اُوڑی بونیار میں12سالہ بچہ دریائے جہلم میں ڈوبنے کے بعد لاپتہ

اُوڑی//شمالی ضلع بارہمولہ کے اُوڑی میں بدھ کو ایک12سالہ بچہ دریائے جہلم میں ڈوب کر لاپتہ ہوگیا۔یہ واقعہ اُوڑی کے بونیار علاقے میں پیش آیا۔ جاں بحق بچے کی شناخت شاہد احمد ولد مرحوم نور محمد کنیال ساکن نوشہرا ،اُوڑی کے طور ہوئی ہے۔ ایک پولیس آفیسر نے بتایا کہ مذکورہ بچہ اپنے دوستوں کے ہمراہ نہا رہا تھا جس کے دوران وہ غرقآب ہوکر لاپتہ ہوگیا۔ ایس ڈی پی او اُوڑی جنید والی کے مطابق بچے کی تلاش جاری ہے۔  

راجیہ سبھا کی کاروائی کورونا وبا کے پیش نظر غیر معینہ مدت کے لئے ملتوی

نئی دہلی// کورونا کی وبا کی وجہ سے پیدا ہونے والی غیر معمولی صورتحال کے پیش نظر راجیہ سبھا کے 252 ویں اجلاس کی کارروائی بدھ کو مقررہ مدت سے قبل غیر معینہ مدت تک ملتوی کردی گئی۔ راجیہ سبھا کے چیئرمین ایم وینکیا نائیڈو نے مان سون اجلاس کی کارروائی غیر معینہ مدت تک ملتوی کرنے سے قبل اپنے اختتامی بیان میں کہا ہے کہ کورونا کی وبا کی وجہ سے پیدا ہونے والے غیر معمولی حالات کے پیش نظر ایوان کی کارروائی متعینہ مدت یکم اکتوبر سے پہلے آج ہی ملتوی کی جارہی ہے۔ سیشن کا آغاز 14 ستمبر کو خصوصی حفاظت اور صحت سے متعلق احتیاطی تدابیر کے ساتھ کیا گیا تھا۔  نائیڈو نے کہا کہ متعینہ شیڈول کے مطابق اس اجلاس میں ایوان کی 18 میٹنگیں ہونی تھیں لیکن صرف 10 میٹنگیں ہوسکی ہیں۔ انہوں نے اجلاس کی کاروائی پر اطمینان کا اظہار کیا لیکن ایوان میں حزب اختلاف کے رویے پر بھی تشویش کا اظہار کیا۔ انہوں نے امید ظ

شمالی کشمیر کے ہندوارہ میں بزرگ شہری ریچھ کے حملے میں زخمی

سرینگر//شمالی ضلع کپوارہ کے ہندوارہ علاقے میں بدھ کو ایک65سالہ شہری ریچھ کے حملے میں زخمی ہوگیا۔ حکام نے زخمی شہری کی شناخت ولی محمد شیخ ولد حبیب اللہ شیخ ساکن ڈولی پورہ تحصیل ویلگام ہندوارہ کے طور کی۔ انہوں نے کہا کہ مذکورہ شہری آج صبح اپنے گھر کے باہر تھا جب ریچھ اُس پر حملہ آور ہوا۔ ایس ایچ او ویلگام محمد اسماعیل نے نیوز ایجنسی جی این ایس کو بتایا کہ زخمی شہری کو علاج و معالجہ کیلئے سرینگر منتقل کیا گیا ہے۔  

ملک میں کوروناوائرس کے83347نئے کیس، تعداد5646011

نئی دہلی//مرکزی وزارت صحت اور خاندانی بہبود کی طرف سے بدھ کے روز جاری کردہ اعداد و شمار کے مطابق ، گذشتہ 24 گھنٹوں کے دوران ملک میں کورونا وائرس کے83347 نئے کیس رپورٹ ہوئے اور اس کے ساتھ ہی متاثرہ افراد کی مجموعی تعداد5646011ہوگئی۔  عالمی وبا ئی وائرس کی وجہ سے گذشتہ 24 گھنٹے کے دوران مہاراشٹر ، کرناٹک اور اتر پردیش میں 552 اموات ہوئیں ، جو اس دوران ملک میں کل 1085 اموات کا 50.86 فیصد ہے۔ مہاراشٹر میں ، اس عرصے کے دوران کوویڈ 19 کے 392 مریضوں کی موت ہوگئی ، وہیں کرناٹک میں 83 اور اترپردیش میں 77 افراد کی اس سے موت ہوئی ہے۔

