سرینگر کا 65سالہ شہری کورونا ٹیسٹ کیلئے نمونہ لئے جانے کے دوران جاں بحق

سرینگر//راولپورہ سرینگر کا ایک65سالہ شہری اسپتال میں اُس وقت انتقال کر گیا جب اُس سے کورونا ٹیسٹ کیلئے نمونہ لیا جارہا تھا۔ سی ڈی اسپتال سرینگر کے میڈیکل سپر انٹنڈنٹ نے نیوز ایجنسی جی این ایس کو بتایا کہ مذکورہ شہری کو کورونا ٹیسٹ کیلئے نمونہ لئے جانے کے دوران دل کا دورہ پڑا۔ انہوں نے مزید کہا کہ مذکورہ شہری کی میت کو اسپتال میں ہی رکھا گیا ہے اور اُس کے کورونا ٹیسٹ رپورٹ کا انتظار کیا جارہا ہے۔  

پلوامہ کی55سالہ خاتون کورونا سے ازجان،اموات کی تعداد183

سرینگر//جنوبی ضلع پلوامہ کی رہنے والی ایک55سالہ خاتون پیر کو کورونا کی وجہ سے جاں بحق ہوگئی جس سے جموں کشمیر میںمہلک مرض میں مبتلاءلوگوں کی اموات کی تعداد183تک بڑھ گئی۔ سی ڈی اسپتال کے میڈیکل سپر انٹنڈنٹ ڈاکٹر سلیم ٹاک نے نیوز ایجنسی جی این ایس کو بتایا کہ مذکورہ خاتون5جولائی سے زیر علاج تھی اور وہ نمونیا وغیرہ امراض میں بھی مبتلاءتھی۔ اس سے قبل آج صبح شمالی کشمیر سوپور کا ایک46سالہ شہری کورونا وائرس کی وجہ سے جاں بحق ہوگیا۔ وادی کشمیر کے اندر ہونے والی کورونا ہلاکتوں کی تعداد166تک جا پہنچی ہے جبکہ صوبہ جموں میں اب تک 17اموات ہوئی ہیں۔ وادی میں سب سے زیادہ متاثرہ ضلع سرینگر ہے جہاں 45اموات ہوئی ہیں۔  

کشمیر کے بیشتر علاقوں میں دوبارہ لاک ڈاون، بازار و سڑکیں سنسان

سرینگر// کورونا کے متاثرین او متوفین میں روز افزوں درج ہو رہے اضافے کے پیش نظر وادی کشمیر کے مختلف علاقوں بالخصوص سری نگر کے بیشتر علاقوں میں پیر کے روز دوبارہ لاک ڈاون نافذ کردیا گیا جس کی وجہ سے بازاروں اور سڑکوں پر ایک بار پھر ویرانی چھا گئی۔ سرینگر میں انتظامیہ نے لوگوں کے گھروں میں ہی بیٹھنے کو یقینی بنانے کے لئے سڑکوں کو سیل کردیا ہے اور سیکورٹی فورسز کی بھی سڑکوں اور اہم چوراہوں پر تعیناتی کو مزید بڑھادیا گیا ہے۔ واضح رہے کہ گذشتہ کچھ عرصہ سے وادی کشمیر میں کورونا کے متاثرین میں کافی تعداد میں اضافہ ہورہا ہے ۔  

کنگن میں ریچھ کے حملے میں شہری بری طرح زخمی

کنگن//گاندربل ضلع کے ڑیرون کنگن میں پیر کوایک شخص ریچھ کے حملے میں شدید زخمی ہوا جس کو علاج معالجہ کے لئے صورہ میڈیکل انسٹی چوٹ منتقل کیا گیا۔  کشمیر عظمیٰ کو ملی تفصیلات کے مطابق وسطی کشمیر کے ڑیرون کنگن میں ایک 50برس کا شخص عبدالرشید ٹنڈا ولد شمس الدین ٹینڈا ساکن ٹھیون کنگن اپنے رہائشی مکان کے صحن میں بیٹھا تھا کہ اس دوران وہاں ایک ریچھ نمودار ہوا جس نے مذکورہ شخص پر حملہ کردیا۔  مقامی لوگوں کے شور شرابہ سے ریچھ مذکورہ شخص کو بری طرح زخمی کرنے کے بعد وہاں سے بھاگ گیا۔ زخمی شہری کوسب ضلع ہسپتال کنگن لے جایا گیا جہاں سے ڈاکٹروں نے اس کو صورہ میڈیکل انسٹی چیوٹ منتقل کیا۔  

