تازہ ترین

ایندھن کی قیمتوں میں کمی|پٹرول 9.5 روپے اور ڈیزل 7 روپے سستا

نئی دہلی// حکومت نے مہنگائی سے پریشان ملک کے لوگوں کو راحت دینے کرنے کے مقصد سے پٹرول اور ڈیزل پر ایکسائز ڈیوٹی میں بالترتیب 9.5 روپے فی لیٹر اور 7 روپے فی لیٹر کمی کرنے کا فیصلہ کیا ہے۔ اس کے ساتھ پردھان منتری اجولا یوجنا کے استفادہ کنندگان کو ایل پی جی پر فی سلنڈر 200 روپے کی سبسڈی بھی دی جائے گی اور سیمنٹ، اسٹیل اور پلاسٹک کی مصنوعات کی قیمتوں کو کم کرنے کے لیے اقدامات کیے جا رہے ہیں۔   سماجی رابطوں کی ویب سائٹ ٹوئٹر پر آج یہ اعلان کرتے ہوئے وزیر خزانہ نرملا سیتا رمن نے کہا کہ وزیر اعظم نریندر مودی کے اقتدار سنبھالتے ہی مودی حکومت غریبوں کی فلاح و بہبود کے لیے وقف ہو گئی ہے۔ غریب اور متوسط ​​طبقے کے خاندانوں کی مدد کے لیے بہت سے اقدامات کیے گئے ہیں، جس کے نتیجے میں مودی حکومت کے دور میں اوسط مہنگائی پہلے کی حکومتوں کے مقابلے میں کم رہی ہے۔   انہوں نے کہا کہ

رام بن میں سڑک حادثہ| 10افراد زخمی

جموں// جموں وکشمیر کے ضلع رام بن کے رامسو علاقے میں سومو اوراوئیل ٹینکر کے درمیان زور دار ٹکر ہونے کے باعث دس افراد زخمی ہوئے ہیں جنہیں علاج ومعالجہ کی خاطر نزدیکی ہسپتال منتقل کیا گیا۔   سرکاری ذرائع نے بتایا کہ ہفتے کی سہ پہر کو ضلع رام بن کے پرنوٹ رامسو علاقے میں دو گاڑیوں کے درمیان ٹکر ہوئی جس کے نتیجے میں سومو میں سوار دس افراد شدید طورپر زخمی ہوئے۔   انہوں نے بتایا کہ آس پاس موجود لوگوں نے زخمیوں کو علاج ومعالجہ کی خاطر نزدیکی ہسپتال منتقل کیا ہے ۔   انہوں نے کہا کہ سومو رام بن سے سنگلاڑن جارہی تھی کہ راستے میں وہ اوئیل ٹینکر کے ساتھ جاٹکرائی ۔   پولیس نے معاملے کی نسبت کیس درج کرکے مزید تحقیقات شروع کی ہے۔  

بارہمولہ:سڑک حادثے میں خاتون لقمہ اجل

سری نگر//شمالی کشمیر کے بارہمولہ ضلع کے جلشیری علاقے میں ہفتہ کو ایک سڑک حادثے میں ایک خاتون آٹو رکشا کی زد میں آکر لقمہ اجل بن گئی۔   تفصیلات کے مطابق آٹو رکشہ نے خاتون راہگیر کو ٹکر مار دی جس کی شناخت سلیمہ بانو زوجہ وحید احمد ساکن جلشیری بارہمولہ کے طور پر ہوئی جس کے نتیجے میں وہ شدید زخمی ہو گئیں۔   انہوں نے بتایا کہ زخمی خاتون کو فوری طور پر علاج کے لیے جی ایم سی بارہمولہ منتقل کیا گیا،جہاں ڈاکٹروں نے اسے مردہ قرار دے دیا۔   دوسری جانب پولیس نے واقعے کا نوٹس لیتے ہوئے معاملہ درج کر کے تحقیقات کا آغاز کردیا ہے۔  

