ملک میں کورونا کیسز کی یومیہ تعداد 14000 سے نیچے

نئی دہلی// ملک میں کورونا وائرس کے نئے کیسز میں پچھلے 24 گھنٹوں کے دوران نمایاں کمی آئی ہے اور اس مدت کے دوران یومیہ کیسز 14 ہزار سے بھی کم رہی ہے ، جبکہ اسی عرصے میں موذی وبا کو شکست دینے والوں کی تعداد نسبتاً زیادہ رہی۔ دریں اثناملک میں اب تک 16 لاکھ 15 ہزار 504 افراد کی کوڈ 19 ویکسین کی ٹیکہ کاری ہوچکی ہے۔ پیر کی صبح مرکزی وزارت صحت کی جانب سے جاری اعداد و شمار کے مطابق گذشتہ 24 گھنٹوں کے دوران ملک میں کورونا وائرس کے 13203نئے کیسز رپورٹ ہوئے ہیں ، جس سے یہ تعداد ایک کروڑ چھ لاکھ 67 ہزارہو گئی ہے۔ اسی عرصے کے دوران13298 مریض صحت مند ہوئے ، جس کے بعد اس کی مجموعی تعداد ایک کروڑ تین لاکھ 30 ہزار 84 ہوگئی۔ ایکٹیو کیسز 226 سے گھٹ کر184142 رہ گئے۔ گزشتہ14 گھنٹوں کے دوران ملک میں کورونا کے 131 مریضوں کی موت سے ہلاک شدگان کی مجموعی تعداد ایک لاکھ 53 ہزار 470 ہوگئی۔ ملک میں شفای

بجبہاڑہ میں خاتون ہیٹر سے پیدا گیس سے دم گھٹنے کے نتیجے میں جاں بحق

سرینگر//جنوبی ضلع اننت ناگ کے بجبہاڑہ میں پیر کو ایک37سالہ خاتون کوئلے کی بخاری سے پیدا گیس کے نتیجے میں دم گھٹنے سے جاں بحق ہوگئی۔ نیوز ایجنسی کے این او کے مطابق مسعودہ اختر زوجہ عبد ارشید دھوبی اور اس کی بیٹی کو بجبہاڑہ کی کریوا کالونی میں ان کے گھر کے اندر بے ہوش پایا گیا۔ دونوں کو اسپتال پہنچایا گیا جہاں ڈاکٹروں نے مسعودہ کو مردہ قرار دیا جبکہ اُس کی بیٹی کو علاج کے بعد رخصت کیا گیا۔ میڈیکل سپر انٹنڈنٹ سب ضلع اسپتال بجبہاڑہ ڈاکٹر بی ایس تلا نے واقعہ کی تصدیق کی۔انہوں نے کہا کہ خاتون کی موت بظاہر گیس ہیٹر سے خارج ہونے والی گیس سے دم گھٹنے کے نتیجے میں ہوئی ہے۔  

سرینگر کے اسپتال میں سی آر پی ایف اہلکار حرکت قلب بند ہونے سے فوت

سری نگر// وسطی ضلع بڈگام میں تعینات ایک سینٹرل ریزرو پولیس فورس (سی آر پی ایف) اہلکار کی پیر کی صبح شیر کشمیر انسٹی چیوٹ آف میڈیکل سائسنز صورہ میں حرکت قلب بند ہونے سے موت واقع ہوئی۔ سرکاری ذرائع نے بتایا کہ شیر کشمیر انسٹی چیوٹ آف میڈیکل سائنسز صورہ میں زیر علاج ایک 50 سالہ سی آر پی ایف اہلکار کی پیر کی صبح حرکت قلب بند ہونے سے موت واقع ہوئی۔ متوفی اہلکار کی شناخت سدھیر پرتی ہار کے بطور ہوئی ہے جو سی آر پی ایف کی 86 بٹالین سے وابستہ تھا۔  

