تازہ ترین

پلوامہ میں آوارہ کتوں نے آٹھ سالہ بچے کو کاٹ کر از جان کیا

سرینگر//جنوبی ضلع پلوامہ میں سنیچر کو ایک دلدوز واقعہ میںآوارہ کتوں نے ایک آٹھ سالہ بچے کو کاٹ کھاکر از جان کیا۔ نیوز ایجنسی کے این او کے مطابق یہ واقعہ پنگلنہ پلوامہ میں پیش آیا جہاں آوارہ کتوں نے اظہر منظور ولد منظور احمد پر حملہ کیا۔ مقامی لوگوں نے بچے کو کتوں کے چنگل سے شدید زخمی حالت میں نکال کر ضلع اسپتال پہنچایا جہاں ڈاکٹروں نے اُسے مردہ قرار دیا۔ اسپتالی ذرائع کے مطابق بچے کی گردن اور سر پر شدید چوٹیں تھیں جن کی وجہ سے اس کی جان چلی گئی۔  

دنیا میں کورونا وائرس سے مرنے والوں کی تعداد 25.80 لاکھ سے زیادہ

واشنگٹن / ریو ڈی جنیریو / نئی دہلی//دنیا بھر میں کورونا وائرس (کووڈ-19) کی وبا سے متاثرین کی تعداد 11.60 کروڑ سے زیادہ ہوچکی ہے اور اب تک اس وبا کی وجہ سے 25.80 لاکھ سے زیادہ افراد ہلاک ہوچکے ہیں۔ امریکہ کی جان ہاپکنز یونیورسٹی کے سینٹر فار سائنس اینڈ انجینئرنگ (سی ایس ایس ای) کے جاری کردہ اعدادوشمار کے مطابق ، دنیا کے 192 ممالک اور خطوں میں کورونا متاثرین کی تعداد بڑھ کر 11 کروڑ 60 لاکھ سے زیادہ ہوگئی ہے ، جبکہ 25 لاکھ 80 ہزار سے زیادہ لوگ اس بیماری کے شکار ہوچکے ہیں۔ عالمی طاقت سمجھے جانے والے امریکہ میں کورونا کا قہر جاری ہے اور یہاں متاثرین کی کل تعداد بڑھکر دو کروڑ 88 لاکھ 94 ہزار سے زیادہ ہوگئی ہے جبکہ 5.22 لاکھ سے زیادہ لوگ اپنی جان گنوا چکے ہیں۔  

کشمیر میں بہار نو سایہ فگن، اتوار سے موسم خراب ہونے کی پیش گوئی

سری نگر// وادی کشمیر میں خوشگوار موسم کے ساتھ ہر سو بہار نو کی فضا سایہ فگن ہونے لگی ہے۔ ادھر محکمہ موسمیات نے وادی میں 6 مارچ کی شام سے موسم خراب ہونے کی پیش گوئی کی ہے۔ متعلقہ محکمے کے ایک ترجمان نے بتایا کہ وادی کشمیر میں 6 مارچ کی شام سے موسم خراب ہوسکتا ہے۔  

کورونا وائرس کے خوف سے چھوٹی جماعتوں کیلئے درس و تدریس کا کام ملتوی

سرینگر//سکولوں کے کھلنے کے پہلے ہی ہفتے میں کورونا وائرس میں مبتلاءہونے کے کئی کیس ظاہر ہونے کے نتیجے میں ڈائریکٹوریٹ آف سکول ایجو کیشن کشمیر نے ہفتہ کو فیصلہ کیاکہ وادی کشمیر میں چھوٹی جماعتوں کا کلاس ورک فی الحال ملتوی کیا گیا ہے۔ یاد رہے کہ وادی کے اسکولوں میںنویں سے12جماعت تک کے طالب علموں کیلئے یکم مارچ سے درس و تدریس کا کام شروع ہوگیا جبکہ اول سے آٹھویں جماعت تک کے طالب علموں کیلئے کلاس ورک کی شروعات 8مارچ کو ہونے والی تھی۔ تاہم کئی سکولوں میں تعینات اساتذہ کے کورونا وائرس میں مبتلاءپانے کے بعد یہ فیصلہ لیا گیا ہے 8مارچ سے صرف چھٹی ، ساتویں اور آٹھویں جماعتوںتک کے طالب علموں کیلئے ہی درس و تدریس کا کام شروع ہوگا جبکہ پرائمری سطح تک کے بچوں کیلئے ابھی کلاس ورک شروع نہیں ہوگا۔اس فیصلے کی تصدیق ڈائریکٹر سکول ایجو کیشن محمد یونس ملک نے کی ہے۔ ملک کے مطابق یہ فیصلہ کورونا

