محبوبہ مفتی کے بیان کے خلاف جموں میں احتجاجی مظاہرہ

جموں// پی ڈی پی صدر اور سابق وزیر اعلیٰ محبوبہ مفتی کے ترنگے کے بارے میں بیان کے خلاف جموں میں ہفتے کو احتجاجی مظاہرہ ہوا۔ان مظاہروں کا اہتمام شیو سینا ڈوگرہ فرنٹ نامی تنظیم نے کیا تھا۔ یاد رہے کہ محبوبہ مفتی نے گذشتہ روز طویل نظر بندی کے بعد اپنی پہلی پریس کانفرنس کے دوران کہا ” میں تب تک کوئی جھنڈا نہیں اٹھاو¿ں گی جب تک نہ جموں وکشمیر کا جھنڈا واپس دیا جائے گا“۔ جموں وکشمیر کے بی جی پی یونٹ نے موصوفہ کے ان کلمات کو” بغاوت“ سے تعبیر کرتے ہوئے ان کی گرفتاری کا مطالبہ کیا ہے۔

فوج نے شمالی کشمیر کے کیرن میں کنٹرول لائن پر چھوٹا ڈرون گرایا

سرینگر//فوج نے ہفتہ کو دعویٰ کیا کہ اُنہوں نے شمالی ضلع کپوارہ کے کیرن سیکٹر میں کنٹرول لائن پرایک (کاڈکاپٹر)چھوٹا ڈرون مار گرایا۔ نیوز ایجنسی کے این او نے دفاعی ذرائع کا حوالہ دیتے ہوئے لکھا کہ کاڈکاپٹر کو کیرن سیکٹر میں کنٹرول لائن کی اگلی چوکی پرمار گرایا گیا۔ دریں اثناءفوج نے بھی اس واقعہ کی تصدیق کرتے ہوئے ٹویٹ کیا کہ کاڈکاپٹر (ڈی جے آئی میوک2) کو آج صبح گرایا گیا۔  

محبوبہ مفتی کو گرفتار کیا جائے:بی جے پی کا مطالبہ

سرینگر//بھارتیہ جنتا پارٹی کی جموں کشمیر شاخ نے مطالبہ کیا ہے کہ سابق وزیر اعلیٰ اور پی ڈی پی صدر محبوبہ مفتی کو” ملک سے بغاوت کرنے کی پاداش“ میں گرفتار کیا جائے۔بھاجپا کو محبوبہ کے اس بیان پر اعتراض ہے جس میں انہوں نے کہا کہ وہ اُسی صورت میں ترنگا اٹھائیں گی جب جموں کشمیر کو اس کا پرچم لوٹایا جائے گا۔ بھاجپا نے کہا کہ ”دنیا کی کوئی طاقت“ جموں کشمیر کے ریاستی جھنڈے یا دفعہ370کو نہیں لوٹاسکتی ہے۔ جموں میں نامہ نگاروں کے ساتھ بات کرتے ہوئے بھاجپا کے جموں کشمیر صدر رویندر رینا نے کہا”میں لیفٹیننٹ گورنر سے گذارش کرتا ہوں کہ محبوبہ مفتی کو ملک سے بغاوت کی پاداش میں گرفتار کرکے جیل میں ڈالدیا جائے“۔ انہوں نے مزید کہا”ہم اپنے ملک کے جھنڈے کیلئے خون کا آخری قطرہ بھی دیں گے۔جموں کشمیر ملک کا اٹوٹ حصہ ہے اس لئے یہاںصرف ایک ہی جھنڈ لہرایا جائے

ملک میں کورونا کے53370 نئے کیس،متاثرین کی تعداد78لاکھ سے تجاوز

سرینگر//ہندوستان میں گذشتہ 24 گھنٹوں کے دوران 53370نئے کیس رپورٹ ہوئے جس سے متاثرین کی مجموعی تعداد7814682 ہوگئی۔ اسی مدت کے دوران67549 مریضوں نے کورونا کو شکست دی جس سے ملک میں شفایاب ہونے والے کورونا مریضوں کی تعداد 7016046 ہوگئی ہے۔  صحت مند افراد کی تعداد نئے کیسز کے مقابلہ میں زیادہ ہونے سے ایکٹیو کیسزکی تعداد14829 سے کم ہو کر 680680رہ گئی۔ اسی عرصہ کے دوران ملک میں 650 کورونا مریضوں کی موت ہوگئی جس سے ہلاک شدگان کی مجموعی تعداد 117956ہوچکی ہے۔  

