کورونا وائرس کا پھیلاو ٹیکہ کاری کے بعد بھی جاری رہے گا:عالمی صحت تنظیم

جنیوا// عالمی صحت تنظیم (ڈبلیو ایچ او) کے ایک سینئر افسر نے مستقبل میں بڑے پیمانے پر ٹیکہ کاری کے بعد بھی کورونا وائرس کے مسلسل پھیلاو¿ کے خطرے کے تعلق سے وارننگ دی ہے۔ ڈبلیو ایچ او صحت پروگرام کے ایکزیکیٹیو ڈائرکٹر ڈاکٹر مائیکل ریان نے ایک ورچوول پریس کانفرنس میں کہا کہ ان کا ماننا ہے کہ دنیا کو اس وائرس کے خاتمے یا ضائع ہونے کے آغاز کو ویکسینیشن کی کامیابی کا پیمانہ نہیں سمجھا جانا چاہئے۔  ریان نے کہا ”یہ کامیابی کا پیمانہ نہیں ہے“۔  

راج پتھ پر تاریخی وراثت، ثقافتی وراثت اور فوجی طاقت کی جھلک

نئی دہلی// کورونا وبا کے سائے میں منائے جارہے 72 ویں یوم جمہوریہ کے موقع پر منگل کو حفاظت کے چاک و چوبند انتظامات کے دوران راج پتھ پر ملک کی تاریخی وراثت اور متنوع ثقافت کی دلکش اقسام اور فوجی طاقت کا حیرت انگیز نظارہ دکھائی دیا یوم جمہوریہ پر ملک میں مختلف پروگراموں کا انعقاد کیا گیا۔ اہم تقریب یہاں راج پتھ پر ہوئی، جس کی شروعات وزیراعظم نریندر مودی نے انڈیا گیٹ واقع قومی جنگی شہیدوں کی یادگار پر فوجیوں کو خراج عقیدت پیش کیا۔ یہاں شہیدوں کو گارڈ آف کمانڈر کے ذریعہ سلامی دی گئی اور ان کے احترام میں دو منٹ کی خاموشی اختیار کی گئی۔ خاموشی کے بعد ’راو¿ز‘ کی دھن بنائی گئی۔ اس دوران سروس اسکواڈ کی قیادت ہندوستانی فوج کے میجر وکاس سانگوان کررہے ہیں۔ اس کے بعد وزیراعظ? مودی اور دیگر معزز شخصیات نے سلامی کے اسٹیج کا رخ کیا۔ صدر جمہوریہ رام ناتھ کووند 46 سجے ہوئے گھڑسوار

کسانوں نے لال قلعہ پر اپنا جھنڈا لہرایا

نئی دہلی//کسانوں کی ٹریکٹر ریلی کے دوران مکربا چوک، ٹرانسپورٹ نگر، آئی ٹی او اوراکشردھام سمیت دیگرمقامات پر ہوئے تصادم کے درمیان کسانوں کا ایک جتھا لال قلعہ احاطے میں پہنچ کر کسانوں کا جھنڈا لہرادیا ہے۔ آئی ٹی او پر ٹکراو کے دوران بڑی تعداد میں کسانوں نے لال قلعہ احاطہ میں داخل ہوکر اپنا جھنڈا لہرادیا۔ پندرہ اگست کو جس مقام پر جھنڈا لہرایا جاتا ہے اس کے پاس ہی کسانوں نے اپنا پرچم لگادیا۔ سنگھو بارڈر سے بیریکیٹ توڑ کر آگے بڑھے کسانوں کا ٹرانسپورٹ نگر اور مکربا چوک پر ٹکراوکے بعد آئی ٹی او پر زبردست تصادم ہوا۔ پولیس نے کسانوں کی بھیڑ کو انڈیا گیٹ کی طرف بڑھنے سے روکنے کے لئے آنسو گیس کے گولے داغے اورلاٹھی چارج کیا۔ آئی ٹی او پر شدید ٹکراو میں کئی کسانوں کے ساتھ پولیس اہلکار بھی زخمی ہوئے ہیں۔ فی الحال آئی ٹی او پر صورت حال قابو میں ہے۔ کسان مظاہرے کے پیش نظر سمئے پوربادلی، حی

