ضلع پونچھ میں بجلی گرنے سے فوجی اہلکار ہلاک، دوسرا زخمی

منڈی// ضلع پونچھ کے سرحدی علاقہ ساوجیاں میں جمعہ کی شب موسم کی خرابی کے بیچ بجلی گرنے کی وجہ سے ایک فوجی اہلکار لقمہ اجل بن گیا جبکہ دوسرا زخمی ہو گیا۔  چوکی آفسر ساوجیاں ممتاز احمد کے مطابق خلاصہ2 نامی پوسٹ پر تعینات فوج کی گیارہ گڑوال سے تعلق رکھنے والا مندیپ سنگھ بجلی گرنے کی وجہ سے لقمہ اجل بن گیا۔ بجلی گرنے کے اس واقعہ میں فوج کی 40آر آر سے تعلق رکھنے والا دیپک نامی فوجی اہلکار زخمی ہو گیا۔  دفاعی ذراع کے مطابق زخمی اہلکار کی حالت مستحکم ہے۔  

ٹھاٹھری کلہوتران شاہراہ پر حادثہ، ایس پی او از جان، محکمہ جنگلات کا ملازم زخمی

ڈوڈہ //ڈوڈہ ضلع میں ٹھاٹھری کلہوتران شاہراہ پر پیش آئے سڑک حادثے میں جمعرات کو ایک ایس پی او از جان جبکہ محکمہ جنگلات کا ایک ملازم شدید زخمی ہوگیا۔  اطلاعات کے مطابق یہ حادثہ چار بجے کے قریب شورن کے نزدیک ایک آلٹو گاڑی کو پیش آیا جس میں سوار ایس پی او اشوک کمار ولد بود راج عمر 40 ساکنہ منوئی کی موقع پر ہی موت واقع ہوئی جبکہ محکمہ جنگلات کا ایک ملازم محمد اشرف ولد محمد شفیع زرگر ساکنہ بھدرواہ شدید زخمی ہوا۔ حادثہ کی خبر پھیلتے ہی مقامی لوگوں، پولیس و ایس ایس بی اہلکاروں نے موقع پر پہنچ کر بچاو¿ کاروائی انجام دی۔  اطلاعات کے مطابق زخمی شخص کا علاج سب ضلع ہسپتال گندوہ میں جاری ہے۔

کورونا وائرس کے448نئے کیس،11ہلاکتیں

سرینگر//جموں کشمیر میں گذشتہ24گھنٹوں کے دوران کورونا وائرس کے448نئے کیس سامنے آئے۔ ان میں 265کا تعلق وادی کشمیر جبکہ183کا تعلق جموں صوبے سے ہے۔ سرکاری اعداد و شمار کے مطابق اس عرصہ کے دوران یو ٹی میں11کورونا مریض جاں بحق ہوگئے۔  

دنیا میں کورونا وائرس کی وجہ سے اب تک 38.90 لاکھ افراد کی موت

واشنگٹن / ریو ڈی جنیرو / نئی دہلی// پوری دنیا میں کورونا وائرس (کووڈ۔19) سے اب تک 38.90 لاکھ سے زیادہ افراد ہلاک ہوچکے ہیں اور 17.95 کروڑ سے زیادہ افراد اس میں مبتلا ہوچکے ہیں۔ امریکہ کی جان ہاپکنز یونیورسٹی کے سائنس اینڈ انجینئرنگ (سی ایس ایس ای) کے جاری کردہ تازہ ترین اعدادوشمار کے مطابق دنیا کے 192 ممالک اور خطوں میں متاثرہ افراد کی تعداد 17 کروڑ 95 لاکھ 37 ہزار 489 افراد اس سے متاثر ہیں جبکہ 38 لاکھ 90 ہزار 422 افراد کی اب تک موت ہوچکی ہے۔ امریکہ میں کورونا وائرس کی رفتار تھوڑی سست ہوگئی ہے۔ یہاں متاثرہ افراد کی مجموعی تعداد 3.35 کروڑ سے تجاوز کرچکی ہے اور 6.02 لاکھ سے زیادہ افراد ہلاک ہوگئے ہیں۔ کورونا وائرس سے متاثروں کے معاملے میں ہندوستان پوری دنیا میں دوسرے اور اموات کے لحاظ سے تیسرے نمبر پر ہے۔ گذشتہ 24 گھنٹوں کے دوران پورے ملک میں کورونا کے 54،069 نئے معاملوں کی

