کورونا وائرس پھیلاﺅ کو روکنے کیلئے ضلع کپوارہ میں پابندیاں نافذ

سرینگر//ضلع انتظامیہ کپوارہ نے کورونا وائرس کے پھیلاﺅ کو روکنے کیلئے پبلک ٹرانسپورٹ اور دکان کھولنے پر ہفتے میں تین دن کی پابندی کا اعلان کیا ہے۔ یہ فیصلہ ضلع میں گذشتہ کچھ دنوں سے کورونا وائرس میں مبتلاءافراد کی تعداد میں اضافے کو مد نظر رکھتے ہوئے لیا گیا ہے۔ اس سلسلے میں ضلع مجسٹریٹ کپوارہ نے ایک آرڈر جاری کرتے ہوئے کہا ہے کہ ضلع کی تمام دکانیں،بشمول کپوارہ ،ہندوارہ اور لنگیٹ قصبہ جات 12جولائی سے14جولائی تک بند رہیں گی۔ آرڈر میں سبھی قسم کی گاڑیوں کے چلنے پر بھی مکمل پابندی عائد کی گئی ہے۔  

پٹن کا73سالہ شہری کورونا سے از جان،اموات کی تعداد165

سرینگر//شمالی کشمیر کے بارہمولہ ضلع میں پٹن کا ایک73سالہ شہری ہفتے کو کورونا کی وجہ سے جاں بحق ہوگیا۔اس طرح کورونا سے مرنے والوں کی تعداد مسلسل بڑھتے ہوئے165تک جاپہنچی ہے۔یہ آج دن کے دوران ہونے والی چوتھی کورونا ہلاکت ہے۔ خبر رساں ایجنسی جی این ایس کے مطابق مذکورہ شہری کو دو روز قبل سکمز صورہ میں داخل کرایا گیا تھا جہاں وہ آج انتقال کرگیا۔ اس سے قبل آج دن کے دوران چار شہری کورونا کی وجہ سے جاں بحق ہوگئے۔ ان میں سے ایک کا تعلق اننت ناگ، دوسرے کا تعلق حیدر پورہ سرینگر ، تیسرے کا تعلق ترہگام کپوارہ جبکہ چوتھے کا تعلق جموں سے تھا۔  

بارہمولہ میں شادی کی بڑی تقریبات پر پابندی عائد،صرف8مہمانوں کو شرکت کی اجازت

سرینگر//ضلع انتظامیہ بارہمولہ نے کورونا وائرس کے پھیلاﺅ سے پیدا صورتحال سے نمٹنے کیلئے پورے ضلع میں شادی کی بڑی تقریبات پر پابندی عائد کی ہے۔یہ احکامات دیگر تقریبات پر بھی نافذ ہونگے۔ یہ فیصلہ ضلع میں کورونا کے بڑھتے کیسوں کی وجہ سے لیا گیا ہے۔ بارہمولہ میونسپل کونسل کے صدر کی طرف سے جاری ایک بیان میں بتایا گیا ہے کہ بارہمولہ میں کورونا کے پھیلاﺅ کی وجہ سے لوگوں میں تشویش پائی جارہی ہے اس لئے پابندیاں عائدکرنا ضروری بن گیا ہے۔ آرڈر کے مطابق شادی کی تقریبات میں صرف آٹھ مہمانوں کو شامل ہونے کی اجازت ہوگی۔شادی کی طرح ہی کسی دوسری تقریب میں بھی صرف آٹھ مہمانوں کو شرکت کی اجازت ہوگی اور یہ آرڈر اگلے احکامات تک نافذ رہے گا۔آرڈر میں بتایا گیا ہے کہ خلاف ورزی کرنے والے کیخلاف قانونی کارروائی کی جائے گی۔

