تازہ ترین

جموں کشمیر میں866نئے کورونا کیس،14ہلاکتیں

سرینگر//یوٹی جموں کشمیر میں حکام نے سنیچر کو بتایا کہ گذشتہ24گھنٹوں کے دوران یہاں866نئے کورونا وائرس کے کیس سامنے آئے ہیں۔ انہوں نے کہا کہ آج ظاہر ہونے والے کیسوں میں601کا تعلق وادی کشمیر جبکہ265کا تعلق صوبہ جموں سے ہے۔ اس طرح یہاں کورونا متاثرین کی مجموعی تعداد306638تک پہنچ گئی ہے۔ حکام کے مطابق گذشتہ شام سے یہاں14کورونا مریض جاں بحق ہوگئے۔  

بڈگام میں گاڑی کی ٹکر سے 60سالہ شہری جاں بحق، بیٹی زخمی

سرینگر//وسطی ضلع بڈگام کے خانصاحب علاقے میں سنیچر کو ایک گاڑی نے راہ چلتے شہری کو ٹکر مار کر جاں بحق جبکہ اس کی بیٹی کو زخمی کردیا۔ نیوز ایجنسی کے این او کے مطابق گاڑی نے 60سالہ غلام احمد میر اور اس کی بیٹی 18سالہ ہمیرہ کو زد میں لاکر زخمی کیا۔ دونوں کو ایس ڈی ایچ خانصاحب پہنچایا گیا جہاں سے اُنہیں صدر اسپتال سرینگر منتقل کیا گیا تاہم غلام احمد زخموں کی تاب نہ لاکردم توڑ گیا جبکہ اس کی بیٹی کا علاج جاری ہے۔ اس ضمن میں قانونی کارروائی شروع کی گئی ہے۔  

سوپور حملے میں لشکر طیبہ ملوث، حملہ آوروں کی شناخت بھی کر لی: پولیس سربراہ دلباغ سنگھ

سری نگر// جموں و کشمیر پولیس سربراہ دلباغ سنگھ نے کہا ہے کہ شمالی کشمیر کے ایپل ٹاﺅن سوپور میں فائرنگ کے واقعے میں جنگجو تنظیم لشکر طیبہ کا ایک گروپ ملوث ہے۔ انہوں نے کہا کہ حملہ آوروں کی شناخت کر لی گئی ہے لیکن بعض وجوہات کی بنا پر ان کے نام فی الحال منکشف نہیں کئے جائیں گے۔ پولیس سربراہ نے ہفتے کو سوپور فائرنگ کے واقعے میں جاں بحق ہونے والے دو پولیس اہلکاروں کی میتوں پر پھول مالائیں رکھنے کی تقریب کے حاشئے پر نامہ نگاروں سے گفتگو کرتے ہوئے یہ باتیں کہیں۔  

پونچھ میں مسافر گاڑی کھائی میں جاگری، کمسن بچی از جان، دیگر9افراد زخمی

پونچھ //ضلع پونچھ کے علاقہ ساوجیاں میں سنیچر کو بعد دوپہر ایک ٹا ٹا سومو حادثے کا شکار ہو کر گہری کھائی میں جا گری جس نتیجے میں ایک کم عمر بچی موقعہ پر ہی لقمہ اجل بن گئی جبکہ گاڑی میں سوار مزید نوافراد زخمی ہو گئے جنہیں علاج کیلئے نزدیکی ہیلتھ سینٹر پہنچایا گیا۔  جاں بحق بچی کی شناخت نازیہ کوثر دختر امتیاز احمد ساکن قاضی محلہ پونچھ کے طور ہوئی ہے۔نازیہ کی عمر محض تین سال تھی۔ معلوم ہوا ہے کہ بعد میں پانچ زخمیوں کو سب ضلع ہسپتال منڈی لایا گیا۔