کشمیر میں قریب 200 جنگجو سرگرم: لیفٹیننٹ جنرل ڈی پی پانڈے

ہندوارہ//سری نگر میں قائم فوج کی پندرہویں کور کے جنرل آفیسر کمانڈنگ (جی او سی) لیفٹیننٹ جنرل ڈی پی پانڈے نے کہا ہے کہ وادی کشمیر میں قریب 2 سو جنگجو سرگرم ہیں جن کی تعداد سال رواں کے اختتام تک کم کی جائے گی۔ انہوں نے کہا کہ کشمیر میں مجمو عی طور پر صورتحال مستحکم ہے اور تشدد کا گراف کافی کم ہوا ہے۔ موصوف نے ان باتوں کا اظہار جمعرات کو شمالی قصبہ ہندوارہ میں آرمی گڈ ول سکول کی طرف سے منعقدہ ایک تقریب کے حاشئے پر نامہ نگاروں کے ساتھ گفتگو کے دوران کیا ہے۔  

ڈل جھیل سرینگر سے ترال کی خاتون کی لاش بر آمد

سرینگر//ڈل جھیل سرینگر سے جمعرات کو ایک خاتون کی لاش بر آمد ہوئی۔ نیوز ایجنسی کے این او کے مطابق لاش کی شناخت بعد میں 36سالہ گلشن ساکن گمراز ترال ضلع پلوامہ کے طور ہوئی۔ لاش کو مقامی لوگوں نے دیکھ کر پولیس کو مطلع کیا جنہوں نے آکر اسے باہر نکال کر قانونی و طبی لوازمات کیلئے اسپتال منتقل کیا۔ مذکورہ خاتون کی ہلاکت کی وجوہات کے سلسلے میں تحقیقات شروع کی گئی ہے۔  

ساری نظریں نئی دلی پر مرکوز

سرینگر// وزیر اعظم نریندر مودی کی صدارت میں جمعرات کو نئی دلی میں جموں وکشمیر کی سیاسی جماعتوں کے ساتھ کل جماعتی اجلاس کا آغاز ہوگیا۔اس سے قبل اجلاس میں شامل ہونے کیلئے سبھی مدعو لیڈران وزیر اعظم ہاوس پہنچ گئے۔  5 اگست2019 کو جموں و کشمیر کے خصوصی ریاستی درجہ کے خاتمے اور اس کو دو مرکزی خطوں میں تقسیم کرنے کے بعد ، مرکز نے جموں کشمیر کی سیاسی پارٹیوں کے ساتھ پہلی بار بات چیت کی پیش کش کی ہے جس کو سب نے قبول کیا ہے۔ گپکار اتحاد کے رہنماو¿ں نے جموں و کشمیر کے خصوصی درجہ کے خاتمے اور اس سے متعلق خصوصی مراعات کے خاتمے کی مخالفت کرتے ہوئے وزیر اعظم کی طرف سے آل جماعتی اجلاس میں شرکت کی دعوت قبول کرلی ہے ۔ اس اتحاد کی نمائندگی کیلئے نیشنل کانفرنس کے صدر فاروق عبد اللہ، پی ڈی پی رہنما محبوبہ مفتی، عمر عبد اللہ اور کیمونسٹ پارٹی (ایم) کے لیڈر یوسف تاریگامی اجلاس میں شرکت ک

سری نگر میں مشکوک بیگ سے دھماکہ خیز مواد کے بجائے کپڑے بر آمد

سری نگر// سری نگر کے مضافاتی علاقہ لسجن میں جمعرات کو اس وقت سراسیمگی پھیل گئی جب بائی پاس پر ایک مشکوک بیگ کو پڑے ہوئے دیکھا گیا لیکن جب بم ناکارہ بنانے والی ٹیم نے بیگ کی تلاشی کی تو اس سے کپڑے بر آمد ہوئے۔ سرکاری ذرائع نے بتایا کہ سری نگر کے مضافاتی علاقہ لسجن میں بائی پاس پر ایک مشکوک بیگ پڑا ہوا دیکھا گیا جس سے علاقے میں سراسیمگی پھیل گئی۔ انہوں نے بتایا کہ بیگ کو چیک کرنے کے لئے بم ناکاہ بنانے والی ایک ٹیم کو جائے موقع پر طلب کیا گیا لیکن جب مذکورہ ٹیم نے بیگ کی تلاشی کی تو اس میں سے کپڑے ملے۔  

