کورونا ہلاکتیں : مزید7مریض چل بسے،اموات کی تعداد202

سرینگر//وادی کشمیر میں بدھ کے روز کورونا وائرس سے مزید سات افراد جاں بحق ہوگئے۔اس طرح جموں کشمیر میںکورونا سے مرنے والوں کی تعداد202تک پہنچ گئی ہے۔ حکام کے مطابق چھہ مریض سکمز صورہ میں جبکہ ایک جی ایم سی اننت ناگ میں انتقال کرگیا۔ سکمزصورہ کے میڈیکل سپر انٹنڈنٹ پروفیسر فاروق جان نے نیوز ایجنسی جی این ایس کو بتایا کہ آج انتقال کرنے والوں میں سے تین کا تعلق بارہمولہ،2کا تعلق سرینگر اور ایک کا تعلق پلوامہ اضلاع سے تھا۔  

جموں کشمیر بھاجپا صدر کاکورونا ٹیسٹ مثبت ظاہر

سرینگر//بھارتیہ جنتا پارٹی کے جموں کشمیر صدر، ریوندر رینا کا کورونا ٹیسٹ منگل کے روز مثبت ظاہر ہوا۔ اُسے فوری طور پر ایک اسپتال کے علیحدگی وارڈ میں منتقل کیا گیا ہے۔ بھاجپا لیڈر نے ایک ٹویٹ میں کہا کہ انہوں نے ہلکے بخار میں مبتلاءہونے پر خود اپنا ٹیسٹ کروایا جو مثبت ظاہر ہوا۔ رینا کا مزید کہنا تھا کہ وہ حال ہی میں بھاجپا لیڈر وسیم باری کی موت کے بعد بانڈی پورہ گئے تھے اور انہوں نے وہاں پانچ دن گذارے۔ ذرائع کے مطابق رینا کو نارائنا اسپتال،کٹرا کے ایک علیحدہ وارڈ میں منتقل کیا گیا ہے۔  

سی آر پی ایف اہلکار اور 2 خواتین کے کورونا ٹیسٹ بعد از مرگ مثبت ظاہر،اموات کی تعداد194

سرینگر//بارہمولہ میں تعینات ایک سی آر پی ایف اہلکار اور دو خواتین کے کورونا ٹیسٹ اُن کی موت کے بعد مثبت ظاہر ہونے سے مہلک وائرس سے مرنے والوں کی تعداد بڑھ کر194ہوگئی ہے۔ مذکورہ تین اموات سے منگل کے روز جموں کشمیر میں کورونا کی وجہ سے ابھی تک چھہ ہلاکتیں ہوئی ہیں۔ صدر اسپتال سرینگر کے میڈیکل سپر انٹنڈنٹ ڈاکٹر نذیر چودھری نے نیوز ایجنسی جی این ایس کو بتایا کہ 35سالہ سی آر پی ایف اہلکار66ویں بٹالین سے وابستہ تھا اور وہ بارہمولہ میں تعینات تھا۔اُس کا کورونا ٹیسٹ اُس کی موت کے ایک دن بعد مثبت ظاہر ہوا ہے۔مذکورہ اہلکار نوشیرا راجوری کا باشندہ تھا اور وہ نمونیا میں مبتلاءتھا۔ اس دوران جی ایم سی اننت ناگ کے میڈیکل سپر انٹنڈنٹ ڈاکٹر مجیدمہراب نے جی این ایس کو بتایا کہ سمتھن اور کولگام کی رہنے والی دو خواتین ،جو اُن کے اسپتال میں10جولائی کو انتقال کرگئی تھیں، کے کورونا ٹیسٹ مثبت ظاہر

بانڈی پورہ میں نوجوان بجلی کرنٹ لگنے سے لقمہ اجل، دوسرا زخمی

سرینگر//ضلع بانڈی پورہ میں ایک22سالہ نوجوان منگل کے روز بجلی کرنٹ لگنے سے لقمہ اجل بن گیا جبکہ دوسرازخمی ہوگیا۔ حکام کے مطابق مذکورہ نوجوان بانڈی پورہ میں ایک دکان پر لوہے کا شٹر نصب کررہے تھے جس کے دوران وہ نزدیک ہی ایک ہائی ٹنشن تار کے رابطے میں آگئے۔ اس حادثے میں دو نوجوان بری طرح زخمی ہوگئے جن کی شناخت عرفان احمد ملک ساکن کلاروس اور عاقب احمد آہنگر کے طور ہوئی۔ زخمیوں کو مقامی اسپتال پہنچایا گیا جہاں عرفان دم توڑ بیٹھا جبکہ ثاقب کو سرینگر منتقل کیا گیا۔  

