تازہ ترین

جموں وکشمیر کی خصوصی پوزیشن کی بحالی پارٹی کا بنیادی ایجنڈا ہے: نیشنل کانفرنس

سری نگر//جموں وکشمیر یوتھ نیشنل کانفرنس کا صوبائی سطح کا اجلاس ہفتے کے روز پارٹی ہیڈکوارٹر نوائے صبح کمپلیکس پر صدرِ صوبہ یوتھ سلمان علی ساگر کی صدارت میں منعقد ہوا۔   اجلاس سے خطاب کرتے ہوئے سلمان علی ساگر نے کہا کہ جموں وکشمیر کے عوام بشمول یوتھ کو اس وقت جن مصائب اور مشکلات اور چیلنجوں کا سامنا ہے اُن کے سدباب کا راز یہاں کی خصوصی پوزیشن بحالی اور ایک مضبوطی عوامی حکومت کے قیام میں ہی ممکن ہے۔   انہوں نے کہاکہ جموں وکشمیر کی خصوصی پوزیشن کی بحالی نیشنل کانفرنس کا بنیادی ایجنڈا ہے اور ہماری جماعت دفعہ370 اور 35اے کی بحالی کیلئے ہر ایک جمہوری اور قانونی طریقہ کار اختیار کرکے لڑ رہی ہے اور انشاءاللہ جموں وکشمیر کے عوام کے حقوق بحال ہوکرہی رہیںگے۔   سلمان علی ساگر نے کہا کہ اس وقت جموں وکشمیر میں افسرشاہی کا راج مسلط کیا گیا ہے اور تاناشاہی پر مبنی

کووڈ بندشیں نقصان دہ، انتظامیہ فیصلے پر نظر ثانی کرے: کشمیر اکنامک فورم

سری نگر//کشمیر اکنامک فورم کے صدر شوکت چودھری نے انتظامیہ سے اپیل کی ہے کہ لاک ڈاون کے فیصلے پر نظر ثانی کی جائے کیوں کہ اس سے معاشی حالت کافی بگڑ رہی ہے۔   فورم نے بتایا ہے کہ یہاں پر پہلے ہی تجارتی شعبہ متاثر ہے اور اب کووڈ لاک ڈاون سے اس میں مزید بگاڑ آرہا ہے ۔   یہ بتاتے ہوئے کہ 64 گھنٹے کے تازہ لاک ڈاون نے معاشی سرگرمیوں کو بری طرح متاثر کیا ہے، کشمیر اکنامک فورم نے انتظامیہ پر زور دیا ہے کہ وہ اس فیصلے پر نظر ثانی کرے اور وادی کی نئی معیشت کو بحال کرنے میں مدد کرے۔   ایک بیان میں، کے ای ایف کے صدر شوکت ایم چودھری نے کہا کہ وادی کی کاروباری اکائیاں پچھلے لاک ڈاون سے بری طرح متاثر ہوئی ہیں اور انہوں نے مشکل سے نقصانات کا ازالہ کرنا شروع کیا ہے۔   انہوں نے کہا کہ جہاں تجارتی سرگرمیاں متاثر ہورہی ہے وہیں پر سیاحت پر بھی منفی اثرات م

کشمیر میں ویک اینڈ لاک ڈاؤن جاری، معمولات زندگی متاثر

سری نگر// گرمائی دارلحکومت سری نگر سمیت وادی کے دیگر ضلع صدر مقامات و قصبہ جات میں ہفتے کے روز ویک اینڈ لاک ڈاؤن نافذ رہا جس سے معمولات زندگی متاثر ہو کر رہ گئے۔   بتادیں کہ کورونا کی تیسری لہر کی روک تھام کو یقینی بنانے کے لئے جموں و کشمیر انتظامیہ نے یونین ٹریٹری میں اگلے احکامات تک ہر ہفتے 62 گھنٹوں پر محیط ویک اینڈ لاک ڈاؤن نافذ کرنے کا فیصلہ لیا ہےجو جمعے کے دو بجے سے شروع ہو کر پیر کی صبح چھ بجے اختتام پذیر ہوجاتا ہے۔   وادی کشمیر میں جمعے کو تیسری بار دو بجتے ہی تمام ضلع صدر مقامات اور قصبہ جات میں دکانیں بند ہوگئیں اور سڑکوں پر ٹریفک کی نقل و حمل بھی تھم گئی۔   اسی دوران یو این آئی کے ایک نامہ نگار نے ہفتے کو شہر سری نگر کے بعض علاقوں کا دورہ کرنے کے بعد بتایا کہ سری نگر کے تمام بازاروں میں دکان مقفل تھے اور سڑکوں پر ٹریفک کی نقل و حمل بھ