وادی میں سردی کی لہر جاری، سرینگر کا کم سے کم درجہ حرارت منفی5.2ڈگری درج

سرینگر//دو روز قبل آخری برفباری کے بعد وادی کشمیر میں سردی کی نئی لہر پیدا ہوگئی ہے تاہم محکمہ موسمیات کا کہنا ہے کہ فی الحال موسم خشک رہنے کی توقع ہے۔  محکمہ نے پیر کو بتایا کہ سرینگر میں گذشتہ رات کے دوران کم سے کم درجہ حرارت منفی5.2ڈگری سیلشیس ریکارڈ کیا گیا۔ پہلگام میں گذشتہ رات کا درجہ حرارت منفی11.9 ڈگری جبکہ گلمرگ میں منفی11.5ڈگری سیلشیس ریکارڈ کیا گیا۔ یاد رہے کہ اس سال وادی کشمیر میں گذشتہ تین دہائیوں میں سب سے کم درجہ حرارت درج کیا گیا جو ماہرین کے مطابق موسمیاتی تغیر کا نتیجہ ہے۔ وادی کشمیر میں فی الوقت شدید ترین سردی یعنی’چلہ کلان‘ کے ایام چل رہ ہیں۔40روز پر مشتمل یہ ایام22دسمبر2020کو شروع ہوئے اور ان کا اختتام31جنوری کو ہوگا۔  

عالمی ادارہ صحت نے مدینہ منورہ کو صحت افزا شہر قراردیا

الریاض// دنیا کے مسلمانوں کے انتہائی مقدس سعودی عرب کے شہر مدینہ منورہ کو ورلڈ ہیلتھ آرگنائزیشن (ڈبلیو ایچ او) نے دنیا کے صحت افزا شہروں میں سے ایک شہر قرار دے دیا۔ عالمی ادارہ صحت کی ایک ٹیم نے مدینہ منورہ کا دورہ کیا اور صحت سے متعلق تمام سہولیات کا جائزہ لیکر قرار دیا کہ صحت مند شہر کیلئے جتنے عالمی معیار طے کئے گئے تھے، مدینہ منورہ ان عالمی معیار پر پورا اترتا ہے۔ مدینہ منورہ کی آبادی 20 لاکھ سے زائد افراد پر مشتمل ہے۔ اس حوالہ سے عالمی ادارہ صحت نے سرٹیفکیٹ بھی جاری کردیا ہے۔ سعودی عرب کے وزیر صحت نے عالمی ادارہ صحت کی جانب سے مدینہ منورہ کو جاری کیا گیا صحت مند شہر کا سرٹیفکیٹ گورنر مدینہ شہزادہ فیصل بن سلمان کو پیش کیا۔  

کٹھوعہ میں بین الاقوامی سرحد پر 150 میٹر لمبی سرنگ دریافت

جموں// بارڈر سیکورٹی فورس (بی ایس ایف) نے جموں وکشمیر کے ضلع کٹھوعہ کے ہیرا نگر سیکٹر میں بین الاقوامی سرحد پر 150 میٹر لمبی سرنگ کا سراغ لگانے کا دعویٰ کیا ہے۔ سرکاری ذرائع نے بتایا کہ سیکورٹی فورسز نے ہفتے کے روز سرچ آپریشن کے دوران ایک سرنگ کا پتہ لگایا۔ یہ سرنگ بین الاقوامی سرحد پر پنسار علاقے میں کھودی گئی ہے جو پچیس سے تیس میٹر گہری ہے۔  

