سرینگر کے مضافات میں عدم شناخت لاش بر آمد

سرینگر//پولیس نے ہفتہ کو بتایا کہ انہوں نے سرینگر کے مضافاتی علاقہ نوگام نائک باغ میں ایک عدم شناخت لاش بر آمد کی ہے جو بظاہر کسی 35سالہ مرد کی ہے۔ پولیس کے مطابق اُنہوں نے لاش کو تحویل میں لے لیا ہے۔ پولیس نے متعلقہ قوانین کے تحت تحقیقاتی کارروائی شروع کی ہے۔  

کورونا وائرس کے1330نئے کیس،تعداد61041

سرینگر//جموں کشمیر میں جمعہ کو مزید1330 کورونا وائرس کے کیس سامنے آئے جن میں70مسافر بھی شامل ہیں۔ اس طرح مرکز کے زیر انتظام علاقے میں کورونا متاثرین کی مجموعی تعدار61041تک پہنچ گئی ہے۔ آج ظاہر ہونے والے نئے کیسوں میں658کا تعلق وادی کشمیر جبکہ 672کا تعلق صوبہ جموں سے ہے۔ ذرائع نے ضلع سطح کے اعداد و شمار دیتے ہوئے کہا کہ سرینگر میں237،بڈگام میں62،بارہمولہ میں64،پلوامہ میں41،اننت ناگ میں60،بانڈی پورہ میں65،کپوارہ میں52،گاندر بل میں44،کولگام میں19اور شوپیان میں14کیس سامنے آئے۔ اسی طرح جموں ضلع میں221،راجوری میں61،اُدھمپور میں31،کٹھوعہ میں42،ڈوڈہ میں86،سانبہ میں53،پونچھ میں77،رام بن میں47،ریاسی میں18جبکہ کشتواڑ ضلع میں35کورونا وائرس سے متاثرہ کیس سامنے آئے۔  

شوپیان انکاونٹر کی فوجی تحقیقات مکمل،ضوابط کی خلاف ورزی کا انکشاف

سرینگر//فوج نے جمعہ کو ایک بیان جاری کرتے ہوئے بتایا کہ اُس کی طرف سے امشی پورہ شوپیان انکاونٹر کی جو تحقیقات شروع کی گئی تھی ،وہ مکمل ہوگئی ہے اور اس کے دوران معلوم ہوا ہے کہ اس آپریشن کے دوران قواعد کی خلاف ورزی کی گئی ہے۔ فوج نے کہا ہے کہ حکام نے قواعد کی خلاف ورزی کا مرتکب پانے والوں کیخلاف فوجی قانون کے دائرے میں کارروائی کے احکامات صادر کئے ہیں۔ فوج نے اپنے بیان میں کہا”امشی پورہ آپریشن کی تحقیقات مکمل ہوگئی ہے جس کے دوران ایسی شواہد ملی ہیں جن سے پتہ چلتا ہے کہ افسپا کے تحت قواعد کا حد سے زیادہ استعمال کیا گیا ہے اور سپریم کورٹ کے احکامات کی بھی خلاف ورزی کی گئی ہے۔“۔ فوج کے بیان میں مزید بتایا گیا ہے”متعلقہ حکام نے ہدایت دی ہے کہ مرتکبین کیخلاف فوجی قانون کے تحت کارروائی شروع کی جائے“۔ فوج کی طرف سے جاری بیان میں بتایا گیا ہے کہ جو شواہد تحقی

