تازہ ترین

وادی کشمیرمیں پبلک پارکس اور باغات کھل گئے

سرینگر// وادی کشمیر میں بدھ کے روز پبلک پارکس اور باغات زائد از تین ماہ بعد دوبارہ کھل گئے تاہم ان میں لوگوں کی چہل پہل بہت کم دیکھی گئی۔ یاد رہے کہ جموں وکشمیر یونین ٹریٹری انتظامیہ نے منگل کے روز تمام پبلک پارکس اور باغات دوبارہ کھولنے کا اعلان کیا تھا۔ یو این آئی کے مطابق بعض اہم پارکوں اور باغات میں عام لوگوں کی چہل پہل کافی کم تھی۔  

ڈوڈہ میں آن لائن کے بجائے ریڈیو کلاسز، طلبا خوش، اساتذہ مطمئن

جموں// جموں و کشمیر کے ضلع ڈوڈہ میں اساتذہ آن لائن کلاسز کے بجائے ریڈیو کلاسز دے کر علم کی شمع کو فروزاں رکھے ہوئے ہیں تاکہ طلبا کے تعلیمی مستقبل پر کورونا وبا کی تاریکی سایہ فگن نہ ہوسکے۔ طلبا کا کہنا ہے کہ ریڈیو کلاسز، آن لائن کلاسز سے زیادہ موثر اور مفید ہیں کیونکہ ٹوجی موبائل انٹرنیٹ کے چلتے آن لائن لیکچرز صاف سنائی ہی نہیں دے رہے تھے۔  آل انڈیا ریڈیو بھدرواہ پر روزانہ صبح ساڑھے نو بجے سے ساڑھے دس بجے تک ایک تعلیمی پروگرام نشر کیا جاتا ہے جس میں اساتذہ اپنے اپنے مضمون کو پڑھاتے ہیں۔

کرناہ میں کنٹرول لائن پر آر پار گولہ باری سے2شہری زخمی

سرینگر//کرناہ میں لائن آف کنٹرول پر واقع گاﺅں سیماری میں بدھ کو ہند پاک افواج کے درمیان گولہ باری کے نتیجے میں دو عام نوجوان زخمی ہو گے۔  ذرائع کا کہنا ہے کہ پاکستانی رینجرز نے علاقے میں قائم فوجی چوکی کو نشانہ بنانے کی کوشش کرتے ہوئے فائرنگ کی اور بھارتی افواج نے بھی اس کا بھرپور جواب دیا۔ ذرائع نے مزید کہا کہ دونوں طرف کی افواج کے مابین ہونے والی اس گولہ باری کے نتیجے میںدو عام شہری زخمی ہوگئے جن کی شناخت22سالہ صداقت حسین اور 24سالہ ضمیر احمد کے طور ہوئی ہے۔ دونوں زخمیوں کو علاج معالجہ کےلئے سرینگر کے صدر ہسپتال منتقل کیا گیا ہے۔  

بارہمولہ کا 65سالہ شہری کورونا سے جاں بحق ،اموات کی تعداد146

سرینگر//شمالی کشمیر بارہمولہ کے ایک65سالہ شہری کی موت کے چند گھنٹے بعد بدھ کو اُس کا کورونا ٹیسٹ رپورٹ مثبت آگیا۔اس طرح جموں کشمیر میں مہلک وائرس سے مرنے والوں کی تعداد بڑھ کر146ہوگئی۔ نادی ہل کے رہنے والے شہری کو6جولائی کے روز صدر اسپتال میں داخل کرایا گیا تھا۔ صدر اسپتال کے میڈیکل سپر انٹنڈنٹ ڈاکٹر نذیر چودھری نے خبر رساں ایجنسی جی این ایس کو بتایا کہ مذکورہ شہری نمونیا میں مبتلاءتھا اور وہ گذشتہ رات کے دوران انتقال کرگیا۔ اُس کا کورونا ٹیسٹ رپورٹ آج مثبت آگیا۔ یاد رہے کہ اس سے قبل آج سرینگر اور شوپیان کی دو خواتین کورونا وائرس میں مبتلاءہونے کی وجہ سے جاں بحق ہوگئیں تھیں۔  