ضلع پونچھ میں جنگجووں کی کمین گاہ سے اسلحہ بر آمد

سرینگر// جموں وکشمیر کے ضلع پونچھ کے منڈی علاقے میں سیکورٹی فورسز نے ہفتہ کوجنگجوو¿ں کی ایک کمین گاہ کا پتہ لگاکراس میں موجود اسلح بر آمد کرنے کا دعویٰ کیا ۔ سرکاری ذرائع نے بتایا کہ مصدقہ اطلاع موصول ہونے پر بارڈر سیکورٹی فورس (بی ایس ایف) کے ایک ڈپٹی کمانڈنٹ کی قیادت میں فوج ، پولیس کی ایس او جی اور بی ایس ایف کی ایک مشترکہ ٹیم نے پونچھ کے منڈی علاقے کے ہاری گڈا گاو¿ں کے نزدیک جنگلات کا محاصرہ کرکے تلاشی آپریشن شروع کردیا۔ انہوں نے بتایا کہ آپریشن کے دوران جنگجوو¿ں کی ایک کمین گاہ کا پتہ لگایا گیا جہاں اسلح و گولہ بارود چھپایا گیا تھا جس کو ضبط کیا گیا ۔ ضبط شدہ اسلح میں ایک اے کے رائفل،تین اے کے میگزین،82گولیاں،تین چینی ساخت کے پستول،پانچ پستول میگزین،33پستول گولیاں،چار گرینیڈ، ایک یو بی جی ایل گرینیڈ اور ایک کینوڈ سیٹ شامل ہے۔(مشمولات یو این آئی)

شمالی کشمیر کے اوڑی میں کار اُلٹ گئی، تین سوار زخمی

سرینگر//شمالی ضلع بارہمولہ کے اوڑی علاقے میں ہفتہ کو ایک کار سڑک پر پھسلن کی وجہ سے اُلٹ گئی جس کے نتیجے میں اس کار میں سوار تین مسافر زخمی ہوگئے۔یہ حادثہ اوڑی کے چالن بونیار علاقے میں پیش آیا۔ تین زخمی مسافروں کی شناخت خادم حسین ولد بابر علی،حسن جان زوجہ خادم حسین اور نگینہ بیگم زوجہ اسحاق خان ساکنان بگنا سلام آباد کے طور ہوئی ہے۔ تینوں کو علاج و معاجہ کیلئے اسپتال منتقل کیا گیا ہے جہاں اُن کی حالت مستحکم ہے۔  

شمالی ضلع کپوارہ میں غیر مقامی ذہنی طور معذور خاتون کی لاش بر آمد

سری نگر// شمالی کشمیر کے ضلع کپوارہ میں ہفتہ کی صبح ایک غیر مقامی ذہنی طور معذورخاتون کی لاش بر آمد کی گئی۔ ذرائع نے بتایا کہ ضلع کپوارہ میں ایک غیر مقامی ذہنی طور معذور خاتون گذشتہ قریب آٹھ برسوں سے گھومتی پھرتی تھی جس کی لاش آج صبح رگی پورہ پل کے نزدیک پائی گئی۔ دریں اثنا ایک پولیس افسر نے واقعہ کی تصدیق کرتے ہوئے کہا ہے کہ لاش کو طبی لوازمات کی ادائیگی کے لئے ہسپتال منتقل کیا گیا ہے اور اس ضمن میں مزید تحقیقات شروع کی گئی ہے۔  

سرینگر ۔جموں شاہراہ پر پھسلن کی وجہ سے ٹریفک کی آمد ورفت بند

بانہال//سرینگر۔جموں شاہراہ پر تازہ برفباری کے نتیجے میں ہفتہ کو پھسلن پیدا ہونے کے بعد اس پرگاڑیوں کی آمد و رفت بند کردی گئی۔ حکام نے بتایا کہ جواہر ٹنل کے آر پار تازہ برفباری کی وجہ سے شاہراہ پر پھسلن پیدا ہوئی ہے جس کی وجہ سے گاڑیوں کا چلنا خطرے سے خالی نہیں تھا، اس لئے شاہراہ کو ہر قسم کے ٹریفک کیلئے فی الحال بند کیا گیا ہے۔ بتایا جاتا ہے کہ شاہراہ بند ہونے کے بعد جواہر ٹنل کے دونوں طرف سینکڑوں گاڑیاں در ماندہ ہوکر رہ گئی ہیں۔ قابل ذکر ہے کہ محکمہ موسمیات کی پیشگوئی کے عین مطابق وادی کشمیر میں آج صبح سے ہی برفباری کا سلسلہ جاری ہے جبکہ صوبہ جموں سے بارش کی اطلاعات موصول ہوئی ہیں۔  