بڈگام میں ایک لڑکا بجلی کرنٹ لگنے سے از جان،2دیگر افراد زخمی

سرینگر//وسطی ضلع بڈگام کے خانصاحب علاقے میں سنیچر کو ایک لڑکا بجلی کرنٹ لگنے سے از جان ہوگیا۔ اس واقعے میں دو دیگر افراد زخمی ہوگئے۔یہ حادثہ اُس وقت پیش آیا جب رائیار میں تین افراد ہائی وولٹیج لائن کے ساتھ رابطے میں آگئے۔ نیوز ایجنسی جی این ایس کے مطابق ایک شخص کھیت میں دھان کی پنیری لگاتے وقت انتہائی کم اونچائی پر موجود بجلی کی ٹرانسمشن لائن کے رابطے میں آگیا۔پاس ہی موجود دو افراد نے مذکورہ شخص کو بچانے کی کوشش کی جس کے نتیجے میں تینوں بجلی کرنٹ لگنے سے زخمی ہوگئے۔ اُنہیں نزدیکی طبی مرکز پہنچایا گیا جہاں 17سالہ شیراز احمد زخموں کی تاب نہ لاکر دم توڑ بیٹھا۔ اس واقعے میں زخمی ہونے والے 35سالہ منظور احمد اور 60سالہ غلام نبی کا علاج و معالجہ جاری ہے۔  

کشمیر مسئلے پر دگوجے کے بیان پر تنازع ، شیوراج اور بھاجپاکا سخت رد عمل

سرینگر//کانگریس کے سینئر رہنما دگوجے سنگھ کے جموں و کشمیر سے دفعہ 370 ہٹانے سے متعلق مبینہ بیان کے سامنے آنے کے بعد مدھیہ پردیش کے وزیراعلیٰ شیوراج سنگھ چوہان نے کانگریس پر حملہ کرتے ہوئے سنیچر کو الزام عائد کیا ” اس (کانگریس) کے رہنما پاکستان کی زبان بول رہے ہیں“۔  چوہان نے ٹویٹر پر ویڈیو پوسٹ کیا۔ انہوں نے کہا کہ راجیہ سبھا کے رکن سنگھ نے دفعہ 370 ہٹانے کی بات کی ہے اور یہ پاکستانی پالیسی سے میل کھاتا ہے ۔ ادھر بھاجپا کے ترجمان نے بھی دگوجے سنگھ کے کشمیر سے متعلق بیان پر سخت رد عمل کا اظہار کرتے ہوئے کانگریس سے وضاحت طلب کی ہے۔(مشمولات یو این آئی)  

سوپور کا ٹرک ڈرائیور پنجاب میں سڑک حادثے میں از جان

سرینگر//شمالی ضلع بارہمولہ کے سوپور کا ایک38سالہ ٹرک ڈرائیور ریاست پنجاب کے پھگوڑا میں ایک سڑک حادثے کے نتیجے میں جاں بحق ہوگیا ہے۔سنیچر کے روز اطلاعات میں بتایا گیا ہے کہ یہ حادثہ گذشتہ رات کے دوران پیش آگیا۔  ذرائع کے مطابق عبد الحمید شالہ ولد محمد رمضان شالہ ساکن آم پورہ سوپور نامی ٹرک ڈرائیور کو کسی نامعلوم کار نے رات گیارہ بجے اُس وقت ٹکر مار کرزخمی کیا جب وہ سڑک پار کررہا تھا۔ شالہ کو نزدیکی اسپتال پہنچایا گیا جہاں وہ زخموں کی تاب نہ لاکر دم توڑ بیٹھا۔حادثے کے بعد کار جائے حادثہ سے فرار ہوگئی۔ شالہ کے گھریلو ذرائع کے مطابق وہ گھر لوٹ رہا تھا اور وہ روز قبل ہی پنجاب پہنچ گیا تھا۔اس کی میت آج گھر پہنچنے کی توقع ہے۔شالہ کی ہلاکت کے سلسلے میں پھگواڑہ پولیس سٹیشن میں ایک کیس درج کیا گیا ہے۔  

