضروری کردیا جائے گا۔ اس کے تحت گاڑی مالک اپنی گاڑی میں پٹرول اور ڈیزل کی جگہ ایتھنول کا استعمال کرسکتا ہے ۔انہوں نے کہاکہ ایتھنول کی پیداوار بڑی مقدار کرنے کی حکمت عملی پر بھی کام چل رہا ہے ۔ ایتھنول گنا بھوسا، دھان وغیرہ سے تیار ہوتا ہے ۔ ان کا کہنا تھا کہ کسان اچھی پیداوار کررہا ہے اور اس کی محنت کا مناسب فائدہ اسے ملے اس میں صاف ایندھن ایتھنول اہم ثابت ہوسکتا ہے ۔مرکزی وزیر نے کہاکہ ملک میں ڈیزل او

جھارکھنڈ:تالاب میں ڈوبنے سے 7 بچیوں کی موت

رانچی// جھارکھنڈ میں لاتیہاری ضلع میں کرما وسرجن کے دوران تالاب میں ڈوبنے سے 7 سالہ بچی کی موت ہوگئی۔ پولیس ذرائع نے سنیچر کو بتایاکہ واقعہ بالوماتھ تھانہ علاقے کے منڈیہہ گاؤں کا ہے ۔جمعہ کی رات گاؤں میں کرما پوجا ہونے کے بعد سنیچر کو گاؤں کے لوگ کرم ڈالی کو وسرجن کرنے کے لئے تالاب گئے تھے ۔ تالاب میں نہانے کے دوران سات بچیاں گہرے پانی میں چلی گئیں۔ خواتین نے شور مچایا تو آس پاس کے کچھ لوگوں نے تالاب میں کود کر بچیوں کو باہر نکالا۔ ڈوبنے سے تین بچوں کی موقع پر ہی موت ہوگئی۔

طالبان سے دنیا میں دہشت گردی بڑھنے کا خطرہ

 دوشنبے//یو این آئی// ہندوستان نے افغانستان میں طالبان کی حکومت کو مسلط کی گئی حکومت قرار دیا ہے اوراس سے دنیا میں دہشت گردی ، بنیاد پرستی ، عدم استحکام کا خطرہ اور ان کے ملک میں معاشی بحران بڑھنے کا خدشہ ظاہرکرتے ہوئے شنگھائی تعاون تنظیم (ایس سی او) کے ممالک کو افغانستان کے معصوم لوگوں کو انسانی امداد فراہم کرنے کی اپیل کی۔ وزیر اعظم نریندر مودی نے تاجکستان کے دارالحکومت دوشنبے میں ہائبرڈ موڈ میں منعقد ہونے والی 21 ویں چوٹی کانفرنس کے تحت افغانسان پروقت شنگھائی تعاون تنظیم (ایس سی او) سی ایس ٹی او آؤٹ ریچ سمٹ سے بھی ویڈیو لنک کے ذریعے خطاب کیا۔ اس موقع پر وزیر خارجہ ایس جے شنکر دوشنبے میں موجود تھے ۔  مسٹرمودی نے اپنے خطاب میں کہا کہ افغانستان میں حالیہ پیش رفت کا سب سے زیادہ اثرہندوستان جیسے پڑوسی ممالک پرہوگا ۔ اس لیے اس مسئلے پرعلاقائی توجہ اور تعاون ضروری ہے ۔ انہوں نے ک

اترپردیش میں موسلا دھار بارشوں سے تباہی

 لکھنؤ//اترپردیش میں گزشتہ 48 گھنٹوں سے لگاتار بارش ہو رہی ہے، جس کی وجہ سے ریاست بھر میں تباہی ہوئی ہے۔ موسلا دھار بارشوں نے اب تک 42 افراد کی جان لے لی ہے۔ شدید بارش کی وجہ سے سڑکیں تالاب بن گئی ہیں اور گندا پانی لوگوں کے گھروں میں داخل ہو گیا ہے۔ دریں اثنا، وزیر اعلیٰ یوگی آدتیہ ناتھ نے عہدیداروں کو ہدایت دی ہے کہ وہ بارش سے ہونے والے نقصان کا تخمینہ لگانے کے لیے متاثرہ علاقوں کا دورہ کریں۔بارہ بنکی میں بارشوں کا سلسلہ لگاتار جاری ہے۔ یہاں کے کئی علاقوں میں گھروں کی دیواریں گر گئی ہیں اور ضلع بھر میں اب تک 12 افراد ہلاک ہو چکے ہیں۔ ان میں خواتین اور چھوٹے بچے بھی یشامل ہیں۔اب تک الہ آباد میں 6، فتح پور اور باندہ میں 5-5، جونپور میں 4، رائے بریلی میں 3، پرتاپ گڑھ، امیٹھی اور سلطان پور میں 2-2 اور کوشامبی میں ایک ایک شخص کی موت ہو چکی ہے۔محکمہ موسمیات سے موصولہ معلومات کے مطاب