بارہمولہ میں کروڑوں روپے مالیت کی منشیات ضبط، چار افراد گرفتار

سرینگر//پولیس نے جمعہ کے روز بتایا کہ اُنہوں نے شمالی کشمیر کے بارہمولہ ضلع میں کروڑوں روپے مالیت کی منشیات(کوکین) ضبط کرکے چار افراد کو گرفتار کیا ہے۔ ذرائع کے مطابق پولیس نے اولڈ ٹاون بارہمولہ میں چار مشتبہ افراد کو گرفتار کرکے اُن سے پوچھ تاچھ کی جس کے دوران گرفتار شدگان نے منشیات کے چھ پیکٹوں کا پتہ بتایا۔ان پیکٹوں میں منشیات (کوکین) جیسی چھ کلو گرام اشیا پائی گئی جس کی قیمت بین الاقوامی بازار میں کروڑوں روپے بنتی ہے۔ ذرائع نے گرفتار شدگان کی شناخت بلال میر ولد غلام محمد میر ساکن گلنار پارک،رفیق عرف کنجوال ولد محمد شعبان ساکن سعید کریم،طارق بہرو ولد عبد الرشید بہرو ساکن آزاد گنج اور شبیر احمد میر ولد حبیب اللہ میر ساکن اہن گاندر بل کے طور کی ہے۔ اس ضمن میں پولیس سٹیشن بارہمولہ میں ایف آئی آر نمبر160درج کرکے متعلقہ قانونی دفعات کے تحت تحقیقات شروع کی گئی ہے۔ پولیس ذر

کورونا انتظامات میں مدد کے لئے مرکزی وفد جموں کا دورہ کرے گا

نئی دہلی// جموں میں کورونا وائرس (کوویڈ 19) کے حالیہ معاملوں کے پیش نظر مرکزی وزارت صحت وخاندانی بہبود نے ایک اعلی سطح کے مرکزی وفد کو وہاں بھیجنے کا فیصلہ کیا ہے۔ وزارت صحت نے جمعہ کے روز کہا کہ اس دو رکنی وفد میں دہلی کے آل انڈیا انسٹی ٹیوٹ آف میڈیکل سائنس(ایمس) کے پلمونری کریٹیکل کیئر کے پروفیسر ڈاکٹر وجے ہڈا اور نیشنل سینٹر فار ڈیزیزکنٹرول (این سی ڈی سی) کے ڈائریکٹر ڈاکٹر سوجیت کمار سنگھ شامل ہوں گے۔ یہ مرکزی وفد جموں کے ضلع مجسٹریٹ اور محکمہ صحت کے عہدیداروں سے ملاقات کرنے کے ساتھ ہی بخشی نگر اور گاندھی نگر کے اسپتالوں کا دورہ کرے گا۔

گریز میں ہند۔پاک افواج کی ایک دوسرے کے ٹھکانوں پر فائرنگ

سرینگر//بھارت اور پاکستان کی افواج نے جمعہ کو لائن آف کنٹرول پر شمالی کشمیر میں بانڈی پورہ ضلع کے گریز سیکٹر میں ایک دوسرے کے ٹھکانوں کو مارٹر گولوں سے نشانہ بنایا۔یہ واقعہ بگتور علاقے میں پیش آیا۔ سرکاری ذرائع کے مطابق مارٹر شیلنگ کا سلسلہ صبح سوا گیارہ بجے اُس وقت شروع ہواجب پاکستانی افواج نے ترابل گاوں کے نزدیک بھارت کے لوسر پوسٹ اور درمٹ پوسٹ کو نشانہ بنایا۔  مذکورہ ذرائع کے مطابق آر پار شیلنگ کا سلسلہ آخری اطلاعات ملنے تک جاری تھا۔ انہوں نے مزید کہا کہ یہ رواں مہینے کے دوران اس علاقے میں اپنی نوعیت کا چوتھا واقعہ ہے۔  