سوپور میں جنگجوﺅں کا حملہ، ہلاکتوں کا خدشہ

سرینگر//شمالی ضلع بارہمولہ کے سوپور علاقے میں سنیچر کو جنگجوﺅں کے ایک گھات لگاکر کئے گئے حملے میں ہلاکتوں کا خدشہ ہے۔ اطلاعات کے مطابق جنگجوﺅں نے پولیس اور فورسز کی ایک مشترکہ پارٹی پر حملہ کرتے ہوئے گولیاں چلائیں ۔جنگجوﺅں کے حملے کے جواب میں پولیس اور فورسز اہلکاروں نے بھی گولیاں چلائیں جس سے وہاں افرا تفری کا ماحول پیدا ہوگیا اور لوگ گھبراہٹ کے عالم میں ادھر اُدھر بھاگنے لگے۔ بتایا جاتا ہے کہ کئی اہلکاراور عام شہری زخمی ہیں۔ مزیدتفصیلات کا انتظار ہے  

ملک میں نئے کورونا معاملو ں کی تعداد 84332 تک گر گئی،4002اموات

سرینگر//ملک میں گزشتہ کئی روز سے کورونا وائرس کے یومیہ کیسوں میں کمی ہورہی ہے۔ سنیچر کووزارت صحت کے جاری کردہ اعداد و شمار کے مطابق گذشتہ24گھنٹوں کے دوران ملک میںکورونا کے 84332 نئے معاملے سامنے آئے ہیں جب کہ اسی عرصہ کے دوران 4002 کورونا مریض جاں بحق ہوگئے۔  سرکاری اعداد و شمار کے مطابق ملک میںکورونا متاثرین کی کل تعداد 29359155 ہو گئی ہے جبکہ کورونا ہلاکتوں کی تعداد تشویش ناک ہے، جو 3.5 لاکھ سے تجاوز کرکے 367081 پہنچ گئی ہے۔  ملک میں گزشتہ 24 گھنٹوں میں صحتیاب ہونے والوں کی تعداد 121311 ہے جس سے صحتیاب ہونے والوں کی کل تعداد 27911384 ہوگئی ہے جبکہ اس وقت ملک میںایکٹیو کیسوں کی تعداد 1080690 ہے۔  

جموں کشمیر میں ایک ہزار سے کم نئے کورونا کیس

سرینگر//جموں کشمیر میں گذشتہ24گھنٹوں کے دوران ایک ہزار سے کم کورونا وائرس کے کیس سامنے آئے۔ سرکاری ذرائع کے مطابق یوٹی میں گذشتہ شام سے906کورونا کیس سامنے آگئے اور اسی عرصہ کے دوران17کورونا مریض جاں بحق ہوگئے۔ آج ظاہر ہونے والوں کیسو ں میں 662کا تعلق وادی کشمیر جبکہ244کا تعلق صوبہ جموں سے ہے۔  

’پی ڈی پی حدبندی عمل میں شامل نہیں ہوسکتی ہے‘

سرینگر//جموں و کشمیر پیپلز ڈیموکریٹک پارٹی نے جمعہ کو سرینگر میں پریس کانفرنس منعقد کی جس میں پارٹی ترجمان سہیل بخاری نے کہا کہ ان کی پارٹی حد بندی عمل میں شامل نہیں ہو سکتی ہے کیونکہ ان کے پاس نہ تو رکن پارلیمان اور نہ ہی رکن اسمبلی ہے۔ پارٹی کے سری نگر میں واقع دفتر میں منعقدہ پریس کانفرنس میںسہیل کا کہنا تھا کہ حد بندی کا طریقہ جس طرح سے بنایا گیا ہے اس میں منتخب نمائندوں کا شامل ہونا لازمی ہے۔” پی ڈی پی کے پاس نہ تو رکن پارلیمان اور نہ ہی رکن اسمبلی ہے، اسلئے ہماری پارٹی حد بندی میں حصہ نہیں لے سکتی“۔ انہوں نے مزید کہا ”جموں و کشمیر کی پارٹیاں اس حوالے سے خود اپنے اپنے فیصلہ لے سکتی ہےں۔ جہاں تک پی ڈی پی کا سوال ہے تو ہم حصہ نہیں لے سکتے کیوں کہ نہ ہمارے پاس رکن پارلیمان ہے اور نہ ہی رکن اسمبلی۔ حدبندی کمیشن میں حصہ لینے کے لیے آپ کو عوام کا منتخب نمائندہ