وزیر اعظم مودی کی 71ویں سالگرہ

نئی دہلی// صدر رام ناتھ کووند، نائب صدر ایم وینکیا نائیڈو، مرکزی وزیر داخلہ امت شاہ، وزیر دفاع راجناتھ سنگھ اور دیگر وزراء کے علاوہ کانگریس کے سابق صدر راہل گاندھی،دہلی کے وزیراعلیٰ اروند کیجریوال نے جمعہ کے روز وزیراعظم نریندر مودی کی سالگرہ کے موقع پر انھیں مبارکباد دی اور نیک خواہشات پیش کیے ۔  

کے بغیر داخلی سلامتی کا تصور نہیں کیا جا سکتا: امیت شاہ CRPF

 نئی دہلی//مرکزی وزیر داخلہ امیت شاہ نے کل داخلی سلامتی کو مضبوط بنانے میں مرکزی ریزرو پولیس فورس (سی آر پی ایف) کی شراکت کی تعریف کرتے ہوئے کہا کہ ان کے بغیر ملک کی داخلی سلامتی کا تصور بھی نہیں کیا جا سکتا۔ مہاراشٹر کے ناندیڑ میں فورس کے ٹریننگ سینٹر میں جمعہ کو سنٹرل آرمڈ پولیس فورس کے زیر اہتمام چلائی جانے والی 'آل انڈیا ٹری پلانٹیشن مہم -2021' کے تحت ایک کروڑ پودا لگانے کے بعد مسٹر شاہ نے کہا کہ ‘‘پہلے اس فورس پر داخلی سلامتی کی ذمہ داری تھی ، پھر فسادات کو روکنے کی ذمہ داری آئی ، پھر بائیں بازو کے انتہا پسندوں کے ساتھ لڑنے کی ذمہ داری آئی یا شمال مشرق میں کام کرنے کی ذمہ داری آئی، کشمیر میں کام کرنے کی ذمہ داری آئی ، سی آر پی ایف کے جوانوں ے ہر ضرورت کے مطابق اپنے آپ کو ڈھال کر ہر توقع کو پورا کرنے کا کام کیا ہے اور ہر محاذ پر سی آر پی ایف کے فتح کا جھن

سنٹرل وسٹا پروجیکٹ پر لوگوں کو گمراہ کیا گیا:مودی | وزارت دفاع کے نئے تعمیر شدہ دفاتر کے کیمپس کا افتتاح

نئی دہلی// وزیر اعظم نریندر مودی نے کل سنٹرل وسٹا پروجیکٹ پر تنقید کرنے والوں کو آڑے ہاتھوں لیتے ہوئے کہا کہ ان لوگوں نے صرف گمراہ کرنے کی کوشش کی اور سینکڑوں سال پرانی اور خستہ حال ہٹ مینٹس اور بیرکوں میں کام کرنے والے فوجی افسران کی پریشانیوں پر خاموشی اختیار کئے رکھی ۔جمعرات کو یہاں وزارت دفاع کے کستوربہ گاندھی مارگ اور افریقہ ایونیو میں دو نئے تعمیر شدہ آفس کمپلیکس کا افتتاح کرنے کے بعد اپنے خطاب میں مسٹرمودی نے کہا کہ کچھ لوگوں نے اس پروجیکٹ کی مخالفت صرف گمراہ کرنے اور حقائق اور ضروریات کو نظر انداز کرنے کے لیے کی۔انہوں نے کہا ‘‘وہ لوگ جو سینٹرل وسٹا پروجیکٹ کے پیچھے ڈنڈا لے کر پڑے تھے وہ ہٹ مینٹس پر خاموش رہے ۔ وہ صرف الجھن پھیلا رہے تھے ۔   