فوجی سربراہ 2روزہ دورے پر وادی پہنچے|سیکیورٹی صورتحال کا جائزہ لیں گے

سری نگر//آرمی چیف جنرل منوج پانڈے ہفتے کے روز کشمیر کے دو روزہ دورے پر سری نگر پہنچے اور بادامی باغ فوجی چھاونی میں فوج کے سینئر آفیسران کے ساتھ ملاقات کی ۔   ذرائع نے بتایا کہ اپنے دو روزہ دورے کے دوران فوجی سربراہ سالانہ امر ناتھ یاترا کے حوالے سے کئے جارہے انتظامات کا جائزہ لیں گے ۔   معلوم ہوا ہے کہ جنرل منوج پانڈے جموں وکشمیر کی سیکورٹی صورتحال کا بھی ایک اعلیٰ سطحی میٹنگ کے دوران جائزہ لیں گے جس دوران اُنہیں کشمیر کی تازہ ترین صورتحال کے بارے میں جانکاری فراہم کی جائے گی۔   ذرائع نے بتایا کہ سری نگر میں سیکورٹی صورتحال کا جائزہ لینے کے بعد فوجی چیف کشمیر کی صورتحال کے بارے میں مرکزی وزیر دفاع راج ناتھ سنگھ کو اس بارے میں مکمل جانکاری فراہم کریں گے۔   ذرائع کے مطابق فوجی سربراہ اگلی چوکیوں پر جا کر وہاں پر بھی

منہدم ٹنل سے مقامی مزدور کی لاش برآمد| تعداد 5ہوئی

  سری نگر//سری نگر جموں شاہراہ پر خونی نالہ کے نزدیک ٹنل ڈہہ جانے کے نتیجے میں ملبے کے نیچے دفن دس مزدوروں کی لاشوں کو باز یا ب کرنے کی خاطر ریسکیو آپریشن جاری ہے۔   معلوم ہوا ہے کہ ہفتے کے روز ریسکیو ٹیم نے ایک مقامی مزدور سمیت 5لاشیں برآمد کی ہیں ۔   ڈپٹی کمشنر رام بن مسرت السلام نے بتایا کہ ملبے سے ابھی تک 5لاشیں برآمد کی گئی ہیں جن میں ایک مقامی بھی شامل ہے۔  مقامی مزدور کی شناخت محمد عشرت شیخ ساکنہ پنتھیال کے طور ہوئی ہے۔   سرکاری ذرائع نے بتایا کہ سری نگر جموں شاہراہ پر زیر تعمیر ٹنل گرنے کے بعد ملبے کے نیچے پھنسے مزدوروں کو نکالنے کی خاطر سنیچر کی صبح کو آپریشن دوبارہ شروع کیا گیا ۔   انہوں نے بتایا کہ پولیس ، فوج ، این ڈی آر ایف اور ایس ڈی آر ایف کی ٹیمیں امدادی کارروائیوں میں مصروف ہے۔  

حد بندی کمیشن کی رپورٹ ایک مخصوص پارٹی کو فائدہ پہنچانے کی خاطر ہی تیار کی گئی: غلام نبی آزاد

جموں//کانگریس کے سینئر لیڈرغلام نبی آزاد کا کہنا ہے کہ حد بندی کمیشن کی رپورٹ کو پارٹی نے پہلے ہی مسترد کیا ہے کیونکہ یہ ایک مخصوص پارٹی کو فائدہ پہنچانے کی خاطر ہی تیار کی گئی ہے۔   انہوں نے بتایا کہ ہمیں نفرت کی دیواروں کو توڑنے کی سعی کرنی چاہئے ۔   ان باتوں کا اظہار موصوف نے جموں میں نامہ نگاروں سے بات چیت کے دوران کیا.   انہوں نے کہاکہ حد بندی کمیشن کی رپورٹ دراصل کس کو فائدہ، کس کو نقصان پہنچانے کی خاطر ہی ترتیب دی گئی ہے۔   اُن کے مطابق کمیشن کی فائنل رپورٹ ”ٹیلر میڈ “ ہے یعنی یہ ایک مخصوص پارٹی کو فائدہ پہنچانے کی خاطر ہی تیار کی گئی ۔   انہوں نے بتایا کہ کانگریس نے پہلے ہی حد بندی کمیشن کی رپورٹ کو مسترد کیا کیونکہ یہ لوگوں کے توقعات کے برعکس ہے ۔   کشمیری پنڈتوں کو سیکورٹی فراہم کرنے کے