جموں کا55سالہ شہری کورونا سے جاں بحق، اموات کی تعداد164ہوگئی

سرینگر//بری برہمنا جموں کا ایک55سالہ شہری ہفتے کو جی ایم سی جموں میں کورونا وائرس کی وجہ سے جاں بحق ہوگیا۔یہ آج دن کے دوران ہونے والی چوتھی ایسی ہلاکت تھی جس سے مہلک وائرس سے مرنے والوں کی تعداد164تک پہنچ گئی۔ جی ایم سی جموں کے میڈیکل سپر انٹنڈنٹ ڈاکٹر دارا سنگھ نے نیوز ایجنسی جی این ایس کو بتایا کہ مذکورہ شہری ذیابطیس سمیت کئی بیماریوں میں مبتلاءتھا۔اُسے29جون کو داخل کرایا گیا تھا اور وہ آج انتقال کرگیا۔ اس سے قبل آج وادی کشمیر میں کورونا کی وجہ سے تین شہری جاں بحق ہوگئے۔ان میں سے ایک کا تعلق اننت ناگ، دوسرے کا تعلق حیدر پورہ سرینگر جبکہ تیسرے کا تعلق ترہگام کپوارہ سے تھا۔

کورونا وائرس نے45سالہ شہری کی جان لی، اموات کی تعداد163

سرینگر//شمالی ضلع کپوارہ کا ایک45سالہ شہری ہفتے کو کورونا وائرس کی وجہ سے جاں بحق ہوگیا۔اس طرح مہلک وائرس سے مرنے والوں کی تعداد بڑھ کر163ہوگئی ہے۔ یہ گذشتہ24گھنٹوں کے دوران کورونا سے ہونے والی تیسری موت ہے۔ ترہگام کا رہنے والا مذکورہ مریض سی ڈی اسپتال میں دم توڑ بیٹھا۔اسپتال کے میڈیکل سپر انٹنڈنٹ ڈاکٹر سلیم ٹاک کے مطابق مذکورہ مریض کو 4جون کے روز صدر اسپتال سے منتقل کیا گیا تھا ۔ اُس کو وینٹی لیٹر پر رکھا گیاتھا اور وہ آج انتقال کرگیا۔ اس سے قبل آج جاں بحق ہونے والے دو مریضوں میں ضلع اننت ناگ کی ایک جواں سال خاتون اور حیدر پورہ سرینگر کا ایک77سالہ شہری شامل تھے۔  اننت ناگ ہاکورہ کی ایک24سالہ خاتون صدر اسپتال سرینگر میں انتقال کرگئی جبکہ حیدر پورہ کا شہری سکمز صورہ میں چل بسا۔  

کورونا متاثرین میں ریکارڈ27114 کیسوں کا اضافہ ،ملک میں519تازہ ہلاکتیں

نئی دہلی// ملک میں کوروناوائرس کے یومیہ کیسز بہت تیزی سے بڑھ رہے ہیں اور گذشتہ 24 گھنٹوں کے دوران 27114کیسزرپورٹ ہوئے ہیں جو ایک دن میں متاثرہ افراد کی سب سے زیادہ تعداد ہیں اور اسی عرصہ میں 519 افراد کی موت واقع ہوئی ہے۔ مرکزی وزارت صحت کی جانب سے ہفتہ کے روز جاری تازہ ترین اعداد و شمار کے مطابق ملک بھر میں گذشتہ 24 گھنٹوں کے دوران کورونا وائرس کے27114 نئے کیسز سامنے آئے ہیں ، جس سے متاثرہ افراد کی مجموعی تعداد 820916ہوگئی ہے۔ جمعہ کے روز ایک دن میں26506 نئے کیسز سامنے آئے تھے۔ کورونا وائرس متاثرین کی تعداد میں اضافہ کے درمیان راحت دینے والی بات یہ ہے کہ اس وبا سے شفایاب ہونے والوں کی تعداد میں بھی اضافہ ہوا ہے اوراس عرصہ کے دوران19873مریض صحت مند ہوئے ہیں جس سے شفایاب ہونے والوں کی مجموعی تعداد515386ہوگئی ہے۔ ملک میں اس وقت کورونا وائرس کے283407فعال کیس ہیں۔ ملک میں گذشتہ 24