پلوامہ میں فورسز پر جنگجوﺅں کی فائرنگ،کوئی نقصان نہیں

سرینگر//مشتبہ جنگجوﺅں نے بدھ کو جنوبی قصبہ پلوامہ میں فورسز کی ایک پارٹی پر حملہ کیا تاہم اس واقعہ میں کسی کے جاں بحق یا زخمی ہونے کی کوئی اطلاع نہیں ہے۔  نیوز ایجنسی جی این ایس کے مطابق جنگجوﺅں نے فورسز پر قصبہ میں گولیاں چلاکر حملہ کیا جس کے فوراً بعد فورسز کی بھاری جمعیت نے علاقے کا محاصرہ کرکے تلاشی آپریشن شروع کیا۔ آخری اطلاعات ملنے تک تلاشی آپریشن جاری تھا  

پولیس کے550سے زیادہ افسران کی ترقی اور ریگو لرائزیشن کے احکامات صادر

سرینگر//جموں کشمیر کے لیفٹیننٹ گورنر منوج سنہا نے بدھ کو 550سے زیادہ پولیس افسران کی ریگو لرائزیشن اور ترقی کے احکامات صادر کئے۔ان میں ایس پی اورڈی ایس پی رینک کے افسران بھی شامل ہیں۔ ایک سرکاری بیان میں کہا گیا ہے کہ ایسا کرکے تین دہائیوں پرانا سینئارٹی سے متعلق تنازع حل ہوگیا ہے ۔ بیان کے مطابق ایل جی سنہا نے کہا کہ جموں کشمیر پولیس ملی ٹنسی کیخلاف اول صف میں کھڑا ہے اور یہ قانون کا احترام کرنے والے شہریوں کو محفوظ ماحول فراہم کرنے میں پیش پیش ہے۔ فی الوقت ایسے 550سے زیادہ افسران کی ریگولرائزیشن یا ترقی عمل میں لائی گئی ہے جن کے کیس2007سے التواءمیںپڑے ہوئے تھے۔ان میںایسے 440ایس پی اور ڈی ایس بھی شامل ہیں جو اس وقت اپنے فرائض انجام دے رہے ہیں ۔      

پونچھ میں کنٹرول لائن پر تین سیکٹروں میں بھارتی چوکیوں پر پاکستان کی شیلنگ

سرینگر//حکام نے بدھ کو کہا کہ پاکستان کی افواج نے پونچھ ضلع میںکنٹرول لائن پر تین سیکٹروں میں بھارت کی اگلی چوکیوں کو مارٹر شیلنگ سے نشانہ بنایا۔ ایک دفاعی ترجمان کے مطابق پاکستان نے آج صبح کسی اشتعال کے بغیر جنگ بندی معاہدے کی خلاف ورزی کرتے ہوئے پونچھ کے کیرنی، قصبہ اور شاہپور سیکٹروں میں چھوٹے ہتھیاروں سے بھارت کی چوکیوں کو شدید گولہ باری کا نشانہ بنایا۔ ترجمان نے کہا کہ بھارتی افواج نے پاکستانی فائرنگ کا ”بھر پور اور مناسب“ جواب دیا۔ قابل ذکر ہے کہ گذشہ ہفتے ضلع راجوری میں کراس کنٹرول لائن گولہ باری میں ایک فوجی ہلاک اور دو زخمی ہوئے تھے۔2ستمبر کے روز ایک اور ایسے ہی واقعہ میں ضلع راجوری میں ہی ایک جے سی او ہلاک ہوا تھا۔  

