تازہ ترین

کورونا کرفیو سے جموں میں فضائی آلودگی میں کمی واقع

جموں// جموں وکشمیر میں جاری کورونا کرفیو سے سرمائی راجدھانی جموں میں فضائی آلودگی کی سطح میں کمی واقع ہوئی ہے۔ سرکاری ذرائع نے بتایا کہ سرمائی دارلحکومت جموں میں گذشتہ پندرہ دنوں سے جاری کورونا کرفیو سے ٹرانسپورٹ کی نقل و حمل بند رہنے سے فضائی آلودگی میں نمایاں کمی واقع ہوئی ہے۔  

جموں میں کورونا سے 3 ڈاکٹروں کی موت

جموں// جموں و کشمیر کے صوبہ جموں میں گذشتہ بارہ گھنٹوں کے دوران تین ڈاکٹروں کی کورونا سے موت واقع ہوئی ہے۔  جموں صوبے میں گذشتہ بارہ گھنٹوں کے دوران کل 15 مریضوں کی کورونا سے موت واقع ہوئی جن میں سے 3 ڈاکٹر شامل ہیں۔ ذرائع نے بتایا کہ صوبہ جموں میں گذشتہ بارہ گھنٹوں کے دوران ہوئی کورونا ہلاکتوں میں تین ڈاکٹربھی شامل ہیں۔  

ملک میں کورونا انفیکشن کے 343144 نئے معاملے

نئی دہلی//ملک میں کورونا انفیکشن کے بڑھتے گھٹتے سلسلے میں گذشتہ 24 گھنٹوں کے دوران 3.44 لاکھ مریض صحتیاب ہوہے ہیں اور اب تک اس بیماری سے شفایاب ہونے والوں کی تعداد دو کروڑ سے زیادہ ہوگئی ہے حالانکہ تیسرے دن بھی چار ہزار افراد زندگی کی جنگ ہار گئے اس درمیان جمعرات کو 20 لاکھ 27 ہزار 162 افراد کو کورونا کے ٹیکے لگائے گئے ملک میں اب تک 17 کروڑ 92 لاکھ، 98 ہزار 584 افراد کی ٹیکہ کاری کی جاچکی ہے۔ جمعہ کی صبح مرکزی وزارت صحت کی جانب سے جاری کردہ اعداد و شمار کے مطابق گذشتہ 24 گھنٹوں کے دوران تین لاکھ 44 ہزار 776 مریض صحت مند ہوچکے ہیں جنہیں شامل کرکے اب تک دو کروڑ 79 ہزار 599 افراد کوروناسے شفایاب ہوچکے ہیں۔ اس عرصے کے دوران 343144 نئے معاملے ا?نے کے ساتھ ہی متاثرین کی تعداد دوکروڑ 40 لاکھ 46 ہزار 809 ہوگئی۔ فعال کیسز 5632 کم ہوکر 37 لاکھ 04 ہزار 893 ہوگئے ہیں۔ اس دوران 4000 مریض اپ

جموں وکشمیر میں مکمل کورونا کرفیو جاری، معمولات زندگی معطل

سری نگر// کورونا کی دوسری لہر کی روک تھام کو ممکن بنانے کے لئے جموں وکشمیر کے سبھی بیس اضلاع میں گذشتہ پانچ دنوں سے جاری مکمل کورونا کرفیو کے باعث جمعہ کو بھی معمولات زندگی مسلسل معطل ہیں۔ یاد رہے کہ کورونا کی دوسری لہر کی روک تھام کو ممکن بنانے کے لئے جموں و کشمیر کے سبھی بیس اضلاع میں 10 مئی سے مکمل لاک ڈاو¿ن نافذ ہے۔ حکام کے مطابق یہ لاک ڈاون 17 مئی صبح تک جاری رہے گا۔   حکام کے مطابق یہ لاک ڈاون 17 مئی صبح تک جاری رہے گا۔  

پٹرول اور ڈیزل مزیدمہنگا

نئی دہلی// ایک دن کے وقفے کے بعد جمعہ کے روز پٹرول اور ڈیزل کی قیمتوں میں پھر سے اضافہ کیا گیا ۔ملک کے چار بڑے میٹرو شہروں میں پٹرول کی قیمت میں 29 پیسے اور ڈیزل کی قیمت میں 36 پیسے کا اضافہ کیا گیا۔ ان دنوں، دونوں ایندھن کی قیمتیں تاریخی اونچائی پر ہیں اور ہر روز نئے ریکارڈ بنائے جارہے ہیں آج کے اضافے کے بعد دہلی میں ڈیزل بھی 83 روپے فی لیٹر کے قریب پہنچ گیا ہے جبکہ ممبئی میں یہ پہلی بار 90 روپے فی لیٹر کے پار پہنچ گیا۔ چنئی میں پٹرول پہلی بار 94 روپے فی لیٹر کے اوپر پہنچ گیا۔  

