کورونا وائرس متاثرین میں66مسافروں سمیت532 کا اضافہ

سرینگر//جموں کشمیر میں ہفتہ کے روز کورونا وائرس متاثرین میں مزید532کا اضافہ ہوا جن میں 66مسافر بھی شامل ہیں۔اس طرح مرکز کے زیر انتظام علاقے میں کورونا متاثرین کی تعداد بڑھ کر 28ہزار سے زیادہ ہوگئی ہے۔ نیوز ایجنسی جی این ایس کے مطابق گذشتہ 24گھنٹوں کے دوران وادی کشمیر میں 424جبکہ جموں صوبے میں108کورونا کیس ظاہر ہوئے۔  اعداد و شمار کے مطابق سرینگر میں آج بھی سب سے زیادہ 110کیس سامنے آئے۔بارہمولہ میں 36،پلوامہ میں13،بڈگام میں40،اننت ناگ میں39،کولگام میں10،شوپیان میں11،کپوارہ میں39،بانڈی پورہ میں81،گاندر بل میں45،جموں میں64،راجوری میں2،کٹھوعہ میں10،اُدھمپور میں4،رام بن میں 1،سانبہ میں13،ڈوڈہ میں3،پونچھ میں5،ریاسی میں4اور کشتواڑ ضلع میں 1کورونا وائرس کا کیس سامنے آگیا۔  

سری نگر میں پہلی بار وزیر اعظم کے خطاب کو دیکھنے کیلئے بڑی سکرینوں کی تنصیب

سری نگر// جموں و کشمیر کے گرمائی دارالحکومت سری نگر میں ہفتے کے روز حساس مقامات پر پہلی بار بڑی سکرینز نصب کر کے ان پر وزیر اعظم نریندر مودی کے یوم آزادی خطاب کو ٹیلی کاسٹ کیا گیا۔ انتظامیہ نے سری نگر کے سول لائنز میں کچھ ایک جگہوں، بشمول جہانگیر چوک اور ٹی آر سی کراسنگ پر بڑی سکرینز اور لاﺅڈ اسپیکرز نصب کئے تھے جن پر وزیر اعظم کے خطاب کو راست ٹیلی کاسٹ کیا گیا۔ جہانگیر چوک اور ٹی آر سی کرانسگ پر یہ بڑی سکرینز فلائی اوورز کے نیچے نصب کی گئی تھیں اور ان پر وزیر اعظم کو قوم سے خطاب کرتے ہوئے دیکھنے والے اکثر لوگ سیکورٹی فورسز کے اہلکار تھے یا سرکاری ملازم۔  

جموں کشمیر معمولات کی بحالی اور ترقی کے نئے سفر پر گامزن ہے:ایل جی سنہا

سرینگر//جموں کشمیر کے لیفٹیننٹ گورنر منوج سنہا نے ہفتہ کو کہا کہ مرکز کا زیر انتظام علاقہ گذشتہ برس کی تبدیلیوں کے باعث نئی معمولات کی بحالی اور ترقی کی راہ پر گامزن ہے۔انہوں نے اس عزم کا اظہار کیا کہ وہ جموں کشمیر میں تبدیلی لانے کیلئے امن اور ترقی کو زینہ بنائیں گے۔ ایل جی سنہا کا کہنا تھا کہ یہ انتہائی دکھ کی بات ہے کہ جموں کشمیر کا کلچر فرقہ واریت کی بھینٹ چڑھ گیا لیکن اب اُس کو ٹھیک کرکے ”ہم پھراُسے بیانیہ بنانا چاہتے ہیں۔ ہم اس بیانیہ میں ترقی، امن اور سماجی یگانگت کو شامل کرنا چاہتے ہیں تاکہ یہ جموں کشمیر کا ناقابل تنسیخ حصہ بن جائے“۔ ایل جی سنہا شیر کشمیر کرکٹ سٹیڈیم سرینگر میں یوم آزادی کی تقریب کے دوران اپنے خیالات کا اظہار کررہے تھے۔ انہوں نے سابق وزیر اعظم اٹل بہاری واجپائی کی ڈاکٹرئن’انسانیت،جمہوریت اور کشمیریت ‘کا بھی حوالہ دیا۔ &nb