ترکی دوسرے ممالک کی خودمختاری کا احترام کرنا سیکھے: ہندوستان

اقوام متحدہ// جموں و کشمیر کے حوالہ سے اقوام متحدہ کی جنرل اسمبلی میں ترکی کے صدر رجب طیب اردگان کے بیان پر اقوام متحدہ میں ہندوستان کے مستقل نمائندہ ٹی ایس ترومورتی نے سخت احتجاج کرتے ہوئے کہا ہے کہ ترکی کو دوسرے ممالک کی خودمختاری کااحترام کرنا سیکھنا چاہئے۔  ترومورتی نے ٹوئٹ کیا”ہم نے مرکز کے زیر کنٹرول ریاست جموں اور کشمیر کے حوالہ سے ترکی کے صدر کے بیان کو پڑھا ہے اوران کا ہندوستان کے اندرونی معاملات میں ان کی مداخلت قطعی طور پر ناقابل قبول ہے۔ ترکی کو دوسرے ممالک کی خودمختاری کا احترام کرنا سیکھنا چاہئے، اور اپنی پالیسیوں پر غور کرنا چاہئے“۔ یاد رہے کہ ترک صدر رجب طیب اردگان نے اقوام متحدہ کی جنرل اسمبلی سے کشمیر پر ایک بار پھر کہا ہے ” مسئلہ کشمیر ایک سلگتا ہوا مسئلہ ہے اور جموں و کشمیر کو خصوصی ریاست کا درجہ دینے والے آرٹیکل 370 کے خاتمے کے بعد مس

جموں کے اکھنور سیکٹر میں ہتھیار و گولہ بارود ضبط

سرینگر//جموں کشمیر پولیس نے منگل کے روزصوبہ جموں کے ایک گاﺅںمیں ہتھیار اور گولہ بارود ضبط کیا جس میں اے کے بندوقیں اور پستول شامل ہیں۔ سرکاری ذرائع کے مطابق ضبط شدہ ہتھیاروں میں تین اے کے بندوقیں بشمول90گولیاں شامل ہیں اور یہ اکھنور سیکٹر میں ایک مصدقہ اطلاع کے بعد بر آمد کی گئیں۔ اطلاعات میں سرکاری ذرائع نے شبہ ظاہر کیا ہے کہ مذکورہ ہتھیاروں کو وہاں پاکستان نے گرایا ہوگا۔  

گاندر بل میں دریائے سندھ سے بوسیدہ انسانی ڈھانچہ بر آمد

سرینگر//وسطی کشمیر کے گاندربل میں منگل کو دریائے سندھ سے ایک بوسیدہ انسانی ڈھانچہ بر آمد ہوا۔ اطلاعات کے مطابق اس ڈھانچے کو مقامی لوگوں نے نالے میں تیرتے دیکھ کر پولیس کو مطلع کیا۔ ایس ایس پی گاندربل خلیل پوسوال کے مطابق یہ انسانی ڈھانچہ انتہائی بوسیدہ حالت میں ہے اور یہ دریائے سندھ کے اسی علاقے کے آس پاس ملا ہے جہاں ایک ماہ قبل انسانی جسم کے کچھ حصے بشمول ٹانگیں پائی گئی تھیں۔ پولیس نے اس ضمن میں تحقیقات شروع کی ہے۔  

کوآپریٹو بینکوں کی نگرانی کیلئے آر بی آئی کو زیادہ اختیارات دینے والی بینکنگ ریگولیشن بل پاس

