تازہ ترین

وسطی کشمیر کے چرار شریف میں معرکہ آرائی کا آغاز

سرینگر//وسطی کشمیر میں بڈگام ضلع کے چرار شریف علاقے میں پیر کی شام فورسز اور جنگجوﺅں کے مابین مسلح معرکہ آرائی شروع ہوگئی۔پولیس نے معرکہ آرائی شروع ہونے کی تصدیق کی۔ ذرائع کے مطابق پولیس، سی آر پی ایف اور فوج نے مشترکہ طور چرار شریف میں تلاشی آپریشن شروع کیا اور جب فورسز اہلکار گھر گھر تلاشی میں مصروف تھے تو چھپے جنگجوﺅں نے اُن پر گولیاں چلائیں۔فورسز نے جواب میں گولیاں چلائیں اور اس طرح معرکہ آرائی کا آغاز ہوگیا۔ آخری اطلاعات ملنے تک علاقے میں گولیوں کا تبادلہ جاری تھا  

شمالی کشمیر کے کپوارہ میں آٹھ سالہ بچی جھولے میں لٹک کر لقمہ اجل

سرینگر//شمالی کشمیر کے کپوارہ میںپیر کے روز ایک آٹھ سالہ بچی جھولے میں گلے سے لٹک کر لقمہ اجل بن گئی۔یہ واقعہ ضلع کے نوبگ چھمپورہ علاقے میں پیش آیا۔ پولیس ذرائع کے مطابق معصوم بچی کو فوری طور پر نزدیکی اسپتال پہنچایا گیا جہاں اُسے مردہ قرار دیا گیا۔بعد ازاں ضلع اسپتال کپوارہ میں بچی کا پوسٹ مارٹم کرایا گیا۔  جاں بحق بچی کی شناخت انجم اسماعیل دختر محمد اسماعیل مغل ساکن نوبگ چھمپورہ کے طور کی گئی ہے۔ پولیس نے اس سلسلے میں کیس درج کرکے تحقیقات شروع کی ہے۔  

سرینگر میں پارٹی صدر دفتر پرپی ڈی پی کے سینئر لیڈران کی میٹنگ

سرینگر//پیپلز ڈیمو کریٹک پارٹی (پی ڈی پی) کے سینئر لیڈران نے پیر کے روز سرینگر میں میٹنگ منعقد کی جو جموں کشمیر کی خصوصی پوزیشن کے خاتمے کے بعد مذکورہ لیڈران کی پہلی میٹنگ تھی۔ میٹنگ کی صدارت پارٹی کے نائب صدر عبد الرحمان ویری نے انجام دی کیونکہ پارٹی کی صدر محبوبہ مفتی گذشتہ سال سے ایام اسیری کاٹ رہی ہیں۔ پارٹی ترجمان کے مطابق میٹنگ میں سابق وزراءاور قانون سازیہ کے ممبران نے شرکت کی۔ گذشتہ برس ماہ اگست میں جموں کشمیر کی خصوصی پوزیشن کا خاتمہ کیا گیا جس کے بعد متعدد مین اسٹریم لیڈران کو گرفتار کیا گیا۔بعد ازاں سبھی لیڈران کی رہائی عمل میں لائی گئی تاہم محبوبہ لگاتار پبلک سیفٹی ایکٹ کے تحت اپنی سرکاری رہائش گاہ میں مقید ہے۔  

ملک میں 86961نئے کورونا وائرس کیس،1130کی موت

نئی دہلی// ملک میں کوروناوائرس کومات دینے والوں کی تعداد لگاتار تیسرے روز نئے کیسوں سے زائد رہے۔ گزشتہ 24 گھنٹوں کے دوران ملک میں کورونا وائرس سے 93 ہزار سے زیادہ مریض شفایاب ہوئے۔مجموعی طور پر ملک میں جان لیوا وبا سے صحت مند ہونے والوں کی تعداد تقریبا 44 لاکھ ہوچکی ہے۔ مرکزی وزارت صحت و خاندانی بہبود کی جانب سے پیر کو جاری تازہ ترین اعداد و شمار کے مطابق گذشتہ 24 گھنٹوں کے دوران 93356 مریض شفایاب جس سے مجموعی تعداد4396399 ہوگئی ہے۔ اسی عرصے کے دوران86961 نئے کیس رپورٹ ہونے سے متاثرین کی مجموعی تعداد 5487580 اور 1130 مریضوں کی موت سے ہلاک شدگان کی مجموعی تعداد 87882 ہوچکی ہے۔  