دنیا بھر میں کووڈ19 سے 11.49 لاکھ سے زیادہ ہلاکتیں

واشنگٹن / ریو ڈی جنیرو / نئی دہلی// جان لیوا اور مہلک ترین عالمی وبا کورونا وائرس (کووڈ 19) سے اب تک 11.49 لاکھ سے زائد افراد ہلاک ہوچکے ہیں۔ جبکہ دنیا بھر میں اب تک اس وبا کے متاثرین کی تعداد 4.24 کروڑ سے تجازو کرچکی ہے۔ امریکہ کی جان ہاپکنز یونیورسٹی کے سائنس اور انجینئرنگ سنٹر(سی ایس ایس ای) کے جاری کردہ اعداد و شمار کے مطابق دنیا میں اب تک 42,490,365 افراد جان لیوا کورونا وائرس سے متاثراور1,149,238 لاکھ افراد ہلاک ہوچکے ہیں۔ اس جان لیوا اور خطرناک وبا سے دنیا بھر میں اب تک 31,427,661مریضوں نے شفایابی حاصل کی ہے۔ جان لیوا کورونا وائرس سے بری طرح متاثر امریکہ میں اب تک223914 افراد ہلاک ہوچکے ہیں جبکہ متاثرین کی تعداد 8487707تک جا پہنچی ہے۔  

شمالی کشمیر کے سوپور میں فورسز کا جنگجو مخالف تلاشی آپریشن

سرینگر//شمالی ضلع بارہمولہ کے سوپور علاقے میں ہفتہ کو سیکورٹی فورسز نے ہارون گاوںکا محاصرہ کرکے تلاشی آپریشن شروع کیا۔ اطلاعات کے مطابق فوج،پولیس اور سی آر پی ایف نے زینہ گیر علاقے میں واقع ہارون گاوں کو محاصرے میں لیکر گھر گھر تلاشی شروع کی۔فورسز نے گاوں کی طرف جانے والے سبھی راستے بھی بند کرلئے ہیں۔ پولیس ذرائع کے مطابق یہ آپریشن علاقے میں جنگجوﺅں کی موجودگی کی اطلاعات کے بعد ہاتھ میں لیا گیا ہے۔ آخری اطلاعات موصول ہونے تک علاقے میںتلاشی آپریشن جاری تھا۔

ڈوڈہ میں مسافر ٹیکسی کھائی میں جاگری،ڈرائیور سمیت3لقمہ اجل،8زخمی

سرینگر//ضلع ڈوڈہ میں جمعہ کو تین افراد جاں بحق اور آٹھ اُس وقت زخمی ہوگئے جب وہ ٹیکسی جس میں وہ سوار تھے مرمت علاقے میں سڑک سے لڑھک کر گہری کھائی میں جاگری۔ اطلاعات کے مطابق یہ مسافر ٹیکسی بھدرواہ سے دیدنی جارہی تھی جب وہ لڑھک کر300میٹر گہری کھائی میں جاگری۔ ایس ایس پی ڈوڈہ ممتاز احمد کے مطابق پولیس اور مقامی لوگوں نے ٹیکسی میں سوار سبھی افراد کو گورنمنٹ میڈیکل کالیج ڈوڈہ پہنچایا جہاں ڈاکٹروں نے تین کو مردہ قرار دیا۔ انہوں نے مزید کہا کہ آٹھ زخمیوں میں 3کمسن بھی شامل ہیں اور اُن کا علاج جاری ہے۔  مہلوکین کی شناختتارا منی ولد پریم سنگھ ساکن ہاومبل مرمت، اشتیاق احمد ولد محمد اکرم ساکن دیدنی مرمت اور ڈرائیور جہانگیر حسین ولد سعد اللہ ساکن دیدنی مرمت کے طور ہوئی ہے۔