۔6 برسوں میں 5 لاکھ کروڑ روپے کی وصولی:سیتا رمن

نئی دہلی// وزیر خزانہ نرملا سیتا رمن نے مودی حکومت کے پہلی اور دوسری مدت کار میں کیے گئے بینک اصلاحات اور دیگر تدابیر کا حوالہ دیتے ہوئے کل کہا کہ گذشتہ مالی سالوں میں سرکاری بینکوں نے 501479 کروڑ روپیے کے پھنسے قرض کی وصولی کی ہے ۔ محترمہ سیتا رمن نے یہاں صحافیوں سے بات چیت کرتے ہوئے یہ اطلاع دی کہ مارچ 2018 کے بعد 3.1 لاکھ کروڑ روپیے کی وصولی کی گئی ہے ۔ سنہ 2018-19 میں 1.2 لاکھ کروڑ روپیے کی وصولی کی گئی ہے ۔ انہوں نے کہا کہ بھوشن اسٹیل جیسی دیوالیہ کمپنیوں کے نمٹارے سے بھی 99 ہزار کروڑ روپیے سے زیادہ کی وصولی کی گئی ہے ۔ انہوں نے کہا کہ سنہ 2013 میں 21 سے محض دو سرکاری بینک منافع کما رہے تھے جبکہ امسال مارچ میں محض دو بینک ہی نقصان میں تھے ۔ انہوں نے کہا کہ گذشتہ وہ مالی سال میں حکومت کی چار ‘آر’ نافذ کی گئی جس سے بینکوں نے 501479 کروڑ روپیے کی وصولی کی ہیں۔ انہوں نے ک

ملا برادر دنیا کی 100 بااثر شخصیات میں شامل

واشنگٹن//ملا عبدالغنی برادر کو ٹائم میگزین کی جانب سے 2021 کے بااثر ترین افراد میں شامل کیا گیا ہے۔ طالبان کی نئی اعلان کردہ حکومت میں نائب وزیراعظم اور دوحہ معاہدے میں سرفہرست شخصیت اپنے وقت کے اعتبار سے 2021 کے 100 بااثر افراد میں شامل ہوچکے ہیں۔ملا برادر نے امن معاہدے کے دوران امریکہ کے ساتھ مذاکرات میں طالبان کی قیادت کی۔ ملا عبدالغنی شاذ و نادر ہی عوامی بیانات دیتے ہیں۔ فروری 2020 میں جب زلمے خلیل زاد نے دوحہ میں امن معاہدے پر دستخط کیے ، اس وقت ملا برادر طالبان کے اہم نمائندے تھے۔حال ہی میں ، ٹائم میگزین نے کہا ہے کہ ملا برادر تمام اہم فیصلے خود کرتے تھے جس میں سابق حکومت کے ارکان کو دی جانے والی معافی ، طالبان کے کابل میں داخل ہونے کو موقوف کرنا اور حکومت کے پڑوسی ریاستوں بالخصوص چین اور پاکستان کے ساتھ رابطوں اور دوروں سے متعلق فیصلے شامل ہیں۔  

چین ایک ارب آبادی کو ویکسین لگانے والا پہلا ملک بن گیا

بیجینگ// چین ایک ارب سے زائد آبادی کو مکمل کورونا ویکسین لگانے والا پہلا ملک بن گیا۔ چین نے ایک ارب سے زیادہ افراد کو کورونا وائرس سے بچاؤ کی ویکسین لگا دی ہے جو اس کی کْل آبادی کا 71 فیصد بنتا ہے۔کورونا وائرس کا پہلا کیس چین میں رپورٹ ہوا تھا جس کے بعد چین نے بہت جلد اپنے ملک کے اندر وبا پر قابو پا لیا تھا۔ تاہم جنوب مشرقی حصے میں نئے کیسز سامنے آنے کے بعد چین اپنی پوری آبادی کو ویکسین لگانے کی کوشش میں ہے۔جمعرات کو نیشنل ہیلتھ کمیشن کے ترجمان می فینگ نے پریس بریفننگ کے دوران کہا کہ ’15 ستمبر تک دو ارب 16 کروڑ افراد کو ویکسین لگا دی گئی ہے۔‘    