جنوبی کشمیر کے قاضی گنڈ میں دو غیر مقامی مسلح افراد گرفتار

سری نگر// سیکورٹی فورسز نے جنوبی کشمیر کے قاضی گنڈ علاقے میں گذشتہ شام دو غیر مقامی افراد کو گرفتار کرکے ان کی تحویل سے اسلحہ بر آمد کرنے کا دعویٰ کیا ہے۔ سرکاری ذرائع نے بتایا کہ جنوبی کشمیر کے قاضی گنڈ علاقے میں جواہر ٹنل کے نزدیک جمعہ کی شام سیکورٹی فورسز نے ایک سینٹرو گاڑی زیر نمبر JK04- 9750 کو روک کر اس کی تلاشی لی۔ انہوں نے بتایا کہ تلاشی کے دوران گاڑی میں سوار دو افراد کو گرفتار کیا گیا جن کی تحویل سے ایک پستول اور 20 گولیاں بر آمد کی گئیں۔بتایا جاتا ہے کہ دونوں کا اُتر پردیش سے ہے۔  

ملک میں 18ہزار سے زائد نئے کورونا وائرس کیس اور 108ہلاکتیں

نئی دہلی// ملک کی کچھ ریاستوں میں کورونا وائرس (کووڈ۔ 19) کے کیسز میں اچانک اضافے سے اس کے مریضوں کی یومیہ تعداد میں تیزی آئی ہے۔ لگاتار تین دن سے کورونا وائرس سے ہونے والی اموات کی تعداد 100 سے کم درج کی گئی ہے لیکن گذشتہ 24 گھنٹوں کے دوران اس وبا کی وجہ سے 108 افراد ہلاک ہوئے ہیں۔ اسی عرصے کے دوران کورونا وائرس سے شفایاب ہونے والے مریضوں کی تعداد نسبتاً کم رہنے سے سے ایکٹیو کیسز میں 3985 عدد کا اضافہ ہوا ہے۔ دریں اثنا ملک میں اب تک ایک کروڑ 94 لاکھ 97 ہزار 704 افراد کو اینٹی کورونا ویکسین دی جاچکی ہے۔ ہفتہ کی صبح وزارت صحت کی جانب سے جاری اعداد و شمار کے مطابق گذشتہ 24 گھنٹوں کے دوران کورونا وائرس کے 18،327 نئے کیسز سامنے آئے ہیں ، جس سے متاثرین کی تعداد ایک کروڑ 11 لاکھ 92 ہزار سے زیادہ اور گذشتہ 24 گھنٹوں کے دوران 14،234 مریض صحت مند ہوئے ہیں ، جس سے یہ تعداد ایک کروڑ آ

شمالی کشمیر کے ضلع بانڈی پورہ میں عدم شناخت لاش بر آمد

سری نگر// شمالی کشمیر کے ضلع بانڈی پورہ کے پانر گاوں میں ہفتے کی صبح اس وقت سراسیمگی پھیل گئی جب گاوں میں ایک عدم شناخت لاش کو دیکھا گیا۔ سرکاری ذرائع نے بتایا کہ بانڈی پورہ کے پانر گاو¿ں کے کچھ لوگوں نے ایک لاش دیکھی اور فوراً اس کے متعلق پولیس کو مطلع کیا۔ انہوں نے بتایا کہ ابتدائی تحقیقات سے معلوم ہوا ہے کہ متوفی علاقے میں گذشتہ شام سے گھوم رہا تھا۔  

شوپیان ضلع کے گاوں کا فورسز محاصرہ اور تلاشی آپریشن

سرینگر//سیکورٹی فورسز نے سنیچر کو جنوبی ضلع شوپیان میں چڈی پورہ، زینہ پورہ گاوں کو محاصرے میں لیکر تلاشی آپریشن شروع کیا۔ پولیس ذرائع کے مطابق جنگجوﺅں کی موجودگی کی اطلاع موصول ہونے کے بعد فوج، سی آر پی ایف اور پولیس اہلکاروں نے مشترکہ آپریشن کے دوران مذکورہ گاوں کا محاصرہ کیا۔ مقامی ذرائع نے بتایا کہ فورسز نے شوپیان،بجبہاڑہ روڑ کو بھی ٹریفک کیلئے بند کردیا۔  فورسز آپریشن آخری اطلاعات موصول ہونے تک جاری تھا۔  