کشمیر کے چار اضلاع میں کووں اور مہاجر پرندوں میں برڈ فلو کی تصدیق

سرینگر//حکام نے ہفتہ کو بتایا کہ وادی کشمیر کے چار اضلاع میں کووں اور مہاجر پرندوں میں برڈ فلو کی تصدیق ہوگئی ہے۔ نیوز ایجنسی کے این او کے مطابق کووں اور مہاجر پرندوں میں برڈ فلو کی تصدیق اننت ناگ، پلوامہ، کولگام اور بڈگام اضلاع میں ہوئی ہے تاہم ابھی تک کسی بھی پولٹری پرندے میں اس فلوکی موجودگی کے آثار نہیں ملے ہیں۔ یاد رہے کہ حکام نے پہلے ہی برڈ فلو کے سلسلے میں جانچ کا سلسلہ شروع کر رکھا ہے اور اس غرض کیلئے نمونے بھی حاصل کرلئے گئے ہیں۔ کشمیر میں اس فلو کے نوڈل آفیسر ڈاکٹر مشتاق احمد شاہ نے کشمیر میں کووں اور مہاجر پرندوں کے اندر برڈ فلو کی موجودگی کی تصدیق کی ہے۔انہوں نے کہا کہ اس ضمن میں حفاظت کے اقدامات اٹھائے گئے ہیں۔ یہ امر قابل ذکر ہے کہ بھارت کی نو ریاستوں میں برڈ فلو کی موجودگی کی تصدیق ہوچکی ہے۔  

طالبان امن معاہدے کا بائیڈن انتظامیہ جائزہ لے گی

واشنگٹن//امریکہ کے قومی سلامتی کے صلاح کار جیک س±لیوان نے افغانستان میں اپنے ہم منصب حمد اللہ محب سے کہا ہے کہ بائیڈن انتظامیہ طالبان کے ساتھ امن معاہدے کا جائزہ لے گی۔ امریکی صدر دفتر ہیڈ کوارٹر وائٹ ہاو¿س کی جانب سے جاری بیان میں یہ اطلاع دی گئی ہے۔  س±لیوان اور محب کے درمیان بات چیت کے بعد وائٹ ہاوس نے کہا،’ س±لیوان نے واضح کر دیا ہے کہ اگلے ماہ فروری میں امریکہ-طالبان معاہدے کا جائزہ لیا جائے گا اور اس حقیقت کا تجزیہ کیا جائے گا کہ کیا طالبان اپنے وعدوں پر کھرا اترا ہے‘۔  

برفباری سے کشمیر کی فضائی سروسز میں خلل

سرینگر//حکام نے کہا کہ وادی میں تازہ برفباری کے نتیجے میں ہفتہ کو کشمیر کی فضائی سروسز میں خلل پڑا ہے۔ وادی بھر میںتازہ برفباری کاسلسلہ آج صبح شروع ہوگیا جو آخری اطلاعات ملنے تک جاری تھا۔ حکام کے مطابق آج صبح سے سرینگر بین الاقوامی ہوائی اڈے سے کسی طیارے نے پرواز نہیں بھری اور نہ کوئی جہاز سرینگر آسکا۔انہوں نے کہا کہ ایسا رن وے پر برف کی موجودگی کی وجہ سے ہوا ہے۔چونکہ برفباری ہورہی ہے اس لئے رن وے کو فوری طور پر صاف کرنے میں دشواریاں پیش آرہی ہیں۔ حکام نے مزید کہا کہ موسم کی خرابی کے پیش نظر اُڑنوں میں تاخیر ہورہی ہے۔انہوں نے کہا کہ موسم بہتر ہونے کی صورت میں ہی اڑانوں سے متعلق کوئی فیصلہ لیا جائے گا۔  