کورونا نے ایک اور جان لی، اموات کی تعداد191

سرینگر//جنوبی ضلع شوپیان کا ایک65سالہ شہری کورونا وائرس کی وجہ سے جاں بحق ہوگیا۔ یہ منگل کے روز ہونے والی ایسی تیسری موت ہے۔اس طرح جموں کشمیر میں مہلک وائرس سے مرنے والوں کی تعداد191تک پہنچ گئی ہے۔ سکمز بمنہ کے میڈیکل سپر انٹنڈنٹ ڈاکٹر شفا دیوا نے نیوز ایجنسی جی این ایس کو بتایا کہ مذکورہ شہری10جولائی سے زیر علاج تھا۔وہ نمونیا میں مبتلاءتھا اور اُس کی ایک سرجری بھی ہوئی تھی۔ یاد رہے کہ اس سے قبل آج صبح تالاب تلو جموں اور بارہمولہ کے دو شہری کورونا کی وجہ لقمہ اجل بن گئے تھے۔  

کنگن میں نالہ سندھ سے خاتون کی لاش برآمد

کنگن//وسطی ضلع گاندربل کے کنگن علاقے میں منگل کونالہ سندھ سے ایک خاتون کی لاش برآمد ہوئی ہے۔  کشمیر عظمیٰ کو پولیس ذرائع سے معلوم ہوا ہے کہ نجون کنگن میں لوگوں نے نالہ سندھ میں ایک خاتون کی لاش دیکھی جس کے بعد انہوں نے فوری طور کنگن پولیس کو مطلع کیا۔  پولیس نے جائے موقع پر جاکر لاش کو اپنی تحویل میں لیکر تحقیقات شروع کردی۔  لاش کی شناخت ہونا ابھی باقی ہے۔  

جموں میں کورونا سے ایگریکلچر آفیسر کی موت، تعداد190

  سرینگر//جموں کے تالاب تلو میں ایک شہری، جو پیشے سے ایگریکلچر آفیسر تھا منگل کے روز کورونا وائرس کی وجہ سے فوت ہوگیا۔ اس طرح جموں کشمیر میں مہلک وائرس سے مرنے والوں کی تعداد بڑھ کر190تک پہنچ گئی ہے۔ جی ایم سی جموںکے پرنسپل ڈاکٹر نصیب چند ڈوگرہ نے نیوز ایجنسی جی این ایس کو بتایا کہ مذکورہ مریض کو12جولائی کے روز داخل کرایا گیا تھا اور اُسے فوراً وینٹی لیٹر پر رکھا گیا تھا جس کے دوران آج صبح اُس کی موت واقع ہوگئی۔ اس سے قبل بارہمولہ کا ایک شہری سکمز صورہ میںکورونا کی وجہ سے دم توڑ بیٹھا۔  

ملک میں کورونا وائرس متاثرین کی تعدادمیں28498کا اضافہ

نئی دہلی// کوروناوائرس کی خوفناک صورتحال کے درمیان تیسرے دن بھی ملک میں 28 ہزار سے زیادہ نئے کیس رپورٹ ہوئے ہیں جس سے کورونا متاثرین کی تعداد 9.06 لاکھ سے متجاوز کرچکی ہے اور اس دوران 550 سے زیادہ افراد کی موت ہے۔ منگل کے روز صحت و خاندانی بہبود کی وزارت کی جانب سے جاری تازہ ترین اعداد و شمار کے مطابق ملک بھر میں گذشتہ 24 گھنٹوں کے دوران کورونا وائرس کے 28498 نئے کیس سامنے آئے ہیں ، جس سے متاثرہ افراد کی تعداد بڑھ کر 906752ہوگئی ہے۔ اس سے قبل اتوار کو 28637اور پیر کو 28701کیس رپورٹ ہوئے تھے اور ان کے مقابلہ میں متاثرین کی تعداد میں معمولی کمی واقع ہوئی ہے۔  