جواں سال خاتون سمیت کورونا ہلاکتوں میں مزید2کا اضافہ

سرینگر//وادی میں ہفتے کو ایک جوان سال خاتون سمیت مزید دو کورونا مریض چل بسے اور اس طرح جموں کشمیر میں اس مہلک وائرس سے مرنے والوں کی تعداد162تک پہنچ گئی۔ آج جاں بحق ہونے والوں میں ضلع اننت ناگ کی ایک جواں سال خاتون اور حیدر پورہ سرینگر کا ایک77سالہ شہری شامل ہےں۔ خبر رساں ایجنسی کے این او کے مطابق اننت ناگ ہاکورہ کی ایک24سالہ خاتون صدر اسپتال سرینگر میں انتقال کرگئی جبکہ حیدر پورہ کا شہری سکمز صورہ میں چل بسا۔ صدر اسپتال کے میڈیکل سپر انٹنڈنٹ ڈاکٹر نذیر چودھری کے مطابق اننت ناگ کی خاتون کو لل دید اسپتال سے منتقل کیا گیا گیا تھا جہاں آپریشن کے بعد اُس نے ایک بچے کو جنم دیا تھا ۔وہ ہائی بلڈ پریشر اور دوسرے امراض میں بھی مبتلاءتھی اور وہ گذشتہ شب کے دوران انتقال کرگئی۔تاہم اُس کا بچہ سلامت ہے۔

شمالی کشمیر کے کپوارہ میں کنٹرول لائن پر 2در انداز جاں بحق: فوج

سرینگر//فوج نے ہفتے کی صبح دعویٰ کیا کہ انہوں نے شمالی کشمیر کے کپوارہ میںکنٹرول لائن پر نوگام سیکٹر میں جنگجوﺅں کی دراندازی کی کوشش کو ناکام بناتے ہوئے گھات حملے میں دو جنگجوﺅں کو جاں بحق کیا۔  فوج نے اپنے ایک مختصر بیان میں یہ بھی دعویٰ کیا کہ مارے گئے جنگجوﺅں کے قبضے سے 2 اے کے47بندوقیں اور دیگر اسلحہ بر آمد کیا۔ فوج کے مطابق”یہ کارروائی انتہائی سرعت میں عمل میں لاتے ہوئے در اندازی کی کوشش کو ناکام بناکر دو جنگجوﺅں کو جاں بحق کیا گیا“۔    

سپریم کورٹ کا اسکول فیس معافی سے متعلق درخواستوں پرسماعت انکار

نئی دہلی// سپریم کورٹ نے کورونا وائرس کے حوالہ سے ملک بھرمیں جاری لاک ڈاو¿ن کے تناظرمیں ملک بھرکے پرائیویٹ اسکولوں کو تین ماہ کی فیس معاف کرنے سے متعلق ہدایت دینےوالی عرضی پرجمعہ کوسماعت سے انکار کردیا۔ عدالت نے درخواست گزاروں کو مشورہ دیا کہ وہ اپنی شکایتیں متعلقہ ریاستوں کے ہائی کورٹس کے سامنے رکھیں۔ چیف جسٹس شرد اروند بوبڈے ، جسٹس آر سبھاش ریڈی اور جسٹس اے ایس بوپنا پرمشتمل ڈویڑن بنچ نے سشیل شرما اور دیگر کی درخواستوں پر سماعت سے انکار کرتے ہوئے کہا کہ اسکولوں کی فیسوں کے معاملہ کو متعلقہ ریاستوں کی ہائی کورٹس کے سامنے اٹھایا جانا چاہئے۔ یہ درخواست دہلی ، مہاراشٹر ، اتراکھنڈ ، ہریانہ ، گجرات ، پنجاب ، اڈیشہ ، راجستھان اور مدھیہ پردیش کی گارجین ایسوسی ایشنز کی جانب سے دائر کی گئی تھی جس میں اپریل،مئی اور جون کی فیس کی معافی کے احکامات دینے اور ملک بھر میں لاک ڈاو