ڈل گیٹ کے رہائشی علاقے میں آگ بھڑک اٹھی

  سری نگر//وسطی کشمیر کے سری نگر ضلع کے ڈل گیٹ کے رونی محلہ میں زبردست آگ بھڑک اٹھی ہے۔   تفصیلات کے مطابق کم از کم چھ مکان اس آگ کی لپیٹ میں آ گئے ہیں جبکہ اس مقام پر آگ کے شعلے آسمان چھو رہے ہیں۔   فائر اینڈ ایمرجنسی ڈپارٹمنٹ نے بتایا کہ فائر فائٹرز مشینری سے لیس ہیں جنہیں جائے وقوع پر پہنچا دیا گیا ہے۔   مزید تفصیلات کا انتظار ہے۔  

رام بن :منہدم ٹنل سے مزید 3لاشیں برآمد،تعداد 4 ہوئی| بچائو کاروائیاں جاری

سری نگر//ریسکیوٹیموں نے ہفتہ کے روز ضلع رام بن کے علاقے خونی نالہ کے قریب منہدم ہونے والی سرنگ کے ملبے سے مزید تین مزدوروں کی لاشیں نکالی گئی ہیں جبکہ وہاں پھنسے باقی افراد کی تلاش جاری ہے۔   تفصیلات کے مطابق آج ابھی تک مندہم ٹنل کے ملبے سے تین لاشوں کو برآمد کیا گیا ہے اور اس طرح دس لاپتہ مزدوروں میں سے اب تک کل چار لاشوں کو نکالا گیا ہے، باقی چھ افراد کی تلاش تا حال جاری ہے ۔   ڈپٹی کمشنر رام بن مسرت اسلام نے ایک ٹویٹ میں کہا، "اب تک ملبے سے 4لاشیں نکالی گئی ہیں۔ شناخت کا پتہ لگایا جائے گا۔ لاشوں کو ضلع ہسپتال، رام بن منتقل کیا جا رہا ہے۔ ڈی سی، ایس ایس پی رام بن امدادی ٹیموں کے ساتھ موقع پرپہنچے ہیں"۔   حکام نے بتایا کہ جموں سری نگر قومی شاہراہ پر ایک زیر تعمیر سرنگ کے گرنے کے بعد ملبے کے نیچے پھنسے مزدوروں کو نکالنے کا آپریشن ہفتے

دنیا پر نئی وبا کا خطرہ| آٹھ یورپی ممالک میں منکی پوکس کے معاملات

زیورخ// عالمی ادارہ صحت (ڈبلیو ایچ او) یورپ کے ریجنل ڈائریکٹر ڈاکٹر ہانس ہنری کلوگ نے کہا کہ یورپ کے آٹھ ممالک پہلے ہی منکی پوکس کے کیسز کی تصدیق کر چکے ہیں۔   ڈبلیو ایچ او کے ترجمان طارق جساریوچ نے جمعہ کو کہا کہ تنظیم کو منکی پوکس کے 37 تصدیق شدہ کیسز کے بارے میں مطلع کیا گیا ہے اور مزید 71 مشتبہ کیسز کی تحقیقات کی جا رہی ہیں۔   ڈبلیو ایچ او کے علاقائی ڈائریکٹر نے کل ایک بیان میں کہا’’حالیہ دنوں میں، ڈبلیو ایچ او کے یورپی خطے کے کم از کم آٹھ ممالک - بیلجیم، فرانس، جرمنی، اٹلی، پرتگال، اسپین، سویڈن اور برطانیہ - میں منکی پوکس کے کیس رپورٹ ہوئے ہیں۔ باہر کے ممالک جہاں منکی پوکس ایک مقامی بیماری کے طور پر جانا جاتا ہے، حال ہی میں آسٹریلیا، کینیڈا اور امریکہ میں بھی ایسے ہی کیسز رپورٹ ہوئے ہیں۔‘‘   انہوں نے واضح کیا کہ یور