بارہمولہ کا60سالہ شہری کورونا سے ازجان، اموات کی تعداد189

سرینگر//شمالی کشمیر کے بارہمولہ ضلع کا ایک60سالہ شہری منگل کو کورونا کی وجہ سے فوت ہوگیا جس سے جموں کشمیر میں اس مہلک وائرس سے مرنے والوں کی تعداد183تک بڑھ گئی۔ نادی ہل علاقے کا رہنے والا مذکورہ شہری سکمز صورہ میں انتقال کرگیا جہاں وہ تو روز سے زیر علاج تھا۔ سکمز کے میڈیکل سپر انٹنڈنٹ پروفیسر فاروق جان نے نیوز ایجنسی جی این ایس کو بتایا کہ مذکورہ شہری نمونیا میں مبتلاءتھا اور وہ آج علی الصبح چار بجے انتقال کرگیا۔ تازہ ہلاکت سے وادی کشمیر کے اندر کورونا سے مرنے والوں کی تعداد172ہوگئی ہے جبکہ17افراد کی موت جموں صوبے میں واقع ہوئی ہے۔ وادی میں سب سے زیادہ اموات سرینگر میں ہوئی ہیں جن کی تعداد46ہے۔   

کولگام میں تعینات سی آر پی ایف اہلکار کورونا سے از جان

سرینگر//جنوبی ضلع کولگام میں تعینات ایک سی آر پی ایف اہلکار پیر کو سرینگر کے ایک اسپتال میں کورونا وائرس سے جاں بحق ہوگیا۔ یہ جموں کشمیر میں کورونا وائرس سے فورسز اہلکار کی ہونے والی دوسری موت ہے۔ صدر اسپتال سرینگرکے میڈیکل سپر انٹنڈنٹ نے نیوز ایجنسی جی این ایس کو بتایا کہ55سالہ فورسز اہلکار آج صبح جاں بحق ہوگیا اور اُس کا کورونا ٹیسٹ بعد دوپہر مثبت ظاہر ہوا۔ اس سے قبل ایک40سالہ سی آر پی ایف اہلکار جو اننت ناگ ضلع میں تعینات تھا،8جون کے روزسکمز صورہ میں جاں بحق ہوا تھا۔  

سرینگر کا 65سالہ شہری کورونا ٹیسٹ کیلئے نمونہ لئے جانے کے دوران جاں بحق

سرینگر//راولپورہ سرینگر کا ایک65سالہ شہری اسپتال میں اُس وقت انتقال کر گیا جب اُس سے کورونا ٹیسٹ کیلئے نمونہ لیا جارہا تھا۔ سی ڈی اسپتال سرینگر کے میڈیکل سپر انٹنڈنٹ نے نیوز ایجنسی جی این ایس کو بتایا کہ مذکورہ شہری کو کورونا ٹیسٹ کیلئے نمونہ لئے جانے کے دوران دل کا دورہ پڑا۔ انہوں نے مزید کہا کہ مذکورہ شہری کی میت کو اسپتال میں ہی رکھا گیا ہے اور اُس کے کورونا ٹیسٹ رپورٹ کا انتظار کیا جارہا ہے۔  

پلوامہ کی55سالہ خاتون کورونا سے ازجان،اموات کی تعداد183

سرینگر//جنوبی ضلع پلوامہ کی رہنے والی ایک55سالہ خاتون پیر کو کورونا کی وجہ سے جاں بحق ہوگئی جس سے جموں کشمیر میںمہلک مرض میں مبتلاءلوگوں کی اموات کی تعداد183تک بڑھ گئی۔ سی ڈی اسپتال کے میڈیکل سپر انٹنڈنٹ ڈاکٹر سلیم ٹاک نے نیوز ایجنسی جی این ایس کو بتایا کہ مذکورہ خاتون5جولائی سے زیر علاج تھی اور وہ نمونیا وغیرہ امراض میں بھی مبتلاءتھی۔ اس سے قبل آج صبح شمالی کشمیر سوپور کا ایک46سالہ شہری کورونا وائرس کی وجہ سے جاں بحق ہوگیا۔ وادی کشمیر کے اندر ہونے والی کورونا ہلاکتوں کی تعداد166تک جا پہنچی ہے جبکہ صوبہ جموں میں اب تک 17اموات ہوئی ہیں۔ وادی میں سب سے زیادہ متاثرہ ضلع سرینگر ہے جہاں 45اموات ہوئی ہیں۔  