سوز کا آگرہ جیل میں بند تین کشمیری طلبا کی رہائی کا مطالبہ

سری نگر//کانگریس کے سینئر لیڈر اور سابق مرکزی وزیر پروفیسر سیف الدین سوز کا کہنا ہے کہ ”میں نے آج وزیر داخلہ شری امیت شاہ کو خط لکھا اور پر زور الفاظ میں درخواست کی کہ وہ اُن تین کشمیری طلباء۔ ارشد یوسف، عنایت الطا ف شیخ اور شوکت احمد گنائی کو رہا کریں جن کو اکتوبر 2021 میں گرفتار کر کے آگرہ جیل میں رکھا گیا ہے۔   سوز کے مطابق میں نے اُن کو بتایا کہ اُن طلباء پر الزام ہے کہ انہوں نے اکتوبر2021 میں منعقدہ کرکٹ میچ میں ہندوستان کے خلاف پاکستانی ٹیم کی کامیابی کے وقت پاکستان کے حق میں تالیاں بجائیں تھیں۔   انہوں نے بتایا کہ میں نے وزیر داخلہ کو بتایا کہ پولیس ابھی تک یہ الزام ثابت کرنے میں ناکام رہی ہے اور حقیقت یہ ہے کہ ان طلباءنے صرف سکرین شارٹ کے ذریعے اپنے دوستوں کو مبارک باد دی تھی۔   پروفیسر سوز نے کہا کہ امیت شاہ جی کو یہ بھی بتایا کہ آئ

اننت ناگ: 32 ملازمین غیر حاضر کے خلاف کاروائی کے احکامات

  سری نگر//ڈپٹی کمشنر اننت ناگ ڈاکٹر پیوش سنگلا نے ہفتہ کو جنوبی کشمیر کے ضلع میں غیر حاضر پائے گئے 32ملازمین کی ایک دن کی تنخواہ میں کٹوتی کا حکم دیا ہے۔   تفصیلات کے مطابق، اے ڈی سی اننت ناگ غلام حسن شیخ کے ساتھ دیگر افسران کی حاضری چیک کرنے کے لیے مختلف دفاتر میں اچانک معائنہ کیا۔   اسی دوران32ملازمین کی ایک دن کی تنخواہ میں کٹوتی کے علاوہ غیر حاضر ملازمین کے خلاف تادیبی کارروائی شروع کر دی گئی ہے۔  

گاندر بل میں ٹی آر ایف کے تین جنگجو اعانت کار گرفتار، اسلحہ ضبط: پولیس

  سری نگر// جموں و کشمیر پولیس نے وسطی ضلع گاندربل میں جنگجوؤں کے ایک ماڈیول کو بے نقاب کرکے لشکر طیبہ کی ذیلی تنظیم ٹی آر ایف سے وابستہ تین جنگجو اعانت کاروں کو گرفتار کرنے کا دعویٰ کیا ہے۔     ایک پولیس ترجمان نے اپنے ایک بیان میں کہا کہ گاندربل پولیس نے فوج کی 24 آر آر اور سی آر پی ایف کی 115 بٹالین کے ہمراہ ضلع کے شہامہ علاقے میں ایک ناکہ چیکنگ کے دوران تین جنگجو اعانت کاروں کو گرفتار کرکے ان کی تحویل سے اسلحہ و گولہ بارود بر آمد کیا۔   ترجمان نے گرفتار شدگان کی شناخت فیصل منظور ولد منظور احمد لون ساکن براری پورہ شوپیاں، اظہر یعقوب ولد محمد یعقوب گنائی ساکن زائی پورہ شوپیاں اور ناصر احمد ڈار ولد محمد ایوب ڈار ساکن کولگام کے بطور کی ہے۔   انہوں بیان میں کہا کہ گرفتار شدہ جنگجو اعانت کاروں کی تحویل سے دو چینی ساخت کے پستول