ایس سی اوچوٹی کانفرنس سے مودی کل خطاب کریں

 نئی دہلی//وزیراعظم نریندر مودی آئندہ جمعہ کے روز شنگھائی کوآپریشن آرگنائیزیشن (ایس سی او) کے رکن ممالک کے سربراہوں کے چوٹی کانفرنس میں شرکت کریں گے ۔ تاجکستان کے دارالحکومت دوشانبے میں یہ کانفرنس ورچول ڈھنگ سے منعقد کی جائے گی۔کانفرنس کی صدارت تاجکستان کے صدرامام علی رحمان کریں گے ۔ ہندوستانی وفد کی قیادت وزیراعظم مودی ویڈیو لنک کے ذریعے سے کریں گے اور کانفرنس کی اہم نشست سے خطاب کریں گے ۔ وزیرخارجہ ایس جے نکر، دوشانبے میں موجودرہیں گے ۔ ایس سی او کے چوٹی کانفرنس میں رکن ممالک اور مشاہد (آبزرور) ممالک کے رہنما، ایس سی او کے سکریٹری جنرل، ایس سی او میں علاقائی انسداد دہشت گردی کے نظام کے ایگزیکٹو ڈائریکٹرترکمانستان کے صدرقربان قلی بردی محمدوف اور دیگر مہمان موجود ہوں گے ۔ پہلی بار ایس سی او چوٹی کانفرنس ورچول ذریعے سے منعقد کی جا رہی ہے ۔ ہندوستان مکمل رکن کی حیثیت سے چوتھی با

حکومت زرعی شعبے کی مجموعی ترقی کیلئے پرعزم :تومر

نئی دہلی//وزارت زراعت نے بدھ کے روزمرکز کے زیر انتظام علاقوں کی ایک کانفرنس کا اہتمام کیا جس میں مرکزکے زیر انتظام علاقوں میں زرعی ترقی پر تفصیلی تبادلہ خیال کیا گیا۔اس موقع پر وزیر زراعت نریندر سنگھ تومر نے کہا کہ مرکزی حکومت زراعت کے شعبے کی مجموعی ترقی کے لیے پرعزم ہے اور اس کے مطابق اس طرح کی کئی اسکیمیں چلائی جا رہی ہیں ، جن کا کبھی تصور بھی نہیں کیا گیا تھا۔ ایک لاکھ کروڑ روپے کے فنڈ کے ساتھ حکومت کسانوں کے کھیتوں کے نزدیک انفراسٹرکچر بنانے کے لیے کھڑی ہے ۔ ملک بھر کے گاؤں گاؤں اور کھیتوں کے پاس تک انفراسٹرکچر بن جانے سے کسان اپنی پیداوار کو کچھ عرصے کے لیے روک کر بعد میں اسے مناسب قیمت پر فروخت کر سکیں گے ۔جموں و کشمیر کے لیفٹیننٹ گورنر منوج سنہا ، انڈومان اور نکوبار کے لیفٹیننٹ گورنر ڈی کے جوشی ، لداخ کے لیفٹیننٹ گورنر رادھا کرشن ماتھور ، وزیر مملکت برائے زراعت کیلاش چودھری اور

دیوالی پر دہلی میں آتش بازی پر پابندی

نئی دہلی// گزشتہ سال کی طرح اس سال بھی دیوالی کے موقع پر دہلی میں پٹاخوں پر پابندی عائد کی گئی ہے ۔دہلی کے وزیراعلیٰ اروند کجریوال نے آج ٹویٹ کیا کہ گزشتہ تین برسوں سے دیوالی کے دوران دہلی کی آلودگی کی خطرناک حالت کے پیش نظر سالہائے گزشتہ کی طرح اس سال بھی ہر قسم کے پٹاخوں کے ذخیرہ ، فروخت اور استعمال پر مکمل پابندی عائد کی جا رہی ہے جس سے لوگوں کی زندگیاں بچائی جا سکے ۔