کشمیر کے بیشتر علاقوں میں دوبارہ لاک ڈاون، بازار و سڑکیں سنسان

سرینگر// کورونا کے متاثرین او متوفین میں روز افزوں درج ہو رہے اضافے کے پیش نظر وادی کشمیر کے مختلف علاقوں بالخصوص سری نگر کے بیشتر علاقوں میں پیر کے روز دوبارہ لاک ڈاون نافذ کردیا گیا جس کی وجہ سے بازاروں اور سڑکوں پر ایک بار پھر ویرانی چھا گئی۔ سرینگر میں انتظامیہ نے لوگوں کے گھروں میں ہی بیٹھنے کو یقینی بنانے کے لئے سڑکوں کو سیل کردیا ہے اور سیکورٹی فورسز کی بھی سڑکوں اور اہم چوراہوں پر تعیناتی کو مزید بڑھادیا گیا ہے۔ واضح رہے کہ گذشتہ کچھ عرصہ سے وادی کشمیر میں کورونا کے متاثرین میں کافی تعداد میں اضافہ ہورہا ہے ۔  

کنگن میں ریچھ کے حملے میں شہری بری طرح زخمی

کنگن//گاندربل ضلع کے ڑیرون کنگن میں پیر کوایک شخص ریچھ کے حملے میں شدید زخمی ہوا جس کو علاج معالجہ کے لئے صورہ میڈیکل انسٹی چوٹ منتقل کیا گیا۔  کشمیر عظمیٰ کو ملی تفصیلات کے مطابق وسطی کشمیر کے ڑیرون کنگن میں ایک 50برس کا شخص عبدالرشید ٹنڈا ولد شمس الدین ٹینڈا ساکن ٹھیون کنگن اپنے رہائشی مکان کے صحن میں بیٹھا تھا کہ اس دوران وہاں ایک ریچھ نمودار ہوا جس نے مذکورہ شخص پر حملہ کردیا۔  مقامی لوگوں کے شور شرابہ سے ریچھ مذکورہ شخص کو بری طرح زخمی کرنے کے بعد وہاں سے بھاگ گیا۔ زخمی شہری کوسب ضلع ہسپتال کنگن لے جایا گیا جہاں سے ڈاکٹروں نے اس کو صورہ میڈیکل انسٹی چیوٹ منتقل کیا۔  

کورونا پھیلاﺅ کو روکنے کیلئے گاندربل میں کاروبار دو دنوں کیلئے بند

سرینگر//ضلع انتظامیہ گاندربل نے عوام سے کورونا وائرس کو پھیلنے سے روکنے کیلئے تعاون طلب کرتے ہوئے سبھی دکانوں اور تجارتی مراکز کو دو دنوں کیلئے بند رکھنے کے احکامات صادر کئے ہیں۔ حکام کے مطابق ضلع مجسٹریٹ گاندربل شفقت اقبال نے ضلع بھر میں آج جولائی 13اورکل 14کو دفعہ 144 نافذ رکھنے کے احکامات صادر کئے ہیں۔ یہ احکامات کورونا وائرس کو پھیلنے سے روکنے کیلئے جاری کئے گئے ہیں تاہم پابندیوں کا اطلاق ایمرجنسی سروسز پر نہیں ہوگا۔ ضلع انتظامیہ نے پولیس حکام پر زور دیا ہے کہ وہ پابندیوں کے احکامات کو سختی سے نافذ کریں۔  

ملک میں مسلسل دوسرے روز کورونا کے 28 ہزار سے زائد نئے کیس ظاہر

نئی دہلی// ملک میں کورونا وائرس کی شدت میں دن بہ دن اضافہ ہوتاجارہا ہے اور لگاتار دوسرے دن بھی ساڑھے 28 ہزار سے زیادہ کیس سامنے آئے ہیں ، جس سے متاثرہ افراد کی تعداد بڑھ کر تقریباً 8.78 لاکھ ہوگئی ہے۔ مرکزی وزارت صحت کی جانب سے پیر کے روز جاری تازہ ترین اعداد و شمار کے مطابق ملک بھر میں گذشتہ 24 گھنٹوں کے دوران کورونا وائرس کے 28701 نئے کیس رپورٹ ہوئے ہیں ، جو ایک دن میں سب سے زیادہ ہےں، جس سے متاثرہ افراد کی مجموعی تعداد بڑھ کر 878254 ہوگئی ہے۔ اس سے قبل اتوار کے روز 28637 کیس رپورٹ ہوئے تھے۔ کورونا وائرس کے تیزی سے بڑھتے ہوئے کیسز میں یہ راحت پہنچانے والی بات ہے کہ صحت مند افراد کی تعداد میں بھی مسلسل اضافہ ہورہا ہے۔ گذشتہ 24 گھنٹوں کے دوران 18850 مریض صحت مند ہو ئے جس کے بعد شفایاب ہونے والے مریضوں کی مجموعی تعداد 553471 ہوگئی ہے۔ ملک میں اس وقت کورونا وائرس کے 301609 فعال ک