جموں کشمیر میں کورونا ہلاکتوں کی تعداد3000کے پار

سرینگر//جموں کشمیر میں گذشتہ شام سے کورونا وائرس میں مبتلا مزید34 افراد جاں بحق ہوگئے۔ اس طرح مرکز کے زیر انتظام علاقے میں مہلک وائرس سے مرنے والوں کی مجموعی تعداد3001تک پہنچ گئی۔ نیوز ایجنسی جی این ایس کے مطابق تازہ ہلاکتوں میں 18افراد جی ایم سی جموں میں جبکہ16افراد وادی کشمیر کے مختلف اسپتالوں میں جاں بحق ہوگئے۔ آج کورونا سے جاں بحق ہونے والوں کا تعلق گوگو ہمہامہ،نوگام سرینگر،چک بدرناتھ پلوامہ،ڈلگیٹ سرینگر،لار گاندربل،لدو پانپور،نوگام کنڈی سنگرامہ بارہمولہ، کانسپورہ بارہمولہ،شیروانی کالونی بارہمولہ،سرنگسو اننت ناگ،کھنہ بل اننت ناگ،ودوپورہ ہندوارہ،بوران پٹن، برزلہ سرینگر،بتہ مالو سرینگر وغیرہ علاقوں سے تھا۔  

جموں کشمیر میں65کورونا ہلاکتیں،4509نئے کیس

سرینگر//جموں کشمیر میں گذشتہ24گھنٹوں کے دوران کورونا وائرس کی وجہ سے65افراد جاں بحق ہوگئے۔ اس طرح مہلک وائرس سے جاں بحق ہونے والے افراد کی تعداد2912ہوگئی ہے۔ذرائع کے مطابق آج جموں میں46جبکہ وادی کشمیر میں 19افراد وادی کشمیر میں جاں بحق ہوگئے۔ انہوں نے مزید کہا کہ آج جموں کشمیر میں مزید4509کورونا کیس سامنے آئے جس سے کورونا متاثرین کی تعداد229407تک پہنچ گئی۔ آج وادی کشمیر میں2750جبکہ جموں میں1759کیس سامنے آئے۔  

کورونا کرفیو کے نفاذ کی آڑ میں ایڈیشنل ضلع کمشنر بارہمولہ کے ہاتھوں لوگوں کی مار پیٹ کیخلاف غم و غصہ

سرینگر//ایڈیشنل ضلع کمشنر بارہمولہ کے ہاتھوں بدھ کو کورونا کرفیو کے نفاذ کی آڑ میں لوگوں کی مار پیٹ کیخلاف عوامی حلقوں میں کافی غم و غصہ پایا جارہا ہے۔  اس سے قبل ایک ویڈیو سوشل میڈیا پر وائرل ہوگئی جس میں ایڈیشنل ضلع کمشنر بارہمولہ محمد احسن میر کو لوگوں کی مار پیٹ کرتے ہوئے دیکھا جاسکتا ہے۔اس ویڈیو میں مذکورہ افسر کو ایک خاتون، عمر رسیدہ شہری اور دوسرے وسط عمر کے شخص کو مارتے ہوئے دیکھا جاسکتا ہے۔ ویڈیومیں مذکورہ افسر کو ہاتھ میں چھڑی لیکر لوگوں کے پیچھے دوڑتے اور انہیں مارتے پیٹتے دیکھا جاسکتا ہے۔  ویڈیو کے سوشل میڈیا پر آتے ہیں مذکورہ افسر کیخلاف شدید رد عمل سامنے آنے لگا یہاں تک کہ بعض لوگ محمد احسن نامی اس افسر کیخلاف سنگین کارروائی کا مطالبہ بھی کرنے لگے۔ دریں اثناءضلع کمشنر بارہمولہ بھوپندر کمار نے کہا ہے کہ انہوں نے معاملے کا نوٹس لیا ہے۔  

پاکستانی زیر انتظام کشمیر سے تین سال بعد لوٹنے والے اوڑی کے شہری کا فورسز کے سامنے سرنڈر:پولیس

