ملک میں کورونا متاثرین میں 22752 کا اضافہ،مجموعی تعداد 7.42 لاکھ

نئی دہلی// ملک میں کووڈ 19 کے بڑھتے قہر کے درمیان کورونا سے متاثرہ افراد کی تعداد 7.42 لاکھ اور ہلاکتوں کی تعداد 20642 ہوچکی ہے۔ مرکزی وزارت صحت کی جانب سے بدھ کے روز جاری تازہ ترین اعداد و شمار کے مطابق ملک بھر میں گذشتہ 24 گھنٹوں کے دوران کوروناوائرس کے 22752 نئے کیسز سامنے آئے ہیں ، جس سے متاثرہ افراد کی مجموعی تعداد742417 ہوگئی ہے۔ اسی عرصہ میں ہلاک ہونے والوں کی تعداد 482 سے بڑھ کر 20642 ہوگئی ہے۔  

دو خواتین کی کورونا سے موت،ہلاکتوں کی تعداد145

سرینگر//سرینگر اور شوپیان کی دو خواتین بدھ کے روز کورونا وائرس میں مبتلاءہونے کی وجہ سے جاں بحق ہوگئیں۔ اس طرح جموں کشمیر میں مہلک وائرس سے مرنے والوں کی تعداد بڑھ کر145ہوگئی ہے۔ شوپیان کی70سالہ خاتون کو دو روز قبل صدر اسپتال سرینگرمیں داخل کرایا گیا تھا جہاں وہ میڈیکل سپر انٹنڈنٹ ڈاکٹر نذیر چودھری کے مطابق گذشتہ شب کے دوران انتقال کرگئی۔وہ نمونیا اور دوسرے امراض میں مبتلاءتھی۔ اس سے قبل سکمز صورہ میں نہرو پارک کی رہنے والی ایک 36سالہ خاتون انتقال کرگئی۔اُسے چھ روز قبل اسپتال میں داخل کرایا گیا تھا جہاں اُس کا کورونا ٹیسٹ مثبت آگیا۔ سکمز کے میڈیکل سپر انٹنڈنٹ پروفیسر فاروق جان نے خبر رساں ایجنسی جی این ایس کو بتایا کہ مذکورہ خاتون پہلے ہی ایک عارضے میں مبتلاءتھی۔ مذکورہ دو خواتین کے جاں بحق ہونے سے جموں کشمیر میں کورونا سے مرنے والوں کی تعداد145تک بڑھ گئی ہے ۔ کورون

پونچھ میں ایل او سی پر شدید گولہ باری، خاتون جاں بحق، دوسری زخمی

جموں// جموں وکشمیر کے ضلع پونچھ میں لائن آف کنٹرول (ایل او سی) کے بالاکوٹ اور مینڈھر سیکٹروں میں منگل اور بدھ کی درمیانی شب کو ہندوستان اور پاکستان کی افواج کے درمیان گولہ باری کا شدید تبادلہ ہوا جس کے نتیجے میں سرحد کے اس پار ایک معمر خاتون ہلاک جبکہ دوسری ایک شدید زخمی ہوگئی ۔ جموں میں تعینات دفاعی ترجمان نے بتایا کہ پونچھ میں ایل او سی کے بالاکوٹ اور مینڈھر سیکٹروں میں پاکستان کی طرف سے منگل اور بدھ کی درمیانی شب کو قریب دو بجے بھارتی فوج کی چوکیوں اور آبادی والے علاقوں کو نشانہ بنا کر بلا اشتعال گولہ باری شروع کی گئی۔ انہوں نے کہا کہ پاکستانی فوج نے ہلکے ہتھیاروں کے علاوہ مارٹر گولوں کا بھی استعمال کیا۔ دفاعی ترجمان نے مزید بتایا کہ بھارتی فوج نے بھی پاکستانی گولہ باری کا منہ توڑ جواب دیا اور گولہ باری کا سلسلہ رات کے قریب دو بجکر 45 منٹ پر رک گیا۔ سرکاری ذرائع نے ب