جموں میں بی ایس ایف نے 135 فٹ اونچے پول پر ترنگا لہرایا

جموں// بارڈر سکیورٹی فورس (بی ایس ایف) نے 72 ویں یوم جمہوریہ کے موقع پر منگل کو جموں کے مضافاتی علاقہ سچیت گڑھ میں بین الاقوامی سرحد کی اوکٹرائی پوسٹ کے نزدیک 135 فٹ اونچے پول پر ترنگا لہرایا ہے۔  یہ پول اس جگہ پر نصب کیا گیا ہے جہاں سے بین الاقوامی سرحد کی باڈ محض ایک سو میٹر کی دوری پر واقع ہے۔ آئی جی بی ایس ایف جموں این ایس جموال کے مطابق پول پر لہرایا جانے والا ترنگا نہ صرف جموں بلکہ پاکستان سے بھی دیکھا جائے گا۔  

کسانوں کی ٹریکٹر ریلی دہلی میں داخل، پولیس کے ساتھ تصادم آرائیاں

نئی دہلی// مرکزی حکومت کے تین زرعی قوانین کے خلاف تحریک چلانے والے کسان ٹریکٹر ریلی کے ساتھ زبردستی آئی ٹی او پہنچ گئے جہاں پر ان کے اور پولیس کے درمیان زبردست تصادم ہوااور پولیس نے لاٹھی چارج کیا اور آنسو گیس کے گولے داغے۔ اس سے پہلے کسان سنگھو بارڈر،غازی پور بارڈر سمیت کئی بارڈر پر بیریکیڈ توڑ کر دہلی میں گھسے۔اس دوران مکربا چوک،ٹرانسپورٹ نگر،نوئیڈا موڑ،اکشر دھام پر ان پولیس کے ساتھ تصادم ہوا۔ مظاہرین کو روکنے کےلئے پولیس نے آنسو گیس کے گولے داغے اور لاٹھیاں چلائیں لیکن کسان تصادم کے ساتھ آگے بڑھتے گئے۔آئی ٹی او کے پاس بڑی تعداد میں کسان ٹریکٹر کے ساتھ جمع ہوکر انڈیا گیٹ کی طرف بڑھنے لگے۔ پولیس نے مظاہرین کو روکنے کی کوشش کی لیکن وہ نہیں رکے۔ انہیں روکنے کےلئے پولیس نے لاٹھی چارج کی اور آنسو گیس کے گولے چھوڑے۔ دہلی کے الگ علاقوں سے وسطی دہلی کی طرف کسان مسلسل ٹریکٹر کے ساتھ ب

وادی کشمیر میں سخت سیکورٹی بندوبست کے بیچ یوم جمہوریہ تقاریب منعقد

سری نگر// وادی کشمیر میں منگل کو ملک کے 72 ویں یوم جمہوریہ کی تقریبات سخت سیکورٹی بندوبست کے بیچ منائی گئیں۔ وادی میں یوم جمہوریہ کی سب سے بڑی تقریب گرمائی دارالحکومت سری نگر میں واقع شیر کشمیر کرکٹ اسٹیڈیم میں منعقد ہوئی جہاں لیفٹیننٹ گورنر کے مشیر بصیر احمد خان نے پرچم کشائی کی رسم ادا کی اور مرکزی نیم فوجی دستوں، جموں وکشمیر پولیس، ہوم گارڈس اور فائر اینڈ ایمرجنسی سروس کے دستوں کی جانب سے پیش کئے جانے والے مارچ پاسٹ کی سلامی لی۔  

کشمیر میں یوم جمہوریہ کے موقع پر موبائل انٹرنیٹ خدمات معطل

سری نگر// وادی کشمیر میں ملک کے 72 ویں یوم جمہوریہ کی تقریبات کے پیش نظر تمام مواصلاتی کمپنیوں کی موبائل انٹرنیٹ خدمات معطل کردی گئی ہیں۔ سرکاری ذرائع نے بتایا کہ یہ قدم” امن دشمن عناصر“ کی جانب سے انٹرنیٹ خدمات کے غلط استعمال کو روکنے کے لئے اٹھایا گیا ہے۔  