ملک میں کورونا کے 96424 نئے کیس، ہلاک شدگان کی تعداد 84ہزار سے متجاوز

نئی دہلی//گذشتہ روز ملک میں کورونا وائرس کے کیسز میں سب سے زیادہ اور ریکارڈ اضافے کے بعد پچھلے 24 گھنٹوں کے دوران ایک بار پھر 96424 نئے کیس رپورٹ ہوئے جس سے کورونا متاثرین کی تعداد 52 لاکھ سے متجاوز ہوچکی ہے جبکہ اسی عرصہ کے دوران ریکارڈ 87472افراد کی شفایابی سے صحتیاب مریضوں کی تعداد بڑھ کر 41 لاکھ سے زیادہ ہوگئی ہے۔ جمعہ کو مرکزی وزارت صحت و خاندانی بہبود کی جانب سے جاری تازہ ترین اعداد و شمار کے مطابق ملک میں گذشتہ 24 گھنٹوں کے دوران متاثرہ مریضوں کی تعداد96424 سے بڑھ کر مجموعی تعداد5214677 ہوگئی۔ اس سے قبل جمعرات کو سب سے زیادہ (97894) نئے کیس رپورٹ ہوئے جبکہ اس سے پہلے دو دن میں نئے کیسز میں کمی آئی تھی۔ ملک میں ایکٹیو کیسز کی شرح 19.52 فیصد ،شفایابی کی شرح 78.86 فیصد اوراموات کی شرح 1.62 فیصد ہے۔    

وزیر اعظم کی ماسک پہننے اور جسمانی فاصلہ برقرار رکھنے کی اپیل

نئی دہلی// وزیر اعظم نریندر مودی نے سالگرہ کی مبارکباد پیش کرنے والوں کا شکریہ ادا کرتے ہوئے ان سے اپیل کی کہ وہ کورونا وائرس (کووڈ۔ 19) کے وبا کو دیکھتے ہوئے ماسک پہنیں اوردو گز کا جسمانی فاصلہ رکھیں۔  مودی نے کورونا کے خلاف تمام احتیاطی تدابیر اختیار کرنے، اپنی قوت مدافعت بڑھانے کے علاوہ اپنی صحت بنانے میں تعاون دینے کی اپیل کرتے ہوئے لوگوں سے کہا کہ وہ اپنے ملک اور گھر کو صحت مند بنانے میں اپنا کردار ادا کریں۔  مودی نے ٹویٹ کیا ”بہت سے خیر خواہوں نے یہ جاننا چاہا ہے کہ میں اپنی سالگرہ کے موقع پر ان سے کیا توقع کرتا ہوں ، مجھے ان سے ماسک پہننے ، جسمانی فاصلہ برقرار رکھنے اور دو گز کی دوری کے ضابطوں پر چلنے کی امید ہے۔ پرہجوم علاقوں میں جانے سے گریز کریں۔ اپنی قوت مدافعت کو بہتر بنائیں۔ ایک ساتھ آئیں اور اپنی سرزمین کو صحت مند بنائیں۔“  

کشمیر میں682اورجموں میں785نئے کورونا کیس

سرینگر//جموں کشمیر میں جمعرات کو 1467نئے کورونا وائرس کے کیس سامنے آئے۔ ان میں682کیس وادی کشمیر جبکہ785کیس جموں صوبے میں ظاہر ہوئے اور ان میں 62مسافر بھی شامل ہیں۔ ذرائع کے مطابق مرکز کے زیر انتظام علاقے میں اب کورونا متاثرین کی مجموعی تعداد59711تک پہنچ گئی ہے۔ اعداد و شمار کے مطابق سرینگر ضلع میں233،بڈگام میں89،بارہمولہ میں53،پلوامہ میں28،اننت ناگ میں78،کپوارہ میں47،بانڈی پورہ میں55،کولگام میں14،گاندر بل میں75جبکہ شوپیان ضلع میں 10کورونا وائرس کے کیس سامنے آئے۔ اسی طرح جموں ضلع میں210،اُدھمپور میں82،راجوری میں88،کٹھوعہ میں75،سانبہ میں69،پونچھ میں75،رام بن میں18،ڈوڈہ میں97،ریاسی میں27اور کشتواڑ ضلع میں44کیس سامنے آئے۔  