مرکزی کابینہ اجلاس

نئی دہلی// حکومت نے کل ملک میں ڈرون کے شعبے کو فروغ دینے کے لیے 120 کروڑ روپے کی پیداوار پر مبنی مراعات کا اعلان کیا ہے ۔ وزیر اعظم نریندر مودی کی زیر صدارت بدھ کے روزیہاں منعقدہ کابینہ کی میٹنگ میں یہ فیصلہ کیا گیا۔ اگلے تین برسوں میں اس شعبے میں 5000 کروڑ روپے کی سرمایہ کاری متوقع ہے اور پیداوار تقریبا 1500 کروڑ روپے ہونے کی توقع ہے ۔  ہندوستان نے مواصلاتی شعبے میں اور بڑی اصلاحات کی منظوری دینے کے ساتھ ہی 4 جی 5 جی ٹیکنالوجی کے درمیان ایک پل کی طرح کام کرنے والی ‘ریڈیو ایکسیس ٹیکنالوجی’ ملک میں ڈیزائن اور تیار کر کے بیرون ملک برآمدات کرنے کا بھی فیصلہ کیا ہے ۔ کابینہ کی میٹنگ میں ٹیلی کام اور آٹو سیکٹر کے شعبے میں کئی اہم فیصلے کئے گئے۔ مرکزی حکومت نے ٹیلی کام سیکٹر کے لیے امدادی پیکیج کی منظوری دے دی ہے۔اس کے علاوہ خودکار راستے کے تحت ٹیلی کام سیکٹر میں 100 فیصد ا

مودی24ستمبر کو امریکہ جائیں گے | کواڈ سربراہ کانفرنس اوراقوام متحدہ کی جنرل اسمبلی اجلاس میں شرکت کریں گے

نئی دہلی// وزیر اعظم نریندر مودی 24 اور 25 ستمبر کو امریکہ کا دورہ کریں گے جس میں وہ امریکہ ، آسٹریلیا اور جاپان کے لیڈروں کے ساتھ کواڈریلیٹرل سکیورٹی ڈائیلاگ (کواڈ) سربراہ کانفرنس میں شرکت کے ساتھ ہی اقوام متحدہ کی جنرل اسمبلی کے سالانہ اجلاس میں بھی شرکت کریں گے ۔وزارت خارجہ نے آج صبح یہاں یہ اطلاع دیتے ہوئے نے بتایا کہ 24 ستمبر کوواشنگٹن میں آسٹریلیا کے وزیر اعظم اسکاٹ موریسن ، جاپان کے وزیر اعظم یوشی ہیدے سوگا اور امریکی صدر جوزف آر۔ بائیڈن کے ساتھ کواڈریلیٹرل فریم ورک کے سربراہ اجلاس میں شرکت کریں گے ۔کانفرنس میں 12 مارچ کو ورچوئل طریقے سے ہوئی کواڈسربراہ کانفرنس کے بعد پیش رفت کا جائزہ لیا جائے گا اور مشترکہ دلچسپی کے علاقائی مسائل پر تبادلہ خیال کیا جائے گا۔وزارت خارجہ کے مطابق اس میٹنگ میں کووڈ وبا پر قابو پانے کی کوششوں اور کواڈ ویکسینیشن اقدامات کا جائزہ لیا جائے گا۔ کواڈ لیڈ

ہندی علاقائی زبانوں کی دوست | عوام بنیادی کاموں میں ہندی کا استعمال کریں:امیت شاہ

نئی دہلی// مرکزی وزیر داخلہ امت شاہ نے منگل کے روز تمام ہندوستانی زبانوں کے فروغ اور حوصلہ افزائی کے لیے زور دیا اور کہا کہ ہندی علاقائی زبانوں کی 'سخی (دوست) ہے۔  'ہندی دیوس کے موقع پر منعقدہ ایک تقریب سے خطاب کرتے ہوئے شاہ نے والدین سے بھی اپیل کی کہ وہ اپنے بچوں کے ساتھ گھر میں مادری زبان میں بات کریں چاہے وہ انگریزی میڈیم اسکولوں میں پڑھتے ہوں۔انہوں نے کہا ، "ہندی کا کسی مقامی زبان کے ساتھ کوئی تنازعہ یا تضاد نہیں ہے۔ سرکاری زبان۔ ہندی ہندوستان کی تمام مقامی زبانوں کی 'سخی ہے اور اس کی ترقی صرف ایک دوسرے کے باہمی تعاون سے کی جا سکتی ہے۔"شاہ نے کہا کہ ہندی اور تمام علاقائی زبانوں کی تشہیر اور حوصلہ افزائی ہونی چاہیے۔  