ضلع پونچھ میں15سالہ لڑکا غرقآب ہونے سے از جان

سرینگر//ضلع پونچھ میں جمعہ کو ایک15سالہ لڑکا ایک ندی میں غرقآب ہونے کے نتیجے میں جاں بحق ہوگیا۔یہ واقعہ آج بعد دوپہر ضلع کے جھولس گاوں میں پیش آگیا۔ نیوز ایجنسی جی این ایس کے مطابق پربھ دیال ولد رام شرما کھاری نالے میں نہانے کیلئے گیا تھا۔وہ جب واپس نہیںلوٹا تو لوگوں نے قیاس کیا کہ وہ غرقآب ہوگیا ہے، جس کے بعد اُس کی تلاش شروع ہوئی۔ چار گھنٹوں کی تلاش کے بعد اُسے بیہوشی کی حالت میں بر آمد کرکے ضلع اسپتال پونچھ پہنچایا گیا جہاں ڈاکٹروں نے اسے مردہ قرار دیا۔ پولیس نے واقعہ کی تصدیق کرتے ہوئے کہا کہ اس سلسلے میں قانونی اور طبی لوازمات پوری کرلی گئی ہیں۔    

دنیا میں ایک دن میں چار لاکھ سے زیادہ افراد کورونا وائرس سے متاثر

واشنگٹن / ریو ڈی جنیرو / نئی دہلی// جان لیوا اور مہلک ترین عالمی وبا کورونا وائرس کا پھیلاو¿ جاری ہے اور گزشتہ ایک دن میں دنیا بھر میں چار لاکھ سے زیادہ افراد متاثر ہوئے ہیں۔ اس جان لیوا وبا سے دنیا بھر میں اب تک 37.69 لاکھ سے زیادہ افراد ہلاک ہوچکے ہیں۔ امریکہ کی جان ہاپکنز یونیورسٹی کے سائنس اینڈ انجینئرنگ (سی ایس ایس ای) کے جاری کردہ تازہ ترین اعدادوشمار کے مطابق دنیا کے 192 ممالک اور خطے میں گزشتہ چوبیس گھنٹوں کے دوران چار لاکھ 44 ہزار 744 نئے کیسز کی رپورٹ کے باعث دنیا میں کورونا متاثرین کی مجموعی تعداد 17 کروڑ 47 لاکھ 71 ہزار 133 ہوگئی ہے، جبکہ اس جان لیواوباکی وجہ سے 37 لاکھ 69 ہزار 494 افراد لقمہ اجل بن چکے ہیں۔ دنیا میں سپر پاور سمجھے جانے والے امریکہ میں کورونا وائرس کی رفتار کچھ دھیمی پڑگئی ہے۔ یہاں کورونا متاثرین کی مجموعی تعداد 3 کروڑ 34 لاکھ 28 ہزار 412 ہو

شمالی ضلع بارہمولہ کی شیخ کالونی میں آتشزدگی، قریب 15 مکان خاکستر

سری نگر// شمالی کشمیر کے ضلع بارہمولہ کے نور باغ علاقے میں گذشتہ شب کے دوران آگ کی ایک خوف ناک واردات میں قریب ڈیرھ درجن رہائشی مکان خاکستر ہوگئے۔ سرکاری ذرائع نے بتایا کہ بارہمولہ کے نور باغ علاقے کی شیخ کالونی میں آگ نمودار ہوئی جس کے شعلوں نے چشم زدن میں پوری کالونی کو اپنی لپیٹ میں لے لیا۔ انہوں نے بتایا کہ آگ کی شدت کو دیکھتے ہوئے قریب ایک درجن فائر ٹنڈرس کو کام پر لگا دیا گیا لیکن وہ کم سے کم پندرہ مکانوں کو خاکستر ہونے سے نہیں بچا سکے۔  