رام بن میں منہدم سرنگ کے ملبے سے دوسری لاش برآمد

سری نگر//ریسکیوٹیموں نے ہفتہ کے روز ضلع رام بن کے علاقے خونی نالہ کے قریب منہدم ہونے والی سرنگ کے ملبے سے دوسرے مزدور کی لاش نکالی جبکہ وہاں پھنسے آٹھ مزدوروں کی تلاش جاری ہے۔   ڈپٹی کمشنر رام بن مسرت اسلام نے ایک ٹویٹ میں کہا، "دوسری لاش ملبے سے نکالی جا رہی ہے۔ شناخت کا پتہ لگایا جائے گا۔ اسے ضلع ہسپتال، رام بن منتقل کیا جائے گا۔ ڈی سی، ایس ایس پی رام بن امدادی ٹیموں کے ساتھ موقع پرپہنچے ہیں"۔   حکام نے بتایا کہ جموں سری نگر قومی شاہراہ پر ایک زیر تعمیر سرنگ کے گرنے کے بعد ملبے کے نیچے پھنسے مزدوروں کو نکالنے کا آپریشن ہفتے کی صبح دوبارہ شروع ہوا جب ایک تازہ مٹی کے تودے گرآیا تھا جس سے گزشتہ شام ریسکیو عمل کو معطل کردیا گیا تھا۔    جموں و کشمیر کے رام بن ضلع میں خونی نالہ کے قریب ہائی وے پر واقع T3 کی آڈٹ سرنگ جمعرات کی رات تق

آئی جی ایل نے سی این جی کی قیمت میں اضافہ کیا

نئی دہلی// مہنگائی کے درمیان اندرا پرستھ گیس لمیٹڈ (آئی جی ایل) نے عوام کو ایک اورجھٹکا دیا ہے۔ کمپنی نے دہلی میں کمپریسڈ نیچرل گیس (سی این جی) کی قیمت میں 2 روپے فی کلو کا اضافہ کیا ہے۔   ہفتہ کو کمپنی کی جانب سے جاری بیان کے مطابق اس اضافے سے دارالحکومت میں سی این جی کی قیمت 75 روپے 61 پیسے فی کلو ہوگئی ہے اور قیمتوں میں اضافے کا اطلاق آج سے ہوگا۔   اس اضافے کے بعد نوئیڈا، گریٹر نوئیڈا اور غازی آباد میں سی این جی کی قیمت 78.17 روپے فی کلوگرام اور گروگرام میں 83.94 روپے فی کلو ہوگئی ہے۔   خیال رہے کہ گزشتہ 6 روز میں سی این جی کی قیمت میں دوسری مرتبہ اضافہ ہوا ہے۔ اس سے قبل 15 مئی کو سی این جی کی قیمت میں 2 روپے فی کلو اضافہ کیا گیا تھا۔  