رام بن:بیوی کو قتل کرنے کے الزام میں شوہر گرفتار

    بٹوت//رام بن ضلع میں ایک شخص کو اپنی 23سالہ بیوی کو قتل کرنے اور قتل کو خودکشی کے طور پر پیش کرکے تفتیش کاروں کو گمراہ کرنے کی کوشش کرنے کے الزام میں گرفتار کیا گیا۔   ایک پولیس ترجمان نے بتایا کہ بٹوت کے پسیال دھرالٹا گاؤں کی رہنے والی نشو دیوی 23جنوری کو اپنے گھر میں لٹکی ہوئی پائی گئی تھی اور موت کی اصل وجہ جاننے کے لیے تفتیشی کارروائی شروع کی گئی تھی۔   انہوں نے بتایا کہ متوفی کا پوسٹ مارٹم ضلع ہسپتال رام بن میں کیا گیا اور لاش آخری رسومات کے لیے ورثاء کے حوالے کردی گئی۔   ترجمان نے کہا کہ تفتیش کے دوران، مقتول کے والدین نے الزام لگایا کہ ان کی بیٹی کو اس کے شوہر اور اس کے اہل خانہ نے قتل کیا کیونکہ وہ اسے ہراساں کر رہے تھے۔   متوفی کے شوہر پون کمار کو حراست میں لے کر پوچھ گچھ کی گئی۔ انہوں نے کہا کہ اس نے

پٹرول اورڈیزل کی قیمتوں میں کوئی تبدیلی نہیں

نئی دہلی//بین الاقوامی سطح پر خام تیل کی قیمتوں کی وجہ سے ہفتہ کے آخر میں لنبن برینٹ کروڈ کی قیمت 90 ڈالر فی بیرل کو عبور کرنے کے باوجود پٹرول اور ڈیزل کی قیمتیں آج مسلسل 86ویں دن گھریلو سطح پر مستحکم رہیں۔   دونوں ایندھن کی قیمتوں میں 4 نومبر 2021 کو کمی کی گئی جب مرکزی حکومت نے پٹرول اور ڈیزل پر ایکسائز ڈیوٹی میں بالترتیب 5 اور 10 روپے کی کمی کا اعلان کیا۔   اس کے بعد ریاستی حکومتوں کی جانب سے ویلیو ایڈیڈ ٹیکس (ویٹ) کو کم کرنے کے فیصلے کے بعد دارالحکومت دہلی میں بھی ویٹ کو کم کرنے کا فیصلہ کیا گیا۔ اس کے بعد دارالحکومت میں 2 دسمبر 2021 کو پٹرول تقریباً آٹھ روپے سستا ہو گیا۔ تاہم ڈیزل کی قیمتوں میں کوئی تبدیلی نہیں ہوئی۔     لندن برینٹ کروڈ 90.03 ڈالر فی بیرل اور یو ایس کروڈ 0.79 فیصد اضافے کے ساتھ ہفتے کے آخر میں گزشتہ شب 87.29 ڈالر فی

دل کا دورہ پڑنے سے ایس پی او کی موت

    بارہمولہ//شمالی کشمیر کے ضلع بارہمولہ کے بڈمولہ ناروا علاقے میں ایک پنڈت خاندان کی حفاظت کرنے والے اسپیشل پولیس آفیسر (ایس پی او) کی دل کا دورہ پڑنے سے موت ہوگئی ہے۔   ایک سینئر پولیس عہدیدار نے بتایا کہ ایس پی او کی شناخت شکیل احمد راتھر ولد علی محمد راتھر ساکنہ ملپورہ ناروا کے طور پر کی گئی، جوحرکت قلب بند ہونے سے انتقال کر گئے۔   ان کا کہنا تھا کہ متوفی ضلع کے بڈمولہ ناروا علاقے میں پنڈت خاندان کے لیے سیکورٹی گارڈ کے طور پر تعینات تھا۔   حکام نے بتایا کہ طبی قانونی کارروائیوں کے بعد لاش کو آخری رسومات کے لیے لواحقین کے حوالے کر دیا جائے گا۔  

بارہمولہ:جہلم سے دوسری لاش بھی برآمد

  بارہمولہ//نثار احمد ملہ جو اپنے بھائی ہلال احمد ملہ کے ساتھ جمعہ کو شمالی کشمیر کے خواجہ باغ بارہمولہ میں ریت نکالتے ہوئے دریائے جہلم میں ڈوب گئے تھے، کی لاش آج صبح برآمد کی گئی ہے۔     گزشتہ روز ہلال احمد کی لاش دریا سے نکال لی گئی تھی جب کہ ان کے بھائی کی لاش نہیں مل پائی تھی۔     واضح رہے کہ بانڈی پورہ کے دو بھائی کل ریت سے بھری کشتی کے الٹنے سے ڈوب گئے تھے۔جنہیں بازیاب کر لیا گیا ہے۔      پولیس نے تمام ضروری کارروائیاں مکمل کرنے کے بعد لاش لواحقین کے حوالے کر دی۔  