سری نگر// پولیس کا دعویٰ ہے کہ شمالی کشمیر کے قصبہ اوڑی سے تعلق رکھنے والے ایک شخص، جس نے سال 2017 میں سرحد پار کر کے پاکستانی زیر انتظام کشمیر میں قدم رکھا تھا، نے بدھ کے روز فوج کے سامنے خود سپردگی اختیار کی۔ ایک پولیس ترجمان نے اپنے ایک بیان میں تفصیلات فراہم کرتے ہوئے کہا کہ شمالی کشمیر کے قصبہ اوڑی کے ہتھہ لنگہ گاو¿ں سے تعلق رکھنے والے 36 سالہ شبیر احمد چیچی ولد غلام محمد چیچی سال 2017 سرحد پار کر کے پاکستانی زیر انتظام کشمیر چلا گیا تھا اور وہیں رہائش پذیر تھا۔ انہوں نے بتایا کہ شبیر احمد گذشتہ شب دیر گئے واپس اپنے گھر لوٹا اور سرنڈر کیا۔  

جموں کشمیر میں مزید30کورونا ہلاکتیں،تعداد2877

سرینگر//جموں کشمیر میں گذشتہ شام سے مزید30افراد کورونا وائرس کی وجہ سے جاں بحق ہوگئے۔ اس طرح یہاں مہلک وائرس سے مرنے والوں کی مجموعی تعداد2877تک پہنچ گئی۔ نیز ایجنسی جی این ایس کے مطابق بدھ کو21افراد جی ایم سی جموں میں جاں بحق ہوگئے جبکہ 9وادی کشمیر کے مکٹلف اسپتالوں میں دم توڑ بیٹھے۔ وادی کشمیر میں جو افراد آج کورونا کی وجہ سے از جان ہوگئے اُن کا تعلق ڈورو اننت ناگ،اننت ناگ ککر ناگ،بخشی آباد اننت ناگ،دوبرا لیہہ،نیوہ پلوامہ، کنی پورہ چھتر گام،لارسن گاندربل،فرصل پلوامہ وغیرہ علاقوں سے تھا۔  

کورونا کرفیو؛ طبی و نیم طبی عملے کی آزادانہ نقل و حمل کیلئے ہیلپ لائن قائم،صحافیوں کے شناختی کارڈ کرفیو پاس قرار

سرینگر//کشمیر پولیس نے جاری کورونا کرفیو کے دوران بدھ کو ڈاکٹروں اور نیم طبی عملے کی آزادنہ نقل و حمل کو یقینی بنانے کیلئے خصوصی ہیلپ لائن قائم کی ۔ پولیس کے مطابق آئی جی پی کشمیر وجے کمار کی ہدایت پر خصوصی ہیلپ لائن قائم کی گئی ہے تاکہ طبی و نیم طبی عملے کی نقل و حمل کو آسان بنایا جاسکے۔ ڈاکٹروں اور نیم طبی عملے سے کہا گیا ہے کہ اگر انہیں ڈیوٹی پر جاتے ہوئے کسی جگہ روکا جائے تو وہ ہیلپ لائن نمبرات0194-2506561اور0194-2506541یا وٹس اپ نمبر8899845182 پر رابطہ قائم کرسکتے ہیں۔ اس کے علاوہ نیوز ایجنسی کے این او کے مطابق آئی جی کشمیر کی ہدایت پر صحافیوں کے شناختی کارڈوں کو کرفیو پاس کے طور تسلیم کیا جائے گا۔آئی جی کشمیر نے اس سلسلے میں پولیس کو سخت ہدایات جاری کی ہیں۔  

کشمیر کی موسمی صورتحال دگرگوں، 14 مئی تک بارشوں کی پیش گوئی

سری نگر// وادی کشمیر میں محکمہ موسمیات کی پیش گوئی کے عین مطابق موسمی صورتحال گذشتہ دو دنوں سے مسلسل دگرگوں ہے۔ متعلقہ محکمے کے ایک ترجمان کے مطابق وادی میں18 مئی تک موسم ناساز رہنے کا امکان ہے۔ انہوں نے بتایا کہ اس دوران وادی میں 12 سے 14 مئی تک موسلا دھار بارشیں ہوسکتی ہیں تاہم بعد میں 18 مئی تک کہیں کہیں بارشیں ہونے کی توقع ہے۔  

سری نگر میں دریائے جہلم سے 15 سالہ لڑکی کی لاش بر آمد

سری نگر// گرمائی دارلحکومت سری نگر کے پنزی نارہ علاقے میں بدھ کی صبح دریائے جہلم سے ایک 15 سالہ لڑکی کی لاش بر آمد کی گئی۔ سرکاری ذرائع نے بتایا کہ سری نگر کے پنزی نارہ علاقے میں بدھ کی صبح کچھ مقامی لوگوں نے ایک لاش کو تیرتے ہوئے دیکھا اور فوری طور پولیس کو اس کے متعلق مطلع کیا۔ انہوں نے بتایا کہ پولیس نے لاش کو دریائے سے بر آمد کرکے طبی و قانونی لوازمات کی ادائیگی کے لئے اپنی تحویل میں لے لیا۔  