کچھ گھنٹوں تک معطل رہنے کے بعد کشمیر میں موبائل انٹر نیٹ سروس بحال

سرینگر//حکام نے ہفتہ کو وادی کشمیر میں پندرہ اگست تقریبات کے پیش نظر موبائل انٹر نیٹ سروسز کو معطل کردیا۔تاہم مذکورہ سروسز کو بعد میں بحال کیا گیا۔ موبائل انٹر نیٹ سروسز، جو ایک سال کے زیادہ عرصہ سے ٹو جی تک محدود ہیں، کو صبح چھ بجے معطل کرکے دوپہر کے آس پاس بحال کیا گیا۔ وادی کشمیر میں 15اگست کے روز انٹر نیٹ اور ایس ایم ایس سروسز کی معطلی کی روایت کئی برس سے جاری ہے۔ حکام کا کہنا ہے کہ ایسا حفاظتی صورتحال کے پیش نظر کیا جاتا ہے۔  

برفانی تودے کی زد میں آکر لاپتہ ہونے کے آٹھ ماہ بعد گلمرگ میں فوجی کی لاش بر آمد

سرینگر//شمالی کشمیر میں بارہمولہ ضلع کے گلمرگ علاقے میں سنیچر کو ایک فوجی اہلکار کی لاش اُس کے لاپتہ ہونے کے آٹھ ماہ بعد بر آمد کی گئی۔مذکورہ فوجی اہلکار آٹھ ماہ قبل ایک برفانی تودے کی زد میں آنے کے بعد لاپتہ ہوا تھا۔ نیوز ایجنسی جی این ایس کے مطابق 11گڈوال سے وابستہ راجندر سنگھ نامی فوجی اہلکار کی لاش کوگلمرگ میں روشنی فسٹ پوسٹ کے مقام سے بر آمد کیا گیا۔وہ اس سال8جنوری سے لاپتہ تھا ۔  فوجی اہلکار کی لاش کو قانونی لوازمات پوری کرنے کیلئے گلمرگ پولیس سٹیشن پہنچایا گیا ہے۔  

تودہ ہٹانے کے بعد سرینگر۔ جموں شاہراہ پر گاڑیوں کی نقل و حمل بحال

سرینگر//سرینگر۔جموں شاہراہ کوہفتہ کے دن ٹریفک کی نقل و حمل کیلئے کھول دیا گیا۔مذکورہ شاہراہ پر رام بن ضلع میں دو روز قبل ایک بھاری زمینی تودہ گر آیا تھا جس کے بعد اسے گاڑیوں کی آمد و رفت کیلئے بند کیا گیا تھا۔ تودہ گرآنے کی وجہ سے شاہراہ کے دونوں طرف ہزاروں گاڑیاں درماندہ ہوکر رہ گئی تھیں۔ان میں وہ گاڑیاں بھی شامل تھیں جن پر وادی کی طرف ضروری سامان لایا جارہا تھا ۔ محکمہ ٹریفک کے حکام کے مطابق شاہراہ پر گذشتہ شام دیر گئے تودے کو مکمل طور ہٹایا گیا جس کے بعد درنادہ گاڑیوں کو جانے کی اجازت دی گئی۔ انہوں نے کہا کہ آج صبح شاہراہ پر سرینگر سے جموں کی طرف گاڑیوں کو چلنے کی اجازت دی گئی۔  