کورونا پھیلاﺅ کو روکنے کیلئے گاندربل میں کاروبار دو دنوں کیلئے بند

سرینگر//ضلع انتظامیہ گاندربل نے عوام سے کورونا وائرس کو پھیلنے سے روکنے کیلئے تعاون طلب کرتے ہوئے سبھی دکانوں اور تجارتی مراکز کو دو دنوں کیلئے بند رکھنے کے احکامات صادر کئے ہیں۔ حکام کے مطابق ضلع مجسٹریٹ گاندربل شفقت اقبال نے ضلع بھر میں آج جولائی 13اورکل 14کو دفعہ 144 نافذ رکھنے کے احکامات صادر کئے ہیں۔ یہ احکامات کورونا وائرس کو پھیلنے سے روکنے کیلئے جاری کئے گئے ہیں تاہم پابندیوں کا اطلاق ایمرجنسی سروسز پر نہیں ہوگا۔ ضلع انتظامیہ نے پولیس حکام پر زور دیا ہے کہ وہ پابندیوں کے احکامات کو سختی سے نافذ کریں۔  

ملک میں مسلسل دوسرے روز کورونا کے 28 ہزار سے زائد نئے کیس ظاہر

نئی دہلی// ملک میں کورونا وائرس کی شدت میں دن بہ دن اضافہ ہوتاجارہا ہے اور لگاتار دوسرے دن بھی ساڑھے 28 ہزار سے زیادہ کیس سامنے آئے ہیں ، جس سے متاثرہ افراد کی تعداد بڑھ کر تقریباً 8.78 لاکھ ہوگئی ہے۔ مرکزی وزارت صحت کی جانب سے پیر کے روز جاری تازہ ترین اعداد و شمار کے مطابق ملک بھر میں گذشتہ 24 گھنٹوں کے دوران کورونا وائرس کے 28701 نئے کیس رپورٹ ہوئے ہیں ، جو ایک دن میں سب سے زیادہ ہےں، جس سے متاثرہ افراد کی مجموعی تعداد بڑھ کر 878254 ہوگئی ہے۔ اس سے قبل اتوار کے روز 28637 کیس رپورٹ ہوئے تھے۔ کورونا وائرس کے تیزی سے بڑھتے ہوئے کیسز میں یہ راحت پہنچانے والی بات ہے کہ صحت مند افراد کی تعداد میں بھی مسلسل اضافہ ہورہا ہے۔ گذشتہ 24 گھنٹوں کے دوران 18850 مریض صحت مند ہو ئے جس کے بعد شفایاب ہونے والے مریضوں کی مجموعی تعداد 553471 ہوگئی ہے۔ ملک میں اس وقت کورونا وائرس کے 301609 فعال ک

سوپور کا46سالہ شہری کورونا سے جاں بحق، اموات کی تعداد182

سرینگر//شمالی کشمیر سوپور کا ایک46سالہ شہری کورونا وائرس کی وجہ سے پیر کے روز جاں بحق ہوگیا۔ اس طرح جموں کشمیر میں مہلک مرض سے ہونے والی اموات کی تعداد182ہوگئی ۔ مذکورہ شہری نیوز ایجنسی جی این ایس کے مطابق نمونیا وغیرہ میں مبتلاءتھا اور وہ سکمز صورہ میں انتقال کرگیا۔ ضلع کمشنر بارہمولہ ڈاکٹر جی این ایتو نے مذکورہ شہری کے انتقال کی تصدیق کرتے ہوئے کہا کہ وہ آج صبح پونے چھ بجے چل بسا۔ سوپور کے مذکورہ شہری کے از جان ہونے سے وادی کشمیر کے اندر ہونے والی کورونا ہلاکتوں کی تعداد165تک جا پہنچی ہے جبکہ صوبہ جموں میں اب تک 17اموات ہوئی ہیں۔ وادی میں سب سے زیادہ متاثرہ ضلع سرینگر ہے جہاں 45اموات ہوئی ہیں۔  