اونتی پورہ میں بارودی مواد ضبط،جنگجوﺅں کا حملہ ٹالا گیا:پولیس

سرینگر//پولیس نے جمعرات کو دعویٰ کیا کہ اُنہوں نے جنوبی کشمیر کے اونتی پورہ میں بھاری تعداد میں بارودی مواد ضبط کیا۔ ایک بیان میں پولیس نے کہا کہ پولیس ،فوج اور سی آر پی ایف نے ایک مصدقہ اطلاع کے بعد مشترکہ کارروائی عمل میں لاتے ہوئے گڈی کھل اونتی پورہ میں تلاشی آپریشن شروع کیا۔ تلاشی کے دوران بھاری تعداد میں بارودی مواد ضبط کیا گیا جس کو ایک پلاسٹک ٹینکی میں زمین کے اندرچھپایا گیا تھا۔ مذکورہ ٹینکی میں 416جلاٹین چھڑیاں جبکہ دوسری ٹینکی میں50ڈیٹو نیٹر چھپائے گئے تھے۔ڈیٹو نیٹر وں کو ماہر اہلکاروں کے ہاتھوں موقع پر ہی ناکارہ بنایا گیا۔   پولیس کے مطابق اس ضبطی سے جنگجوﺅں کے ایک بہت بڑے حملے کو ٹالا گیا ہے۔ اس سلسلے میں ایف آئی آر نمبر126کے تحت پولیس سٹیشن اونتی پورہ میں کیس درج کیا گیا ہے۔  

ملک کی پیشانی کو کسی قیمت پر جھکنے نہیں دیں گے: راجناتھ

نئی دہلی// وزیر دفاع راجناتھ سنگھ نے جمعرات کو پھر ملک کو یقین دہانی کروائی کہ ہندوستان مشرقی لداخ میں لائن آف ایکچول کنٹرول (ایل اے سی) پر شریک حیثیت بدلنے کی چین کی کوششوں کو کامیاب نہیں ہونے دے گا۔انہوں نے کہا کہ کسی بھی قیمت پر ملک کی پیشانی نہیں جھکنے دی جائے گی۔  سنگھ نے مشرقی لداخ کی صورتحال پر راجیہ سبھا میں بیان دیتے ہوئے کہا کہ چین کو سیاسی، سفارتی اور فوجی سطح پر ہندوستان کے موقف سے آگاہ کر دیا گیا ہے کہ ہندوستان تمام مسائل کو پرامن مذاکرے سے حل کرنے کا حامی ہے لیکن ایل اے سی پر شریک حیثیت کو بدلنے کی کسی بھی یکطرفہ کوشش کو کامیاب نہیں ہونے دیا جائے گا۔ انہوں نے کہا،” ہم نے چین کو سفارتی اور فوجی چینل کے توسط سے آگاہ کروا دیا کہ چین کی سرگرمیاں شریک حیثیت کو یکطرفہ بدلنے کی کوشش ہیں۔ یہ بھی واضح کر دیا گیا کہ یہ کوشش ہمیں کسی بھی طور منظور نہیں ہے“۔

حوالہ کیس:ای ڈی چارج شیٹ میں محبوس شبیر شاہ کی اہلیہ بلقیس بھی ملزم قرار

سرینگر//انفورسمنٹ ڈائریکٹوریٹ نے محبوس علیحدگی پسند لیڈر شبیر شاہ کی اہلیہ ڈاکٹر بلقیس شاہ کو 2005کے منی لانڈرنگ کیس میں ملزم کے طور شامل کیا ہے۔یہ کیس شبیر شاہ اور محمد اسلم وانی کیخلاف درج ہے اور ان پر حوالہ رقم حاصل کرنے کا الزام ہے۔ انفورسمنٹ ڈائریکٹوریٹ نے بلقیس کا نام چارج شیٹ کے ضمیمہ میں شامل کیا ہے جو گذشتہ روز دلی کی ایک عدالت میں پیش کی گئی۔اس کیس کی شنوائی ایڈیشنل سیشن جج دھرمندر رانا 10نومبر کو کریں گے۔ چارج شیٹ سرکاری وکلاءاین کے مٹا اور راجیو اواستھی نے عدالت کے سامنے پیش کی جس میں کہا گیا کہ بلقیس شاہ نے اپنے شوہر شبیر شاہ کے ہمراہ 2.08کروڑ روپے اسلم وانی سے حاصل کئے۔ چارج شیٹ میں مزید کہا گیا کہ اسلم نے اس بات کا اقرار کیا ہے کہ اس نے یہ ساری نقدی شبیر شاہ اور تین موقعوں پر اُن کی اہلیہ بلقیس شاہ کو دیدی۔  ای ڈی چارج شیٹ میں کہا گیا”بلقیس نے