ملک میں پھرایک دن میں65 ہزارسے زائد کوروناوائرس کیس

نئی دہلی// ملک میں کورونا وبا کی شدت میں اضافہ کے درمیان اس جان لیوا وائرس سے شفایاب ہونے والوں کی تعداد میں بھی تیزی سے اضافہ ہورہا ہے اور گذشتہ 24 گھنٹوں کے دوران 57 ہزار سے زیادہ متاثرین صحتمند ہوئے ، جبکہ اس عرصے کے دوران 65 ہزار سے زیادہ نئے افراد اس جان لیوا وبا کی زد میں آچکے ہیں۔ صحت و خاندانی بہبود کی مرکزی وزارت کی جانب سے ہفتہ کے روز جاری تازہ ترین اعداد و شمار کے مطابق ملک میں گذشتہ 24 گھنٹوں کے دوران 57381افراد وبا سے شفایاب ہوئے ہیں جس سے صحت مند افراد کی مجموعی تعداد 1808937ہوگئی ہے۔ اسی عرصے کے دوران 65002افراد مہلک وبا کا شکار ہوچکے ہیں ، جس سے متاثرہ افراد کی مجموعی تعداد 2526193ہوگئی ہے۔ اسی مدت میں 996 افراد کی ہلاکت سے اموات کی مجموعی تعداد 49036ہوگئی۔ ملک میں ایکٹیو کیسز کی تعداد 6625 سے بڑھ کر 668220ہوگئی ہے۔  

ملک میں کورونا ویکسن بنانے کی بڑے پیمانے پر تیاری: وزیر اعظم مودی

نئی دہلی//وزیراعظم نریندرمودی نے ہفتے کو کہا کہ ملک میں اس وقت ایک نہیں دو نہیں تین تین کورونا ویکسن ٹیسٹ کے مختلف مراحل میں ہیں اور جیسے ہی سائنس دانوں سے ہری جھنڈی ملے گی،ملک میں ویکسن کو بڑے پیمانے پر تیار کیا جائے گا اور ملک اس کیلئے پوری تیاری ہے۔  مودی نے 74 ویں یوم آزادی کے موقع پر ملک کو لال قلعہ سے خطاب کرتے ہوئے کہا،”جب کورونا کی بات آتی ہے ،ہر کسی کے دل میں سوال آتا ہے کہ ویکسن کب آئے گی۔میں ملک کے عوام کو ایک بات کہنا چاہوں گا کہ ہمارے ملک کے سائنس داں اور ان کی صلاحیت ایک ریشی منی کی طرح لیباریٹری میں جی جان سے جٹی ہے۔ملک کے سائنس داں بےحد محنت کررہے ہیں۔سخت مشقت کررہے ہیں۔“ انہوں نے کہا کہ ہندوستان میں ایک نہیں،دو نہیں تین تین ویکسن ٹیسٹ الگ الگ مراحل میں ہیں۔جب سائنس داں ہری جھنڈی دیں گے،بڑے پیمانے پر ان کی تیاری ہوگی۔اس کے ساتھ ہی ویکسن ہر ریاست

جموں کشمیر میں کورونا وائرس کے540نئے کیس،تعداد27489

سرینگر//جموں کشمیر میں جمعہ کے روز کورونا وائرس کے نئے540کیس سامنے آئے۔ ان میں 60مسافر بھی شامل ہیں۔ آج وادی کشمیر میں 421جبکہ جموں صوبے میں119کورونا کیس ظاہر ہوئے۔  مرکز کے زیر انتظام علاقے میں کورونا متاثرین کی مجموعی تعداد27489 تک پہنچ گئی ہے۔  اعداد و شمارکے مطابق آج ایک بار پھر سرینگر میں سب سے زیادہ یعنی108کورونا کیس سامنے آئے۔ضلع بارہمولہ میں 47،پلوامہ میں31،کولگام میں11،شوپیان میں8،اننت ناگ میں29،بڈگام میں35،کپوارہ میں65،بانڈی پورہ میں50،گاندربل میں29،جموں میں41،رام بن میں3 ،کٹھوعہ میں4،اُدھمپور میں5،سانبہ میں4،ڈوڈہ میں3،پونچھ میں4 اورریاسی میں 8 کورونا کے کیس سامنے آئے۔  