لیتہ پورہ دھماکہ کیس میں ساتویں گرفتاری: این آئی اے

سرینگر//قومی تحقیقاتی ایجنسی (این آئی اے) نے لیتہ پورہ پلوامہ دھماکہ کیس میں ساتویں گرفتاری عمل میں لائی ہے۔2019میں ہوئے اس دھماکے میں40سی آر پی ایف اہلکار ہلاک ہوگئے تھے۔ این آئی اے کی طرف سے جاری ایک بیان میں کہا گیا ہے کہ ایجنسی نے 5جولائی کے روزبلال احمد کوچھے ولد غلام نبی کوچھے ساکن حاجی بل ،کاکا پورہ کو گرفتار کرلیا ہے۔  بینڈ سا مشین چلانے والا کوچھے این آئی اے کے مطابق جیش سے وابستہ جنگجوﺅں کو ہر قسم کی مدد فراہم کرنے میں ملوث رہا ہے اور اُس نے لیتہ پورہ دھماکہ کرنے والے جنگجوﺅں کو بھی ہر ممکن امداد فراہم کی۔انہوں نے مذکورہ جنگجوﺅں کو موبائیل فون بھی فراہم کئے تھے۔ کوچھے کو آج این آئی اے نے خصوصی عدالت کے سامنے پیش کرکے اُس کی پوچھ تاچھ کی ریمانڈ حاصل کی۔ این آئی اے کے مطابق یہ لیتہ پورہ پلوامہ دھماکہ کیس میں ساتویں گرفتاری ہے۔  

جموں کشمیر میں پارکیں اور باغ کل سے کھلیں گے:بصیر خان

جموں کشمیر انتظامیہ نے منگل کو اعلان کیا کہ مرکز کے زیر انتظام علاقے میں کل سے پارکیں اور باغ کھلیں گے۔ خبر رساں ایجنسی جی این ایس کے مطابق لیفٹیننٹ گورنر کے مشیر بصیر احمد خان نے کہا”جموں کشمیر میں سبھی پارکیں اور باغ کل سے سر نو کھلیں گے“۔ انہوں نے کہا کہ ان باغوں اور پارکوں کی سیر کیلئے جانے والے ہر شخص کیلئے ماسک پہننا اور سماجی دوری اختیار کرنا لازم ہوگا ۔ انہوں نے مزید کہا کہ داخلوں پر تھرمل سکینر لگے ہونگے اور سینی ٹائزرکا استعمال بھی لازم ہوگا۔ یاد رہے کہ جموں کشمیر کے سبھی باغ اور پارکیں کورونا وائرس کی وجہ سے اس سال مارچ میں بند ہوئی تھیں۔  

راجوری میں بیلوں کی دوڑ کا مقابلہ کرانے والوں کے خلاف کیس درج

جموں// جموں و کشمیر کے ضلع راجوری کے ڈیرین نامی گاو¿ں میں بیلوں کی دوڑ کا مقابلہ کرنے کا اہتمام کرنے والوں کے خلاف پولیس نے کیس درج کر لیا ہے۔ یاد رہے کہ جموں وکشمیر میں کورونا کے متاثرین و متوفین کی تعداد میں تیزی سے ہو رہے اضافے کے بیچ بیلوں کی دوڑ کے اس مقابلے سے لطف انوز ہونے کے لئے لوگوں کا جم غفیر جمع ہوا تھا۔ ایس ایس پی راجوری چندن کوہلی نے بتایا ” ہمیں اطلاع موصول ہوئی کہ راجوری کے ڈیرین گاو¿ں میں کچھ مقامی لوگوں نے بیلوں کی دوڑ کے مقابلے کا اہتمام کیا ہے جس کا تماشہ دیکھنے کے لئے لوگ بڑی تعداد میں جمع ہوئے ہیں اور انہوں سماجی فاصلے رکھنے کے احکامات کی خلاف ورزی کی ہے“۔ کورونا وائرس کو پھیلنے سے روکنے کیلئے نافذقواعد و ضوابط کی خلاف ورزی کی پاداش میں مذکورہ دوڑ کا اہتمام کرنے والوں کیخلاف کیس درج کرلیا گیا ہے۔   