کشتواڑ میں گرینیڈ دھماکہ، کوئی نقصان نہیں

سرینگر//نامعلوم افراد نے جمعہ کو کشتواڑ ضلع میں ایک گرینیڈ دھماکہ کیا تاہم اس سے کسی قسم کا نقصان نہیں ہوا۔یہ واقعہ ضلع کے دیدپیٹھ علاقے میں پیش آیاجہاں گرینیڈ کے ذریعے پولیس پارٹی کو نشانہ بنانے کی کوشش کی گئی۔ نیوز ایجنسی جی این ایس کے مطابق ایس ایس پی کشتواڑ ہرمیت سنگھ مہتانے گرینیڈ دھماکہ کی تصدیق کرتے ہوئے کہا کہ اس سلسلے میں تحقیقات فوری طور پر شروع کی گئی ہے۔ انہوں نے مزید کہا کہ علاقے کو محاصرے میں لیکر تلاشی آپریشن جاری ہے۔  

سوپور میں55سالہ شہری رشتہ داروں کے ساتھ جھگڑے کے دوران ہلاک

سرینگر//شمالی کشمیر کے سوپور علاقے میں جمعہ کو ایک55سالہ شہری اپنے رشتہ داروں کے ساتھ جھگڑے کے دوران ہاتھا پائی کرتے ہوئے زخمی ہوگیا جس کے بعد وہ اسپتال میں دم توڑ بیٹھا۔ نیوز ایجنسی کے این او کے مطابق محمد خلیل نامی مذکورہ شہری اور اس کے رشتہ داروں کے درمیان کسی بات کو لیکر جھگڑا شروع ہوا جس کے دوران وہ زخمی ہوگیا۔زخمی خلیل کو سب ضلع اسپتال سوپور منتقل کیا گیا جہاں وہ زخموں کی تاب نہ لاکر دم توڑ بیٹھا۔ پولیس ذرائع کے مطابق کیس کی تحقیقات شروع کی گئی ہے۔  

جموں میں اے ٹی ایم گارڈ کے قتل کے الزام میں بانڈی پورہ کے 2افراد گرفتار

سرینگر//جموں میں پولیس نے جمعہ کو بتایا کہ انہوں نے اے ٹی ایم گارڈ کے قتل کیس میں دو افراد کو گرفتار کیا ہے اور وہ دونوں وادی کشمیر کے بانڈی پورہ کے رہنے والے ہیں۔اے ٹی ایم گارڈ کو گذشتہ رات جموں کے نانک نگر علاقے میں اے ٹی ایم چیمبر میں مردہ پایا گیا تھا۔مہلوک راجو شرما ولد گلو رام کا تعلق نیو پلاٹ جموں سے تھا۔ نیوز ایجنسی کے این او کے مطابق ایس ایس پی جموں شریدھر پٹیل نے ایک پریس کانفرنس کے دوران بتایا کہ قتل کے اس کیس میں بانڈی پورہ کے کیف لون اور وقاص لون نامی دو افراد کی گرفتاری عمل میں لائی گئی ہے جو اے ٹی ایم لوٹنے کی غرض سے گئے تھے لیکن گارڈ نے مزاحمت کی جس کے بعد دونوں نے اُسے قتل کیا۔  پولیس کے مطابق کیف اور وقاص جموں کے نانک نگر علاقے میں کرایہ کے کمرے میں رہتے تھے۔دونوں کو حراست میں لیکر کیس کی تحقیقات جاری ہے۔ اس سے قبل آج صبح مہلوک گارڈ کے رشتہ داروں نے ا

جموں میں مہلوک اے ٹی ایم گارڈ کے اہلخانہ کا احتجاج

جموں// ضلع جموں کے نانک نگر میں گذشتہ شب مبینہ طور پر قتل کئے گئے ایک اے ٹی ایم محافظ کے رشتہ داروں اور ہمسایوں نے جمعہ کے روز احتجاج درج کیا۔ احتجاجی سرکارسے قاتلوں کی گرفتاری اور لواحقین کو مالی امداد فراہم کرنے کا مطالبہ کر رہے تھے۔ یاد رہے کہ نانک نگر کے سیکٹر 13 میں گذشتہ شب قریب دس بجے ایک اے ٹی ایم محافظ کو گارڈ کمرے میں مردہ پایا گیاتھا۔  