دریائے سندھ میں غرقآب دوسرے نوجوان کی لاش تین روز بعد بر آمد

کنگن// گاندر بل میںدریائے سندھ میںتین روز قبل پالہ پورہ نور باغ کے غرقآب ہوئے نوجوان کی لاش گاندربل و ائل کے نزدیک برآمدکی گئی ۔  کشمیر عظمیٰ کو ملی تفصیلات کے مطابق اتوار کو پالہ پورہ نور باغ سرینگر کے دو نوجوان کجپارہ کنگن میں نہانے کے دوران غرقآب ہوگئے تھے جس کے بعد پولیس اور مقامی نوجوانوں نے غرقآب ہوئے دو نوجوانوں کی تلاش شروع کردی۔ سوموار کو زاہد فاروق نامی نوجوان کی لاش پرنگ کنگن سے برآمد کی گئی تھی جبکہ آج راشد خان نامی دوسرے نوجوان کی لاش کو وائل گاندربل سے برآمد کیا گیا۔ دریں اثناءضلع ترقیاتی کمشنر گاندربل شفقت اقبال نے ایک حکم نامہ جاری کیا ہے جس میں نالہ سندھ میں نہانے اور اس کے نزدیک سیلفی لینے پر پابندی عائد کی ہے۔ انہوں نے آرڈرمیں کہا ” جو اس حکم نامے پر عمل نہیں کرے گا اس کے خلاف قانونی کاروائی کی جائے گی“۔  

تعینات سی آر پی ایف اہلکاروں کے مثبت کورونا ٹیسٹوں کے بعد ہائی کورٹ کمپلیکس سرینگربند

سرینگر//جموں کشمیر ہائی کورٹ کمپلیکس سرینگر کو بدھ کے روز  اُس وقت بند کردیا گیا جب وہاں تعینات کئی سی آر پی ایف اہلکاروں کے کورونا ٹیسٹ رپورٹ مثبت آگئے۔اس سلسلے میں رجسٹرار جنرل نے آرڈر جاری کرتے ہوئے کہا کہ کورٹ کمپلیکس دو روز تک بند رہے گا۔ خبر رساں ایجنسی جی این ایس کے مطابق رجسٹرار جواد احمد نے اپنے آرڈر میں کہا کہ ہائی کورٹ کمپلیکس سرینگر میں تعینات کچھ سی آر پی ایف اہلکار وںکو کورونا وائرس میں مبتلاءپایا گیا ہے اس لئے کمپلیکس دو روز تک بند رہے گا جس کے دوران پورے کمپلیکس کی سینی ٹائزیشن عمل میں لائی جائے گی۔ انہوں نے مزید کہا کہ آج جو اہمیت کے حامل کیس اٹھائے جانے والے تھے اُن کی شنوائی اب10جولائی کو ہوگی۔  

امریکہ باضابطہ طور پرڈبلیو ایچ او سے الگ ہو گیا

واشنگٹن//عالمی وبا کورونا وائرس سے متعلق باہمی اختلافات کے بعد امریکی صدر ڈونلڈ ٹرمپ نے باضابطہ طور امریکہ کواب عالمی ادارہ صحت سے الگ کر لیا ہے۔ امریکی رکن پارلیمنٹ باب مینینڈیز نے منگل کے روز ٹویٹ کرکے یہ اطلاع فراہم کی۔  انہوں نے کہا ”کانگریس کو صدر دفتر سے اطلاع موصول ہوئی ہے کہ امریکہ کورونا وبا کے دوران باضابطہ طور پر ڈبلیو ایچ او سے الگ ہو گیا ہے“۔  انہوں نے کہا کہ اس وبا کے بیچ ٹرمپ کا فیصلہ امریکہ کو الگ تھلگ کردے گا۔ واضح رہے کہ ٹرمپ نے ڈبلیو ایچ او پر الزام عائد کرتے ہوئے کہا تھا کہ یہ ادارہ مکمل طور پر چین کے کنٹرول میں ہے اور امریکہ اس سے اپنے تعلقات منقطع کر رہا ہے۔ ٹرمپ نے ڈبلیو ایچ او پر کورونا وائرس کی روک تھام کے تعلق سے بھی درست معلومات فراہم نہ نے کرنے کا الزام لگایا تھا۔  