ضلع مجسٹریٹ بارہمولہ نے سوپور کے مہلوک نوجوان کی موت کی تحقیقات کا حکم دیا:آئی جی کشمیر

سرینگر//آئی جی پولیس کشمیر رینج وجے کمار نے جمعرات کو کہا کہ شمالی قصبہ سوپور میں مہلوک نوجوان کے اہل خانہ کے الزامات کے بعد ضلع مجسٹریٹ بارہمولہ نے مذکورہ نوجوان کی ہلاکت کی تحقیقات کا حکم دیا ہے۔ آئی جی کشمیر نے نامہ نگاروں کی طرف سے پوچھے گئے سوال کا جواب دیتے ہوئے کہا”میرا ماننا ہے کہ عرفان احمد پتھر پر گرنے کی وجہ سے جاں بحق ہوا۔وہ اند ھیرے میں گر کر حرکت قلب بند ہونے کی وجہ سے مر گیا ہوگا۔اب تحقیقاتی ٹیم ہی حقائق لیکر سامنے آئے گی۔“ انہوں نے مزید کہا کہ کورونا سے پیدا صورتحال کی وجہ سے عرفان کی لاش کو لواحقین کے سپرد کرنے کے بجائے سونہ مرگ میں مجسٹریٹ اور قریبی رشتہ داروں کی موجودگی میں دفن کیا گیا۔ انہوں نے اس بات کی وضاحت کی کہ عرفان جنگجوﺅں کا ایک بالائے زمین کارکن تھا اور اس کی تحویل سے دو گرینیڈ بر آمد ہوئے تھے۔بعد ازاں مزید بر آمدگی کیلئے عرفان کو لی

سرینگر معرکہ میں مارے گئے جنگجوﺅں کا تعلق جنوبی کشمیر سے تھا:دلباغ سنگھ

سرینگر//جموں کشمیر پولیس کے سربراہ دلباغ سنگھ نے جمعرات کو کہا کہ بتہ مالو سرینگر میں فورسز کے ساتھ معرکہ آرائی کے دوران جو تین جنگجو جاں بحق ہوئے اُن سبھی کا تعلق جنوبی کشمیر تھا۔ انہوں نے مزید کہا کہ رواں برس کے دوران ابھی تک کل ملاکر177جنگجوﺅں کو جاں بحق کیا گیا ہے جن میں72غیر مقامی جنگجو بھی شامل تھے۔ انہوں نے بتہ مالو میں45سالہ خاتون (کونثر جان) کی ہلاکت کو ”بدقسمتی“ سے تعبیر کرتے ہوئے کہا کہ وہ کراس فائرنگ میں آکر جاں بحق ہوئی ۔ دلباغ سنگھ کا کہنا تھا کہ اس آپریشن کے دوران ایک خاتون کراس فائرنگ میں پھنس کر جاں بحق ہوگئی۔ انہوں نے خاتون کے اہل خانہ کے ساتھ ہمدردی کا اظہار کیا۔ پولیس کنٹرول روم میں ایک پریس کانفرنس کے دوران پولیس سربراہ نے کہا کہ آج صبح پولیس اور سی آر پی ایف کے مشترکہ آپریشن کے دوران سرینگر کے بتہ مالو علاقے میں جنگجوﺅں اور فورسز کے ماب