بھارت میں کورونا معاملات میں کمی|2 لاکھ 35ہزار کیسز درج

    نئی دہلی//بھارت میں گزشتہ روز کے مقابلے کورونا کیسز میں کمی ہوئی ہے۔ گزشتہ 24 گھنٹے میں 2 لاکھ 35 ہزار 532 نئے کیسز سامنے آئے ہیں۔    وہیں گزشتہ 24 گھنٹے میں کورونا سے 871افراد کی موت ہوئی ہے۔   کورونا سے گزشتہ 24 گھنٹوں میں 3 لاکھ 35 ہزار 939 افراد صحتیاب ہوئے ہیں۔   بھارت میں کورونا کے ایکٹیو کیسز کی کُل تعداد 20 لاکھ 4 ہزار 333 ہو گئی ہے۔ یہ معلومات مرکزی وزارت صحت کے تازہ ترین اعداد و شمار میں دی گئی ہے۔   مرکزی وزارت صحت کے مطابق اب تک ملک بھر میں کورونا ویکسین کی 165 کروڑ 4 لاکھ 87 ہزار 260 خوراکیں دی جا چکی ہیں۔   انڈین کونسل آف میڈیکل ریسرچ کے مطابق گزشتہ روز بھارت میں 17 لاکھ 59 ہزار 434 سیمپل ٹیسٹ کیے گئے۔اب تک بھارت میں کُل 72 کروڑ 57 لاکھ 74 ہزار 705 نمونوں کے ٹیسٹ کیے جا چکے ہیں۔

جموں وکشمیر میں مزید 4354 افراد کی رپورٹ مثبت، پانچ مریض فوت

سری نگر//جموں وکشمیر میں جمعے کے روز 4354 افراد کی رپورٹ مثبت آئی جبکہ 5 مریض فوت ہوئے ہیں۔     سرکاری ترجمان نے بتایا کہ سری نگر ضلع میں جمعے کے روز سب سے زیادہ 916 افراد میں کورونا کی تشخیص پائی گئی، بارہ مولہ میں 290، بڈگام میں 229، پلوامہ میں 90، کپواڑہ میں 618، اننت ناگ میں 329، بانڈی پورہ میں 109، گاندربل میں 42، کولگام میں 262، شوپیاں میں 29افراد کی رپورٹ پازٹیو آئی۔     جموں ضلع میں 763، اُدھم پور میں 111، راجوری میں 43، ڈوڈہ میں 103، کٹھوعہ میں 68، سانبہ میں 104، کشتواڑ میں 30، پونچھ میں 91، رام بن میں 106اور ریاسی میں 21افراد کی رپورٹ مثبت آئی ہے۔     سرکاری ترجمان نے مزید بتایا کہ جمعے کے روز جموں وکشمیر میں پانچ مریض فوت ہوئے ہیں ۔     اُن کے مطابق ابتک یوٹی میں وائرس سے مرنے والوں کی تع

جہلم سے ایک لاش برآمد، دوسرے کی تلاش جاری

    سری نگر//ضلع بارہمولہ کے خواجہ باغ علاقے میں دریائے جہلم سے ریت نکالنے کے دوران ڈوبنے والے بانڈی پورہ کے دو بھائیوں میں سے ایک کی لاش نکالی گئی۔   انہوں نے بتایا کہ ہلال احمد ملہ اور نصیر احمد ملہ آج صبح ڈوب گئے اور جلد ہی ان کی تلاش کے لیے ریسکیو آپریشن شروع کیا گیا۔   انہوں نے بتایا کہ ہلال احمد ملہ ولد منظور احمد ملہ لارواگھاٹ بانڈی پورہ کی لاش برآمد کر لی گئی ہے۔   ایک پولیس افسر نے تصدیق کرتے ہوئے کہا کہ ایس ڈی آر ایف کے اہلکاروں، پولیس اور مقامی لوگوں کی جانب سے دوسرے کا سراغ لگانے کی کوششیں جاری ہیں۔  