جنوبی ضلع پلوامہ میں کم شدت والا بارودی دھماکہ، کوئی نقصان نہیں

سرینگر//مشتبہ جنگجوﺅں نے جمعہ کو جنوبی ضلع پلوامہ کے ڈانگر پورہ علاقے میں ایک کم شدت والا بارودی دھماکہ کیا۔ اس دھماکے میں کسی جانی یا مالی نقصان کی کوئی اطلاع نہیں ہے۔ نیوز ایجنسی جی این ایس نے پولیس کا حوالہ دیتے ہوئے لکھا کہ ایک چھوٹی بارودی سرنگ کو ایک دکان کے نزدیک نصب کیا گیا تھا جس سے کم شدت والا دھماکہ کیا گیا تاہم اس سے کوئی نقصان نہیں ہوا۔ واقعہ کے بعد علاقے کو محاصرے میں لیکر تلاشی آپریشن شروع کیا گیا۔  

افغانستان میں برفانی تودے گرنے سے 14 افراد ہلاک ، 5 زخمی

کابل // افغانستان کے صوبہ بدخشاں کے ضلع راغستان میں برفانی تودہ گرنے سے کم از کم 14 افراد ہلاک اور پانچ زخمی ہوگئے۔ میڈیا نے حکام کے حوالے سے اپنی رپورٹ میں یہ اطلاع دی۔ افغانی پورٹل ٹولو نیوز کے مطابق برفانی تودے گرنے کا واقعہ گذشتہ روز دوپہر کو جرندب گاو¿ں میں پیش آیا۔  

میرواعظ عمر فاروق پھر سے خانہ نظر بند: حریت کانفرنس

سرینگر//حریت کانفرنس (ع) کے چیئر مین میرواعظ عمر فاروق کو حکام نے جمعہ کے روز ایک بار خانہ نظر بند کیا۔ حریت کانفرنس کی طرف سے جاری ایک بیان کے مطابق حکومت نے اپنا کل کا فیصلہ بدل کر میرواعظ کو ایک بار پھر گھر سے نکلنے کی اجازت نہیں دی۔ حریت کانفرنس بیان میں بتایا گیا کہ پہلے میرواعظ کی رہائی کی بات کہی گئی اور بعد میں حکام نے اپنا فیصلہ بدل دیا۔  بیان میں مزید بتایا گیا کہ گذشتہ رات دیر گئے پولیس حکام نے میرواعظ کو مطلع کیا کہ وہ مسلسل خانہ حراست میں ہیں اور اُنہیں نماز جمعہ کیلئے جامع مسجد جانے کی اجازت نہیں ہے۔جس کے بعدآج صبح سے ہی میرواعظ کی رہائش گاہ واقع نگین کے باہر اضافی فورسز اہلکار تعینات کئے گئے ۔ حریت کانفرنس نے اپنے بیان میں میر واعظ کو ایک بار خانہ نظر بند کرنے کے اقدام کی مذمت کی ہے۔ یاد رہے کہ میرواعظ نے 20ماہ بعد آج نماز جمعہ اور خطاب کیلئے جام

ملک میں کورونا وائرس کے فعال کیسوں اور اموات کی تعداد میں اضافہ

نئی دہلی// ملک کی کچھ ریاستوں میں کورونا وائرس (کووڈ۔19) کے انفیکشن میں گزشتہ کچھ دنوں سے اچانک آئی شدت کے درمیان فعال کیسز میں اضافہ جاری ہے اور اس وبا سے مرنے والوں کی تعداد پھر 100 سے تجاوز کر گئی۔ مسلسل تین دنوں تک کورونا وائرس سے مرنے والے افراد کی تعداد 100 سے کم درج کی گئی لیکن گذشتہ 24 گھنٹوں کے دوران اس وبا سے 113 افراد کی موت ہوئی ہے۔ اس دوران صحتیاب ہونے والوں کی تعداد کم رہنے سے فعال کیسز میں 2906 کااضافہ ہوا ہے۔ دریں اثنا ملک میں اب تک ایک کروڑ 80 لاکھ پانچ ہزار 503 افراد کو کوروناکے ٹیکے لگائے جا چکے ہیں۔ مرکزی وزارت صحت کی جانب سے جاری اعداد و شمار کے مطابق گذشتہ 24 گھنٹوں کے دوران کورونا وائرس کے 16،838 نئے کیسز سامنے آئے ہیں ، جس سے متاثرہ افراد کی تعداد ایک کروڑ 11 لاکھ 73 ہزار سے زائد ہو گئی ہے۔ گذشتہ 24 گھنٹوں کے دوران 13،819 مریض صحتیاب ہوئے ہیں ، جس سے اب