ملک میں کورونا وائرس کے محض 9102 نئے کیس ظاہر

نئی دہلی// ملک میں گزشتہ 24 گھنٹوں کے دوران 33 ریاستوں اور مرکز کے زیرانتظام علاقوں میں کورونا کے فعال کیسز میں کمی آئی ہے۔ ملک میں بہار، چندی گڑھ اور لکشدیپ کو چھوڑ کر تمام ریاستوں اور مرکز کے زیرانتظام علاقوں میں کورونا کے فعال کیسز میں کمی آئی ہے۔ مرکزی وزارت صحت کی جانب سے منگل کی صبح جاری اعداد و شمار کے مطابق گذشتہ 24 گھنٹوں کے دوران کورونا کے9102 نئے کیس سامنے آئے ہیں جس سے متاثرین کی تعداد ایک کروڑ چھ لاکھ 76 ہزار سے زائد ہوگئی ہے۔  اس دوران15901 مریض صحت یاب ہوئے۔ اب کورونا سے ٹھیک ہونے والوں کی تعداد ایک کروڑ تین لاکھ 45 ہزار 985 ہوگئی۔ اسی دوران 117 مریض لقمہ اجل بنے اور مرنے والوں کی تعداد ایک لاکھ 53 ہزار 587 ہوگئی ہے۔  

جنوبی ضلع پلوامہ میں مبینہ جیش اعانت کار کا مکان سربمہر

پولیس نے پیر کے روز جنوبی ضلع پلوامہ کے علاقے کھریو میں جیش محمد کے ایک اعانت کار کے گھر کو گذشتہ سال جنوری میں سکیورٹی فورسز پر جنگجوﺅں کے حملے سے متعلق کیس میں منسلک کیا ۔اس حملے میں ایک فوجی اہلکار اور ایک پولیس اہلکار ہلاک ہوگئے تھے۔ پولیس نے بتایا کہ 21 جنوری 2020 کو ہوئے معرکے میں دو عسکریت پسند بھی مارے گئے تھے۔ پولیس نے بتایا کہ اس سلسلے میں تھانہ کھریو میں ایف آئی آر نمبر 03/2020 درج کیا گیا تھا۔ آج جاری ایک بیان میں اونتی پورہ پولیس نے بتایا کہ زینہ ترنگ گاو¿ں کھریو کے رہائشی کی غیر منقولہ جائیداد (مکان) کوقانون کی متعلقہ دفعات کے تحت تفتیش کی بنیاد پر منسلک کیا گیا۔ تاہم پولیس نے جنگجوﺅں کے مبینہ اعانت کار کی شناخت نہیں کی۔  

الطاف بخاری وزیر اعظم سے ملے،ریاستی درجہ اور فور جی انٹر نیٹ سروسز کی بحالی کا مطالبہ کیا

سرینگر//اپنی پارٹی کے سربراہ سید الطاف بخاری پیر کو نئی دہلی میں وزیر اعظم نریندر مودی سے ملے اور جموں کشمیر میں فور جی انٹرنیٹ سروسز اور ریاستی درجے کی بحالی کا مطالبہ کیا۔ اپنی پارٹی کے ایک بیان کے مطابق بخاری اور وزیر اعظم کے درمیان میٹنگ کم و بیش ایک گھنٹے تک جاری رہی جس کے دوران بخاری نے مودی کو مطالبات پر مشتمل ایک یادداشت پیش کی۔ بخاری نے جموں کشمیر کیلئے انڈسٹریل مالی پیکیج دینے کیلئے وزیر اعظم کا شکریہ ادا کیا۔ بیان کے مطابق بخاری نے وزیر اعظم سے مطالبہ کیا کہ جموں کشمیر کا ریاستی درجہ بحال کیا جائے اور یہاں فور جی انٹر نیٹ سروسز بحال کی جائیں۔انہوں نے وزیر اعظم سے جموں کشمیر کیلئے ایک روزگار پیکیج کا بھی مطالبہ کیا۔ بخاری نے کشمیری پنڈتوں کی وطن واپسی کے اقدامات اٹھانے کا بھی مطالبہ کیا ۔انہوں نے سرینگر ۔جموں شاہراہ کی خراب حالت کے بارے میں وزیر اعظم کو آگاہی