سری نگر سمیت وادی کے سبھی اضلاع میں ’ویک اینڈ‘ لاک ڈاون نافذ

سری نگر// گرمائی دارلحکومت سری نگر میں جمعے کو دو بجے کے بعد ’ویک اینڈ‘ لاک ڈاون کے نفاذ کے ساتھ ہی تمام بازار سنساں نظر آئے اور سڑکوں پر ٹریفک کا رش بھی تھم گیا۔   بتادیں کہ کورونا کیسز میں درج ہو رہے اضافے کے پیش نظر انتظامیہ نے ’ویک اینڈ‘ لاک ڈاون میں توسیع کر دی ہے۔   سٹیٹ ایگزیکٹیو کمیٹی کے حکمنامے کے مطابق اب یونین ٹریٹری میں جمعے کے روز دو بجے سے پیر کی صبح چھ بجے تک لاک ڈآن نافذ رہے گا۔    شہر میں حکام کی گاڑیاں دو بجے سے قبل ہی بازاروں کا گشت کر رہی تھیں جن میں بیٹھے اہلکار دو بجے کے بعد لاک ڈاون کے نفاز کا اعلان کر رہے تھے۔    دو بجنے کے ساتھ ہی تمام بازاروں میں دکانداروں نے اپنے اپنے دکان بند کرنے شروع کئے اور تین بجنے سے قبل ہی شہر کے تمام بازار بند ہوگئے تھے۔    کہیں کہی

بٹہ مالو سری نگر میں پولیس اہلکار پر فائرنگ

  سری نگر//نامعلوم ملی ٹینٹوں نے جمعہ کو ایس ڈی کالونی بٹہ مالو سری نگر میں ایک پولیس اہلکار پر فائرنگ کی لیکن وہ معجزانہ طور پر بچ گیا۔   ایک اعلیٰ پولیس افسر نے بتایا کہ تقریباً ساڑھے تین بجے عسکریت پسندوں نے پولیس کانسٹیبل پر فائرنگ کی۔     تاہم پولیس اہلکار بال بال بچ گیا۔ حملے کے فوراً بعد، پورے علاقے کو گھیرے میں لے لیا گیا اور تلاشی شروع کر دی گئی۔   انہوں نے کہا کہ مقدمہ درج کر کے مزید تفتیش شروع کر دی گئی ہے۔  

حکومت نے پلوامہ اور کپواڑہ کے رجسٹرار کا چارج تفویض کیا

  سری نگر//حکومت نے جمعہ کو ضلع پلوامہ اور کپواڑہ کے رجسٹرار کے عہدے کا چارج جموں و کشمیر ایڈمنسٹریٹیو سروسز کے دو افسران کو سونپا ہے۔   حکومت کی طرف سے جاری کردہ ایک حکم کے مطابق، ڈاکٹر فیاض احمد بانڈے ، ایڈیشنل ڈپٹی کمشنر، پلوامہ کو اگلے احکامات تک رجسٹرار ضلع پلوامہ سنبھالنے کے احکامات جاری کئے گئے ہیں۔   وہیں غلام نبی بھٹ، ایڈیشنل ڈپٹی کمشنر کپواڑہ، کو اگلے احکامات تک اپنے فرائض کے علاوہ رجسٹرارضلع کپواڑہ کے عہدے کا چارج سنبھالنے کے لیے کہا گیا ہے۔   واضح رہے "یہ احکامات متعلقہ اضلاع میں بطور کمشنر ان کی جوائننگ کی تاریخ سے نافذ العمل سمجھے جائیں گے"۔  

پلوامہ ٹرین حادثہ: زخمی ایس پی او بھی دم توڑ گیا

سری نگر// جنوبی کشمیر کے ضلع پلوامہ کے کاکہ پورہ علاقے میں دو روز قبل ریلوے ٹریک کے نزدیک ایک شخص کو بچانے کی کوشش کے دوران زخمی ہونے والا گورنمنٹ ریلوے پولیس سے وابستہ ایک ایس پی او جمعے کے روز یہاں ایک ہسپتال میں زخموں کی تاب نہ لا کر دم توڑ گیا۔   بتادیں کہ پلوامہ کے کاکہ پورہ علاقے میں 26 جنوری کو شوکت احمد ڈار ساکن بی کے پورہ بڈگام نامی ایک شہری ٹرین کی زد میں آکر بر سرموقع ہی لقمہ اجل بن گیا تھا جبکہ وہاں ڈیوٹی پر تعینات ایک ایس پی او اس کو بچانے کی کوشش کے دوران زخمی ہوگیا تھا۔     زخمی ایس پی او کی شناخت شبیر احمد کے بطور ہوئی تھی جنہیں علاج ومعالجے کے لئے ہسپتال منتقل کیا گیا تھا۔     سرکاری ذرائع نے بتایا کہ زخمی شبیر احمد سپر سپیشلٹی ہسپتال شیرین باغ سری نگر میں زیر علاج تھا جہاں وہ جمعے کے روز زخموں کی تاب نہ لا کر د