۔45ویں دن بھی پٹرول اور ڈیزل کی قیمتوں میں کوئی تبدیلی نہیں

نئی دہلی// ایندھن کی قیمتیں مسلسل 45ویں دن مستحکم رہیں کیونکہ ملک میں تیل مارکیٹنگ کمپنیوں نے ہفتہ کو پٹرول اور ڈیزل کی قیمتوں میں اضافہ نہیں کیا۔   ملک کی سب سے بڑی پبلک سیکٹر آئل مارکیٹنگ کمپنی انڈین آئل کارپوریشن لمیٹڈ (آئی او سی ایل ) کے مطابق، دہلی میں پٹرول 105.41 روپے فی لیٹر اور ڈیزل 96.67 روپے فی لیٹر پر مستحکم رہا۔ ممبئی میں پٹرول کی قیمت 120.51 روپے فی لیٹر اور ڈیزل کی قیمت 104.77 روپے فی لیٹر ہے۔   یوکرین اور روس کے درمیان جاری جنگ کے باعث عالمی منڈی میں خام تیل کی قیمتوں میں اتار چڑھاؤ جاری ہے۔ انٹرنیشنل لندن برینٹ کروڈ آج 112.55 ڈالر فی بیرل پر ٹریڈ کر رہا ہے اور یو ایس کروڈ 0.42 فیصد اضافے کے ساتھ 110.35 ڈالر فی بیرل پر ہے۔   ملک میں پٹرول اور ڈیزل کی قیمتیں 137 دنوں کے استحکام کے بعد گزشتہ 22 مارچ سے بڑھنا شروع ہوئیں۔ جس کی وجہ سے

وادی میں آج ہلکی اور کل تیز ہواﺅں کے ساتھ بھاری بارش کا امکان: محکمہ موسمیات

  سری نگر// ماہر موسمیات نے ہفتہ کے روز کہا کہ جموں و کشمیر کے متعدد مقامات پر خاص طور پر دوپہر اور شام کے دوران ہلکی بارش اور گرج چمک کا ایک مختصر سلسلہ ہو سکتا ہے، اور درجہ حرارت میں بھی نمایاں کمی ریکارڈ کی جائے گی۔   مقامی محکمہ موسمیات کے ایک اہلکار نے یہاں بتایا، "فی الحال کشمیر کے بیشتر مقامات پر موسم عام طور پر ابر آلود ہے، جموں کے پہاڑی علاقوں میں اور جموں کے میدانی علاقوں میں جزوی طور پر ابر آلود ہے۔ انہوں نے کہا کہ گرمی کی لہر جموں و کشمیر سے کم ہوئی۔   انہوں نے کہا، "جموں اور کشمیر کے کئی مقامات پر خاص طور پر دوپہرسے شام تک بارش/گرج چمک کا ایک مختصر سلسلہ ہو سکتا ہے"۔    انہوں نے مزید کہا،” 22 مئی اور 23 مئی کو کشمیر میں تیز ہواو¿ں کے ساتھ وسیع بارش/گرج چمک کا امکان ہے۔ جموں کے علاقے میں 25 مئ

رام بن : ملبے کے نیچے دبے مزدوروں کو نکالنے کی خاطر ریسکیو آپریشن بحال

جموں//سری نگر جموں شاہراہ پر خونی نالہ کے نزدیک زیر تعمیر ٹنل منہدم ہونے اور ملبے کے نیچے دبے ہوئے افراد کو باہر نکالنے کی خاطر ہفتے کی صبح دوبارہ ریسکیو آپریشن شروع کیا گیا۔   بتادیں کہ جمعے کی شام کو ریسکیو آپریشن کے بیچ پہاڑی کا ایک حصہ ڈہہ جانے کے نتیجے میں آپریشن کو ہفتے کی صبح تک روکنا پڑا۔   سرکاری ذرائع نے بتایا کہ پولیس ، سیول ، ایس ڈی آر ایف اور این ڈی آر ایف کی ٹیمیں لگاتار ریسکیو آپریشن چلا رہی ہے۔   انہوں نے بتایا کہ بھاری پتھروں اور ملبے کے نیچے دبے مزدوروں کو باز یاب کرنے کی خاطر جدید مشینوں کو کام پر لگایا گیا ہے۔   اُن کے مطابق آپریشن میں مزید کچھ وقت لگ سکتا ہے کیونکہ جمعے کی شام کو اسی مقام پر بھاری برکم پتھر گر آئے تھے۔   دریں اثنا ڈپٹی کمشنر رام بن مسرت السلام نے ایک ٹویٹ کے ذ