اونتی پورہ میں جنگجوﺅں کے دو معاون گرفتار: پولیس

سرینگر//پولیس نے جمعہ کو دعویٰ کیا کہ انہوں نے جیش محمد سے وابستہ جنگجوﺅں کے دو معاونوں کو گرفتار کرکے اُن کے قبضے سے بارودی مواد بر آمد کیا ہے۔ پولیس ترجمان کے مطابق یہ گرفتاریاں پولیس اور فوج کی ایک مشترکہ کارروائی کے دوران جنوبی کشمیر کے اونتی پورہ میں عمل میں لائی گئیں۔ پولیس نے گرفتار شدگان کی شناخت ریاض احمد بٹ ساکن امیر آباد ترال اور محمد عمر تانترے ساکن آری پل ترال کے طور کی۔ پولیس کے مطابق دونوں جیش کے جنگجوﺅں کو پناہ دینے اور اُنہیں مختلف قسم کی مدد فراہم کرنے میں ملوث رہے ہیں۔  

پٹن کے گاﺅں میں سیکورٹی فورسز کا تلاشی آپریشن

سرینگر//سیکورٹی فورسز نے جمعہ کو ضلع بارہمولہ میں پٹن کے گوشہ بگ گاﺅں کو محاصرے میں لیکر تلاشی آپریشن شروع کیا۔ نیوز ایجنسی کے این او کے مطابق فوج کی29آر آر،ایس او جی اور سی آر پی ایف نے گوشہ بگ میں جنگجوﺅں کی موجودگی کی مصدقہ اطلاع کے بعد گھر گھر تلاشی آپریشن شروع کیا۔ فورسز نے علاقے کی طرف جانے والا ہر رستہ بند کرلیا ہے اور آخری اطلاعات ملنے تک تلاشی آپریشن جاری تھا۔  

شمالی کشمیر کی اُوڑی میں 3پستول اور15گرینیڈ بر آمد

سرینگر//پولیس اور فوج نے جمعہ کو شمالی کشمیر میں اُوڑی علاقے کے بونیار میں تین پستول،15گرینیڈ وغیرہ بر آمدکئے۔ نیوز ایجنسی جی این ایس کے مطابق فورسز نے جنگجوﺅں کی موجودگی کی ایک مصدقہ اطلاع کے بعد بونیار میں آپریشن شروع کیا۔ آپریشن کے دوران پولیس اور فورسز کی مشترکہ ٹیم نے 3 پستول،73گولیاں،2ڈیٹو نیٹر ،15گرینیڈ اور کچھ پاکستانی کرنسی بر آمدکی۔ یہ ساری چیزیں لچھی پورہ علاقے میں ایک نالے سے بر آمد کی گئیں۔  

ملک میں 926 پولیس اہلکاروں کوتمغے ، جموں کشمیر پولیس کو81بہادری کے میڈل

نئی دہلی// یوم آزادی کے موقع پر ملک بھر میں 926 پولیس اہلکاروں کو پولیس میڈل سے نوازا گیا ہے، جن میں سے 215 پولیس اہلکاروں کو بہادری کا میڈل، 80 اہلکاروں کوامتیازی کاموں کے لیے صدر جمہوریہ کا تمغہ اور 631 اہلکاروں کو خصوصی خدمات کے لیے صدرجمہوریہ کے تمغے کے لیے منتخب کیا گیا ہے۔ پولس اہلکاروں کے لیے میڈل کا اعلان جمعہ کو وزارت داخلہ نے کیا ۔ جموں وکشمیر پولس کو سب سے زیادہ 81 بہادری کے تمغے ملے ہیں، جبکہ سینٹرل ریزرو پولیس فورس کو 55 اور اترپردیش پولیس کو 23 ، دہلی پولیس کو 16 اور مہاراشٹر پولیس کو14 میڈل ملے ہیں۔ جھارکھنڈ پولیس 12 تمغے، آسام پولیس کو پانچ، چھتیس گڑھ اور اروناچل پردیش کی پولیس کو تین، تلنگانہ کو دو اور بارڈر سیکیورٹی فورس کو بہادری کا ایک تمغہ ملا ہے۔  