شمالی ضلع بارہمولہ کے دلنہ علاقے میں نوجوان کی لاش بر آمد

سری نگر// شمالی کشمیر کے ضلع بارہمولہ کے شیپورہ دلنہ میں بدھ کی صبح ایک میوہ باغ سے ایک نوجوان کی لاش بر آمد کی گئی۔ سرکاری ذرائع نے بتایا کہ ضلع بارہمولہ کے شیپورہ دلنہ میں بدھ کی صبح کچھ لوگوں نے ایک میوہ باغ میں ایک نوجوان کی لاش دیکھی اور فوری طور اس کے متعلق پولیس کو مطلع کیا۔ انہوں نے بتایا کہ اطلاع موصول ہوتے ہی متعلقہ پولیس اسٹیشن کی ایک ٹیم جائے واردارت پر پہنچ گئی اور لاش کو اپنی تحویل میں لے لیا۔

ضلع سانبہ میں پُر اسرار گرینیڈ دھماکہ، پولیس تحقیقات شروع

سرینگر//ضلع سانبہ کے ند علاقے میں گذشتہ شب ایک پُر اسرار گرینیڈ دھماکہ ہوا جس سے کسی قسم کا کوئی نقصان نہیں ہوا۔ پولیس نے بدھ کی صبح علاقے میں جاکر تحقیقات شروع کی۔ اطلاعات میںپولیس حکام کا حوالہ دیتے ہوئے بتایا گیا ہے کہ ند چیک پوئنٹ پر موجود پولیس اہلکاروں نے گذشتہ رات دیر گئے ایک دھماکہ سنا۔آج صبح جب علاقے کی تلاشی کارروائی عمل میں لائی گئی تو معلوم ہوا کہ یہ دھماکہ چیک پوئنٹ سے کچھ بیس میٹر دو ر ہواتھا۔ اطلاعات کے مطابق پولیس نے معاملے کی تحقیقات شروع کی ہے۔  

ملک میں4205تازہ کورونا ہلاکتیں،348421نئے کیس

نئی دہلی// ملک میں کورونا وائرس کے یومیہ معاملوں میں پھر سے اضافہ دیکھا گیا ہے اور پچھلے 24 گھنٹوں کے دوران انفیکشن کے 3.48 لاکھ سے زیادہ معاملات سامنے آئے اور 4200 سے زیادہ مریضوں کی امعات سے یہ تعداد بڑھ کر ڈھائی لاکھ سے زیادہ ہوچکی ہے۔ اس دوران ملک میں گذشتہ 24 گھنٹوں کے دوران 2446674 افراد کوکورونا کے ٹیکے لگائے گئے۔ اس کے بعد اب تک 17 کروڑ 52 لاکھ 35 ہزار 991 افراد کی ٹیکہ کاری ہوچکی ہے۔ مرکزی وزارت صحت کی جانب سے بدھ کی صبح جاری اعداد و شمار کے مطابق ، گذشتہ 24 گھنٹوں میں کورونا کی 348421 نئے معاملوں کے ساتھ ، متاثرہ افراد کی تعداد 2 کروڑ 33 لاکھ 40 ہزار 938 ہوگئی۔ اسی کے ساتھ ہی اس وبا سے 3 لاکھ 55 ہزار 338 افراد شفایاب ہوئے ، جس کے بعد کووڈ 19 کو شکست دینے والوں کی تعداد بڑھ کر 19382642 ہوگئی۔ اس وقت ملک میں کورونا کے 3704099 سرگرم معاملے ہیں۔ اسی دوران 4205 مریضوں نے ا

کورونا کے4352نئے کیس،65ہلاکتیں

سرینگر//جموں کشمیر میں گذشتہ24گھنٹوں کے دوران مزید4352کیس سامنے آگئے۔ذرائع کے مطابق اس عرصہ کے دوران مہلک وائرس میں مبتلائ65افراد جاں بحق ہوگئے۔ ذرائع نے کہا کہ آج ظاہر ہونے والے2644کا تعلق وادی کشمیر جبکہ1708کا تعلق صوبہ جموں سے ہے۔ مذکورہ ذرائع نے کہا کہ گذشتہ شام سے جو65افراد جاں بحق ہوگئے اُن میں41افراد کی موت صوبہ جموں میں جبکہ24کی موت وادی کشمیر میں ہوئی۔