پلوامہ کے لاپتہ ڈرائیور کی لاش پانپور میں دریائے جہلم سے بر آمد

سرینگر//جنوبی ضلع پلوامہ کے ایک لاپتہ ڈرائیور کی لاش منگل کو پانپور میں دریائے جہلم سے بر آمد کی گئی۔ خبر رساں ایجنسی کے این او کے مطابق دریائے جہلم سے ریت نکالنے کے دوران پتل باغ پانپور میں کچھ لوگوں کی نظروں میں ایک لاش آگئی اور انہوں نے اس سلسلے میں پولیس کو مطلع کیا۔ بعد میں لاش کی شناخت 37سالہ مظفر احمد راتھر ولد غلام نبی ساکن مونگہ ہامہ پلوامہ کے طور کی گئی۔ مقامی ذرائع کے مطابق پیشے کے لحاظ سے ڈرائیور راتھر گذشتہ تین روز سے لاپتہ تھا۔ اس سلسلے میں پولیس نے کیس درج کرلیا ہے۔  

پلوامہ تصادم میں کوئی فوجی ہلاک نہیں ہوا:آئی جی پی کی وضاحت

سرینگر//انسپکٹر جنرل آف پولیس ،کشمیر (آئی جی پی ) وجے کمار نے منگل کے روزوضاحت کی کہ گوسو پلوامہ میں جنگجوﺅں کے ساتھ معرکہ آرائی کے دوران کوئی فوجی اہلکار ہلاک نہیں ہواہے ۔انہوں نے تاہم بتایا کہ جنگجوﺅں کیخلاف مذکورہ آپریشن کے دوران دو فوجی اہلکاروں اور ایک پولیس اہلکار کو چوٹیں آئیں۔ انہوں نے کہا کہ اس معرکہ آرائی کے دوران ایک جنگجو جاں بحق ہوگیا۔ خبر رساں ایجنسی جی این ایس کے مطابق آئی جی نے کہا”کوئی فوجی مرا نہیں البتہ دو فوجی اور ایک پولیس اہلکار زخمی ہوئے ہیں“۔ اس سے قبل اطلاعات میں بتایا گیا تھا کہ گوسو معرکہ آرائی میں ایک فوجی اہلکار اور ایک جنگجو ہلاک جبکہ ایک پولیس اہلکار زخمی ہوئے ہیں۔ یہ معرکہ گوسو نامی گاﺅں میں اُس وقت شروع ہوا جب فورسز نے وہاں جنگجوﺅں کی موجودگی کی اطلاع کے بعد تلاشی آپریشن شروع کیا ۔ اس آپریشن میں پولیس، فوج اور سی آر پی ایف کے

ملک میں کورونا کیسوں میں22252کا اضافہ،، اموات کی تعداد 20 ہزارسے متجاوز

نئی دہلی//ملک میں کورونا وائرس کے یومیہ کیسز دودن تک 24 ہزار سے زیادہ رہنے کے بعد گذشتہ 24 گھنٹوں کے دوران اس میں کسی حد تک کمی واقع ہوئی ہے ، لیکن اس عرصہ میں 467 افراد کی ہلاکت سے اموات کی مجموعی تعداد 20 ہزار سے متجاوز کر گئی ہے۔ منگل کو مرکزی وزارت صحت و خاندانی بہبود کی طرف سے جاری تازہ ترین اعداد و شمار کے مطابق ، گذشتہ 24 گھنٹوں کے دوران ملک بھر میں کورونا وائرس کے22252 نئے کیسز رپورٹ ہوئے ہیں ، جو گذشتہ ہفتے کے بعد سے سب سے کم ہیں۔ آج ملنے والے کیسز سے متاثرہ افراد کی مجموعی تعداد719665 ہوگئی ہے۔ ہفتہ کے روز 22771نئے کیسز درج ہوئے۔ اتوار کو 24850اور پیر کو24248 کیسز تھے۔ گذشتہ 24 گھنٹوں کے دوران کورونا وائرس کی زد میں آنے سے 467 افراد کی موت کے ساتھ ہی ہلاک شدگان کی تعداد بڑھ کر20160 ہوگئی ہے ۔  