اننت ناگ میں فورسزآپریشن کے دوران تصادم، جنگجو جاں بحق : پولیس

سرینگر//پولیس نے پیر کو بتایا کہ سیکورٹی فورسز نے ایک آپریشن کے دوران جنوبی ضلع اننت ناگ میں ایک جنگجو کو جاں بحق کردیا ۔ پولیس نے کہا کہ ضلع کے سری گفوارہ علاقے میں فورسز اور جنگجوﺅں کے مابین معرکہ آرائی کے دوران ایک جنگجو جاں بحق ہوگیا۔ اس سے قبل جب فورسز نے سری گفوارہ میں جنگجوﺅں کی موجودگی کی مصدقہ اطلاع ملنے کے بعدوہاںتلاشی آپریشن شروع کیا تو جنگجوﺅں نے فورسز پر گولیاں چلائیں۔اس موقعہ پر وہاں معرکہ چھڑ گیا جس کے دوران پولیس کے مطابق ایک جنگجو جاں بحق ہوگیا جبکہ آپریشن جاری ہے۔  

کورونا وائرس پھیلاﺅ کو روکنے کیلئے ضلع کپوارہ میں پابندیاں نافذ

سرینگر//ضلع انتظامیہ کپوارہ نے کورونا وائرس کے پھیلاﺅ کو روکنے کیلئے پبلک ٹرانسپورٹ اور دکان کھولنے پر ہفتے میں تین دن کی پابندی کا اعلان کیا ہے۔ یہ فیصلہ ضلع میں گذشتہ کچھ دنوں سے کورونا وائرس میں مبتلاءافراد کی تعداد میں اضافے کو مد نظر رکھتے ہوئے لیا گیا ہے۔ اس سلسلے میں ضلع مجسٹریٹ کپوارہ نے ایک آرڈر جاری کرتے ہوئے کہا ہے کہ ضلع کی تمام دکانیں،بشمول کپوارہ ،ہندوارہ اور لنگیٹ قصبہ جات 12جولائی سے14جولائی تک بند رہیں گی۔ آرڈر میں سبھی قسم کی گاڑیوں کے چلنے پر بھی مکمل پابندی عائد کی گئی ہے۔  

پٹن کا73سالہ شہری کورونا سے از جان،اموات کی تعداد165

سرینگر//شمالی کشمیر کے بارہمولہ ضلع میں پٹن کا ایک73سالہ شہری ہفتے کو کورونا کی وجہ سے جاں بحق ہوگیا۔اس طرح کورونا سے مرنے والوں کی تعداد مسلسل بڑھتے ہوئے165تک جاپہنچی ہے۔یہ آج دن کے دوران ہونے والی چوتھی کورونا ہلاکت ہے۔ خبر رساں ایجنسی جی این ایس کے مطابق مذکورہ شہری کو دو روز قبل سکمز صورہ میں داخل کرایا گیا تھا جہاں وہ آج انتقال کرگیا۔ اس سے قبل آج دن کے دوران چار شہری کورونا کی وجہ سے جاں بحق ہوگئے۔ ان میں سے ایک کا تعلق اننت ناگ، دوسرے کا تعلق حیدر پورہ سرینگر ، تیسرے کا تعلق ترہگام کپوارہ جبکہ چوتھے کا تعلق جموں سے تھا۔  

بارہمولہ میں شادی کی بڑی تقریبات پر پابندی عائد،صرف8مہمانوں کو شرکت کی اجازت

سرینگر//ضلع انتظامیہ بارہمولہ نے کورونا وائرس کے پھیلاﺅ سے پیدا صورتحال سے نمٹنے کیلئے پورے ضلع میں شادی کی بڑی تقریبات پر پابندی عائد کی ہے۔یہ احکامات دیگر تقریبات پر بھی نافذ ہونگے۔ یہ فیصلہ ضلع میں کورونا کے بڑھتے کیسوں کی وجہ سے لیا گیا ہے۔ بارہمولہ میونسپل کونسل کے صدر کی طرف سے جاری ایک بیان میں بتایا گیا ہے کہ بارہمولہ میں کورونا کے پھیلاﺅ کی وجہ سے لوگوں میں تشویش پائی جارہی ہے اس لئے پابندیاں عائدکرنا ضروری بن گیا ہے۔ آرڈر کے مطابق شادی کی تقریبات میں صرف آٹھ مہمانوں کو شامل ہونے کی اجازت ہوگی۔شادی کی طرح ہی کسی دوسری تقریب میں بھی صرف آٹھ مہمانوں کو شرکت کی اجازت ہوگی اور یہ آرڈر اگلے احکامات تک نافذ رہے گا۔آرڈر میں بتایا گیا ہے کہ خلاف ورزی کرنے والے کیخلاف قانونی کارروائی کی جائے گی۔