وزارتِ داخلہ نے پانچ آئی اے ایس افسران کا تبادلہ کیا

سری نگر//مرکزی وزارت داخلہ نے جمعہ کو پانچ آئی اے ایس اور ایک آئی پی ایس افسران کے تبادلے کا حکم دیا جن میں نوین کمار چودھری اور ایم راجو شامل ہیں۔   خبر رساں ایجنسی جی این ایس کی خبر کے مطابق، اس سلسلے میں جاری کردہ ایک حکم کے مطابق، اے جی ایم یو ٹی کیڈر سے تعلق رکھنے والے نوین چودھری کو میزورم جبکہ ایم راجو کو اروناچل پردیش منتقل کر دیا گیا ہے۔  

جموں کشمیر بینک رشوت معاملہ|سی بی آئی کی ڈاکٹر حسیب درابو سے پوچھ تاچھ

  سرینگر //ممبئی میں جموں کشمیر بینک کیلئے عمارت کی خریداری میں مبینہ طور پر گوٹالے کے معاملے میں سی بی آئی نے سرینگر میں جموں کشمیر کے سابق خزانہ وزیر حسیب درابو سے پوچھ تاچھ کی ۔   تفصیلات کے مطابق سی بی آئی کی ایک ٹیم نے ڈاکٹر درابو سے سرینگر میںپوچھ تاچھ کی اور یہ پوچھ تاچھ ممبئی کے باندرا کرلہ کمپلکس میں جموں کشمیر بینک کیلئے خریدی گئی عمارت میں مبینہ طور پرکئے گئے گھپلے کے سلسلے میںان سے کی گئی۔    قابل ذکر ہے کہ مرکزی تحقیقاتی ایجنسی ( سی بی آئی ) نے حالیہ میں جموں کشمیر بینک میںہوئے گوٹالے کے سلسلے میں ڈاکٹر حسیب درابو جو جموں کشمیر بینک کے سابق چیرمین بھی ہے کے خلاف ایک ایف آئی آر درج کر لی ۔  

یاترا سے قبل انسداد عسکری کارروائیوں پر خصوصی توجہ دیکر قوم دشمن عناصر کے عزائم کو ناکام بنایاجائےگا : وجے کمار

  سرینگر //انسپکٹر جنرل آف پولیس وجے کمار نے جنوبی کشمیر کا دورہ کیا اور آنے والے سالانہ امرناتھ یاترا کے انتظامات اور دیگر حفاظتی اقدامات کا جائزہ لیا۔    ان کے ساتھ ڈی آئی جی جنوبی کشمےر عبدالجبار بھی تھے۔اس موقعہ پر انہوں نے کہا کہ ڈرون اور سٹکی بم خطرات ہے اور انہوں نے سیکورٹی فورسز کو متحرک رہنے کی ہدایت دی ۔ آئی جی پی کشمیر وجے کمار نے آج جنوبی کشمیر کا دورہ کیا اور یاترا 2022 کی سیکورٹی تیاریوں کے سلسلے میں اننت ناگ میں ایک میٹنگ کی صدارت کی۔ مختلف قسم کے خطرات خاص طور پر یاتریوں کے قافلے اور سیکورٹی فورسز کو ڈرون حملے اور چسپاں بموں کے خطرات اور سیکورٹی منظر نامے پر تفصیل سے تبادلہ خیال کیا گیا۔   میٹنگ کے دوران آئی جی پی کشمیر نے ےاترا 2022 کے انتظامات اور محفوظ یاترا کو یقینی بنانے کیلئے کیے گئے دیگر حفاظتی اقدامات کا جائزہ لینے کے لیے