نئی دہلی// کوآپریٹو بینکوں کی بحالی اور نگرانی کے لئے ریزرو بینک آف انڈیا (آر بی آئی) کو زیادہ اختیارات دینے والے بینکنگ ریگولیشنز (ترمیمی) بل 2020 کو منگل کو راجیہ سبھا میں صوتی ووٹوں سے منظور کر لیا گیا۔ لوک سبھا (ایوان زیریں )پہلے ہی اس کی منظوری دے چکی ہے۔ اس بل پر ایک مختصر بحث کے جواب میں وزیر خزانہ نرملا سیتارمن نے کہا کہ کوآپریٹو بینکوں کا ریگولیشن 1965 سے ہی آر بی آئی کے پاس ہے۔ اس میں کوئی نئی بات نہیں ہے۔ یہ جمع کرنے والوں کے مفاد میں ہے اور جمع کرنے والوں کے تحفظ کے لئے یہ قانون لایا گیا ہے۔ سیتارمن نے کہا کہ یہ قانون مرکزی حکومت کو کوآپریٹو بینکوں کے ریگولیشن کا اختیار نہیں دیتا ہے۔ یہ صرف آر بی آئی کو کوآپریٹو بینکوں کی بینکاری سرگرمیوں کو ریگولرائز کرنے کی طاقت دیتا ہے۔ انہوں نے پنجاب اور مہاراشٹر کوآپریٹو (پی ایم سی) بینک کا حوالہ دیتے ہوئے کہا کہ اس قانون سے ایسے و

ضروری اشیا ءترمیمی بل پر پارلیمنٹ کی مہر

نئی دہلی// راجیہ سبھا نے منگل کو ضروری اشیا (ترمیمی) بل ،2020 کو اپوزیشن کی غیر موجودگی میں صوتی ووٹنگ سے پاس کردیا جس میں اناج، دلہن،تلہن ،کھاد تیل،پیاز اور آلو کو ضروری اشیا کی فہرست سے ہٹانے کا التزام ہے۔ لوک سبھا نے اس بل کو پچھلے ہفتے پاس کیا تھا۔ اس طرح اس بل پر آج پارلیمنٹ کی مہر لگ گئی۔ اس بل کے قانون بننے پر نجی سرمایہ کاروں کو ان کے کاروبار کو چلانے میں زیادہ ریگولیٹری مداخلت کا خدشہ دور ہوجائےگا۔ پیداوار ،پیداوار کی حد، آمدو رفت ،تقسیم اور فراہمی کی آزادی سے فروخت کی معیشت کو بڑھانے میں مدد ملے گی اور زرعی شعبہ میں نجی شعبہ /غیر ملکی براہ راست سرمایہ کاری متوجہ ہوگی۔ ایوان بالا میں صارفین معاملے،خوراک اور عوامی تقسیم کے وزیر مملکت راو صاحب دانوے نے اس بل کو پیش کیا۔اس کے بعد ایوان میں اس پر اپوزیشن کی غیر موجودگی میں بحث ہوئی۔ بحث کا جواب دیتے ہوئے دانوے نے ک

ملک میں کورونا وائرس کے 75083 نئے کیس ، مجموعی تعداد5562664

نئی دہلی// ملک کی 19 ریاستوں اور مرکزکے زیرانتظام علاقوں میں گذشتہ 24 گھنٹوں کے دوران کورونا وائرس کے فعال معاملوں میں کمی واقع ہوئی ہے۔ مہاراشٹر ، آندھرا پردیش اور کرناٹک ان ریاستوں میں شامل ہیں جن میں سب سے زیادہ فعال معاملات میں کمی واقع ہوئی ہے۔ مہاراشٹر میں 16613 ، آندھرا پردیش میں 4318 اور کرناٹک میں 2708 سرگرم معاملوں میں کمی واقع ہوئی ہے۔ اس کے علاوہ ، آندھرا پردیش ، اروناچل پردیش ، بہار ، چنڈی گڑھ ، دادرا اور نگر حویلی اور دمن دیﺅ ، دہلی ، گوا ، ہریانہ ، جموں و کشمیر ، جھارکھنڈ ، کرناٹک ، کیرالہ ، مہاراشٹر ، ناگالینڈ ، پدوچیری ، پنجاب ، تمل ناڈو ، اتراکھنڈ اور اترپردیش میں بھی کورونا کے فعال معاملے کمی سے دیکھنے میں آئے ہیں۔ مرکزی وزارت صحت و خاندانی بہبود کی منگل کے روز جاری کردہ اعداد و شمار کے مطابق ، گذشتہ 24 گھنٹے کے دوران ملک میں سرگرم معاملوں کی تعداد27438 کم ہو