ضلع سرینگر میں کورونا کرفیو مزید سخت کرنے کے احکامات

سرینگر//ضلع انتظامیہ سرینگر نے منگل کو وہ حکمنامہ واپس لے لیا جس میں جاری کورونا کرفیو کے دوران منتخب ضروری سرگرمیوں کی اجازت دیدی گئی تھی۔ انتظامیہ نے گذشتہ روز ایک آرڈر جاری کرتے ہوئے عید الفطر کے پیش نظر ضلع سرینگر میں صبح آٹھ بجے سے بارہ بجے تک قصابوں اور بیکری والوں کو صبح آٹھ بجے سے بارہ بجے تک محدود سرگرمیاں انجام دینے کی اجازت دی تھی۔ ضلع کمشنر سرینگر محمد اعجاز اسد نے تاہم آج مذکورہ آرڈر واپس لے لیا۔  ضلع کمشنر نے شہر میں جاری کورونا کرفیو میں مزید سختی لانے کا بھی اشارہ دیتے ہوئے کہا کہ بدھ سے سرکاری ملازمین کی نقل و حرکت بھی صرف خصوصی اجازت ناموںپر ہوگی۔ انہوں نے کہا”بدھ سے سرکاری ملازمین کی نقل و حرکت پاس سسٹم کے ذریعے یقینی بنائی جائے گی“۔ ”تمام شعبوں کے سربراہان سے گزارش کی جاتی ہے کہ وہ اجازت ناموں کے لئے ریکوزیشن جمع کر دیں&ldq

کورونا سے اب تک دنیا میں 15.89 کروڑ سے زائد افراد متاثر،33.04 لاکھ ہلاک

واشنگٹن / ریو ڈی جنیرو / نئی دہلی // پوری دنیا میں کورونا کے بڑھتے ہوئے پھیلاو¿ کے درمیان اس انفیکشن سے متاثروں کی تعداد بڑھ کر 15.89 کروڑ سے زیادہ ہوگئی ہے اور تقریبا 33.04 لاکھ افراد اب تک ہلاک ہوچکے ہیں۔ امریکہ کی جان ہاپکنز یونیورسٹی کے سینٹر فار سائنس اینڈ انجینئرنگ (سی ایس ایس ای) کے جاری کردہ تازہ ترین اعدادوشمار کے مطابق دنیا کے 192 ممالک اور خطوں میں متاثرہ افراد کی تعداد 15.98 کروڑ 57 ہزار 220 ہوگئی ہے جبکہ 33 لاکھ 03 ہزار 877 سے زیادہ افراد اب تک ہلاک ہوچکے ہیں۔ عالمی طاقت کے طور پر سمجھے جانے والے امریکہ میں کورونا وائرس تھوڑا سا کم ہوا ہے اور متاثرہ افراد کی تعداد 3.27 کروڑ 44 ہزار 100 ہوگئی ہے جبکہ اس وبا کی وجہ سے 5.82 لاکھ سے زیادہ مریض اب تک فوت ہوچکے ہیں۔  

جموں و کشمیر حکومت نے کورونا سے مرنے والوں کے لواحقین کیلئے مالی اعانت کا اعلان کیا

سرینگر//جموں وکشمیر حکومت نے منگل کوکورونا کا شکار ہونے والوں کے لواحقین کے حق میں کئی اقدامات کا اعلان کیا۔ آج سہ پہر اپنے آفیشل ٹویٹر ہینڈل پر ایک ٹویٹس کے سلسلے میں ، لیفٹیننٹ گورنر منوج سنہا نے کہا کہ ایسے سینئر شہریوں کو عمر بھر کی خصوصی پنشن فراہم کی جائے گی جنہوں نے اپنے خاندان کے واحد کمانے والے رکن کوویڈ 19 کی وجہ سے کھویا ہو۔ ایل جی نے کہا کہ جن بچوں نے اپنے والدین کورونا کی وجہ سے کھوئے ہوں انہیں حکومت کی طرف سے خصوصی اسکالرشپ فراہم کی جائے گی۔ ایل جی کے مطابق اس کے علاوہ حکومت نے بھی یہ فیصلہ کیا ہے کہ جن دہاڑی مزدوروں کو کوورونا کی وجہ سے بے روزگار ہونا پرا ہے اُنہیںاگلے دو ماہ کیلئے مبلغ ایک ہزار روپے فراہم کئے جائیں گے۔ یہ فائدہ تمام رجسٹرڈ تعمیراتی مزدوروں ، پونی والوں ، پالکی والوں ، پٹھو والوںکو فراہم ہوگا۔ ایل جی سنہا نے کہا کہ معاشرتی بہبود کی اسکیمو