آخری صدارتی مباحثے میں ٹرمپ۔بائیڈن ایک دوسرے پر جم کر برسے

واشنگٹن// امریکی صدر ڈونالڈ ٹرمپ اور ڈیموکریٹک پارٹی کی جانب سے صدارتی عہدے کے امیدوار جوبائیڈن آئندہ ماہ ہونے والے الیکشن سے قبل منعقد آخری صدارتی مباحثے میں بیرونی ملکوں کا امریکی الیکشن میں عمل دخل، شمالی کوریا سے مذاکرہ، کورونا وائرس (کووِڈ۔19) وبا اور موسمیاتی تبدیلی جیسے مسائل پر ایک دوسرے پر جم کر برسے۔ بحث کا آغاز کرتے ہوئے ٹرمپ نے عالمی وبا کورونا کے سلسلے بڑا اعلان کرتے ہوئے کہا کہ ان کی حکومت تین ہفتے کے اندر کورونا ویکسین کی بابت اعلان کرے گی۔ انہوں نے کہا کہ امریکی کورونا وبا کے ساتھ جینا سیکھ رہے ہیں اور ملک میں اسکولوں کا کھلنا بھی ضروری ہے۔ مسٹر ٹرمپ نے امریکہ میں وبا کے پھیلنے کا مجرم چین کو قرار دیا۔ ٹرمپ کے جواب میں صدرارتی عہدے کے امیدوار جو بائیڈن نے کہا کہ ٹرمپ انتظامیہ کے پاس کورونا وبا سے نمٹنے کا کوئی ٹھوس منصوبہ نہیں ہے۔ انہوں نے مسٹر ٹرمپ کے نقطہ نظر

ممبئی کے شاپنگ مال میں آگ، کروڑوں کی مالیت کا نقصان

ممبئی // جنوبی ممبئی کے گنجان مسلم آبادی والے علاقے بلاسیس روڑ پر واقع سٹی سینٹر شاپنگ مال میں گذشتہ رات بڑی آتشزدگی کے سبب کروڑوں کی مالیت کا نقصان ہونے کا اندیشہ ہے جبکہ آگ پر اب تک قابو نہیں پایا جاسکا ہے۔ اس سانحہ میں دو فائر مین کے زخمی ہونے کی اطلاع موصول ہوئی ہے تاہم ان حالت مستحکم ہے۔ فائر بریگیڈ ذرائع کے مطابق ، مال میں آگ جمعرات کی رات نو بجے کے وقت لگی جب اس وقت مال کے اندرتقریبا 200 سے 300 افراد موجود تھے جو آگ لگتے ہی محفوظ مقام پر پہنچ گئے۔ فائر بریگیڈ کے ایک عہدیدار نے بتایا کہ آگ بجھانے کے لئے 24 انجن اور6 واٹر ٹینکر کی خدمات حاصل کی گئیںجو اس چار منزلہ مال کی آگ کو قابو پانے میں مصروف ہیں۔ ذرائع نے مزید بتایا کہ مال کے پڑوس میں واقع عمارتوں سے 3 ہزار افراد کو حفظ ماتقدم کے طور پر منتقل کیا گیا ہے۔مال میں زیادہ تر موبائل کی دکانیں ہیں اور اس کی پرزے فروخت ہوتے ہ

انڈسٹریل اسٹیٹ رنگریٹ میں واقع رحیم موٹرس میں آگ کی ہولناگ واردات

سرینگر//سرینگر کے مضافات رنگریٹ کے انڈسٹریل اسٹیٹ میں واقع رحیم موٹرس میں جمعہ کو آگ ظاہر ہوئی ۔آگ لگنے کی وجہ بجلی کا شارٹ شرکٹ بتایا جاتا ہے۔ رحیم موٹرس میں میکنک کی حیثیت سے کام کرنے والے عرفان احمد کے مطابق وہ معمول کے مطابق کام میں مصروف تھے کہ بجلی شارٹ سرکٹ کی وجہ سے آگ نمودار ہوگئی جس نے پوری عمارت کو اپنی لپیٹ میں لے لیا۔یہ واقعہ صبح ساڑھے دس بجے پیش آیا ۔ عینی شاہدین کے مطابق اگر چہ آگ بجھانے والے محکمہ کی ایمر جنسی سروس رحیم موٹرس کے بالکل پاس واقع ہے لیکن آگ بجھانے کی اضافی گاڑیاں طلب کرنے میں پندرہ منٹ نکل گئے۔ رحیم موٹرس کے ایک اور ملازم کے مطابق انہوں نے صارفین کی چھ گاڑیوں کو باہر نکالا ہے لیکن باقی ماندہ عمارت کے اندر ہی ہیں۔ فائر اینڈ ایمر جنسی محکمہ کے ذرائع کے مطابق دو انجن آگ بجھانے میں مصروف ہیں اور پانی کے چھ ٹینڈر بھی کام پر لگائے گئے ہیں تاکہ آگ