یوم جمہوریہ پر دارالحکومت دہلی کی سیکورٹی بے حد سخت

نئی دہلی// یوم جمہوریہ کی تقریب کے موقع پر قومی دارالحکومت میں زمین سے لے کر آسمان تک چاروں طرف سکیورٹی کے پختہ انتظامات کئے گئے ہیں اور اس کےلئے ہزاروں مسلح اہلکاروںکو تعینات کیا گیا ہے۔ دہلی پولیس کے ایک سینئر افسر نے بتایا کہ یوم جمہوریہ کے پیش نظر قومی دارالحکومت میں چپے چپے کی نگرانی کرکے سکیورٹی انتظامات چاک چوبند کئے گئے ہیں۔ یوم جمہوریہ کی تقریب کے ساتھ ساتھ کسانوں کی ٹریکٹر ریلی کےلئے بھی سکیورٹی کے فل پروف انتظامات کئے گئے ہیں۔  

ملک میں کورونا کیسز کی یومیہ تعداد 14000 سے نیچے

نئی دہلی// ملک میں کورونا وائرس کے نئے کیسز میں پچھلے 24 گھنٹوں کے دوران نمایاں کمی آئی ہے اور اس مدت کے دوران یومیہ کیسز 14 ہزار سے بھی کم رہی ہے ، جبکہ اسی عرصے میں موذی وبا کو شکست دینے والوں کی تعداد نسبتاً زیادہ رہی۔ دریں اثناملک میں اب تک 16 لاکھ 15 ہزار 504 افراد کی کوڈ 19 ویکسین کی ٹیکہ کاری ہوچکی ہے۔ پیر کی صبح مرکزی وزارت صحت کی جانب سے جاری اعداد و شمار کے مطابق گذشتہ 24 گھنٹوں کے دوران ملک میں کورونا وائرس کے 13203نئے کیسز رپورٹ ہوئے ہیں ، جس سے یہ تعداد ایک کروڑ چھ لاکھ 67 ہزارہو گئی ہے۔ اسی عرصے کے دوران13298 مریض صحت مند ہوئے ، جس کے بعد اس کی مجموعی تعداد ایک کروڑ تین لاکھ 30 ہزار 84 ہوگئی۔ ایکٹیو کیسز 226 سے گھٹ کر184142 رہ گئے۔ گزشتہ14 گھنٹوں کے دوران ملک میں کورونا کے 131 مریضوں کی موت سے ہلاک شدگان کی مجموعی تعداد ایک لاکھ 53 ہزار 470 ہوگئی۔ ملک میں شفای

بجبہاڑہ میں خاتون ہیٹر سے پیدا گیس سے دم گھٹنے کے نتیجے میں جاں بحق

سرینگر//جنوبی ضلع اننت ناگ کے بجبہاڑہ میں پیر کو ایک37سالہ خاتون کوئلے کی بخاری سے پیدا گیس کے نتیجے میں دم گھٹنے سے جاں بحق ہوگئی۔ نیوز ایجنسی کے این او کے مطابق مسعودہ اختر زوجہ عبد ارشید دھوبی اور اس کی بیٹی کو بجبہاڑہ کی کریوا کالونی میں ان کے گھر کے اندر بے ہوش پایا گیا۔ دونوں کو اسپتال پہنچایا گیا جہاں ڈاکٹروں نے مسعودہ کو مردہ قرار دیا جبکہ اُس کی بیٹی کو علاج کے بعد رخصت کیا گیا۔ میڈیکل سپر انٹنڈنٹ سب ضلع اسپتال بجبہاڑہ ڈاکٹر بی ایس تلا نے واقعہ کی تصدیق کی۔انہوں نے کہا کہ خاتون کی موت بظاہر گیس ہیٹر سے خارج ہونے والی گیس سے دم گھٹنے کے نتیجے میں ہوئی ہے۔  