محکمہ صحت میں سیاسی ریفرنس پر تبادلے عمل میں لانے والوں کے خلاف کارروائی کا حکم

سری نگر// جموں وکشمیر انتظامیہ نے ڈاکٹروں اور نیم طبی عملے کے ساتھ ساتھ چیف میڈیکل اور بلاک میڈیکل آفیسران کو جوابدہ بنانے کی خاطر بائیو میٹرک کو لازمی قرار دیا ہے۔   حکم نامے میں مزید کہا گیا ہے کہ محکمہ صحت میں سیاسی ریفرنس پر تبادلے عمل میں لانے والے آفیسران کے خلاف کارروائی عمل میں لائی جائے گی۔    ذرائع سے معلوم ہوا ہے کہ پرنسپل سیکریٹری ہیلتھ اینڈ میڈیکل ایجوکیشن نوین کمار چودھری نے یکے بعد دیگرے کئی حکم نامے جاری کئے ہیں۔  

ایل جی نے دہلی کے 5 روزہ دورے سے واپسی کے فوراً بعد سیکورٹی صورتحال کا جائزہ لیا

جموں// مرکزی وزارت داخلہ (ایم ایچ اے) نے ٹارگٹ کلنگ میں اضافے اور 30 ​​جون سے شروع ہونے والی شری امرناتھ کی سالانہ یاترا کی تیاری کے انتظامات کے پیش نظر سینٹرل آرمڈ پولیس فورس (سی اے پی ایف) کی 150 کمپنیاں جموں و کشمیر میں تعینات کی ہیں۔ جبکہ لیفٹیننٹ گورنر منوج سنہا آج رات نئی دہلی کے پانچ روزہ دورے کے بعد سری نگر واپس آئے اور اپنی آمد کے فوراً بعد راج بھون میں سول اور پولیس انتظامیہ کے اعلیٰ افسران کے ساتھ وادی میں سیکورٹی صورتحال کا جائزہ لیا۔   سرکاری ذرائع نے بتایا کہ مرکزی وزیر داخلہ امت شاہ نے 17 مئی کو نئی دہلی میں ایک انتہائی اعلیٰ سطحی میٹنگ میں وادی کی صورتحال کا جائزہ لینے کے بعد ایم ایچ اے نے نیم فوجی دستوں کی 150 کمپنیاں جموں و کشمیر میں تعینات کی ہیں۔ تعیناتی کا پچاسی فیصد حصہ کشمیر میں ہو گا اور 15 فیصد جموں میں تعینات ہوں گے۔   ذرائع نے مزید ک

آزادی کے بعد سے اقرباء پروری کی سیاست نے ملک کو نقصان پہنچایا: مودی

جے پور// وزیر اعظم نریندر مودی نے کہا ہے کہ آزادی کے بعد خاندان پرستی اوراقرباء پروری کی سیاست نے ملک کو نقصان پہنچایا ہے مسٹرمودی آج بھارتیہ جنتا پارٹی (بی جے پی) کے قومی عہدیداروں کے افتتاحی اجلاس سے نئی دہلی سے ورچوئل خطاب کر رہے تھے انہوں نے کسی پارٹی کا نام لیے بغیر کہا کہ مہاتما گاندھی کا ملک میں صرف نام لیا گیا، کام ان کے ویژن کے برعکس کیے گئے۔ مہاتما گاندھی ملک میں خود انحصاری چاہتے تھے لیکن برسوں تک ملک کو بیرونی ممالک پر منحصر بنایا گیا، لیکن آج ملک خود انحصاری کی راہ پر گامزن ہے اور یہ کام بی جے پی نے کر دکھایا ہے ۔ انہوں نے کہا کہ یہ خاندان پرمبنی سیاسی جماعتیں آج بھی ملک کو پیچھے لے جانا چاہتی ہیں ۔ ان کی عوامی زندگی خاندان سے شروع ہوتی ہے اور صرف خاندان کے لیے ہوتی ہے ۔ یہ لوگ عوام کی کمزوریوں پر کھیلتے ہیں۔ ذات پات اورعلاقائی بنیادوں پرلوگوں کو اکساتے ہیں اور اپنی خ