کانپور ہلاکتوں کا ملزم وکاس دوبے مقابلے میں مارا گیا:پولیس

کانپور// اترپردیش کے کانپورمیں آٹھ پولیس اہلکاروں کو قتل کرنے کا کیلدی ملزم وکاس دوبے جمعہ کی صبح بھونتی علاقے کے قریب پولیس مقابلے میں مارا گیا۔ سینئر پولیس سپرنٹنڈنٹ دنیش کمار پی نے پریس کے نمائندوں کو بتایا کہ وکاس کو جمعرات کے روز اجین کے مہاکل علاقے میں گرفتار کیا گیا تھا۔ سیکورٹی فورسز اسے ٹرانزٹ ریمانڈ پر کانپور لا رہے تھے کہ بھونتی علاقہ کے قریب گاڑی الٹ گئی ، جس سے پولیس اور ایس ٹی ایف کے چار اہلکار زخمی ہوگئے۔ انہوں نے بتایا کہ جیسے ہی سیکورٹی اہلکار زخمی ہوئے وکاس نے ایک سیکورٹی اہلکار کی پستول لے کر فرار ہونے کی کوشش کی۔ پولیس ٹیم نے اسے گھیر لیا اور اسے ہتھیار ڈالنے کو کہا لیکن وہ نہیں ماناا اور پولیس ٹیم کو جان سے مارنے کی نیت سے فائر کرنے لگا۔ پولیس نے اپنی دفاع میں جوابی فائر نگ کی ، جس میں وکاس زخمی ہوگیا۔ اسے فوری طور پر لالہ لاجپت رائے اسپتال پہنچایا گیا جہاں

ملک میں پہلی بار ایک دن میں کورونا کے 26 ہزار سے زائد کیس ظاہر

نئی دہلی// ملک میں تیزی سے بڑھ رہے کورونا انفیکشن کے گذشتہ 24 گھنٹوں کے دوران 26506 کیس سامنے آئے ، جو اب تک ایک دن میں سب سے زیادہ ہیں۔ مرکزی وزارت برائے صحت و خاندانی بہبود کی کی جانب سے جمعہ کے روز جاری اعداد و شمار کے مطابق ملک بھر میں گذشتہ 24 گھنٹوں کے دوران کورونا وائرس کے26506 نئے کیس سامنے آئے ہیں ، جس سے کورونا متاثرین کی تعداد 793802 ہو گئی ہے۔ اس سے ایک روز قبل ہی سب سے زائد 24879 کیس سامنے آ ئے تھے۔ کورونا وائرس کے تیزی سے بڑھ رہے کیسز کے درمیان راحت کی بات یہ ہے کہ اس وبا سے صحت یاب ہونے والوں کی تعداد میں بھی اضافہ ہوا ہے اور اس دوران 19135 مریض صحت یاب ہوئے ہیں ، جن کو ملا کرمجموعی 495513 مریض صحت یاب ہوئے ہیں۔ فی الوقت ملک میں کورونا انفیکشن کے 276685 ایکٹو کیس ہیں۔ ملک میں گذشتہ 24 گھنٹوں کے دوران 475 ہلاکتوں سے ہلاک شدگان کی تعداد 21604 ہوگئی ہے۔  

پونچھ میں ایل او سی پر فائرنگ سے زخمی ہونے والی خاتون دم توڑ گئی

جموں// جموں وکشمیر کے ضلع پونچھ میں لائن آف کنٹرول (ایل او سی) کے بالاکوٹ سیکٹر میں منگل اور بدھ کی درمیانی شب کو ہندوستان اور پاکستان کی افواج کے درمیان گولہ باری کے نتیجے میں زخمی ہونے والی معمر خاتون دو دنوں تک جموں کے ایک ہسپتال میں موت و حیات کی کشمکش میں مبتلا رہنے کے بعد زندگی کی بازی ہار گئی ہے۔ سرکاری ذرائع نے بتایا کہ 60 سالہ حکام بی زوجہ محمد شریف ساکن لانجوٹے کو مناسب علاج ومعالجہ کے لئے گورنمنٹ میڈیکل کالج و ہسپتال جموں منتقل کیا گیا تھا جہاں اس نے جمعرات کی شام زندگی کی آخری سانسیں لیں۔ واضح رہے کہ ضلع پونچھ میں ایل او سی کے بالاکوٹ اور مینڈھر سیکٹروں میں منگل اور بدھ کی درمیانی شب کو ہندوستان اور پاکستان کی افواج کے درمیان گولہ باری کا شدید تبادلہ ہوا جس کے نتیجے میں سرحد کے اس پار 65 سالہ معمر خاتون ریشم ہلاک جبکہ 60 سالہ حکام بی شدید زخمی ہوگئی تھی۔  