نقب زنوں کی سرینگر میں رحباب صاحب ؒ کے آستان عالیہ میں چوری

سرینگر//نقب زنوں نے سرینگر کے عالی کدل علاقہ میں واقع رحباب صاحب ؒ کے آستان عالیہ سے نقدی اڑالی۔یہ سرینگر میں حالیہ دنوں کے دوران اپنی نوعیت کا دوسرا واقعہ ہے ۔ نیوز ایجنسی کے این او کے مطابق نقب زنوں نے گذشہ رات کے دوران مذکورہ آستان عالیہ میں نقب لگاکر لوہے سے بنی سیف توڑ کر اُس میں نذر و نیاز کی رقم پر ہاتھ صاف کرلیا۔ یاد رہے کہ نقب زنوں نے 12ستمبر کے روز خانیار میں واقع شیخ عبد القادر جیلانی ؒ کے آستان عالیہ سے بھی نقدی چرالی تھی۔ دریں اثناءمقامی آبادی نے چوری کی اس واردات پر گہری تشویش کا اظہار کیا ہے۔ اس دوران پولیس نے واقعہ کا نوٹس لیتے ہوئے تحقیقات شروع کی ہے۔  

شمالی ضلع بارہمولہ میں این آئی اے کے تازہ چھاپے

 بارہمولہ //قومی تحقیقاتی ایجنسی (این آئی اے) نے منگل کی صبح شمالی کشمیر کے بارہمولہ ضلع کے کئی علاقوں میں چھاپے مارے۔  ذرائع سے معلوم ہوا ہے کہ این آئی اے کی ٹیم نے سی آر پی ایف اور پولیس کے ہمراہ ضلع بارہمولہ کے پلہالن پٹن کے غلام رسول وازہ کے گھر پر چھاپا مارا۔ اس کے علاوہ کانسپورہ اور ضلع کے دیگر مقامات پر بھی این آئی کی طرف سے چھاپے مارے گئے۔ تفصیلات کا انتظار ہے

چرار معرکہ آرائی میں عدم شناخت جنگجو جاں بحق،آپریشن جاری

سرینگر//وسطی کشمیر میں بڈگام ضلع کے چرار شریف علاقے میں منگل کی صبح فورسز اور جنگجوﺅں کے مابین معرکہ آرائی کے دوران ایک جنگجو جاں بحق ہوگیا۔ پولیس نے ایک جنگجو کے جاں بحق ہونے کی تصدیق کرتے ہوئے کہا کہ مذکورہ جنگجو کی شناخت ہونی باقی ہے۔ یاد رہے کہ پولیس، سی آر پی ایف اور فوج نے گذشتہ شام مشترکہ طور چرار شریف میں تلاشی آپریشن شروع کیا اور جب فورسز اہلکار گھر گھر تلاشی میں مصروف تھے تو چھپے جنگجوﺅں نے اُن پر گولیاں چلائیں۔فورسز نے جواب میں گولیاں چلائیں اور اس طرح معرکہ آرائی کا آغاز ہوگیا۔ ذرائع کے مطابق رات بھر قدرے خاموشی رہنے کے بعدصبح ہوتے ہی گولیوں کا شدیدتبادلہ پھر شروع ہوگیا۔ انہوں نے کہا کہ فورسز کا جنگجو مخالف آپریشن جاری ہے  

وسطی کشمیر کے چرار شریف میں معرکہ آرائی کا آغاز

سرینگر//وسطی کشمیر میں بڈگام ضلع کے چرار شریف علاقے میں پیر کی شام فورسز اور جنگجوﺅں کے مابین مسلح معرکہ آرائی شروع ہوگئی۔پولیس نے معرکہ آرائی شروع ہونے کی تصدیق کی۔ ذرائع کے مطابق پولیس، سی آر پی ایف اور فوج نے مشترکہ طور چرار شریف میں تلاشی آپریشن شروع کیا اور جب فورسز اہلکار گھر گھر تلاشی میں مصروف تھے تو چھپے جنگجوﺅں نے اُن پر گولیاں چلائیں۔فورسز نے جواب میں گولیاں چلائیں اور اس طرح معرکہ آرائی کا آغاز ہوگیا۔ آخری اطلاعات ملنے تک علاقے میں گولیوں کا تبادلہ جاری تھا  