وسطی کشمیر کے بڈگام میں فوجی اہلکار کی خود کشی

سری نگر// وسطی ضلع بڈگام کے رنگریٹ علاقے میں جمعہ کی صبح ایک فوجی اہلکار نے مبینہ طور پر خود کشی کر کے اپنا کام تمام کر دیا۔ سرکاری ذرائع نے بتایا کہ اولڈ ایئر فیلڈ رنگریٹ میں ایک فوجی اہلکار نے اپنی ہی سروس رائفل سے اپنے آپ کو ہی نشانہ بنایا جس کے نتیجے میں اس کی بر سر موقع ہی موت واقع ہوئی۔ انہوں نے مہلوک فوجی اہلکار کی شناخت لانس نائیک اوم پرکاش کے طور کی ہے۔  

توہین عدالت معاملہ میں پرشانت بھوشن قصوروار قرار ، 20 اگست کوسزا کا اعلان

نئی دہلی// سپریم کورٹ نے جمعہ کو چیف جسٹس شرد اروند بوبڈے اور چار سابق چیف جسٹس کے خلاف توہین آمیز ریمارکس معاملہ میں معروف وکیل پرشانت بھوشن کو قصور وار قرار دیا۔ جسٹس ارون مشرا ، جسٹس بی آر گوئی اور جسٹس کرشن مراری پر مشتمل ڈویڑن بنچ نے اپنا حکم سنایا کہ بھوشن کو توہین عدالت کا قصوروار قرار دیا جاتا ہے۔ بنچ کی جانب سے جسٹس گوئی نے ایک مختصر حکم سناتے ہوئے کہا ” بھوشن کو توہین عدالت کا مرتکب پایا گیا ہے۔ عدالت 20 اگست کو ان کی سزا سنائے گی“۔ یاد رہے کہ بنچ نے 5 اگست کو اپنا فیصلہ محفوظ کر رکھ لیا تھا۔ عدالت نے ٹوئٹر پر بھوشن کے دو توہین آمیز ریمارکس پر 9 جولائی کو توہین عدالت کا معاملہ دائر کیا تھا اور 22 جولائی کو انہیں نوٹس جاری کیا تھا۔ ٹوئٹر نے اس معاملہ سے اپنا دامن بچاتے ہوئے بھوشن کے قابل اعتراض ٹوئٹس کو ہٹادیا تھا اور عدالت سے معافی مانگ لی تھی۔  پ

کپوارہ میں ایل او سی پر گولہ باری، کسی جانی یا مالی نقصان کی اطلاع نہیں

سری نگر// شمالی کشمیر میں ضلع کپوارہ کے کیرن سیکٹر میں لائن آف کنٹرول پر گذشتہ شب ہندوستان اور پاکستان کی فوج کے درمیان گولہ باری کا تبادلہ ہوا تاہم کسی جانی یا مالی نقصان کی کوئی اطلاع نہیں ہے۔ یاد رہے کہ کپوارہ کے ٹنگڈار سیکٹر میں ایل او سی پر 6 اگست کو طرفین کے درمیان گولہ باری کے نتیجے میں دو شہری ہلاک جبکہ چار زخمی ہوئے تھے۔ سرکاری ذرائع نے بتایا کہ کپوارہ کے کیرن سیکٹر میں ایل او سی گذشتہ شب پاکستانی فوج نے بھارت کی اگلی چوکیوں کو نشانہ بنا کر گولہ باری کی۔ انہوں نے کہا کہ پاکستانی گولہ باری سے متصل دیہات میں خوف وہراس پھیل گیا کیونکہ کچھ گولے پنز گام علاقے میں بھی گر گئے۔ ذرائع نے بتایا کہ لوگ رات کو سونے کی تیاریاں کر ہی رہے تھے کہ گولہ باری شروع ہوئی اور لوگوں نے گھر بار چھوڑ کر محفوظ مقامات میں پناہ لی۔ انہوں نے کہا کہ تاہم کسی بھی جانب کسی جانی یا مالی نق