رام بن میں بھاری تودہ گر آنے کے بعد سرینگر۔جموں شاہراہ پر ٹریفک معطل

سرینگر//حکام نے بتایا کہ سرینگر۔جموں شاہراہ پر رام بن ضلع میں جمعہ کے روز ایک بھاری تودہ گر آیا جس کے نتیجے میں شاہراہ کو ٹریفک کیلئے بند کیا گیا۔ نیوز ایجنسی جی این ایس کے مطابق یہ بھاری تودہ سیری علاقے میں گر آیا جس کے بعد گاڑیوں کی نقل و حمل ممکن نہیں رہی۔ ایس ایس پی رام بن پی ڈی نتیہ نے جی این ایس کو بتایا کہ شاہراہ کی بحالی کا کام سرعت سے جاری ہے۔  

کورونا معاملوں میں مزید کمی،ملک میں 91702نئے کیس،3403ہلاکتیں

سرینگر//ملک میںگذشتہ کئی روز سے مہلک کورونا وائرس کے یومیہ کیسوں میں کمی ہورہی ہے۔ وزارت صحت کے جاری کردہ اعداد و شمار کے مطابق جمعہ کے روز کورونا کے 91702 نئے معاملے سامنے آئے ہیں جب کہ اموات کی تعداد 3403 رہی۔اعداد و شامر کے مطابق ملک میں کورونا اموات کی تعداد 363079 تک پہنچ گئی ہے۔  مرکزی وزارت صحت کی جانب سے جاری کردہ اعداد و شمار کے مطابق ملک میں کورونا متاثرین کی کل تعداد 29274823 ہو گئی ہے ۔  

پٹرول اور ڈیزل کی قیمتوں میں اُچھال کا سلسلہ جاری

نئی دہلی// ایک دن تک مستحکم رہنے کے بعد پٹرول اور ڈیزل کی قیمتیں جمعہ کو ایک بار پھر بڑھ کر ایک نئی ریکارڈ سطح پر پہنچ گئیں۔ ملک کے چار بڑے میٹرو میں آج پٹرول 29 پیسے اور ڈیزل 30 پیسے مہنگا ہوگیا۔ اس کی وجہ سے ممبئی میں پہلی بار پٹرول کے دام 102 روپے اور ڈیزل 94 روپے کو عبور کرگئے۔ چنئی میں پٹرول کی قیمت پہلی بار 97 روپے سےزیادہ ہوگئی۔ معروف آئل مارکیٹنگ کمپنی انڈین آئل کارپوریشن کے مطابق قومی دارالحکومت دہلی میں پیٹرول 29 پیسے اضافے سے 95.85 روپے اور ڈیزل 28 پیسے اضافے سے 86.75 روپے فی لیٹر مہنگا ہوگیا۔ گزشتہ 4 مئی سے اب تک 22 دن میں پٹرول اور ڈیزل کی قیمتیں بڑھائی گئیں، جبکہ باقی 17 دن کی قیمتوں میں کوئی تبدیلی نہیں کی گئی ہے۔ اس دوران دہلی میں پٹرول 5.45 روپے اور ڈیزل 6.02 روپے مہنگا ہوگیا ہے۔ ممبئی میں پٹرول میں 28 پیسے اور ڈیزل میں 30 پیسے کا اضافہ کیا گیا۔ اس کے س