سرینگر کے اسپتال میں سی آر پی ایف اہلکار حرکت قلب بند ہونے سے فوت

سری نگر// وسطی ضلع بڈگام میں تعینات ایک سینٹرل ریزرو پولیس فورس (سی آر پی ایف) اہلکار کی پیر کی صبح شیر کشمیر انسٹی چیوٹ آف میڈیکل سائسنز صورہ میں حرکت قلب بند ہونے سے موت واقع ہوئی۔ سرکاری ذرائع نے بتایا کہ شیر کشمیر انسٹی چیوٹ آف میڈیکل سائنسز صورہ میں زیر علاج ایک 50 سالہ سی آر پی ایف اہلکار کی پیر کی صبح حرکت قلب بند ہونے سے موت واقع ہوئی۔ متوفی اہلکار کی شناخت سدھیر پرتی ہار کے بطور ہوئی ہے جو سی آر پی ایف کی 86 بٹالین سے وابستہ تھا۔  

وادی میں سردی کی لہر جاری، سرینگر کا کم سے کم درجہ حرارت منفی5.2ڈگری درج

سرینگر//دو روز قبل آخری برفباری کے بعد وادی کشمیر میں سردی کی نئی لہر پیدا ہوگئی ہے تاہم محکمہ موسمیات کا کہنا ہے کہ فی الحال موسم خشک رہنے کی توقع ہے۔  محکمہ نے پیر کو بتایا کہ سرینگر میں گذشتہ رات کے دوران کم سے کم درجہ حرارت منفی5.2ڈگری سیلشیس ریکارڈ کیا گیا۔ پہلگام میں گذشتہ رات کا درجہ حرارت منفی11.9 ڈگری جبکہ گلمرگ میں منفی11.5ڈگری سیلشیس ریکارڈ کیا گیا۔ یاد رہے کہ اس سال وادی کشمیر میں گذشتہ تین دہائیوں میں سب سے کم درجہ حرارت درج کیا گیا جو ماہرین کے مطابق موسمیاتی تغیر کا نتیجہ ہے۔ وادی کشمیر میں فی الوقت شدید ترین سردی یعنی’چلہ کلان‘ کے ایام چل رہ ہیں۔40روز پر مشتمل یہ ایام22دسمبر2020کو شروع ہوئے اور ان کا اختتام31جنوری کو ہوگا۔  

عالمی ادارہ صحت نے مدینہ منورہ کو صحت افزا شہر قراردیا

الریاض// دنیا کے مسلمانوں کے انتہائی مقدس سعودی عرب کے شہر مدینہ منورہ کو ورلڈ ہیلتھ آرگنائزیشن (ڈبلیو ایچ او) نے دنیا کے صحت افزا شہروں میں سے ایک شہر قرار دے دیا۔ عالمی ادارہ صحت کی ایک ٹیم نے مدینہ منورہ کا دورہ کیا اور صحت سے متعلق تمام سہولیات کا جائزہ لیکر قرار دیا کہ صحت مند شہر کیلئے جتنے عالمی معیار طے کئے گئے تھے، مدینہ منورہ ان عالمی معیار پر پورا اترتا ہے۔ مدینہ منورہ کی آبادی 20 لاکھ سے زائد افراد پر مشتمل ہے۔ اس حوالہ سے عالمی ادارہ صحت نے سرٹیفکیٹ بھی جاری کردیا ہے۔ سعودی عرب کے وزیر صحت نے عالمی ادارہ صحت کی جانب سے مدینہ منورہ کو جاری کیا گیا صحت مند شہر کا سرٹیفکیٹ گورنر مدینہ شہزادہ فیصل بن سلمان کو پیش کیا۔  