نوگام حملہ جیش نے کیا:آئی جی کشمیر

سرینگر//پولیس کے انسپکٹر جنرل برائے کشمیر، وجے کمار نے جمعہ کو جنگجو تنظیم جیش محمد کو سرینگر نوگام حملے میں ملوث قرار دیا۔اس حملے میں دو پولیس اہلکار ہلاک اور ایک زخمی ہوگیا۔ نامہ نگاروں کے ساتھ بات کرتے ہوئے آئی جی کشمیر نے کہا کہ نوگام حملہ جیش سے وابستہ جنگجوﺅں نے کیا۔  آئی جی نے کہا” ملوث جنگجوﺅں کی شناخت کی گئی ہے“۔ نوگام میں جنگجوﺅں کا حملہ ایک ایسے وقت پر ہوا جب شہر سرینگر کے ساتھ ساتھ پوری وادی میں15اگست کے سلسلے میں سیکورٹی ہائی الرٹ پر ہے۔  

ملک میں کورونا وائرس کے 64553نئے کیس ، 1007 اموات

نئی دہلی// ملک میں کورونا انفیکشن کے تیزی سے بڑھتے ہوئے قہر کے درمیان گذشتہ 24 گھنٹوں کے دوران 64 ہزار سے زائد نئے کیس سامنے آئے اور 1007 افراد کی موت ہوگئی ۔ وزارت برائے صحت اور خاندانی بہبود کی جانب سے جمعہ کے روز جاری اعداد و شمار کے مطابق ایک ہی دن میں کورونا وائرس کے 64553کیس سامنے آنے سے متاثرین کی تعداد2461191 ہوگئی ، وہیں اس دوران 1007 افراد کی موت ہونے سے اموات کی تعداد 48040ہوگئی ہے تاہم راحت کی بات یہ ہے کہ ایک ہی دن میں 55573افراد کے صحت یاب ہونے سے اس وبا سے صحت یاب ہونے والوں کی تعداد 1751556پر پہنچ گئی۔  

سرینگر نوگام میں پولیس پارٹی پر جنگجوﺅں کا حملہ، 2اہلکار زخمی

سرینگر//مشتبہ جنگجوﺅں نے جمعہ کی صبح سرینگر کے نوگام علاقے میں پولیس پارٹی پر حملہ کیا جس کے نتیجے میں دو اہلکار زخمی ہوگئے۔ یہ واقعہ نوگام بائی پاس کے نزدیک پیش آیا جس میں نیوز ایجنسی جی این ایس کے مطابق دو پولیس اہلکار زخمی ہوگئے۔ زخمی اہلکاروں کو اسپتال پہنچایا گیا ہے۔ ذرائع کے مطابق فورسز نے واقعہ کے فوراً بعد علاقے کو محاصرے میں لیکر تلاشی آپریشن شروع کیا ہے۔  

کورونا وائرس کے نئے536کیس،سرینگر میں سب سے زیادہ144

سرینگر//جموں کشمیر میں جمعرات کے روز کورونا وائرس میں مبتلاءمزید536کیس سامنے آئے۔ان میں124مسافر بھی شامل ہیں۔اس طرح مرکز کے زیر انتظام علاقے میں کورونا متاثرین کی مجموعی تعداد26949تک پہنچ گئی ہے۔ حکام کے مطابق آج وادی کشمیر میں438جبکہ صوبہ جموں میں98کیس سامنے آئے۔ سرکاری ذرائع نے کہا کہ آج بھی سرینگر میں سب سے زیادہ یعنی144کورونا کیس سامنے آئے جبکہ بارہمولہ میں46،پلوامہ میں33،کولگام میں14،شوپیان میں8،اننت ناگ میں16،بڈگام میں36،کپوارہ میں46،بانڈی پورہ میں54،گاندر بل میں41،جموں ضلع میں49،راجوری میں3،رام بن میں3،کٹھوعہ میں10،اُدھمپور میں1،سانبہ میں8،ڈوڈہ میں3،پونچھ میں5،ریاسی میں 15اورکشتواڑ ضلع میں1کیس ظاہر ہوا۔ سرینگر ضلع میں ابھی تک سب سے زیادہ 6577کورونا کیس سامنے آئے ہیں۔اس کے بعد بارہمولہ میں2303،پلوامہ میں1983،کولگام میں1674،بڈگام میں1677،شوپیان میں1545،اننت ناگ میں1680

تازہ ترین