شمالی کشمیر کے کپوارہ میں گرینیڈ بر آمد :پولیس

سرینگر//پولیس نے جمعہ کو کہا کہ شمالی قصبہ کپوارہ کے بس اسٹینڈ میں ایک گرینیڈ بر آمد ہوا ہے اور اب اس بات کا پتہ لگایا جارہا ہے کہ آیا مذکورہ گرینیڈ فورسز کی طرف پھینکا گیا تھا ۔ نیوز ایجنسی کے این او نے ایس ایس پی کپوارہ شری رام امبارکر کا حوالہ دیتے ہوئے لکھا کہ ایک زنگ آلودہ گرینیڈبر آمد ہوا ہے۔ انہوں نے کہا کہ اب سی سی ٹی وی فوٹیج کے ذریعے اس بات کا پتہ لگایا جارہا ہے کہ آیا مذکورہ گرینیڈ فورسز کو نشانہ بناکر پھینکا گیا تھا یا نہیں۔ انہوں نے مزید کہا کہ گرینیڈ کو کسی نقصان کے بغیر ناکارہ بنایا گیا ہے۔  

نیشنل کانفرنس لیڈر اکبر لون کا گرفتاربیٹا ضمانت پر رہا

سرینگر//شمالی ضلع بارہمولہ کی عدالت نے نیشنل کانفرنس لیڈر اور رکن پارلیمان محمد اکبر لون کے بیٹے، ہلال اکبر لون کو ضمانت پر رہا کرنے کے احکامات صادر کرلئے۔ہلال لون غیر قانونی سرگرمیوں سے متعلق قانون کے تحت گرفتار تھے۔ نیوز ایجنسی کے این او کے مطابق ہلال کی رہائی گذشتہ شام دیر گئے عمل میں لائی گئی۔ اطلاعات کے مطابق اس سے قبل ایڈیشنل سیشن جج بارہمولہ نے ہلال لون کے حق میں ضمانت منظور کی۔عدالت نے ان کی ضمانت دو لاکھ روپے کے عوض منظور کی اور اُنہیں کیس کی شنوائی کے دوران عدالت میں حاضر رہنے کی ہدایت دی۔ ہلال لون کو گذشتہ سال حاجن علاقے میں مبینہ طور نفرت آمیز تقریر کرنے کی پاداش میں گرفتار کیا گیا تھا۔  

ترکی میں ہیلی کاپٹر گرنے کے نتیجے میں مہلوکین کی تعداد بڑھ کر11

انقرہ// ترکی کے مشرقی صوبہ بیتلیس میں ایک فوجی ہیلی کاپٹر کے گرجانے سے ہلاک ہونے والوں کی تعداد 11 ہوگئی ہے۔ یہ اطلاع ترکی کی وزارت دفاع نے دی ہے۔ ترکی فوج کا ایک کاگر ہیلی کاپٹر جمعرات کو اس وقت حادثہ کا شکار ہوگیا جب وہ بنگول سے تاتوان کی جانب جا رہا تھا۔ اس سے قبل وزارت دفاع کی جانب سے جاری کردہ ایک بیان کے مطابق اس حادثے میں نو افراد کی موت اور چار زخمی ہوئے تھے۔ اس حادثے میں ترکی فوج کے آٹھویں کور کے سربراہ لیفٹیننٹ جنرل عثمان ارباز بھی ہلاک ہوگئے ہیں۔ اس حادثے کے لئے ہیلی کاپٹر میں آئی تکنیکی خرابی اور موسم سے متعلق صورتحال کو ذمہ دار ٹھہرایا جارہا ہے۔  

ہمارے بیٹے کا قتل ہوا ہے: دلی میں اپنے ہی کمرے میں مردہ پائے گئے کشمیری نوجوان کے اہلخانہ کا الزام