ہندوارہ اسپتال سے نوازائد بچہ چرانے والی دو خواتین گرفتار

سرینگر//شمالی کشمیر کے ہندوارہ میں اسپتال سے جمعہ کوایک نو زائد بچہ چرانے والی دو خواتین کو پولیس نے دھر لیا۔ خبر رساں ایجنسی کے این او کے مطابق ہندوارہ اسپتال سے ایک نوازائد بچہ اچانک لاپتہ ہوگیا۔ واقعہ کے فوراً بعد پولیس اور اسپتالی انتظامیہ حرکت میں آگئی اور بچے کی تلاش شروع کی۔ اسپتال کے ڈپٹی سپر انٹنڈنٹ ڈاکٹر اعجاز نے کے این او کو بتایا کہ پولیس نے دو خواتین کو دھر لیا اور اُن کی تحویل سے نوزائد بچہ بھی بر آمد کیا۔انہوں نے کہا کہ فی الوقت اُن کے پاس صرف اتنی ہی تفصیلات تھیں۔  

کورونا وائرس سے مزید2ہلاکتیں، تعداد157

سرینگر//جنوبی ضلع اننت ناگ اور سرینگر کے دو کورونا مریض جمعہ کے روز لقمہ اجل بن گئے۔اس طرح جموں کشمیر میں کورونا وائرس سے مرنے والوں کی مجموعی تعداد 157تک پہنچ گئی ہے۔ حکام نے کہا کہ ککر ناگ اننت کا ایک80سالہ مریض گذشتہ شب کے دوران جاں بحق ہوگیا جبکہ حبہ کدل سرینگر کا شہری آج صبح سویرے انتقال کرگیا۔ دونوں سی ڈی اسپتال میں زیر علاج تھے۔ اسپتال کے میڈیکل سپر انٹنڈنٹ ڈاکٹر سلیم ٹاک نے خبر رساں ایجنسی جی این ایس کے ساتھ بات کرتے ہوئے دونوں کی موت کی تصدیق کی۔   

پونچھ میں بی ایس ایف اہلکارحرکت قلب بند ہونے سے فوت

پونچھ//ضلع پونچھ کی تحصیل منڈی میں گذشتہ رات دیر گئے 183 بٹالین بی ایس ایف سے تعلق رکھنے والا ایک اہلکار حرکت قلب بند ہونے سے لقمہ اجل بن گیا۔ مذکورہ اہلکارکی شناخت سپاہی اوما شنکر ساکن اتر پردیش کے طور پر ہوئی ہے۔  بی ایس ایف ذرائع کے مطابق مذکورہ اہلکار کچھ ہی روز قبل چھٹی سے لوٹا تھا اور اسے یونٹ میں ہی 14 روزہ قرنطینہ پر رکھا گیا تھا۔  انہوں نے کہا کہ گذشتہ روز اس کا کورونا ٹیسٹ بھی کروایا گیا تھا جس کی رپوٹ منفی آئی ہے۔  

راجوری میں ایل او سی پر کراس فائرنگ،فوجی اہلکار ہلاک

سرینگر//حکام نے جمعہ کو بتایا کہ ضلع راجوری میں کنٹرول لائن پر نوشیرا سکٹر میں ہند۔پاک افواج کے مابین کراس فائرنگ کے دوران فوج کا ایک حوالدار ہلاک ہوگیا۔ سرکاری ذرائع نے کہا کہ پاکستان کی طرف سے دوران شب جنگ بندی کی خلاف ورزی کرتے ہوئے کمال علاقے میں فائرنگ کی گئی جس کے دوران فوجی حوالدار ایس گورنگ زخمی ہوگیا۔ زخمی حوالدار کوطبی امداد کیلئے لیجایا گیا تاہم وہ زخموں کی تاب نہ لاکر دم توڑ بیٹھا۔  

پانپور میں فوجی کانوائے پر جنگجوﺅں کی فائرنگ، شہری خاتون معمولی زخمی: آئی جی کشمیر