ملک میں کورونا متاثرین میں 22752 کا اضافہ،مجموعی تعداد 7.42 لاکھ

نئی دہلی// ملک میں کووڈ 19 کے بڑھتے قہر کے درمیان کورونا سے متاثرہ افراد کی تعداد 7.42 لاکھ اور ہلاکتوں کی تعداد 20642 ہوچکی ہے۔ مرکزی وزارت صحت کی جانب سے بدھ کے روز جاری تازہ ترین اعداد و شمار کے مطابق ملک بھر میں گذشتہ 24 گھنٹوں کے دوران کوروناوائرس کے 22752 نئے کیسز سامنے آئے ہیں ، جس سے متاثرہ افراد کی مجموعی تعداد742417 ہوگئی ہے۔ اسی عرصہ میں ہلاک ہونے والوں کی تعداد 482 سے بڑھ کر 20642 ہوگئی ہے۔  

دو خواتین کی کورونا سے موت،ہلاکتوں کی تعداد145

سرینگر//سرینگر اور شوپیان کی دو خواتین بدھ کے روز کورونا وائرس میں مبتلاءہونے کی وجہ سے جاں بحق ہوگئیں۔ اس طرح جموں کشمیر میں مہلک وائرس سے مرنے والوں کی تعداد بڑھ کر145ہوگئی ہے۔ شوپیان کی70سالہ خاتون کو دو روز قبل صدر اسپتال سرینگرمیں داخل کرایا گیا تھا جہاں وہ میڈیکل سپر انٹنڈنٹ ڈاکٹر نذیر چودھری کے مطابق گذشتہ شب کے دوران انتقال کرگئی۔وہ نمونیا اور دوسرے امراض میں مبتلاءتھی۔ اس سے قبل سکمز صورہ میں نہرو پارک کی رہنے والی ایک 36سالہ خاتون انتقال کرگئی۔اُسے چھ روز قبل اسپتال میں داخل کرایا گیا تھا جہاں اُس کا کورونا ٹیسٹ مثبت آگیا۔ سکمز کے میڈیکل سپر انٹنڈنٹ پروفیسر فاروق جان نے خبر رساں ایجنسی جی این ایس کو بتایا کہ مذکورہ خاتون پہلے ہی ایک عارضے میں مبتلاءتھی۔ مذکورہ دو خواتین کے جاں بحق ہونے سے جموں کشمیر میں کورونا سے مرنے والوں کی تعداد145تک بڑھ گئی ہے ۔ کورون

پونچھ میں ایل او سی پر شدید گولہ باری، خاتون جاں بحق، دوسری زخمی

جموں// جموں وکشمیر کے ضلع پونچھ میں لائن آف کنٹرول (ایل او سی) کے بالاکوٹ اور مینڈھر سیکٹروں میں منگل اور بدھ کی درمیانی شب کو ہندوستان اور پاکستان کی افواج کے درمیان گولہ باری کا شدید تبادلہ ہوا جس کے نتیجے میں سرحد کے اس پار ایک معمر خاتون ہلاک جبکہ دوسری ایک شدید زخمی ہوگئی ۔ جموں میں تعینات دفاعی ترجمان نے بتایا کہ پونچھ میں ایل او سی کے بالاکوٹ اور مینڈھر سیکٹروں میں پاکستان کی طرف سے منگل اور بدھ کی درمیانی شب کو قریب دو بجے بھارتی فوج کی چوکیوں اور آبادی والے علاقوں کو نشانہ بنا کر بلا اشتعال گولہ باری شروع کی گئی۔ انہوں نے کہا کہ پاکستانی فوج نے ہلکے ہتھیاروں کے علاوہ مارٹر گولوں کا بھی استعمال کیا۔ دفاعی ترجمان نے مزید بتایا کہ بھارتی فوج نے بھی پاکستانی گولہ باری کا منہ توڑ جواب دیا اور گولہ باری کا سلسلہ رات کے قریب دو بجکر 45 منٹ پر رک گیا۔ سرکاری ذرائع نے ب