بانڈی پورہ میں لاپتہ بچے کی لاش نالے سے بر آمد

سرینگر//لاپتہ ہونے کے دوسرے روز بانڈی پورہ کے مسلم آباد کے چھ سالہ بچے کی لاش منگل کے روز نالہ مدو متی سے بر آمد ہوئی۔ خبر رساں ایجنسی کے این او نے حکام کا حوالہ دیتے ہوئے لکھا کہ مذکورہ معصوم بچے کی لاش کو نالہ مدو متی سے آج صبح 5بجے ضلع پولیس لائینز کے نزدیک بر آمد کیا گیا۔ اس سے قبل بچے کے رشتہ داروں نے اُس کی تلاش ہر جگہ کی تھی۔ جاں بحق بچے کی شناخت انیس رفیق ولد محمد رفیق لون ساکن سملر، بانڈی پورہ کے طور کی گئی ہے۔ حکام کے مطابق بچے کی موت بظاہرپانی میں ڈوب جانے کی وجہ سے ہوئی ہے مگر مزید تحقیقات کیلئے کیس درج کرلیا گیا ہے۔  

بارہمولہ کی خاتون کورونا سے جاں بحق، اموات کی تعداد141

سرینگر//شمالی کشمیر کے بارہمولہ کی ایک60سالہ خاتون، جو کورونا میں مبتلاءتھی، سی ڈی اسپتال سرینگر میں چل بسی۔اس طرح جموں کشمیر میں مہلک وائرس سے مرنے والوں کی تعداد بڑھ کر141ہوگئی ہے۔ سی ڈی اسپتال کے میڈیکل سپر انٹنڈنٹ ڈاکٹر سلیم ٹاک نے خبر رساں ایجنسی جی این ایس کو بتایا کہ کنزر کی مذکورہ خاتون ہائی بلڈ پریشر اور ذیابطیس جیسے امراض میں مبتلاءتھی جس کے دوران اس کا کورونا ٹیسٹ بھی مثبت آیا ۔وہ3جولائی سے زیر علاج تھی اور منگل کی صبح انتقال کرگئی۔ مذکورہ خاتون کی موت گذشتہ24گھنٹوں کے دوران کورونا سے ہونے والی آٹھویں موت تھی۔  ابھی تک جموں کشمیر میں جو141افراد کورونا کی وجہ سے جاں بحق ہوئے ہیں اُن میں127اموات وادی کشمیر جبکہ14اموات صوبہ جموں میں ہوئی ہیں۔  

پلوامہ میں مسلح تصادم، فوجی اہلکار اور جنگجو جاں بحق

سرینگر//جنوبی ضلع پلوامہ میں منگل کی صبح سیکورٹی فورسز اور جنگجوﺅں کے مابین شروع ایک مسلح تصادم میں ایک فوجی اہلکار اور جنگجو ہلاک ہوگئے۔اس معرکہ میں ایک پولیس کے زخمی ہونے کی بھی اطلاعات ملی ہیں۔ یہ معرکہ گوسو نامی گاﺅں میں اُس وقت شروع ہوا جب فورسز نے وہاں جنگجوﺅں کی موجودگی کی اطلاع کے بعد تلاشی آپریشن شروع کیا ۔ خبر رساں ایجنسی جی این ایس کے مطابق مارے گئے جنگجو کی شناخت ہونا ابھی باقی ہے۔  اس جھڑپ میں ایک پولیس اہلکار اور فوجی کو گولیاں لگنے سے چوٹیں آئیں جنہیں علاج کیلئے اسپتال منتقل کیا گیا ہے تاہم فوجی زخموں کی تاب نہ لاتے ہوئے دم توڑ بیٹھا۔ اس آپریشن میں پولیس، فوج اور سی آر پی ایف کے اہلکار حصہ لے رہے ہیں۔  