لاک ڈاون میں نرمی کا مطلب یہ نہیں کہ کورونا ختم ہو گیا: ضلع مجسٹریٹ سری نگر

سری نگر// ضلع مجسٹریٹ سری نگر محمد اعجاز اسد نے کورونا گائیڈ لائنز پر ہو رہے عمل درآمد کا جائزہ لینے کے لئے جمعرات کو سری نگر سٹی کا دورہ کیا۔ دورے کے دوران ان کے ہمراہ ایس ایس پی سری نگر سندیپ چودھری اور پولیس کے دیگر افسران تھے۔ موصوف ضلع مجسٹریٹ نے اس موقع پر نامہ نگاروں سے گفتگو میں کہا کہ کورونا سے لڑنے کے لئے کورونا گائیڈ لائنز پر سختی سے عمل کرنا اور ویکسین لگوانا ہی واحد ذریعہ ہے۔ انہوں نے کہا کہ لاک ڈاﺅن میں نرمی لانے کا ہر گز یہ مطلب نہیں ہے کہ مہلک وائرس کا خاتمہ ہوگیا ہے۔  

ڈوبنے کے ایک روز بعد وسطی ضلع بڈگام میں لڑکے کی لاش نالے سے بر آمد

سرینگر//وسطی ضلع بڈگام کے خانصاحب علاقے میں جو لڑکا گذشتہ روز ایک نالے میں گرنے کے بعد لاپتہ ہو ا تھا اُس کی لاش جمعرات کو بر آمد کی گئی۔ لڑکے کے نالے میں گرنے کا یہ واقعہ گذشتہ شام آری گام گاوں میں پیش آیا تھا جس کے بعد لڑکے کی تلاش کیلئے ایس ڈی آر ایف کی خدمات حاصل کی گئی تھیں۔ پولیس ذرائع کے مطابق آج سخت محنت کے بعد مذکورہ لڑکے کی لاش بر آمد ہوئی ہے اور اس کی شناخت عرفان احمد بٹ ولد عبد الرشید بٹ ساکن آری گام کے طورکی گئی ہے۔ اطلاعات کے مطابق غرقآب ہونے کے بعدعرفان کی تلاش کا کام گذشتہ شام ہی ہاتھ میں لیا گیا تھا تاہم اندھیرے کی وجہ سے اس کو معطل کرنا پڑا تھا اور آج صبح یہ کام سر نو شروع کیا گیا تھا۔  

دنیا میں اب تک کورونا وائرس سے 37.55 لاکھ سے زیادہ ہلاکتیں

واشنگٹن / ریو ڈی جنیرو / نئی دہلی// دنیا بھرمیں کورونا وائرس (کووڈ۔19) کا قہرجاری ہے اور اب تک اس سے 37.55 لاکھ سے زیادہ افراد ہلاک ہوچکے ہیں جبکہ تقریباََ 17.43 کروڑ افراد اس سے متاثر ہوچکے ہیں۔ امریکہ کی جان ہاپکنز یونیورسٹی کے سائنس اینڈ انجینئرنگ سینٹر (سی ایس ایس ای) کی جانب سے جاری تازہ ترین اعدادوشمار کے مطابق دنیا کے 192 ممالک اور خطوں میں اس وبا کی وجہ سے 37 لاکھ 55 ہزار 587 افراد لقمہ اجل بن چکے ہیں ، جبکہ متاثرہ افراد کی تعداد بڑھ کر 17 کروڑ 43 لاکھ 26 ہزار 389 ہو گئی ہے۔ دنیا میں ایک عالمی طاقت تصور کئے جانے والے امریکہ میں کورونا وائرس کی رفتار کچھ دھیمی پڑی ہے۔ یہاں متاثرہ افراد تعداد 3 کروڑ 34 لاکھ 14 ہزار 008 ہوگئی ہے اور اس وبا کی وجہ سے 5،98،764 لاکھ سے زیادہ افراد ہلاک ہوچکے ہیں۔ کورونامتاثرین کے معاملے میں ہندوستان دنیا میں دوسرے اورہلاکتوں کے معاملے میں