دنیا میں کورونا سے مرنے والوں کی تعداد 56.37 لاکھ سے متجاوز

واشنگٹن//دنیا میں اب تک کورونا وائرس کی وجہ سے 56.37 لاکھ سے زیادہ لوگوں کی موت ہو ئی ہے اور اب تک 36.62 کروڑ سے زیادہ لوگ اس وبا سے متاثر ہو چکے ہیں۔ وہیں دنیا بھر میں اب تک 9.89 ارب سے زیادہ ویکسین کی خوراکیں دی جا چکی ہیں۔   امریکہ کی جان ہاپکنز یونیورسٹی کے کورونا وائرس ریسورس سینٹر کی جانب سے جاری اعداد و شمار کے مطابق دنیا بھر میں کورونا سے متاثرہ افراد کی مجموعی تعداد 36 کروڑ 62 لاکھ 49 ہزار 339 ہو گئی ہے اور ہلاکتوں کی تعداد 56 لاکھ 37 ہزار 611 تک پہنچ گئی ہے۔   امریکہ کورونا انفیکشن کے سب سے زیادہ کیسز کے ساتھ دنیا میں سرفہرست ہے جہاں اب تک 7.34 کروڑ سے زائد لوگ اس وبا سے متاثر ہو چکے ہیں اور 878421 افراد ہلاک ہو چکے ہیں۔   اس وبا کے انفیکشن کے معاملے میں ہندوستان دوسرے نمبر پر ہے، جہاں جمعہ کی صبح تک گزشتہ 24 گھنٹوں میں کووڈ انفیکشن کے د

کشمیری روایتی کانی شال کی صنعت زوال پذیر کیوں؟

سری نگر// وادی کشمیر کی جو روایتی دستکاری کی چیزیں دنیا کے گوشہ وکنار میں اپنی ایک منفرد شناخت و مقام رکھتی ہیں ان میں کانی شال سر فہرست ہے لیکن اس اہم اور تاریخی دستکاری کی صنعت گذشتہ کئی برسوں سے روبہ انحطاط ہے۔   اس صنعت سے جڑے دستکاروں کا کہنا ہے کہ بیوپاریوں کی طرف سے انتہائی کم مزدوری ملنے کی وجہ سے نہ صرف یہ کہ اس صنعت سے وابستہ دستکار کنارہ کشی کرکے روزی روٹی کے لئے دوسرے پیشے اختیار کر رہے ہیں بلکہ کوئی بھی نیا شخص اس پیشے کو اپنے روزگار کا ذریعہ نہیں بنا رہا ہے۔   انہوں نے خدشہ ظاہر کیا کہ مستقبل میں دستکاری کی یہ صنعت ختم ہی ہوسکتی ہے جس سے ہماری شاندار ثقافت کی عمارت کا ستون زمین بوس ہوسکتا ہے۔   کانی شال کی صنعت سے گذشتہ 18 برسوں سے وابستہ دستکار فیصل احمد لون نے یو این آئی کے ساتھ گفتگو میں کہا کہ مہنگائی کے اس دور میں اس پیشے سے جڑ

بانڈی پورہ کے 2 بھائی جہلم میں غرقاب

  بارہمولہ//ضلع بارہمولہ کے خواجہ باغ علاقے میں بانڈی پورہ کے دو بھائی دریائے جہلم سے ریت نکالتے ہوئے غرقاب ہو گئے۔   سرکاری زرائع کے مطابق ہلال احمد ملہ اور نصیر احمد ملہ آج صبح اس وقت جہلم میں ڈوب گئے ، جب وہ ضلع ہارہمولہ کے خواجہ باگ علاقے میں جہلم سے ریت نکال رہے تھے ۔   اُنہوں نے بتایا کہ دونوں بھائیوں کے غرقاب ہونے کی خبر پہنچتے ہی اُن کی تلاش کے لیے ریسکیو آپریشن شروع کیا گیا۔   ایک پولیس افسر نے واقعے کی تصدیق کرتے ہوئے کہا کہ ان کا سراغ لگانے کی کوششیں جاری ہیں۔   

تازہ ترین