این آئی اے کا سابق ڈی ایس پی دیوندر سنگھ کیس میں چارج شیٹ پیش

سرینگر//قومی تحقیقاتی ایجنسی (این آئی اے) نے پیر کو سابق ڈی ایس پی دیوندر سنگھ ،حزب جنگجو نوید بابو اور دوسرے ملزمان کیخلاف چارج شیٹ پیش کردیا۔ این اے آئی نے ایک بیان جاری کرتے ہوئے کہا کہ جموں میں پیش کئے گئے اس چارج شیٹ میں چھ افراد کو ملزم ٹھہرایا گیا ہے جن میں حزب المجاہدین جنگجو سید نوید مشتاق عرف نوید بابو،عرفان شفیع میر عرف ایڈوکیٹ، سابق ڈی ایس پی دیوندر سنگھ، حزب جنگجورفیع احمد راتھر،سابق ایل او سی ٹریڈر تنویر احمد وانی اور نوید بابو کا بھائی سید عرفان احمد شامل ہیں۔ یاد رہے کہ بنیادی طور پر اس کیس کے سلسلے میں قاضی گنڈ پولیس تھانے میں کیس درج تھا جہاں دیوندر سنگھ کو حزب جنگجوﺅں کو وادی سے باہر لیجانے کی کوشش کے دوران ایک گاڑی سے گرفتار کیا گیا۔دیوندر کی گرفتاری کا واقعہ 11 جنوری2020کو قاضی گنڈ کے میر بازار علاقے میں پیش آیا۔  بعد ازاں این آئی اے نے17جنوری کو ک

اُوڑی کی خاتون چل بسی، کورونا ہلاکتوں کی تعداد136

سرینگر//وادی کشمیر میں پیر کو کورونا وائرس کی وجہ سے تیسری ہلاکت کے بعد اس وائرس سے مرنے والوں کی تعداد136تک بڑھ گئی۔ سکمز صورہ کے میڈیکل سپر انٹنڈنٹ پروفیسر فاروق جان نے خبر رساں ایجنسی جی این ایس کو بتایا کہ55سالہ خاتون آج صبح سویرے چل بسی۔ بونیار اُوڑی کی مذکورہ خاتون عارضہ قلب میں مبتلاءتھی۔ اس سے قبل دوران شب بارہمولہ اور بڈگام کے دو شہری بھی چل بسے۔  

ملک میں کورونا انفیکشن کے 6.97 لاکھ کیس ، دنیا میں تیسرے نمبر پر

نئی دہلی// گذشتہ 24 گھنٹوں کے دوران ، کورونا انفیکشن کی بڑھتی ہوئی شدت کی وجہ سے ملک میں 24 ہزار سے زیادہ نئے کیس سامنے آئے ہیں اور اب انفیکشن سے متاثرہ ممالک کی فہرست میں ہندوستان تیسرے نمبر پر آگیا ہے۔ مرکزی وزارت صحت و خاندانی بہبود کی پیر کے روز جاری کردہ اعداد و شمار کے مطابق ، ملک بھر میں گذشتہ 24 گھنٹوں کے دوران کورونا انفیکشن کے 24248 نئے کیسز سامنے آئے ہیں ، جن میں انفیکشن کی کل تعداد 697413 ہوگئی ہے۔ اسی مدت کے دوران کورونا وائرس کی وجہ سے ہلاکتوں کی تعداد 19693 ہوگئی ہے۔ دریں اثنا ، انفیکشن سے نجات پانے والوں کی تعداد میں بھی مسلسل اضافہ ہورہا ہے اور گذشتہ 24 گھنٹوں کے دوران ، 15350 مریض صحت مند ہوگئے ہیں ، جنہیں ملاکر اب تک ک±ل 424433افراد اس بیماری سے ٹھیک ہوچکے ہیں۔ ملک میں اس وقت کورونا انفیکشن کے 253287 فعال معاملے ہیں۔  

کنگن میں غرقآب نوجوان کی لاش بر آمد، دوسرے کی تلاش جاری

کنگن//کل کجپارہ کنگن میں غرقآب ہوئے دو نوجوانوں میں سے ایک کی لاش کو پیر کے روز ڑنر کنگن سے برآمد کیا گیا ۔  کشمیر عظمیٰ کو پولیس ذرائع سے ملی تفصیلات کے مطابق گذشتہ روز نور باغ پالہ پورہ سرینگر کے دو نوجوان کجپارہ کنگن نہانے کے دوران غرقآب ہوئے تھے جس کے بعدمذکورہ نوجوانوں کو باز یاب کرنے کے لئے انتظامیہ نے پولیس ،مقامی لوگوں اور غوطہ خوروں کی خدمات حاصل کیں لیکن اندھیرے کے باعث تلاش کا کام روک دیا گیا ۔  ذرائع نے بتایا کہ سوموار کو دوبارہ مذکورہ نوجوانوں کی تلاش شروع کردی گئی جس کے دوران ایک کی لاش کو ڑنر کنگن کے مقام پر برآمد کیا گیا جبکہ دوسرے کی تلاش جاری ہے۔ لاش کی شناخت زاہد فاروق راتھر ولد فاروق احمد راتھر کے طور کی گئی ہے۔