بانہال میں لاپتہ خاتون کی بوسیدہ لاش بر آمد

سرینگر//جمعہ کی صبح رام بن ضلع کے بانہال قصبہ میں ایک لاپتہ خاتون کی بوسیدہ لاش بر آمد کی گئی۔ حکام کے مطابق 38سالہ مسرا بیگم زوجہ ارشاد احمد میر ساکن بنکوٹ کی لاش چملواس علاقے میں بر آمد ہوئی۔ مذکورہ خاتون ماہ ستمبر کے آخری ہفتے سے لاپتہ تھی۔ ایس ایچ او بانہال نعیم الحق نے لاش بر آمد ہونے کی تصدیق کرتے ہوئے کہا کہ اُسے اسپتال منتقل کیا گیا ہے تاکہ لوازمات پوری کی جاسکیں۔

کورونا کیسوں میں بتدریج کمی، ملک میں54336 نئے کیس ظاہر، متاثرین کی تعداد 77.61 لاکھ

نئی دہلی//مرکزی وزارت صحت و خاندانی بہبود کی جانب سے جمعہ کو جاری اعداد و شمار کے مطابق گذشتہ 24 گھنٹوں کے دوران ملک میں کوروناوائرس کے54366 نئے کیس رپورٹہونے کے بعد متاثرین کی تعداد 77.61 لاکھ ہو گئی ہے۔اس وقت ملک میں کورونا کے کل 595509 ایکٹیو کیس ہیں اور اب تک6948497 افراد اس وبا کو شکست دے چکے ہیں۔  ملک میں گذشتہ 24 گھنٹوں کے دوران 10 ریاستوں کو چھوڑ کر بقیہ 24 ریاستوں اور مرکز کے زیر کنٹرول علاقوں میں عالمی وبا کورونا وائرس (کووڈ۔19) کے ایکٹیو کیس گھٹے ہیں۔ اس دوران کورونا کے متحرک کیسوں میں مسلسل کمی آ رہی ہے جس سے اب یہ گھٹ کر 6.95 لاکھ رہ گئی ہے جبکہ متاثرین کی تعداد بڑھ کر 77.61 لاکھ ہوچکی ہے۔ ملک میں صحت یاب ہونے والے کورونا مریضوں کی تعداد میں مسلسل اضافہ سے ایکٹیو کیسز میں کمی دیکھنے میں آرہی ہے۔  

مغل شاہراہ پر ٹینکر حادثے کا شکار، ڈرائیوراور کنڈکٹر از جان

سرینگر//ضلع پونچھ کو شوپیان سے ملانے والی تاریخی مغل شاہراہ پر جمعہ کی صبح ایک سڑک حادثے میں 2 افراد جاں بحق ہوگئے۔ حکام کے مطابق ایک ٹینکر جو جموں سے کشمیر کی طرف آرہا تھا، سڑک سے لڑھک کر گہری کھائی میں جاگرا۔ یہ حادثہ پوشانہ علاقے میں پیش آیا۔ حکام نے کہا کہ اس حادثے کے نتیجے میں ٹینکر کا ڈرائیور اور کنڈکٹر موقع پر ہی جاں بحق ہوگئے۔ مہلوکین کی شناخت ڈرائیور تروندر سنگھ ساکن جموں اور کنڈکٹر منگل سنگھ ساکن ڈوڈہ کے طور کی گئی ہے۔  