جموں کا55سالہ شہری کورونا سے جاں بحق، اموات کی تعداد164ہوگئی

سرینگر//بری برہمنا جموں کا ایک55سالہ شہری ہفتے کو جی ایم سی جموں میں کورونا وائرس کی وجہ سے جاں بحق ہوگیا۔یہ آج دن کے دوران ہونے والی چوتھی ایسی ہلاکت تھی جس سے مہلک وائرس سے مرنے والوں کی تعداد164تک پہنچ گئی۔ جی ایم سی جموں کے میڈیکل سپر انٹنڈنٹ ڈاکٹر دارا سنگھ نے نیوز ایجنسی جی این ایس کو بتایا کہ مذکورہ شہری ذیابطیس سمیت کئی بیماریوں میں مبتلاءتھا۔اُسے29جون کو داخل کرایا گیا تھا اور وہ آج انتقال کرگیا۔ اس سے قبل آج وادی کشمیر میں کورونا کی وجہ سے تین شہری جاں بحق ہوگئے۔ان میں سے ایک کا تعلق اننت ناگ، دوسرے کا تعلق حیدر پورہ سرینگر جبکہ تیسرے کا تعلق ترہگام کپوارہ سے تھا۔

کورونا وائرس نے45سالہ شہری کی جان لی، اموات کی تعداد163

سرینگر//شمالی ضلع کپوارہ کا ایک45سالہ شہری ہفتے کو کورونا وائرس کی وجہ سے جاں بحق ہوگیا۔اس طرح مہلک وائرس سے مرنے والوں کی تعداد بڑھ کر163ہوگئی ہے۔ یہ گذشتہ24گھنٹوں کے دوران کورونا سے ہونے والی تیسری موت ہے۔ ترہگام کا رہنے والا مذکورہ مریض سی ڈی اسپتال میں دم توڑ بیٹھا۔اسپتال کے میڈیکل سپر انٹنڈنٹ ڈاکٹر سلیم ٹاک کے مطابق مذکورہ مریض کو 4جون کے روز صدر اسپتال سے منتقل کیا گیا تھا ۔ اُس کو وینٹی لیٹر پر رکھا گیاتھا اور وہ آج انتقال کرگیا۔ اس سے قبل آج جاں بحق ہونے والے دو مریضوں میں ضلع اننت ناگ کی ایک جواں سال خاتون اور حیدر پورہ سرینگر کا ایک77سالہ شہری شامل تھے۔  اننت ناگ ہاکورہ کی ایک24سالہ خاتون صدر اسپتال سرینگر میں انتقال کرگئی جبکہ حیدر پورہ کا شہری سکمز صورہ میں چل بسا۔  

کورونا متاثرین میں ریکارڈ27114 کیسوں کا اضافہ ،ملک میں519تازہ ہلاکتیں

نئی دہلی// ملک میں کوروناوائرس کے یومیہ کیسز بہت تیزی سے بڑھ رہے ہیں اور گذشتہ 24 گھنٹوں کے دوران 27114کیسزرپورٹ ہوئے ہیں جو ایک دن میں متاثرہ افراد کی سب سے زیادہ تعداد ہیں اور اسی عرصہ میں 519 افراد کی موت واقع ہوئی ہے۔ مرکزی وزارت صحت کی جانب سے ہفتہ کے روز جاری تازہ ترین اعداد و شمار کے مطابق ملک بھر میں گذشتہ 24 گھنٹوں کے دوران کورونا وائرس کے27114 نئے کیسز سامنے آئے ہیں ، جس سے متاثرہ افراد کی مجموعی تعداد 820916ہوگئی ہے۔ جمعہ کے روز ایک دن میں26506 نئے کیسز سامنے آئے تھے۔ کورونا وائرس متاثرین کی تعداد میں اضافہ کے درمیان راحت دینے والی بات یہ ہے کہ اس وبا سے شفایاب ہونے والوں کی تعداد میں بھی اضافہ ہوا ہے اوراس عرصہ کے دوران19873مریض صحت مند ہوئے ہیں جس سے شفایاب ہونے والوں کی مجموعی تعداد515386ہوگئی ہے۔ ملک میں اس وقت کورونا وائرس کے283407فعال کیس ہیں۔ ملک میں گذشتہ 24