کورونا سے مزید دو افراد جاں بحق،تعداد بڑھ کر135

سرینگر//حکام کے مطابق وادی کشمیر میں پیر کو مزید دو افراد کورونا وائرس کی وجہ سے جاں بحق ہوگئے۔ اس طرح جموں کشمیر میں اس وائرس سے مرنے والوں کی تعداد بڑھ کر135تک پہنچ گئی ہے۔ ذرائع کے مطابق آج مرنے والے دو افراد کا تعلق ضلع بارہمولہ اور ضلع بڈگام سے تھا۔ٹنگمرگ بارہمولہ کے شہری کی عمر90سال جبکہ کرالہ پورہ بڈگام کے شہری کی عمر56سال تھی۔ سی ڈی اسپتال کے میڈیکل سپر انٹنڈنٹ ڈاکٹر سلیم ٹاک نے خبر رساں ایجنسی جی این ایس کوبتایا کہ مختلف امراض میں مبتلاءبارہمولہ کا شہری26جون سے زیر علاج تھا اور وہ گذشتہ شب انتقال کرگیا۔  سکمز صورہ کے میڈیکل سپر انٹنڈنٹ ڈاکٹر فاروق جان کے مطابق بڈگام کا شہری آج صبح سویرے انتقال کرگیا اور وہ گردوں کی تکلیف میں مبتلاءتھا۔  

امرناتھ یاترا کے لئے پوری طرح تیار ہیں:سی آر پی ایف

سرینگر// سینٹرل ریزرو پولیس فورس (سی آر پی ایف) کے سپیشل ڈائریکٹر جنرل جموں و کشمیر زون ذوالفقار حسن نے کہا ہے کہ سالانہ امرناتھ یاترا کے پر امن اور احسن طریقے سے انجام دہی کو یقینی بنانے کے لئے سی آر پی ایف پوری طرح سے تیار ہے۔ یاد رہے کہ کورونا وائرس کے پیش نظر امسال سالانہ امرناتھ یاترا محدود پیمانے پر ہوگی تاہم انتظامیہ کی طرف سے اس ضمن میں فی الوقت کوئی حتمی فیصلہ نہیں لیا گیا ہے۔ ذرائع کے مطابق وبا کے پیش نظر امسال یاترا کی مدت کو محدود کیا جائے گا اور یاترا میں شرکت کرنے والوں کی تعداد میں بھی کمی کی جائے گی۔  

لداخ میں 4.5 شدت کا زلزلہ، کسی جانی یا مالی نقصان کی اطلاع نہیں

سرینگر// لداخ یونین ٹریٹری میں جمعرات کو زلزلے کے ہلکے جھٹکے محسوس کئے گئے۔ ریکٹر سکیل پر زلزلے کی شدت 4 اعشاریہ 5 ریکارڈ کی گئی ہے تاہم زلزلے سے کسی بھی جانی یا مالی نقصان ہونے کی کوئی اطلاع نہیں ہے۔ نیشنل سینٹر فار سیسمولوجی کے مطابق: 'لداخ میں جمعرات کو دوپہر کے وقت قریب ایک بجکر 11 منٹ پر زلزلے کے ہلکے جھٹکے محسوس کئے گئے۔  

پونچھ میں کنٹرول لائن پر ہند۔پاک افواج کے مابین گولہ باری

سرینگر//ضلع پونچھ میں کنٹرول لائن پر بھارت اور پاکستان کی افواج نے جمعرات کے روز گولہ باری کا تبادلہ کیا۔ دفاعی ذرائع کے مطابق پاکستان نے کیرنی سیکٹر میں جنگ بندی کی خلاف ورزی کرتے ہوئے بھارتی چوکیوں کو نشانہ بنایا۔ مذکورہ ذرائع کے مطابق بھارتی افواج نے بھی پاکستانی گولہ باری کا ”بھر پور“ جواب دیا۔