راجیہ سبھا میں حزب اختلاف کے 8 ممبران معطل

نئی دہلی// حزب اختلاف کے 8 ممبران کو پیر کے روزایوان بالاراجیہ سبھا میں” غیر مہذہب رویہ“ اختیار کرنے کی پاداش میں سیشن کی بقیہ مدت کے لئے معطل کردیا گیا۔ چیئرمین ایم ونکیا نائیڈو نے وقفہ صفر کے بعد ترنمول کانگریس(ٹی ایم سی) کے ڈیرک او برائن اور ڈولا سین ، کانگریس کے سید ناصر حسین،رپون بورا،راجیو ستو،عام آدمی پارٹی کے سنجے سنگھ ، مارکسی کمیونسٹ پارٹی کے ،کے کے راگیش اور ہندوستان کی کمیونسٹ پارٹی کے ایلامارم کریم کو رواں سیشن کی بقیہ مدت کے لئے معطلی کا اعلان کیا۔  نائیڈو نے کہا” معطل ممبران ایوان کی کارروائی کا حصہ نہیں بنیں گے اور وہ ایوان سے باہر چلے جائیں“۔  

نوگام سرینگر میں سی آر پی ایف پارٹی پر جنگجوﺅں کی فائرنگ

سرینگر//مشتبہ جنگجوﺅں نے پیر کی صبح سرینگر کے نوگام علاقے میں سی آر پی ایف کی ایک پارٹی پر گولیاں چلائیں جس سے علاقے میں سراسیمگی پھیل گئی۔ نیوز ایجنسی جی این ایس کے مطابق110بٹالین سے وابستہ سی آر پی ایف کی ایک پارٹی پر گولیاں چلائی گئیں تاہم اس واقعہ میں کسی کے زخمی یا ہلاک ہونے کی کوئی اطلاع نہیں ملی ہے۔ واقعہ کے فوراً بعد فورسز کی اضافی کمک نے علاقے کو محاصرے میں لیکر تلاشی آپریشن شروع کیا تاکہ حملہ آوروں کو پکڑا جاسکے۔  

جنوبی کشمیر کے اونتی پورہ میں جنگجوﺅں کے دو اعانت کار گرفتار:پولیس

سرینگر//پولیس نے ہفتے کو کہا کہ جنوبی کشمیر کے اونتی پورہ میں جنگجوﺅں کے دو اعانت کاروں کو گرفتار کیا گیا ہے۔ یہ گرفتاریاں کھریو علاقے میں عمل میں لائی گئی ہیں۔ ایک بیان میں پولیس نے کہا کہ گرفتار شدگان سے حزب المجاہدین اور البدر تنظیموں کا غیر قانونی سامان بر آمد کیا گیا ہے۔  اس سلسلے میں پولیس سٹیشن اونتی پورہ میں ایف آئی آر نمبر127کے تحت کیس درج کیا گیا ہے۔  

راجوری میں جنوبی کشمیر کے تین جنگجو گرفتار،ڈرون سے گرائے گئے ہتھیار ضبط:پولیس

سرینگر//جموں کشمیر پولیس کے ڈائریکٹر جنرل دلباغ سنگھ نے ہفتے کو کہا کہ راجوری میں جن تین جنگجوﺅں کو گرفتار کیا گیا اُنہوںنے کنٹرول لائن پر ڈرون کے ذریعے گرائے گئے ہتھیار حاصل کئے تھے۔ انہوں نے ڈرون کے ذریعے ہتھیار ڈالنے کو ایک چیلنج سے تعبیر کیا۔ انہوں کہا کہ مصدقہ اطلاع ملنے کے بعد فورسز نے ایک آپریشن کے دوران تین جنگجوﺅں کو گرفتار کیا حالانکہ مذکورہ جنگجوﺅں نے گرینیڈ چلا کر فرار ہونے کی کوشش کی لیکن اُن کا پھینکا گیا گرینیڈ پھٹنے سے رہ گیا جس کے بعد اُن کی گرفتاری عمل میں لائی۔اُن کی تحویل سے اے کے47قسم کی 2بندوقیں،4ہینڈ گرینڈ،3چینی ساخت کے پستول اور دیگراسلحہ کے علاوہ ایک لاکھ روپے نقد شامل ہے۔ یہ سارے ہتھیار کنٹرول لائن کے اس پار ڈورن کے ذریعے گرائے گئے تھے۔ مذکورہ جنگجوﺅں کی شناخت راہل بشیر ساکن ٹکن پلوامہ،عامر جان ساکن لیلہ ہار پلوامہ اور یونس وانی ساکن کیلر شوپیا