شمالی کشمیر کے کپوارہ میں آٹھ سالہ بچی جھولے میں لٹک کر لقمہ اجل

سرینگر//شمالی کشمیر کے کپوارہ میںپیر کے روز ایک آٹھ سالہ بچی جھولے میں گلے سے لٹک کر لقمہ اجل بن گئی۔یہ واقعہ ضلع کے نوبگ چھمپورہ علاقے میں پیش آیا۔ پولیس ذرائع کے مطابق معصوم بچی کو فوری طور پر نزدیکی اسپتال پہنچایا گیا جہاں اُسے مردہ قرار دیا گیا۔بعد ازاں ضلع اسپتال کپوارہ میں بچی کا پوسٹ مارٹم کرایا گیا۔  جاں بحق بچی کی شناخت انجم اسماعیل دختر محمد اسماعیل مغل ساکن نوبگ چھمپورہ کے طور کی گئی ہے۔ پولیس نے اس سلسلے میں کیس درج کرکے تحقیقات شروع کی ہے۔  

سرینگر میں پارٹی صدر دفتر پرپی ڈی پی کے سینئر لیڈران کی میٹنگ

سرینگر//پیپلز ڈیمو کریٹک پارٹی (پی ڈی پی) کے سینئر لیڈران نے پیر کے روز سرینگر میں میٹنگ منعقد کی جو جموں کشمیر کی خصوصی پوزیشن کے خاتمے کے بعد مذکورہ لیڈران کی پہلی میٹنگ تھی۔ میٹنگ کی صدارت پارٹی کے نائب صدر عبد الرحمان ویری نے انجام دی کیونکہ پارٹی کی صدر محبوبہ مفتی گذشتہ سال سے ایام اسیری کاٹ رہی ہیں۔ پارٹی ترجمان کے مطابق میٹنگ میں سابق وزراءاور قانون سازیہ کے ممبران نے شرکت کی۔ گذشتہ برس ماہ اگست میں جموں کشمیر کی خصوصی پوزیشن کا خاتمہ کیا گیا جس کے بعد متعدد مین اسٹریم لیڈران کو گرفتار کیا گیا۔بعد ازاں سبھی لیڈران کی رہائی عمل میں لائی گئی تاہم محبوبہ لگاتار پبلک سیفٹی ایکٹ کے تحت اپنی سرکاری رہائش گاہ میں مقید ہے۔  

ملک میں 86961نئے کورونا وائرس کیس،1130کی موت

نئی دہلی// ملک میں کوروناوائرس کومات دینے والوں کی تعداد لگاتار تیسرے روز نئے کیسوں سے زائد رہے۔ گزشتہ 24 گھنٹوں کے دوران ملک میں کورونا وائرس سے 93 ہزار سے زیادہ مریض شفایاب ہوئے۔مجموعی طور پر ملک میں جان لیوا وبا سے صحت مند ہونے والوں کی تعداد تقریبا 44 لاکھ ہوچکی ہے۔ مرکزی وزارت صحت و خاندانی بہبود کی جانب سے پیر کو جاری تازہ ترین اعداد و شمار کے مطابق گذشتہ 24 گھنٹوں کے دوران 93356 مریض شفایاب جس سے مجموعی تعداد4396399 ہوگئی ہے۔ اسی عرصے کے دوران86961 نئے کیس رپورٹ ہونے سے متاثرین کی مجموعی تعداد 5487580 اور 1130 مریضوں کی موت سے ہلاک شدگان کی مجموعی تعداد 87882 ہوچکی ہے۔  

تازہ ترین