جواں سال خاتون سمیت کورونا ہلاکتوں میں مزید2کا اضافہ

سرینگر//وادی میں ہفتے کو ایک جوان سال خاتون سمیت مزید دو کورونا مریض چل بسے اور اس طرح جموں کشمیر میں اس مہلک وائرس سے مرنے والوں کی تعداد162تک پہنچ گئی۔ آج جاں بحق ہونے والوں میں ضلع اننت ناگ کی ایک جواں سال خاتون اور حیدر پورہ سرینگر کا ایک77سالہ شہری شامل ہےں۔ خبر رساں ایجنسی کے این او کے مطابق اننت ناگ ہاکورہ کی ایک24سالہ خاتون صدر اسپتال سرینگر میں انتقال کرگئی جبکہ حیدر پورہ کا شہری سکمز صورہ میں چل بسا۔ صدر اسپتال کے میڈیکل سپر انٹنڈنٹ ڈاکٹر نذیر چودھری کے مطابق اننت ناگ کی خاتون کو لل دید اسپتال سے منتقل کیا گیا گیا تھا جہاں آپریشن کے بعد اُس نے ایک بچے کو جنم دیا تھا ۔وہ ہائی بلڈ پریشر اور دوسرے امراض میں بھی مبتلاءتھی اور وہ گذشتہ شب کے دوران انتقال کرگئی۔تاہم اُس کا بچہ سلامت ہے۔

شمالی کشمیر کے کپوارہ میں کنٹرول لائن پر 2در انداز جاں بحق: فوج

سرینگر//فوج نے ہفتے کی صبح دعویٰ کیا کہ انہوں نے شمالی کشمیر کے کپوارہ میںکنٹرول لائن پر نوگام سیکٹر میں جنگجوﺅں کی دراندازی کی کوشش کو ناکام بناتے ہوئے گھات حملے میں دو جنگجوﺅں کو جاں بحق کیا۔  فوج نے اپنے ایک مختصر بیان میں یہ بھی دعویٰ کیا کہ مارے گئے جنگجوﺅں کے قبضے سے 2 اے کے47بندوقیں اور دیگر اسلحہ بر آمد کیا۔ فوج کے مطابق”یہ کارروائی انتہائی سرعت میں عمل میں لاتے ہوئے در اندازی کی کوشش کو ناکام بناکر دو جنگجوﺅں کو جاں بحق کیا گیا“۔    

سپریم کورٹ کا اسکول فیس معافی سے متعلق درخواستوں پرسماعت انکار

نئی دہلی// سپریم کورٹ نے کورونا وائرس کے حوالہ سے ملک بھرمیں جاری لاک ڈاو¿ن کے تناظرمیں ملک بھرکے پرائیویٹ اسکولوں کو تین ماہ کی فیس معاف کرنے سے متعلق ہدایت دینےوالی عرضی پرجمعہ کوسماعت سے انکار کردیا۔ عدالت نے درخواست گزاروں کو مشورہ دیا کہ وہ اپنی شکایتیں متعلقہ ریاستوں کے ہائی کورٹس کے سامنے رکھیں۔ چیف جسٹس شرد اروند بوبڈے ، جسٹس آر سبھاش ریڈی اور جسٹس اے ایس بوپنا پرمشتمل ڈویڑن بنچ نے سشیل شرما اور دیگر کی درخواستوں پر سماعت سے انکار کرتے ہوئے کہا کہ اسکولوں کی فیسوں کے معاملہ کو متعلقہ ریاستوں کی ہائی کورٹس کے سامنے اٹھایا جانا چاہئے۔ یہ درخواست دہلی ، مہاراشٹر ، اتراکھنڈ ، ہریانہ ، گجرات ، پنجاب ، اڈیشہ ، راجستھان اور مدھیہ پردیش کی گارجین ایسوسی ایشنز کی جانب سے دائر کی گئی تھی جس میں اپریل،مئی اور جون کی فیس کی معافی کے احکامات دینے اور ملک بھر میں لاک ڈاو