دہلی میں آلودگی اور کورونا وائرس کی دوہری مار

نئی دہلی // بھارت کی دارالحکومت کے موسم میں سردی کا اثر بڑھنے کے ساتھ لوگوں کو دوگنی پریشانیوں سے دوچار ہونا پڑرہا ہے۔ ایک طرف بڑھتی ہوئی آلودگی سے آب و ہوا روز بروز بدتر ہوتی جارہی ہے ، جبکہ کورونا وائرس (کووڈ۔ 19) کے کیسزمیں بھی گزشتہ کئی دنوں سے مسلسل اضافہ ہورہا ہے۔ دہلی پولیوشن کنٹرول کمیٹی (ڈی پی سی سی) نے دارالحکومت کی آب و ہوا کا انڈیکس جمعہ کو جاری کیا ہے جو انتہائی تشویشناک ہے۔ دہلی میں آج صبح سات بجے آلودگی کی سطح 360 ہے۔ آسمان میں دھواں ہے۔ یہ موسم سانس کی بیماریوں میں مبتلا لوگوں کے لئے بالکل بھی سازگار نہیں ہے۔ ڈی پی سی سی کے مطابق دہلی کی ہوا اب بھی ’انتہائی خراب‘ کے زمرے میں ہے۔ دارالحکومت کا علی پور علاقہ 442 ایئرکوالٹی انڈیکس (اے کیو آئی) کے ساتھ سب سے زیادہ آلودہ خطہ ہے۔ روہنی میں 391 ، دوارکا میں 390 ، آنند وہار میں 387 جبکہ آر کے پورم میں اے کیو

ملک میں نئے کورونا کیسوں میں کمی، زیرعلاج مریضوں کی تعدادگھٹ کر 7.15 لاکھ

نئی دہلی// ملک میں کورونا وائرس (کووڈ199) کے زیر علاج مریضوں کی تعداد میں مستقل کمی واقع ہوئی ہے اور اب ان کی تعداد 7.15 لاکھ ہوگئی ہے اور متاثرین کی تعداد میں مسلسل اضافہ ہوکر 77 لاکھ کو عبور کر گئی ہے ملک میں صحت مند کورونا مریضوں کی تعداد میں مسلسل اضافہ کی وجہ سے زیر علاج مریضوں کی تعداد میں کمی واقع ہوئی ہے۔ جمعرات کو مرکزی وزارت صحت و خاندانی بہبود کے جاری کردہ اعداد و شمار کے مطابق ، گذشتہ 24 گھنٹوں کے دوران55839 نئے کیس رپورٹ ہوئے اور متاثرہ افراد کی کل تعداد 77 لاکھ سے تجاوز کر کے7706946 ہوگئی۔ اسی عرصے میں 79415 افراد نے کورونا کو شکست دی ہے اور اب تک ملک میں6874518 مریضوں نے کورونا سے صحت مند ہوئے ہیں۔ زیر علاج مریض24278 سے کم ہو کر715812 ہوچکے ہیں کیونکہ صحت مند افراد کی تعداد نئے کیسوں سے زیادہ ہے۔ اس عرصے کے دوران ، 702 کورونا سے متاثرہ فوت ہوگئے اور اب تک116616 افراد

شمالی ضلع بانڈی پورہ میں13سالہ لڑکے کی لاش پر اسرار حالت میں بر آمد

سرینگر//شمالی ضلع بانڈی پورہ کے پلان علاقے میں جمعرات کو ایک13سالہ لڑکے کو پر اسرار حالت میں مردہ پایا گیا۔لڑکے کی پر اسرار حالت میں موت اسکے ننیہال میںہوئی جہاں وہ اپنی ماں کے ساتھ تھا۔ مذکورہ لڑکے کی شناخت فرحان ولد الطاف احمد میر ساکن پلان بانڈی پوہ کے طور ہوئی ہے۔ مذکور ہ لڑکے کو بیہوش پایا گیا جس کے بعد اُسے ضلع اسپتال پہنچایا گیا جہاں ڈاکٹروں نے اُسے مردہ قرار دیا۔ اس سلسلے میں کیس درج کرکے تحقیقات شروع کی گئی ہے۔    