کٹھوعہ میں بین الاقوامی سرحد پر 150 میٹر لمبی سرنگ دریافت

جموں// بارڈر سیکورٹی فورس (بی ایس ایف) نے جموں وکشمیر کے ضلع کٹھوعہ کے ہیرا نگر سیکٹر میں بین الاقوامی سرحد پر 150 میٹر لمبی سرنگ کا سراغ لگانے کا دعویٰ کیا ہے۔ سرکاری ذرائع نے بتایا کہ سیکورٹی فورسز نے ہفتے کے روز سرچ آپریشن کے دوران ایک سرنگ کا پتہ لگایا۔ یہ سرنگ بین الاقوامی سرحد پر پنسار علاقے میں کھودی گئی ہے جو پچیس سے تیس میٹر گہری ہے۔  

ضلع پونچھ میں جنگجووں کی کمین گاہ سے اسلحہ بر آمد

سرینگر// جموں وکشمیر کے ضلع پونچھ کے منڈی علاقے میں سیکورٹی فورسز نے ہفتہ کوجنگجوو¿ں کی ایک کمین گاہ کا پتہ لگاکراس میں موجود اسلح بر آمد کرنے کا دعویٰ کیا ۔ سرکاری ذرائع نے بتایا کہ مصدقہ اطلاع موصول ہونے پر بارڈر سیکورٹی فورس (بی ایس ایف) کے ایک ڈپٹی کمانڈنٹ کی قیادت میں فوج ، پولیس کی ایس او جی اور بی ایس ایف کی ایک مشترکہ ٹیم نے پونچھ کے منڈی علاقے کے ہاری گڈا گاو¿ں کے نزدیک جنگلات کا محاصرہ کرکے تلاشی آپریشن شروع کردیا۔ انہوں نے بتایا کہ آپریشن کے دوران جنگجوو¿ں کی ایک کمین گاہ کا پتہ لگایا گیا جہاں اسلح و گولہ بارود چھپایا گیا تھا جس کو ضبط کیا گیا ۔ ضبط شدہ اسلح میں ایک اے کے رائفل،تین اے کے میگزین،82گولیاں،تین چینی ساخت کے پستول،پانچ پستول میگزین،33پستول گولیاں،چار گرینیڈ، ایک یو بی جی ایل گرینیڈ اور ایک کینوڈ سیٹ شامل ہے۔(مشمولات یو این آئی)

شمالی کشمیر کے اوڑی میں کار اُلٹ گئی، تین سوار زخمی

سرینگر//شمالی ضلع بارہمولہ کے اوڑی علاقے میں ہفتہ کو ایک کار سڑک پر پھسلن کی وجہ سے اُلٹ گئی جس کے نتیجے میں اس کار میں سوار تین مسافر زخمی ہوگئے۔یہ حادثہ اوڑی کے چالن بونیار علاقے میں پیش آیا۔ تین زخمی مسافروں کی شناخت خادم حسین ولد بابر علی،حسن جان زوجہ خادم حسین اور نگینہ بیگم زوجہ اسحاق خان ساکنان بگنا سلام آباد کے طور ہوئی ہے۔ تینوں کو علاج و معاجہ کیلئے اسپتال منتقل کیا گیا ہے جہاں اُن کی حالت مستحکم ہے۔  

شمالی ضلع کپوارہ میں غیر مقامی ذہنی طور معذور خاتون کی لاش بر آمد

سری نگر// شمالی کشمیر کے ضلع کپوارہ میں ہفتہ کی صبح ایک غیر مقامی ذہنی طور معذورخاتون کی لاش بر آمد کی گئی۔ ذرائع نے بتایا کہ ضلع کپوارہ میں ایک غیر مقامی ذہنی طور معذور خاتون گذشتہ قریب آٹھ برسوں سے گھومتی پھرتی تھی جس کی لاش آج صبح رگی پورہ پل کے نزدیک پائی گئی۔ دریں اثنا ایک پولیس افسر نے واقعہ کی تصدیق کرتے ہوئے کہا ہے کہ لاش کو طبی لوازمات کی ادائیگی کے لئے ہسپتال منتقل کیا گیا ہے اور اس ضمن میں مزید تحقیقات شروع کی گئی ہے۔  

تازہ ترین