کرناہ میں مسافر گاڑی کھائی میں جاگری، کمسن بچہ سمیت2از جان،7زخمی

سرینگر//شمالی ضلع کپوارہ میںکرناہ کے جبڑی گلی پر جمعرات کو ایک مسافرگاڑی حادثے کا شکار ہوئی جس کے نتیجے میں ایک کمسن بچے سمیت دو افراد جاں بحق جبکہ دیگر سات زخمی ہوگئے۔  ذرائع کے مطابق یہ حادثہ ایک سومو گاڑی کو پیش آیا جو سڑک سے لڑھک کر نیچے کھائی میں جاگری۔ اس حادثے کے نتیجے میں جو دو افراد جاں بحق ہوگئے اُن کی شناخت آٹھ مہینے کے عافان اور90سالہ صدر علی کے طور ہوئی ہے ۔ حادثے میں زخمی ہونے والے سات افراد کو سب ضلع ہسپتال ٹنگڈار پہنچایا گیا جہاں سے دو شدید زخمیوں کو سرینگر منتقل کیا گیا۔  

ایتھوپیا کے بازار پر فضائی بمباری، 80 افراد ہلاک، 43 زخمی، درجنوں کی حالت تشویشناک

تیگرائے/ جنیوا//شورش زدہ ایتھوپیا میں ووٹوں کی گنتی کا عمل جاری ہے تاہم اس دوران ایک مصروف بازار میں فضائی بمباری کے نتیجے میں کم از کم 80 افراد ہلاک اور 43 زخمی ہوگئے۔ ایک عالمی خبر رساں ایجنسی کے مطابق ایتھوپیا کے علاقے تیگرائے میں انتخابی عمل کے دوران جھڑپوں کا سلسلہ جاری ہے۔ ایک بڑے اور مصروف بازار پر فضائی بمباری بھی کی گئی تاہم یہ واضح نہیں ہوسکا بمباری کس نے کی۔  

دو دنوں کے ٹھہراو کے بعدپٹرول اور ڈیزل کی قیمتوں میں پھر اضافہ

نئی دہلی// پٹرول اور ڈیزل کی قیمتیں ایک دن کے وقفے کے بعد جمعرات کے روز ایک نئے ریکارڈ پر پہنچ گئیں۔ ملک کے چار بڑے میٹرو میں پٹرول 26 پیسے اور ڈیزل 7 پیسے مہنگا ہوگیا۔ اس کے ساتھ ہی ممبئی میں پیٹرول 104 روپے فی لیٹر اور چنئی میں 99 روپے فی لیٹر کے قریب پہنچ گیا ہے۔ ملک کی سرخیل آئل مارکیٹنگ کمپنی انڈین آئل کارپوریشن کے مطابق دہلی میں پٹرول کی قیمت 26 پیسے کے اضافے کے ساتھ 97.76 روپے اور ڈیزل کی قیمت 7 پیسے اضافے کے سے 88.30 روپے فی لیٹر ہوگئی۔ جون میں اب تک دہلی میں پٹرول کی قیمت میں 3.53 روپے اور ڈیزل کی قیمت میں 3.15 روپے کا اضافہ ہوچکا ہے۔ اس سے قبل مئی میں پٹرول 3.83 روپے اور ڈیزل 4.42 روپے مہنگا ہوا تھا۔ ممبئی میں بھی پٹرول 26 پیسے اور ڈیزل سات پیسے مہنگا ہوگیا۔ آج سے یہاں ایک لیٹر پٹرول 103.89 روپے اورایک لیٹرڈیزل 95.79 روپے میں فروخت ہورہا ہے۔ چنئی میں پٹرول 23

کورونا قہر میں کمی کا رجحان جاری، ملک میں54069 نئے کیس،1321اموات

سرینگر//مہلک وبا کورونا وائرس کے کیسوں میں مسلسل کمی دیکھنے کو مل رہی ہے۔ جمعرات کووزارت صحت کے جاری کردہ اعداد و شمار کے مطابق ملک میں گذشتہ 24گھنٹوں کے دوران کورونا وائرس کے 54069 نئے معاملے سامنے آئے ہیں، جبکہ اس عرصہ کے دوران 1321 افراد کی موت واقع ہوگئی۔ سرکاری اعداد و شمار کے مطابق ملک میں کورونا متاثرین کی کل تعداد 30082778 ہو گئی ہے جب کہ کورونا سے ہلاک ہونے والوں کی مجموعی تعداد 391981 ہوگئی ہے۔  ملک میں گزشتہ 24 گھنٹوں کے دوران کورونا سے صحت یاب ہونے والوں کی تعداد 68885 ہے جب کہ اس وقت ملک میں 627057 سرگرم کیس ہیں ۔  