یو پی میں ڈینگو بے قابو | فیروز آباد میں 150مریض جاں بحق

فیروزآباد: اترپردیش کے ضلع فیروزآباد میں ڈینگو بخار اور وائرل سے متاثرہ مریضوں کو راحت نہیں مل پارہی ہے۔ ضلع میں متعدی بخار کی زد میں آنے سے تقریباً 150مریضوں کی جان جاچکی ہے۔ وزیر اعلی یوگی آدتیہ ناتھ نے مقامی انتظامیہ کو بیماری کے سلسلے میں کوتاہی نہ برتنے کی سخت ہدایت دی ہے۔منگل کو میڈیکل کالج میں ڈینگو وارڈ میں مریضوں کی تعداد 465 بتائی گئی جس میں زیادہ تر بچے ہیں۔ادھرکورونا وائرس کے خطرات کے درمیان مغربی بنگال کے کئی اضلاع میں نامعلوم وائرل بخار کی وجہ سے لوگوں میں دہشت کا ماحول ہے ۔شمالی بنگال کے جلپائی گوڑ ی میں نامعلوم بخار کی وجہ سے ایک 6سالہ بچی کی موت ہوگئی ہے ۔ 120 سے زائد بچے ہسپتال میں داخل ہیں۔ ہسپتال کے بچوں کے وارڈ میں بستروں میں اضافہ کیا جا رہا ہے ۔دریں اثناء گزشتہ 24 گھنٹوں میں مزید 22 بچے بخار کے ساتھ ہسپتال میں داخل ہوئے ہیں۔  

دہلی، اتر پردیش اور مہاراشٹرمیں6مشتبہ جنگجو گرفتار

نئی دہلی// دہلی پولیس کے اسپیشل سیل کی ٹیم نے دہلی، اتر پردیش اور مہاراشٹر سے چھ مشتبہ جنگجوئوں کو گرفتار کرنے میں کامیابی حاصل کی ہے جن میں سے دو نے پاکستان میں تربیت حاصل کی ہے ۔اسپیشل سیل اسپیشل کمشنر آف پولیس نیرج ٹھاکر نے کل یہاں صحافیوں کو بتایا کہ گرفتار شدگان کی شناخت ابوبکر، جان محمد علی شیخ، اسامہ، مول چند عرف لالہ، ذیشان قمر اور محمد عامر جاوید کے طور پر ہوئی ہے ۔ ان میں سے اسامہ اور ذیشان نے پاکستان میں تربیت حاصل کی ہے ۔ یہ لوگ نوراتری، رام لیلا اور دیگر تہواروں کے دوران مختلف ریاستوں میں بم دھماکوں کی منصوبہ بندی کر رہے تھے ۔انہوں نے کہا کہ اسامہ اور ذیشان یہاں سے مسقط گئے اور وہاں سے پاکستان جاکر 15 دن کی ٹریننگ لی۔ ان دونوں کے انڈر ورلڈ سے روابط تھے ، جو داؤد ابراہیم کے بھائی انیس ابراہیم کے ذریعہ آپریٹ کیا جارہا تھا۔مسٹر ٹھاکر نے بتایا کہ ان میں سے تین لوگوں کو اترپرد

گجرات میں حکومت سازی کا دعویٰ پیش | نئے وزیراعلیٰ کے بطور بھوپیندر پٹیل کی حلف برداری آج

گاندھی نگر//گجرات کے نئے وزیر اعلیٰ بھوپندر پٹیل سوموار کوریاست کے 17 ویں وزیر اعلیٰ کے طور پر عہدے اور رازداری کا حلف لیں گے ۔حکمراں بی جے پی کے ریاستی صدر سی آر پاٹل نے مسٹر پٹیل کے ساتھ مشترکہ پریس کانفرنس کے دوران یہ اطلاع دی۔انہوں نے بتایا کہ مسٹر پٹیل آج تنہا حلف لیں گے ۔ پارٹی تنظیم کے ساتھ بات چیت کے بعد اس کے بعد آئندہ ایک یادو روزمیں وزراء کے ناموں کااعلان ہوگا۔ ایک سوال کے جواب میں انہوں نے کہا کہ ڈپٹی چیف منسٹر کے عہدے کے لیے کوئی بحث نہیں ہوئی ہے ۔اس سے پہلے مسٹرپٹیل نے وزیر اعلیٰ کی ذمہ داری دینے اوران پر اعتماد ظاہر کرکے نے لئے وزیراعظم نریندر مودی، وزیر داخلہ امیت شاہ، بی جے پی صدر جے پی نڈا کا شکریہ ادا کیا۔ انہوں نے مسٹر پاٹل، سابق وزیر اعلیٰ وجے روپانی اور محترمہ آنندی بین پٹیل کا بھی شکریہ ادا کیا۔مسٹرپٹیل نے کہا کہ ان پر کئے گئے اعتماد کو برقرار رکھتے ہوئے وہ ب