شمالی کشمیر کے ٹنگڈار سیکٹر میں کراس ایل او سی گولہ باری

سری نگر// شمالی کشمیر کے ضلع کپوارہ کے ٹنگڈار سیکٹر میں لائن آف کنٹرول پر جمعہ کی صبح ہندوستان اور پاکستان کی افوج کے درمیان گولہ باری کا تبادلہ ہوا تاہم فی الوقت کسی بھی جانب کسی نقصان کی کوئی اطلاع نہیں ہے۔ دفاعی ذرائع نے بتایا کہ ضلع کپوارہ کے ٹنگڈار سیکٹر میں ایل او سی پر پاکستانی فوج نے جنگ بندی معاہدے کی خلاف ورزی کرتے ہوئے بھارتی چوکیوں کو نشانہ بنا کر گولہ باری شروع کر دی۔ انہوں نے بتایا کہ وہاں تعینات بھارتی فوجی اہلکار حملے” بھر پور “جواب دے رہے ہیں۔  

دنیا میں ابھی تک 9.74 کروڑ افراد کورونا وائرس سے متاثر

واشنگٹن/ ریو ڈی جنیرو / نئی دہلی// دنیا کے مہلک کورونا وائرس (کووڈ-19) کے وباء رکنے کا نام نہیں لے رہا ہے، جہاں اب تک 9.74 کروڑ سے زیادہ لوگ اس وبا سے متاثر ہوچکے ہیں ، جبکہ 20 لاکھ 88 ہزار سے زیادہ افراد ہلاک ہوچکے ہیں۔ تاہم ، اس وائرس سے نجات پانے والوں کے لئے کئی ممالک میں کورونا ویکسینیشن عمل شروع کیا گیا ہے۔ امریکہ کی جان ہاپکنز یونیورسٹی کے سینٹر فار سائنس اینڈ انجینئرنگ (سی ایس ایس ای) کے جاری کردہ اعداد و شمار کے مطابق دنیا کے 192 ممالک کورونا وائرس سے متاثر ہوچکے ہیں، نو کروڑ 74 لاکھ 76 ہزار 740 افراد اور 20 لاکھ 88 ہزار 799 افراد اس کی وجہ سے ہلاک ہوچکے ہیں۔ امریکہ میں کورونا سے متاثرہ افراد کی تعداد 2.46 کروڑ سے تجاوز کرگئی ہے ، جبکہ 4.10 لاکھ سے زائد مریض دم توڑ چکے ہیں۔ ہندوستان میں کورونا انفیکشن سے شفایاب ہونے والے افراد کی تعداد ایک کروڑ دو لاکھ 83 ہزار 708 اور

ممکنہ تازہ برف باری سے قبل وادی میں کم سے کم درجہ حرارت میں اضافہ

سری نگر// وادی کشمیر میں تازہ برفباری سے قبل رات کے درجہ حرارت میں اضافہ ریکارڈ ہو ا ہے۔محکمہ موسمیات نے جمعہ کو بتایا کہ سرینگر میں گذشتہ رات کے دوران کم سے کم درجہ حرارت منفی6.1ڈگری سیلشیس ریکارڈ کیا گیا۔ محکمہ موسمیات کی پیش گوئی کے مطابق وادی میں آج رات سے ہفتے کی شام تک تازہ برف باری ہوسکتی ہے تاہم اتوار سے موسم بہتر ہونے کی توقع ہے۔ متعلقہ محکمے کا کہنا ہے کہ تازہ برف باری سے وادی میں زمینی و فضائی ٹریفک ایک بار پھر متاثر ہوسکتا ہے۔ اس دوران سردیوں کے بادشاہ چالیس روزہ ’چلہ کلان‘ کے راج کا اگرچہ آخری مرحلہ چل رہا ہے لیکن زمستانی ہواو¿ں کا زور برابر جاری ہے جس نے اہلیان لوگوں کا جینا دو بھر کر دیا۔