لیتہ پورہ دھماکہ کیس میں ساتویں گرفتاری: این آئی اے

سرینگر//قومی تحقیقاتی ایجنسی (این آئی اے) نے لیتہ پورہ پلوامہ دھماکہ کیس میں ساتویں گرفتاری عمل میں لائی ہے۔2019میں ہوئے اس دھماکے میں40سی آر پی ایف اہلکار ہلاک ہوگئے تھے۔ این آئی اے کی طرف سے جاری ایک بیان میں کہا گیا ہے کہ ایجنسی نے 5جولائی کے روزبلال احمد کوچھے ولد غلام نبی کوچھے ساکن حاجی بل ،کاکا پورہ کو گرفتار کرلیا ہے۔  بینڈ سا مشین چلانے والا کوچھے این آئی اے کے مطابق جیش سے وابستہ جنگجوﺅں کو ہر قسم کی مدد فراہم کرنے میں ملوث رہا ہے اور اُس نے لیتہ پورہ دھماکہ کرنے والے جنگجوﺅں کو بھی ہر ممکن امداد فراہم کی۔انہوں نے مذکورہ جنگجوﺅں کو موبائیل فون بھی فراہم کئے تھے۔ کوچھے کو آج این آئی اے نے خصوصی عدالت کے سامنے پیش کرکے اُس کی پوچھ تاچھ کی ریمانڈ حاصل کی۔ این آئی اے کے مطابق یہ لیتہ پورہ پلوامہ دھماکہ کیس میں ساتویں گرفتاری ہے۔  

جموں کشمیر میں پارکیں اور باغ کل سے کھلیں گے:بصیر خان

جموں کشمیر انتظامیہ نے منگل کو اعلان کیا کہ مرکز کے زیر انتظام علاقے میں کل سے پارکیں اور باغ کھلیں گے۔ خبر رساں ایجنسی جی این ایس کے مطابق لیفٹیننٹ گورنر کے مشیر بصیر احمد خان نے کہا”جموں کشمیر میں سبھی پارکیں اور باغ کل سے سر نو کھلیں گے“۔ انہوں نے کہا کہ ان باغوں اور پارکوں کی سیر کیلئے جانے والے ہر شخص کیلئے ماسک پہننا اور سماجی دوری اختیار کرنا لازم ہوگا ۔ انہوں نے مزید کہا کہ داخلوں پر تھرمل سکینر لگے ہونگے اور سینی ٹائزرکا استعمال بھی لازم ہوگا۔ یاد رہے کہ جموں کشمیر کے سبھی باغ اور پارکیں کورونا وائرس کی وجہ سے اس سال مارچ میں بند ہوئی تھیں۔  

راجوری میں بیلوں کی دوڑ کا مقابلہ کرانے والوں کے خلاف کیس درج

جموں// جموں و کشمیر کے ضلع راجوری کے ڈیرین نامی گاو¿ں میں بیلوں کی دوڑ کا مقابلہ کرنے کا اہتمام کرنے والوں کے خلاف پولیس نے کیس درج کر لیا ہے۔ یاد رہے کہ جموں وکشمیر میں کورونا کے متاثرین و متوفین کی تعداد میں تیزی سے ہو رہے اضافے کے بیچ بیلوں کی دوڑ کے اس مقابلے سے لطف انوز ہونے کے لئے لوگوں کا جم غفیر جمع ہوا تھا۔ ایس ایس پی راجوری چندن کوہلی نے بتایا ” ہمیں اطلاع موصول ہوئی کہ راجوری کے ڈیرین گاو¿ں میں کچھ مقامی لوگوں نے بیلوں کی دوڑ کے مقابلے کا اہتمام کیا ہے جس کا تماشہ دیکھنے کے لئے لوگ بڑی تعداد میں جمع ہوئے ہیں اور انہوں سماجی فاصلے رکھنے کے احکامات کی خلاف ورزی کی ہے“۔ کورونا وائرس کو پھیلنے سے روکنے کیلئے نافذقواعد و ضوابط کی خلاف ورزی کی پاداش میں مذکورہ دوڑ کا اہتمام کرنے والوں کیخلاف کیس درج کرلیا گیا ہے۔   

پلوامہ کے لاپتہ ڈرائیور کی لاش پانپور میں دریائے جہلم سے بر آمد

سرینگر//جنوبی ضلع پلوامہ کے ایک لاپتہ ڈرائیور کی لاش منگل کو پانپور میں دریائے جہلم سے بر آمد کی گئی۔ خبر رساں ایجنسی کے این او کے مطابق دریائے جہلم سے ریت نکالنے کے دوران پتل باغ پانپور میں کچھ لوگوں کی نظروں میں ایک لاش آگئی اور انہوں نے اس سلسلے میں پولیس کو مطلع کیا۔ بعد میں لاش کی شناخت 37سالہ مظفر احمد راتھر ولد غلام نبی ساکن مونگہ ہامہ پلوامہ کے طور کی گئی۔ مقامی ذرائع کے مطابق پیشے کے لحاظ سے ڈرائیور راتھر گذشتہ تین روز سے لاپتہ تھا۔ اس سلسلے میں پولیس نے کیس درج کرلیا ہے۔  