جموں کشمیر میں4کورونا ہلاکتیں،444نئے کیس

سرینگر//جموں کشمیر میں گذشتہ24گھنٹوں کے دوران کورونا وائرس کے444نئے کیس سامنے آئے۔اس دوران یوٹی میں 4کورونا مریض اپنی جانوں سے ہاتھ دھو بیٹھے۔سرکاری ذرائع کے مطابق یہ گذشتہ طویل ایام سے کورونا وائرس سے ہونے والی ہلاکتوں کی سب سے کم تعداد ہے۔ سرکاری ذرائع نے نئے کورونا کیسوں کے اعداد و شمار دیتے ہوئے کہا کہ گذشتہ شام سے ظاہر ہونے والوں کیسوں میں306کا تعلق وادی کشمیر جبکہ138کا تعلق صوبہ جموں سے ہے۔  

شوپیان معرکہ آرائی میں ایک جنگجو جاں بحق ، آپریشن جاری :پولیس

سرینگر//جنوبی ضلع شوپیان میں بدھ کو بعد دوپہر فورسز اور جنگجوﺅں کے مابین جومعرکہ آرائی شروع ہوگئی اُس میں آخری اطلاعات ملنے تک ایک جنگجو جاں بحق ہوگیا جس کی شناخت ابھی نہیں ہوئی ہے۔ پولیس نے ٹویٹ کرتے ہوئے معرکہ آرائی کے دوران ایک عدم شناخت جنگجو کے جاں بحق ہونے کی اطلاع دی۔پولیس نے کہا کہ شوپیان کے شیر مال علاقے میں سیکورٹی فورسز اور جنگجوﺅں کے مابین تصادم آرائی کے دوران ایک عدم شناخت جنگجو جاں بحق ہوا ہے اور آپریشن جاری ہے ۔ اس سے قبل ذرائع کے مطابق فورسز نے ہیف شیرمال علاقے کو محاصرے میں لیکر تلاشی آپریشن شروع کیا جس کے دوران چھپے جنگجوﺅں اور فورسز کا آمنا سامنا ہوا ،اور معرکہ چھڑ گیا۔  

جنوبی ضلع شوپیان میں فورسز آپریشن کے دوران مسلح تصادم آرائی

سرینگر//جنوبی ضلع شوپیان میں بدھ کو بعد دوپہر فورسز اور جنگجوﺅں کے مابین معرکہ آرائی شروع ہوگئی جو آخری اطلاعات ملنے تک جاری تھی اور طرفین ایک دوسرے کی طرف گولیاں برسا رہے تھے۔ پولیس نے ٹویٹ کرتے ہوئے معرکہ شروع ہونے کی اطلاع دی۔پولیس نے کہا کہ شوپیان کے شیر مال علاقے میں سیکورٹی فورسز اور جنگجوﺅں کے مابین تصادم شروع ہوا ہے۔ مقامی ذرائع کے مطابق فورسز نے اس سے قبل ہیف شیرمال علاقے کو محاصرے میں لیکر تلاشی آپریشن شروع کیا جس کے دوران چھپے جنگجوﺅں اور فورسز کا آمنا سامنا ہوا ،اور معرکہ چھڑ گیا۔  پولیس کے مطابق طرفین کے درمیان گولیوں کا تبادلہ جاری ہے  مزید تفصیلات کا انتظار ہے  

دنیا میں کورونا متاثرین کی تعداد 17.91 کروڑ سے متجاوز، 38.80 لاکھ سے زیادہ ہلاکتیں

واشنگٹن / ریو ڈی جنیرو / نئی دہلی// پوری دنیا میں کورونا وائرس (کووڈ۔19) پھیلنے کا سلسلہ جاری ہے اور اب تک 17.91 کروڑ سے زیادہ افراد اس وبا سے متاثر ہوچکے ہیں اور 38.80 لاکھ سے زیادہ افراد ہلاک ہوچکے ہیں۔ امریکہ کی جان ہاپکنز یونیورسٹی کے سائنس اینڈ انجینئرنگ (سی ایس ایس ای) کے جاری کردہ تازہ ترین اعدادوشمار کے مطابق دنیا کے 192 ممالک اور خطوں میں متاثرہ افراد کی تعداد 17 کروڑ 91 لاکھ پانچ ہزار 648 ہوگئی ہے جبکہ 38 لاکھ 80 ہزار 875 افراد اس سے متاثر ہوکر اپنی زندگی سے ہاتھ دھو بیٹھے ہیں۔ امریکہ جو دنیا میں ایک سپر پاور سمجھا جاتا ہے ، میں کورونا وائرس کی رفتار تھوڑی سست ہوگئی ہے۔ یہاں متاثرہ افراد کی مجموعی تعداد 3.35 کروڑ سے تجاوز کرچکی ہے اور 6.02 لاکھ سے زیادہ افراد ہلاک ہوگئے ہیں۔ کرونا انفیکشن کے معاملے میں ہندوستان دنیا میں دوسرے اور مرنے والے افراد کے لحاظ سے تیسرے ن