سوپور کا46سالہ شہری کورونا سے جاں بحق، اموات کی تعداد182

سرینگر//شمالی کشمیر سوپور کا ایک46سالہ شہری کورونا وائرس کی وجہ سے پیر کے روز جاں بحق ہوگیا۔ اس طرح جموں کشمیر میں مہلک مرض سے ہونے والی اموات کی تعداد182ہوگئی ۔ مذکورہ شہری نیوز ایجنسی جی این ایس کے مطابق نمونیا وغیرہ میں مبتلاءتھا اور وہ سکمز صورہ میں انتقال کرگیا۔ ضلع کمشنر بارہمولہ ڈاکٹر جی این ایتو نے مذکورہ شہری کے انتقال کی تصدیق کرتے ہوئے کہا کہ وہ آج صبح پونے چھ بجے چل بسا۔ سوپور کے مذکورہ شہری کے از جان ہونے سے وادی کشمیر کے اندر ہونے والی کورونا ہلاکتوں کی تعداد165تک جا پہنچی ہے جبکہ صوبہ جموں میں اب تک 17اموات ہوئی ہیں۔ وادی میں سب سے زیادہ متاثرہ ضلع سرینگر ہے جہاں 45اموات ہوئی ہیں۔  

اننت ناگ میں فورسزآپریشن کے دوران تصادم، جنگجو جاں بحق : پولیس

سرینگر//پولیس نے پیر کو بتایا کہ سیکورٹی فورسز نے ایک آپریشن کے دوران جنوبی ضلع اننت ناگ میں ایک جنگجو کو جاں بحق کردیا ۔ پولیس نے کہا کہ ضلع کے سری گفوارہ علاقے میں فورسز اور جنگجوﺅں کے مابین معرکہ آرائی کے دوران ایک جنگجو جاں بحق ہوگیا۔ اس سے قبل جب فورسز نے سری گفوارہ میں جنگجوﺅں کی موجودگی کی مصدقہ اطلاع ملنے کے بعدوہاںتلاشی آپریشن شروع کیا تو جنگجوﺅں نے فورسز پر گولیاں چلائیں۔اس موقعہ پر وہاں معرکہ چھڑ گیا جس کے دوران پولیس کے مطابق ایک جنگجو جاں بحق ہوگیا جبکہ آپریشن جاری ہے۔  

کورونا وائرس پھیلاﺅ کو روکنے کیلئے ضلع کپوارہ میں پابندیاں نافذ

سرینگر//ضلع انتظامیہ کپوارہ نے کورونا وائرس کے پھیلاﺅ کو روکنے کیلئے پبلک ٹرانسپورٹ اور دکان کھولنے پر ہفتے میں تین دن کی پابندی کا اعلان کیا ہے۔ یہ فیصلہ ضلع میں گذشتہ کچھ دنوں سے کورونا وائرس میں مبتلاءافراد کی تعداد میں اضافے کو مد نظر رکھتے ہوئے لیا گیا ہے۔ اس سلسلے میں ضلع مجسٹریٹ کپوارہ نے ایک آرڈر جاری کرتے ہوئے کہا ہے کہ ضلع کی تمام دکانیں،بشمول کپوارہ ،ہندوارہ اور لنگیٹ قصبہ جات 12جولائی سے14جولائی تک بند رہیں گی۔ آرڈر میں سبھی قسم کی گاڑیوں کے چلنے پر بھی مکمل پابندی عائد کی گئی ہے۔  

پٹن کا73سالہ شہری کورونا سے از جان،اموات کی تعداد165

سرینگر//شمالی کشمیر کے بارہمولہ ضلع میں پٹن کا ایک73سالہ شہری ہفتے کو کورونا کی وجہ سے جاں بحق ہوگیا۔اس طرح کورونا سے مرنے والوں کی تعداد مسلسل بڑھتے ہوئے165تک جاپہنچی ہے۔یہ آج دن کے دوران ہونے والی چوتھی کورونا ہلاکت ہے۔ خبر رساں ایجنسی جی این ایس کے مطابق مذکورہ شہری کو دو روز قبل سکمز صورہ میں داخل کرایا گیا تھا جہاں وہ آج انتقال کرگیا۔ اس سے قبل آج دن کے دوران چار شہری کورونا کی وجہ سے جاں بحق ہوگئے۔ ان میں سے ایک کا تعلق اننت ناگ، دوسرے کا تعلق حیدر پورہ سرینگر ، تیسرے کا تعلق ترہگام کپوارہ جبکہ چوتھے کا تعلق جموں سے تھا۔