کانپور ہلاکتوں کا ملزم وکاس دوبے مقابلے میں مارا گیا:پولیس

کانپور// اترپردیش کے کانپورمیں آٹھ پولیس اہلکاروں کو قتل کرنے کا کیلدی ملزم وکاس دوبے جمعہ کی صبح بھونتی علاقے کے قریب پولیس مقابلے میں مارا گیا۔ سینئر پولیس سپرنٹنڈنٹ دنیش کمار پی نے پریس کے نمائندوں کو بتایا کہ وکاس کو جمعرات کے روز اجین کے مہاکل علاقے میں گرفتار کیا گیا تھا۔ سیکورٹی فورسز اسے ٹرانزٹ ریمانڈ پر کانپور لا رہے تھے کہ بھونتی علاقہ کے قریب گاڑی الٹ گئی ، جس سے پولیس اور ایس ٹی ایف کے چار اہلکار زخمی ہوگئے۔ انہوں نے بتایا کہ جیسے ہی سیکورٹی اہلکار زخمی ہوئے وکاس نے ایک سیکورٹی اہلکار کی پستول لے کر فرار ہونے کی کوشش کی۔ پولیس ٹیم نے اسے گھیر لیا اور اسے ہتھیار ڈالنے کو کہا لیکن وہ نہیں ماناا اور پولیس ٹیم کو جان سے مارنے کی نیت سے فائر کرنے لگا۔ پولیس نے اپنی دفاع میں جوابی فائر نگ کی ، جس میں وکاس زخمی ہوگیا۔ اسے فوری طور پر لالہ لاجپت رائے اسپتال پہنچایا گیا جہاں

ملک میں پہلی بار ایک دن میں کورونا کے 26 ہزار سے زائد کیس ظاہر

نئی دہلی// ملک میں تیزی سے بڑھ رہے کورونا انفیکشن کے گذشتہ 24 گھنٹوں کے دوران 26506 کیس سامنے آئے ، جو اب تک ایک دن میں سب سے زیادہ ہیں۔ مرکزی وزارت برائے صحت و خاندانی بہبود کی کی جانب سے جمعہ کے روز جاری اعداد و شمار کے مطابق ملک بھر میں گذشتہ 24 گھنٹوں کے دوران کورونا وائرس کے26506 نئے کیس سامنے آئے ہیں ، جس سے کورونا متاثرین کی تعداد 793802 ہو گئی ہے۔ اس سے ایک روز قبل ہی سب سے زائد 24879 کیس سامنے آ ئے تھے۔ کورونا وائرس کے تیزی سے بڑھ رہے کیسز کے درمیان راحت کی بات یہ ہے کہ اس وبا سے صحت یاب ہونے والوں کی تعداد میں بھی اضافہ ہوا ہے اور اس دوران 19135 مریض صحت یاب ہوئے ہیں ، جن کو ملا کرمجموعی 495513 مریض صحت یاب ہوئے ہیں۔ فی الوقت ملک میں کورونا انفیکشن کے 276685 ایکٹو کیس ہیں۔ ملک میں گذشتہ 24 گھنٹوں کے دوران 475 ہلاکتوں سے ہلاک شدگان کی تعداد 21604 ہوگئی ہے۔  

پونچھ میں ایل او سی پر فائرنگ سے زخمی ہونے والی خاتون دم توڑ گئی

جموں// جموں وکشمیر کے ضلع پونچھ میں لائن آف کنٹرول (ایل او سی) کے بالاکوٹ سیکٹر میں منگل اور بدھ کی درمیانی شب کو ہندوستان اور پاکستان کی افواج کے درمیان گولہ باری کے نتیجے میں زخمی ہونے والی معمر خاتون دو دنوں تک جموں کے ایک ہسپتال میں موت و حیات کی کشمکش میں مبتلا رہنے کے بعد زندگی کی بازی ہار گئی ہے۔ سرکاری ذرائع نے بتایا کہ 60 سالہ حکام بی زوجہ محمد شریف ساکن لانجوٹے کو مناسب علاج ومعالجہ کے لئے گورنمنٹ میڈیکل کالج و ہسپتال جموں منتقل کیا گیا تھا جہاں اس نے جمعرات کی شام زندگی کی آخری سانسیں لیں۔ واضح رہے کہ ضلع پونچھ میں ایل او سی کے بالاکوٹ اور مینڈھر سیکٹروں میں منگل اور بدھ کی درمیانی شب کو ہندوستان اور پاکستان کی افواج کے درمیان گولہ باری کا شدید تبادلہ ہوا جس کے نتیجے میں سرحد کے اس پار 65 سالہ معمر خاتون ریشم ہلاک جبکہ 60 سالہ حکام بی شدید زخمی ہوگئی تھی۔  

تازہ ترین