سری نگر میں حالیہ 'ٹارگٹ کلنگس' کے بعد سیکورٹی مزید چوکس، کئی مقامات پر ناکے

سری نگر// حالیہ دنوں کے دوران پولیس اہلکاروں پر ہوئے حملوں کے واقعات کے پیش نظر سری نگر میں بدھ کے روز سیکورٹی کو مزید چوکس کر دیا گیا ۔ شہر کے کئی مقامات پر سیکورٹی فورسز نے ناکے لگا دیے ہیں جہاں مسافر بردار گاڑیوں خاص کر دو پہیہ گاڑیوں کی تلاشی کی جاتی ہے ان میں سوار مسافروں کے شناختی کارڈ دیکھے جاتے ہیں اور ان سے پوچھ گچھ بھی جاتی ہے۔ یاد رہے کہ سری نگر میں گذشتہ ایک ہفتے کے دوران دو پولیس اہلکاروں کو نامعلوم اسلحہ براداروں نے گولیاں مار کر ہلاک کر دیا ۔  

ضلع کٹھوعہ کے ہیرا نگر سیکٹر میں بین الاقوامی سرحد پر منشیات اسمگلر ہلاک، 27 کلو ہیرائن بر آمد:بی ایس ایف

جموں// بارڈر سیکورٹی فورس (بی ایس ایف) نے جموں وکشمیر کے ضلع کٹھوعہ کے ہیرا نگر سیکٹر میں بین الاقوامی سرحد پر ایک اسمگلر کو مار کر کروڑوں روپیے مالیت کی ہیرائن بر آمد کرنے کا دعویٰ کیا ہے۔ بی ایس ایف کے ایک ترجمان نے بتایا کہ بین الاقوامی سیکٹر پر ہیرا نگر سیکٹر میں بدھ کی علی الصبح بی ایس ایف کے اہلکاروں نے ایک منشیات اسمگلرکو در اندازی کرنے کی کوشش کرتے ہوئے دیکھا۔ انہوں نے کہا کہ اہلکاروں نے اس کو پہلے وارننگ دی لیکن جب اس نے وارننگ کو نظر انداز کرتے ہوئے بھاگنے کی کوشش کی تو اس پر گولیاں بر سائیں جس کے نتیجے میں وہ ہلاک ہوگیا۔اس کی تحویل سے27کلو گرام ہیرائن بر آمد کیا گیا ہے۔  

ملک میں کوروناوائرس کے50848 نئے کیس،1358 اموات

سرینگر//مہلک وبا کورونا وائرس کے یومیہ کیسوں میں کمی کا رجحان جاری ہے۔بدھ کووزارت صحت کے جاری کردہ اعداد و شمار کے مطابق ملک میںگذشتہ 24گھنٹوں کے دوران کورونا وائرس کے 50848 نئے معاملے سامنے آئے ہیں، جبکہ اسی عرصہ کے دوران 1358افراد کی موقع ہوگئی ۔ اعداد و شمار کے مطابق گزشتہ کئی روز سے کورونا کیسز میں مسلسل کمی آرہی ہے اور حالیہ کچھ روز سے اموات کی تعداد میں بھی کمی آئی ہے۔ ابھی تک ملک میں30028709 افراد کورونا وائرس سے متاثر ہوئے ہیں جبکہ کورونا سے ہلاک ہونے والوں کی کل تعداد 390660 ہو گئی ہے۔

جموں کشمیر میں نئے کورونا کیسوں کی تعداد428تک گر گئی

سرینگر//جموں کشمیر میں گذشتہ24گھنٹوں کے دوران428نئے کورونا وائرس کے کیس سامنے آئے جو اس بات کا ثبوت ہے کہ یہاں کورونا معاملوں میں کمی کا سلسلہ جاری ہے۔ سرکاری اعداد و شمار کے مطابق گذشتہ شام سے ظاہر ہونے والے کورونا کیسوں میں280کا تعلق وادی کشمیر جبکہ148کا تعلق صوبہ جموں سے ہے۔ ان اعداد و شمار میں مزید بتایا گیا ہے کہ گذشتہ شام سے یوٹی میں7کورونا مریض زندگی کی جنگ ہار گئے۔