پلوامہ میں جنگجوﺅں کے بالائے زمین کارکن کے والد کا مکان سربمہر کیا جائے:این آئی اے کے احکامات

سرینگر//قومی تحقیقاتی ایجنسی (این آئی اے )نے ہفتے کو جنوبی ضلع پلوامہ کے جنگجوﺅں کے ایک بالائے زمین کارکن کے والد کا مکان سربمہر کرنے کے احکامات صادر کئے۔این آئی اے کے مطابق جنگجوﺅں کے مذکورہ بالائے زمین کارکن نے لیتہ پورہ سی آر پی ایف گروپ سینٹرپر حملے میں جنگجوﺅں کی معاونت کی تھی۔ این آئی اے میں اس کیس کے تحقیقاتی آفیسر ڈپٹی ایس پی روندر کمار نے ایجنسی کے اعلیٰ حکام سے اس سلسلے میںباضابطہ اجازت حاصل کرکے ایک آرڈر جاری کرتے ہوئے کہا کہ نذیر احمد ریشی ساکن رتنی پورہ، کاکا پورہ ضلع پلوامہ کا مکان سربمہر کیا جائے جو17مرلہ زمین پر قائم ہے۔ نذیر احمد ریشی، ارشاد احمد ریشی کا والد ہے جسے اپریل2019کو جیش کے جنگجوﺅں کا بالائے زمین کارکن ہونے کے الزام میں گرفتار کیا گیا تھا۔ نیوز ایجنسی جی این ایس کے مطابق این آئی نے اپنے آرڈر میں کہا ہے کہ مذکورہ مکان جیش سے وابستہ جنگجوﺅں کے مصرف

ڈل جھیل میں15سالہ بچہ نہانے کے دوران غرقآب

سرینگر//سرینگر کے شہرہ آفاق ڈل جھیل میں ہفتے کو ایک15سالہ بچہ نہانے کے دوران غرقآب ہوا۔یہ دلدوز حادثہ رعنا واری کے جوگی لنکر علاقے میں پیش آیا۔ نیوز ایجنسی کے این او کے مطابق مذکورہ بچہ جھیل میں اپنے دو ساتھیوں کے ہمراہ نہارہا تھا اور وہ اچانک غرقآب ہوا۔اُس کو پانی سے نکال کر غوثیہ اسپتال خانیار پہنچایا گیا جہاں داکٹروں نے اُسے مردہ قرار دیا۔ مذکورہ بچے کی شناخت کفایت احمد ساکن جوگی لنکر کے طور کی گئی ہے۔  

لداخ خود مختار پہاڑی ترقیاتی کونسل لیہہ کے انتخابی شیڈول کا اعلان

سری نگر// لداخ یونین ٹریٹری انتظامیہ نے لداخ خود مختار ترقیاتی کونسل لیہہ کے انتخابی شیڈول کا اعلان کر دیا ہے۔ محکمہ انتخابات کے سیکریٹری سوگت بسواس کی طرف سے جاری نوٹیفکیشن کے مطابق یہ انتخابات 16 اکتوبر 2020 کو منعقد کئے جائیں گے۔ یاد رہے کہ موجودہ کونسل کی پانچ سالہ معیاد 27 اکتوبر کو اختتام پذیر ہو رہی ہے اور اسی دن نئے کونسل کو بھی تشکیل دیا جائے گا۔  

ترال ڈاڈہ سرہ میں نامعلوم افراد نے بینک گارڈ سے رائفل چھین لی

سری نگر// جنوبی کشمیر کے ضلع پلوامہ کے ترال علاقے میں ہفتے کی صبح نا معلوم افراد نے جموں و کشمیر بینک کے ایک سیکورٹی گارڈ سے رائفل چھین لی۔ سرکاری ذرائع نے بتایا کہ پلوامہ کے ڈاڈہ سرہ ترال علاقے میں کچھ نا معلوم افراد نے جموں و کشمیر بینک کے ایک سیکورٹی گارڈ پر پہلے مرچی چھڑکی اور اس کے بعد اس سے 12 بور رائفل چھین لی۔ انہوں نے کہا کہ موصوف سیکورٹی گارڈ حملہ آوروں کے ساتھ رائفل واپس لینے کی جدو جہد کے دوران معمولی طور پر زخمی ہوا۔ واقعہ کے بعد فورسز نے علاقے میں بڑے پیمانے پر تلاشی شروع کی ہے۔  