پلوامہ تصادم میں کوئی فوجی ہلاک نہیں ہوا:آئی جی پی کی وضاحت

سرینگر//انسپکٹر جنرل آف پولیس ،کشمیر (آئی جی پی ) وجے کمار نے منگل کے روزوضاحت کی کہ گوسو پلوامہ میں جنگجوﺅں کے ساتھ معرکہ آرائی کے دوران کوئی فوجی اہلکار ہلاک نہیں ہواہے ۔انہوں نے تاہم بتایا کہ جنگجوﺅں کیخلاف مذکورہ آپریشن کے دوران دو فوجی اہلکاروں اور ایک پولیس اہلکار کو چوٹیں آئیں۔ انہوں نے کہا کہ اس معرکہ آرائی کے دوران ایک جنگجو جاں بحق ہوگیا۔ خبر رساں ایجنسی جی این ایس کے مطابق آئی جی نے کہا”کوئی فوجی مرا نہیں البتہ دو فوجی اور ایک پولیس اہلکار زخمی ہوئے ہیں“۔ اس سے قبل اطلاعات میں بتایا گیا تھا کہ گوسو معرکہ آرائی میں ایک فوجی اہلکار اور ایک جنگجو ہلاک جبکہ ایک پولیس اہلکار زخمی ہوئے ہیں۔ یہ معرکہ گوسو نامی گاﺅں میں اُس وقت شروع ہوا جب فورسز نے وہاں جنگجوﺅں کی موجودگی کی اطلاع کے بعد تلاشی آپریشن شروع کیا ۔ اس آپریشن میں پولیس، فوج اور سی آر پی ایف کے

ملک میں کورونا کیسوں میں22252کا اضافہ،، اموات کی تعداد 20 ہزارسے متجاوز

نئی دہلی//ملک میں کورونا وائرس کے یومیہ کیسز دودن تک 24 ہزار سے زیادہ رہنے کے بعد گذشتہ 24 گھنٹوں کے دوران اس میں کسی حد تک کمی واقع ہوئی ہے ، لیکن اس عرصہ میں 467 افراد کی ہلاکت سے اموات کی مجموعی تعداد 20 ہزار سے متجاوز کر گئی ہے۔ منگل کو مرکزی وزارت صحت و خاندانی بہبود کی طرف سے جاری تازہ ترین اعداد و شمار کے مطابق ، گذشتہ 24 گھنٹوں کے دوران ملک بھر میں کورونا وائرس کے22252 نئے کیسز رپورٹ ہوئے ہیں ، جو گذشتہ ہفتے کے بعد سے سب سے کم ہیں۔ آج ملنے والے کیسز سے متاثرہ افراد کی مجموعی تعداد719665 ہوگئی ہے۔ ہفتہ کے روز 22771نئے کیسز درج ہوئے۔ اتوار کو 24850اور پیر کو24248 کیسز تھے۔ گذشتہ 24 گھنٹوں کے دوران کورونا وائرس کی زد میں آنے سے 467 افراد کی موت کے ساتھ ہی ہلاک شدگان کی تعداد بڑھ کر20160 ہوگئی ہے ۔  

بانڈی پورہ میں لاپتہ بچے کی لاش نالے سے بر آمد

سرینگر//لاپتہ ہونے کے دوسرے روز بانڈی پورہ کے مسلم آباد کے چھ سالہ بچے کی لاش منگل کے روز نالہ مدو متی سے بر آمد ہوئی۔ خبر رساں ایجنسی کے این او نے حکام کا حوالہ دیتے ہوئے لکھا کہ مذکورہ معصوم بچے کی لاش کو نالہ مدو متی سے آج صبح 5بجے ضلع پولیس لائینز کے نزدیک بر آمد کیا گیا۔ اس سے قبل بچے کے رشتہ داروں نے اُس کی تلاش ہر جگہ کی تھی۔ جاں بحق بچے کی شناخت انیس رفیق ولد محمد رفیق لون ساکن سملر، بانڈی پورہ کے طور کی گئی ہے۔ حکام کے مطابق بچے کی موت بظاہرپانی میں ڈوب جانے کی وجہ سے ہوئی ہے مگر مزید تحقیقات کیلئے کیس درج کرلیا گیا ہے۔  