ایک دن میں کورونا کے سب سے زیادہ97894 نئے کیس

نئی دہلی// ملک میں کورونا وائرس کے کیسز میں دودن تک کچھ کمی رہنے کے بعد ایک مرتبہ پھر اضافہ ہوا ہے اور گذشتہ 24 گھنٹوں کے دوران پہلی مرتبہ کورونا کے97894 کیسز سامنے آئے جس سے متاثرین کی تعداد 51 لاکھ سے تجاوز کرگئی ہے۔ وہیں راحت کی بات یہ ہے کہ اس دوران 82 ہزار سے زائد افراد صحت یاب بھی ہوئے ہیں۔ مرکزی وزارت برائے صحت و خاندانی بہبود کی جانب سے جمعرات کو جاری اعداد و شمار کے مطابق ملک میں گذشتہ 24 گھنٹوں کے دوران کورونا کے ریکارڈ97894 نئے کیسز کے ساتھ متاثرہ افراد کی تعداد5118254 ہوگئی۔ اس دوران 1132متاثرہ مریضوں کی موت سے جاں بحق ہونے والوں کی تعداد 83198ہو گئی ہے اور82719 مریض صحت یاب ہو ئے ہیں ، جس سے کورونا سے صحت یاب ہونے والوں کی تعداد 4025080ہو گئی ہے۔ صحت یاب ہونے والوں کے مقابلے میں کورونا کے نئے کیسززیادہ ہونے سے ایکٹو کیسز14043 سے بڑھ کر1009976 ہوگئے ہیں ملک میں ایکٹ

پونچھ میں ایل او سی پر گولہ باری، جانی یا مالی نقصان کی اطلاع نہیں

جموں// جموں و کشمیر کے ضلع پونچھ کے بالاکوٹ اور مینڈھر سیکٹروں میں لائن آف کنٹرول پر جمعرات کی صبح ہندوستان اور پاکستان کی فوج کے درمیان گولہ باری کا تبادلہ ہوا تاہم کسی بھی جانب کسی جانی یا مالی نقصان کی کوئی اطلاع نہیں ہے۔ جموں میں تعینات دفاعی ترجمان کرنل دویندر آنند نے بتایا کہ پونچھ کے بالاکوٹ اور مینڈھر سیکٹروں میں ایل او سی پر جمعرات کی صبح قریب پونے سات بجے پاکستانی فوج نے بلا کسی اشتعال کے بھارتی چوکیوں کو نشانہ بنا کر گولہ باری اور فائرنگ شروع کی۔ انہوں نے کہا کہ وہاں تعینات بھارتی فوجی جوان حملوں کا بھر پور جواب دے رہے ہیں۔  

پی ڈی پی لیڈر نعیم اختر کی خانہ نظر بندی ختم

سرینگر//پیپلزڈیمو کریٹک پارٹی(پی ڈی پی) کے سینئر لیڈر اور سابق وزیر نعیم اختر کو جمعرات کے روز خانہ نظر بندی سے رہا کیا گیا۔ اختر5اگست2019سے احتیاطی حراست میں تھے۔ وہ پہلے سب جیل اور بعد میں اپنے گھر کے اندر نظر بند رہے۔ اختر نے اپنی خانہ نظر بندی ختم ہونے کی تصدیق ایک ٹیوٹ میں کی۔ انہوں نے لکھا” حراست کے407روز بعد آج مجھے مطلع کیا گیا کہ میں کہیں بھی جانے کیلئے آزاد ہوں“۔ یاد رہے کہ اگست2019کو کئی لیڈران کوقید و بند میں رکھا گیا جن میں سابق وزرائے اعلیٰ بھی شامل تھے تاہم ابھی صرف پی ڈی پی صدر محبوبہ مفتی ہی پبلک سیفٹی ایکٹ کے تحت ایام اسیری کاٹ رہی ہیں۔  