پونچھ میں کنٹرول لائن کے نزدیک ہیروئن سے ملتی جلتی3.2کلو گرام شے بر آمد

سرینگر//پولیس نے جمعرات کو بتایا کہ اُنہوں نے ضلع پونچھ میں کنٹرول لائن کے نزدیک بسولی گاوں میں ہیروئن سے ملتی جلتی3.2کلو گرام شے بر آمد کی۔ ایس ایس پی پونچھ رمیشن اگروال کے مطابق اُنہیں بسولی میں منشیات کی موجودگی کی مصدقہ اطلاع ملی تھی جس کی بنیاد پر گذشتہ شب کے دوران آپریشن شروع کیا گیا۔آپریشن کے دوران منشیات کے تین پیکٹ بر آمد کئے گئے جن کے اندر ہیروئن سے ملتی جلتی شے کے3.2کلوگرام شے پائی گئی۔ اس سلسلے میں ایف آئی آر نمبر247کے تحت معاملہ درج کرکے مزید تحقیقات شروع کی گئی ہے۔  

جموں کشمیر میں گذشتہ تین دہائیوں کے دوران 1500 سے زائد پولیس اہلکار ہلاک

جموں// جموں و کشمیر میں گذشتہ تین دہائیوں کے دوران زائد از 15 سو پولیس اہلکار، جن میں متعدد افسران بھی شامل ہیں، ملی ٹنسی و متعلقہ واقعات کے دوران جاں بحق ہوئے ہیں۔ سرکاری ذرائع نے اس ضمن میں تفصیلات فراہم کرتے ہوئے بتایا: ”جموں و کشمیر کے مختلف علاقوں میں گذشتہ 31 برسوں کے دوران مختلف جنگجو مخالف آپریشنز و دیگر کارروائیوں میں 1568 پولیس اہلکاروں نے اپنی جانوں کا نذرانہ پیش کیا ہے“۔ ان میں ایک ڈی آئی جی، ایک ایس پی، 22 ڈی ایس پیز، 26 انسپکٹر، 37 سب انسپکٹر، 65 اسسٹنٹ سب انسپکٹر، 148 ہیڈ کانسٹیبل، 193 سیلکشن گریڈ کانسٹیبل، 537 کانسٹیبل،508 ایس پی او، 1 این او اور24 فالوور شامل ہیں۔  

لداخ خودمختار پہاڑی ترقیاتی کونسل لیہہ کے انتخابات کیلئے ووٹنگ جاری

لیہہ// لداخ یونین ٹریٹری کے ضلع لیہہ میں لداخ خودمختار پہاڑی ترقیاتی کونسل لیہہ کے انتخابات کے لئے سخت سیکورٹی بندوبست کے بیچ ووٹنگ کا عمل جاری ہے۔ سرکاری ذرائع نے بتایا کہ ضلع میں قائم 26 انتخابی حلقوں میں جمعرات کی صبح آٹھ بجے سے ووٹنگ شروع ہوگئی۔ انہوں نے کہا کہ پرامن ووٹنگ کو یقینی بنانے کے لئے جہاں سیکورٹی کے سخت انتطامات کئے گئے ہیں وہیں تمام پولنگ بوتھوں میں اچھی تعداد میں ملازموں کو تعینات کیا گیا ہے۔  

دنیا میں کوروناپھیلاو تیزی سے جاری ، 4.11 کروڑ سے زائد افراد متاثر

واشنگٹن / ریو ڈی جنیرو / نئی دہلی// دنیا بھر میں کورونا وائرس ( کووڈ-19) وبا کے تیزی سے پھیلنے کے باعث متاثرہ افراد کی تعداد 4.11 کروڑ سے زائد ہوگئی ہے اور اس وبا سے ہلاک ہونے والوں کی تعداد بڑھ کر 11.30 لاکھ سے زائد ہوگئی ہے۔ جان ہاپکنز یونیورسٹی کے سینٹر برائے سائنس اور انجینئرنگ (سی ایس ایس ای) کی جانب سے جاری اعداد و شمار کے مطابق دنیا بھر میں اب تک 4.11 کروڑ سے زائد افراد کورونا وائرس سے متاثر ہوچکے ہیں اور 11.30 لاکھ سے زیادہ افراد ہلاک ہوچکے ہیں۔ اس عالمی وبا سے شدید دوچار امریکہ میں کورونا وائرس سے اب تک 2.22 لاکھ سے زائد افراد ہلاک ہوچکے ہیں اور83.35 لاکھ سے زیادہ افراد متاثر ہوئے ہیں۔

تازہ ترین