بارہمولہ کی خاتون کورونا سے جاں بحق، اموات کی تعداد141

سرینگر//شمالی کشمیر کے بارہمولہ کی ایک60سالہ خاتون، جو کورونا میں مبتلاءتھی، سی ڈی اسپتال سرینگر میں چل بسی۔اس طرح جموں کشمیر میں مہلک وائرس سے مرنے والوں کی تعداد بڑھ کر141ہوگئی ہے۔ سی ڈی اسپتال کے میڈیکل سپر انٹنڈنٹ ڈاکٹر سلیم ٹاک نے خبر رساں ایجنسی جی این ایس کو بتایا کہ کنزر کی مذکورہ خاتون ہائی بلڈ پریشر اور ذیابطیس جیسے امراض میں مبتلاءتھی جس کے دوران اس کا کورونا ٹیسٹ بھی مثبت آیا ۔وہ3جولائی سے زیر علاج تھی اور منگل کی صبح انتقال کرگئی۔ مذکورہ خاتون کی موت گذشتہ24گھنٹوں کے دوران کورونا سے ہونے والی آٹھویں موت تھی۔  ابھی تک جموں کشمیر میں جو141افراد کورونا کی وجہ سے جاں بحق ہوئے ہیں اُن میں127اموات وادی کشمیر جبکہ14اموات صوبہ جموں میں ہوئی ہیں۔  

پلوامہ میں مسلح تصادم، فوجی اہلکار اور جنگجو جاں بحق

سرینگر//جنوبی ضلع پلوامہ میں منگل کی صبح سیکورٹی فورسز اور جنگجوﺅں کے مابین شروع ایک مسلح تصادم میں ایک فوجی اہلکار اور جنگجو ہلاک ہوگئے۔اس معرکہ میں ایک پولیس کے زخمی ہونے کی بھی اطلاعات ملی ہیں۔ یہ معرکہ گوسو نامی گاﺅں میں اُس وقت شروع ہوا جب فورسز نے وہاں جنگجوﺅں کی موجودگی کی اطلاع کے بعد تلاشی آپریشن شروع کیا ۔ خبر رساں ایجنسی جی این ایس کے مطابق مارے گئے جنگجو کی شناخت ہونا ابھی باقی ہے۔  اس جھڑپ میں ایک پولیس اہلکار اور فوجی کو گولیاں لگنے سے چوٹیں آئیں جنہیں علاج کیلئے اسپتال منتقل کیا گیا ہے تاہم فوجی زخموں کی تاب نہ لاتے ہوئے دم توڑ بیٹھا۔ اس آپریشن میں پولیس، فوج اور سی آر پی ایف کے اہلکار حصہ لے رہے ہیں۔  

این آئی اے کا سابق ڈی ایس پی دیوندر سنگھ کیس میں چارج شیٹ پیش

سرینگر//قومی تحقیقاتی ایجنسی (این آئی اے) نے پیر کو سابق ڈی ایس پی دیوندر سنگھ ،حزب جنگجو نوید بابو اور دوسرے ملزمان کیخلاف چارج شیٹ پیش کردیا۔ این اے آئی نے ایک بیان جاری کرتے ہوئے کہا کہ جموں میں پیش کئے گئے اس چارج شیٹ میں چھ افراد کو ملزم ٹھہرایا گیا ہے جن میں حزب المجاہدین جنگجو سید نوید مشتاق عرف نوید بابو،عرفان شفیع میر عرف ایڈوکیٹ، سابق ڈی ایس پی دیوندر سنگھ، حزب جنگجورفیع احمد راتھر،سابق ایل او سی ٹریڈر تنویر احمد وانی اور نوید بابو کا بھائی سید عرفان احمد شامل ہیں۔ یاد رہے کہ بنیادی طور پر اس کیس کے سلسلے میں قاضی گنڈ پولیس تھانے میں کیس درج تھا جہاں دیوندر سنگھ کو حزب جنگجوﺅں کو وادی سے باہر لیجانے کی کوشش کے دوران ایک گاڑی سے گرفتار کیا گیا۔دیوندر کی گرفتاری کا واقعہ 11 جنوری2020کو قاضی گنڈ کے میر بازار علاقے میں پیش آیا۔  بعد ازاں این آئی اے نے17جنوری کو ک