بتہ مالو سرینگر میں معرکہ آرائی،خاتون اورجنگجو جاں بحق،سی آر پی ایف آفیسر زخمی

سرینگر//شہر سرینگر کے بتہ مالو میں جمعرات کی صبح جنگجووں اور فورسز کے مابین مسلح معرکہ آرائی شروع ہوئی جس کے دوران آخری اطلاعات آنے تک ایک 45سالہ شہری خاتون اور ایک عدم شناخت جنگجو جاں بحق جبکہ سی آر پی ایف کا ایک آفیسر زخمی ہوگیا۔ نیوز ایجنسی جی این ایس کے مطابق کونثر ریاض نامی خاتون گولی لگنے سے زخمی ہوگئی اور اسے پولیس اسپتال منتقل کیا گیا جہاں ڈاکٹروں نے اُسے مردہ قرار دیا۔ معرکہ آرائی کے دوران ایک عدم شناخت جنگجو بھی جاں بحق ہوگیا جبکہ سی آر پی ایف کا ڈپٹی کمانڈنٹ بھی گولی لگنے سے زخمی ہوگیا جس کو 92بیس اسپتال منتقل کیا گیا ہے۔ فورسز کا جنگجو مخالف آپریشن جاری ہے اور علاقے کو سیل کیا گیا ہے۔ اس سے قبل فورسز نے بتہ مالو میں ایک مخصوص علاقے کو محاصرے میں لینے کے بعد تلاشی آپریشن شروع کیا جس کے دوران چھپے جنگجووں نے گولیاں چلائیں اور یوں معرکہ آرائی شروع ہوگئی۔

جموں کشمیر میں1590 نئے کورونا کیس ظاہر،مجموعی تعداد58244

سرینگر//جموں کشمیر میں بدھ کو 1590کورونا متاثرین سامنے آئے جن میں 91مسافر بھی شامل ہیں۔ اس طرح مرکز کے زیر انتظام علاقے میں کورونا وائرس متاثرین کی تعداد بڑھ کر58244تک پہنچ گئی ہے۔ آج758کورونا کیس وادی کشمیر جبکہ832کیس جموں صوبے میں ظاہر ہوئے۔ اعداد و شمار کے مطابق سرینگر ضلع سے225،بارہمولہ سے92،بڈگام سے119،پلوامہ سے70،اننت ناگ سے37،کپوارہ سے74،بانڈی پورہ سے42،کولگام سے13،گاندربل سے86 کیس ظاہر ہوئے۔وادی کی خاص بات یہ رہی کہ شوپیان ضلع سے آج کوئی کورونا کیس سامنے نہیں آیا۔ صوبہ جموں کے اعداد و شمار کے مطابق جموں ضلع سے 221،اُدھمپور سے44،راجوری سے147،کٹھوعہ سے80،سانبہ سے39،پونچھ سے92،رام بن سے39،ڈوڈہ سے114،ریاسی سے24اور کشتواڑ سے 32کورونا کیس ظاہر ہوئے۔  

اُوڑی میں کنٹرول لائن پر پاکستانی اہلکار کی لاش بر آمد

اُوڑی//شمالی کشمیر کے اُوڑی میںکنٹرول لائن پر واقع دھولنجا علاقے میں گذشتہ روز بارڈر سیکورٹی فورسز (بی ایس ایف) اہلکاروں نے جس پاکستانی اہلکار کو لائن عبور کرنے کے بعد گولی ماری تھی اُس کی لاش بدھ کو بر آمد ہوئی ہے۔  ذرائع کے مطابق لاش کو اوڑی پولیس کے حوالے کیا گیا ہے اور اُسکی شناخت 39 سالہ کامران چک ولد محمد نذیرساکن بانڈی سوچیاں تحصیل ہٹیاں بالا پاکستانی زیر انتظام کشمیر کے طور ہوئی ہے۔ ایس ایچ او اوڑی محمد اشرف نے بتایا کہ لاش کا اوڑی سب ضلع اسپتال میں پوسٹ مارٹم کرایا گیا اور مزید کاروائی کے لئے علیٰ حکام کا انتظار ہے۔ یاد رہے کہ گل دھولنجا علاقے میں بی ایس ایف کی70ویں بٹالین سے وابستہ اہلکاروں نے کنٹرول لائن عبور کرنے والے کسی شخص کی نقل و حمل کے بعد اُس پر گولی ماری تھی۔ ذرائع نے کہا مذکورہ شخص، جو اصل میںپاکستانی اہلکار تھا، کی لاش آج بر آمد ہوئی ہے۔