ملک میں کورونا کے93337 نئے کیس، اب تک 85 ہزار سے زائد ہلاکتیں

نئی دہلی// ملک میں کورونا وائرس کے کیسوں میں دو دن کے دوران اضافے کے بعد گزشتہ 24 گھنٹوں کے دوران نئے کیسوں میں کچھ کمی واقع ہوئی ہے اور93337نئے کیس رپورٹ ہوئے ہیں جس سے کورونا متاثرین کی تعداد 53 لاکھ سے زائد ہوگئی ہے جبکہ اسی عرصہ میں ریکارڈ95880 افراد شفایابی کے ساتھ ہی جان لیواوبا سے صحت مند ہونے والے مریضوں کی مجموعی تعداد بڑھ کر 42 لاکھ سے زیادہ ہوگئی۔ جان لیوا وبا سے صحت مند افراد کی تعداد کے لحاظ سے ہندوستان نے امریکہ کو پیچھے چھوڑ دیا ہے۔ دنیا کے سبھی ممالک کے مقابلہ میں ہندوستان میں کورونا کے شفایاب مریضوں کی تعداد سب سے زیادہ ہے۔  

بانہال میں آگ کی ہولناک واردات ،2 درجن سے زیادہ دکان خاکستر

سرینگر//ضلع رام بن کے بانہال علاقے میں دوران شب آگ کی ایک بھیانک واردات میں کم سے کم28دکان اور ایک رہائشی مکان خاکستر میں تبدیل ہوگئے۔یہ واقعہ تحصیل بانہال کے کھاری مارکیٹ میں پیش آیا۔ حکام کے مطابق آدھی رات کو آگ پُر اسرار طور نمودار ہوکر پورے مارکیٹ میں آناً فاناًپھیل گئی۔ آگ پر قابو پانے کیلئے مقامی لوگ اور متعلقہ عملہ جائے واردات پر پہنچ گئے لیکن وہ آگ کو قابو نہیں کر پائے۔ اس واردات میں تاہم کسی جانی نقصان کی کوئی اطلاع نہیں ملی ہے۔ ایس ایس پی رام بن حسیب الرحمان نے نیوز ایجنسی جی این ایس کو بتایا کہ آگ سے ہونے والے مالی نقصان کا تخمینہ لگایا جارہا ہے۔  

راجوری ضلع میں تین مشتبہ جنگجو گرفتار: پولیس

سرینگر//سیکورٹی فورسز نے ہفتہ کو دعویٰ کیا کہ اُنہوں نے ضلع راجوری میں تین مشتبہ جنگجوﺅں کو گرفتار کرکے اُن کی تحویل سے اسلحہ و گولہ بارود بر آمد کیا ہے۔ اطلاعات میں پولیس کا حوالہ دیتے ہوئے بتایا گیا ہے کہ ایک جنگجو مخالف آپریشن کے دوران فورسز اور پولیس نے راجور قصبہ میں مشترکہ طور تین مشتبہ افراد کو گرفتار کیا۔  گرفتار شدگان کی تحویل سے اسلحہ و گولہ بارود بر آمد کرنے کا دعویٰ کیا گیا ہے۔ مزید تفصیلات کا انتظار ہے  

سرینگر کے مضافات میں عدم شناخت لاش بر آمد

سرینگر//پولیس نے ہفتہ کو بتایا کہ انہوں نے سرینگر کے مضافاتی علاقہ نوگام نائک باغ میں ایک عدم شناخت لاش بر آمد کی ہے جو بظاہر کسی 35سالہ مرد کی ہے۔ پولیس کے مطابق اُنہوں نے لاش کو تحویل میں لے لیا ہے۔ پولیس نے متعلقہ قوانین کے تحت تحقیقاتی کارروائی شروع کی ہے۔  

کورونا وائرس کے1330نئے کیس،تعداد61041

سرینگر//جموں کشمیر میں جمعہ کو مزید1330 کورونا وائرس کے کیس سامنے آئے جن میں70مسافر بھی شامل ہیں۔ اس طرح مرکز کے زیر انتظام علاقے میں کورونا متاثرین کی مجموعی تعدار61041تک پہنچ گئی ہے۔ آج ظاہر ہونے والے نئے کیسوں میں658کا تعلق وادی کشمیر جبکہ 672کا تعلق صوبہ جموں سے ہے۔ ذرائع نے ضلع سطح کے اعداد و شمار دیتے ہوئے کہا کہ سرینگر میں237،بڈگام میں62،بارہمولہ میں64،پلوامہ میں41،اننت ناگ میں60،بانڈی پورہ میں65،کپوارہ میں52،گاندر بل میں44،کولگام میں19اور شوپیان میں14کیس سامنے آئے۔ اسی طرح جموں ضلع میں221،راجوری میں61،اُدھمپور میں31،کٹھوعہ میں42،ڈوڈہ میں86،سانبہ میں53،پونچھ میں77،رام بن میں47،ریاسی میں18جبکہ کشتواڑ ضلع میں35کورونا وائرس سے متاثرہ کیس سامنے آئے۔  