سرینگر//جنگجوﺅں نے جمعرات کو پانپور علاقے میں لدو کے مقام پر ایک فوجی کانوائے پر فائرنگ کی جس کے نتیجے میں ایک شہری خاتون کو معمولی چوٹیں آئیں۔ آئی جی کشمیر وجے کمار نے واقعہ کی تصدیق کرتے ہوئے خبر رساں ایجنسی جی این ایس کو بتایا کہ مذکورہ خاتون معمولی طور پر زخمی ہوئی ہے۔ آئی جی کشمیر نے کہا کہ خاتون کو نزدیکی اسپتال سے فوری طور رخصت کیا گیا۔ فوج نے بعد ازاں ایک مختصر بیان جاری کرتے ہوئے کہا کہ اس واقعہ میں ایک فوجی اہلکار کو بھی چوٹیں آئیں جس کا علاج جاری ہے۔فوج نے کہا کہ مذکورہ فوجی کی حالت مستحکم ہے۔ فوج کے مطابق جنگجوﺅں نے ایک ایمبولینس پر گولیاں چلائیں۔ دریں اثناءفائرنگ واقعہ کے بعد علاقے میں تلاشی آپریشن شروع کیا گیا ہے۔    

کرناہ ۔کپوارہ شاہراہ پر ٹنل کی تعمیر کے حق میں لوگوں کااحتجاج

سرینگر//شمالی کشمیر میں کرناہ۔ کپوارہ شاہراہ پر ٹنل کی تعمیر کے حق میں جمعرات کوایک بار پھر لوگوں نے احتجاج کیا۔ احتجاج کی کال کرناہ ٹنل کارڈی نیشن کمیٹی نے دی تھی۔ احتجاج کرنے والوں نے ایک ریلی بھی نکالی جو ٹنگڈار کے مختلف بازاروں سے ہوتی ہوئی ایس ڈی ایم آفس کے سامنے پہنچ گئی جہاں مظاہرین نے دھرنا دیا ۔ ریلی میں موجود لوگوں نے ”ہماری مانگیں پوری کرو“ ”ہمیں اپنا حق دو “”ہم کیا چاہئے ٹنل “ کے نعرے بلند کئے۔  مظاہرین نے ایس ڈی ایم کو ایک یادداشت بھی پیش کی جس میں ٹنل کی تعمیر کی مانگ کی گئی ۔  

ٹنگمرگ میں خاتون درخت سے گر کر لقمہ اجل

سرینگر//شمالی کشمیر کے ٹنگمرگ میں جمعرات کو ایک 40سالہ خاتون ایک درخت سے گر کر لقمہ اجل بن گئی۔ یہ حادثہ بارہمولہ ضلع کے چاندل وانی گام علاقے میں پیش آیا۔ حکام کا حوالہ دیتے ہوئے خبر رساں ایجنسی کے این او نے لکھا کہ خاتون ایک درخت سے گر شدید زخمی ہوگئی جس کے بعد اُسے سب ضلع اسپتال ٹنگمرگ پہنچایا گیا جہاں ڈاکٹروں نے اُسے مردہ قرار دیا۔ حکام نے مذکورہ خاتون کی شناخت حنیفہ بیگم زوجہ عبد الخالق ملا ساکن چاندل وانی گام کے طور کی۔  

کپوارہ میں دو افراد گہرے کنویں میں جاگرے، بچاﺅ آپریشن جاری

سرینگر//شمالی ضلع کپوارہ کے ہتمت پورہ،ہائیہامہ میں جمعرات کو دو افراد ایک گہرے کنویں میں جاگرے جس کے بعد اُن کو بچانے کی کارروائی شروع کی گئی۔ حکام کا حوالہ دیتے ہوئے خبر رساں ایجنسی جی این ایس نے لکھا کہ 35سالہ غلام نبی خان اور50سالہ غلام محی الدین گنائی پھسل کر کنویں میں جاگرے۔ دونوں کو بچانے کیلئے ایس ڈی آر ایف اور پولیس اہلکار متحرک ہوگئے ہیں۔  

تازہ ترین