سری نگر// دلی میں دو روز قبل اپنے ہی کمرے میں مردہ پائے گئے سری نگر باغات علاقے سے تعلق رکھنے والے نوجوان کے اہلخانہ کا الزام ہے کہ ان کے بیٹے کا قتل ہوا ہے۔ انہوں نے دلی پولیس سے اس سلسلے میں تحقیقات کرنے کی اپیل کی ہے۔ باغات سری نگر سے تعلق رکھنے والے 28 سالہ عاقب رشید بٹ ولد عبدالرشید بٹ کو دلی میں اپنے کمرے میں 2 مارچ کی شام مردہ پایا گیا تھا۔ مذکورہ نوجوان کے اہل خانہ نے دلی پولیس نے تحقیقات کا مطالبہ کرتے ہوئے ذمہ دار افراد کو کیفر کردار تک پہنچانے کی مانگ کی ہے۔  

سری نگر کی فوجی چھاونی میں فوجی اہلکار نے پھانسی پر لٹک کرخودکشی کی

سری نگر//گرمائی دارلحکومت سری نگر کی بادامی باغ فوجی چھاونی میں ایک فوجی اہلکار نے مبینہ طور پر اپنے آپ کو پھانسی دے کر خود کشی کی۔ سرکاری ذرائع نے بتایا کہ سری نگر کی بادامی باغ فوجی چھاو¿نی میں جے سی او پوائنٹ کے نزدیک ایک فوجی اہلکار نے اپنے آپ کو پھانسی دے کر اپنا کام تمام کر دیا۔ انہوں نے بتایا کہ اگرچہ فوجی اہلکار کو ہسپتال منتقل کیا گیا لیکن وہاں ڈاکٹروں نے انہیں مردہ قرار دیا۔  

کشمیر میں خوشگوار موسم کے بیچ برف و باراں کی پیش گوئی

سری نگر//وادی کشمیر میں خوشگوار موسم کے بیچ محکمہ موسمیات نے برف و باراں کے ایک اور مرحلے کی پیش گوئی کی ہے۔ متعلقہ محکمے کے ایک ترجمان نے بتایا کہ وادی کشمیر میں 6 اور7 مارچ کو بارشیں یا ہلکے درجے کی برف باری ہوسکتی ہے۔ انہوں نے کہا کہ وادی میں 7 مارچ کو خراب موسمی حالات سے کشمیر شاہراہ پر مٹی کے تودے گر اسکتے ہیں جس سے ٹریفک کی نقل و حمل میں خلل واقع ہوسکتی ہے۔  

لیفٹیننٹ گورنر منوج سنہا نے کورونا وائرس مخالف ویکسین کی پہلی خوراک لی

سرینگر//جموں کشمیر کے لیفٹیننٹ گورنر منوج سنہا نے جمعرات کو کورونا وائرس مخالف ویکسین کی پہلی خوراک لی۔ اطلاعات کے مطابق یہ ویکسین ایل جی سنہا نے گورنمنٹ میڈیکل کالیج اسپتال جموں میں لی۔ ایل جی سنہا نے اس بات کی اطلاع ٹویٹر پر دی۔ انہوں نے لوگوں سے اپیل کی کہ وہ بھی کورونا مخالف ویکسین لیں۔  

جموں کشمیر بینک میں زبیر اقبال کے ڈائریکٹر کے طور نامزدگی کا آرڈر واپس

سرینگر//جموں کشمیر حکومت نے اس آرڈر کو واپس لے لیا ہے جس کے تحت ایچ ڈی ایف سی بینک کے نائب صدر زبیر اقبال کی جموں کشمیر بینک میں بورڈ آف ڈائریکٹرس میں تعیناتی عمل میں لائی گئی تھی۔ نیوز ایجنسی کے این او کے مطابق یہ آرڈر کم و بیش دس ماہ قبل جاری کیا گیا تھا جسے اب واپس لیا گیا ہے۔  زبیر کی جموں کشمیر بینک بورڈ آف ڈائریکٹرس میں تعیناتی کے احکامات گذشتہ برس ماہ مئی میں عمل میں لائی گئی تھی۔یہ تعیناتی تین سال یا اگلے احکامات کیلئے تھی لیکن اس کو ریزرو بینک آف انڈیا کی منظوری حاصل نہیں ہوئی۔