شوپیان انکاونٹر کی فوجی تحقیقات مکمل،ضوابط کی خلاف ورزی کا انکشاف

سرینگر//فوج نے جمعہ کو ایک بیان جاری کرتے ہوئے بتایا کہ اُس کی طرف سے امشی پورہ شوپیان انکاونٹر کی جو تحقیقات شروع کی گئی تھی ،وہ مکمل ہوگئی ہے اور اس کے دوران معلوم ہوا ہے کہ اس آپریشن کے دوران قواعد کی خلاف ورزی کی گئی ہے۔ فوج نے کہا ہے کہ حکام نے قواعد کی خلاف ورزی کا مرتکب پانے والوں کیخلاف فوجی قانون کے دائرے میں کارروائی کے احکامات صادر کئے ہیں۔ فوج نے اپنے بیان میں کہا”امشی پورہ آپریشن کی تحقیقات مکمل ہوگئی ہے جس کے دوران ایسی شواہد ملی ہیں جن سے پتہ چلتا ہے کہ افسپا کے تحت قواعد کا حد سے زیادہ استعمال کیا گیا ہے اور سپریم کورٹ کے احکامات کی بھی خلاف ورزی کی گئی ہے۔“۔ فوج کے بیان میں مزید بتایا گیا ہے”متعلقہ حکام نے ہدایت دی ہے کہ مرتکبین کیخلاف فوجی قانون کے تحت کارروائی شروع کی جائے“۔ فوج کی طرف سے جاری بیان میں بتایا گیا ہے کہ جو شواہد تحقی

بارہمولہ میں کروڑوں روپے مالیت کی منشیات ضبط، چار افراد گرفتار

سرینگر//پولیس نے جمعہ کے روز بتایا کہ اُنہوں نے شمالی کشمیر کے بارہمولہ ضلع میں کروڑوں روپے مالیت کی منشیات(کوکین) ضبط کرکے چار افراد کو گرفتار کیا ہے۔ ذرائع کے مطابق پولیس نے اولڈ ٹاون بارہمولہ میں چار مشتبہ افراد کو گرفتار کرکے اُن سے پوچھ تاچھ کی جس کے دوران گرفتار شدگان نے منشیات کے چھ پیکٹوں کا پتہ بتایا۔ان پیکٹوں میں منشیات (کوکین) جیسی چھ کلو گرام اشیا پائی گئی جس کی قیمت بین الاقوامی بازار میں کروڑوں روپے بنتی ہے۔ ذرائع نے گرفتار شدگان کی شناخت بلال میر ولد غلام محمد میر ساکن گلنار پارک،رفیق عرف کنجوال ولد محمد شعبان ساکن سعید کریم،طارق بہرو ولد عبد الرشید بہرو ساکن آزاد گنج اور شبیر احمد میر ولد حبیب اللہ میر ساکن اہن گاندر بل کے طور کی ہے۔ اس ضمن میں پولیس سٹیشن بارہمولہ میں ایف آئی آر نمبر160درج کرکے متعلقہ قانونی دفعات کے تحت تحقیقات شروع کی گئی ہے۔ پولیس ذر

کورونا انتظامات میں مدد کے لئے مرکزی وفد جموں کا دورہ کرے گا

نئی دہلی// جموں میں کورونا وائرس (کوویڈ 19) کے حالیہ معاملوں کے پیش نظر مرکزی وزارت صحت وخاندانی بہبود نے ایک اعلی سطح کے مرکزی وفد کو وہاں بھیجنے کا فیصلہ کیا ہے۔ وزارت صحت نے جمعہ کے روز کہا کہ اس دو رکنی وفد میں دہلی کے آل انڈیا انسٹی ٹیوٹ آف میڈیکل سائنس(ایمس) کے پلمونری کریٹیکل کیئر کے پروفیسر ڈاکٹر وجے ہڈا اور نیشنل سینٹر فار ڈیزیزکنٹرول (این سی ڈی سی) کے ڈائریکٹر ڈاکٹر سوجیت کمار سنگھ شامل ہوں گے۔ یہ مرکزی وفد جموں کے ضلع مجسٹریٹ اور محکمہ صحت کے عہدیداروں سے ملاقات کرنے کے ساتھ ہی بخشی نگر اور گاندھی نگر کے اسپتالوں کا دورہ کرے گا۔