تازہ ترین

سری لنکن شہری کا درد ناک قتل | پاکستان میں 800افراد کے خلاف کیس درج

اسلام آباد //پاکستان کے شہر سیالکوٹ میں توہین مذہب کے الزام میں مشتعل ہجوم کی جانب سے تشدد کے بعد قتل کیے جانے والے سری لنکن شہری پریا نتھا دیاودھنہ کی اہلیہ نے پاکستان کی حکومت اور وزیر اعظم عمران خان سے منصفانہ تحقیقات اور انصاف کا مطالبہ کیا ہے۔جمعے کو صوبہ پنجاب میں سیالکوٹ کی ایک فیکٹری میں بطور مینیجر کام کرنے والے پریا نتھا کو ایک مشتعل ہجوم نے توہین مذہب کے الزام میں تشدد کر کے ہلاک کرنے کے بعد ان کی لاش کو آگ لگا دی تھی۔پولیس کا کہنا ہے کہ دہشت گردی کی دفعات کے تحت800 ملزمان کے خلاف مقدمہ درج کر لیا گیا ہے جبکہ اب تک 13 اہم مشتبہ افراد میں سے 118 کو گرفتار کیا گیا ہے ۔   

مالی:بس پر مسلح افراد کے حملے میں 31افراد ہلاک

بماکو//مالی میں نامعلوم مسلح افراد نے مسافر بس پر فائرنگ کردی جس کے نتیجے میں 31 افراد ہلاک ہوگئے۔  مالی میں دیہاتیوں کو لے کر بازار جانے والی ایک مسافر بس پر مسلح افراد نے حملہ کردیا۔ ملزمان نے پہلے ٹائر پر فائرنگ کرکے بس روکی اور پھر مسافروں پر اندھا دھند فائرنگ کردی۔مسلح افراد کی فائرنگ میں 31 مسافر ہلاک اور متعدد زخمی ہوگئے۔ یہ بس ہفتے میں 2 دن مسافروں کو لیکر مرکزی بازار جاتی ہے جہاں سے دیہاتی پورے ہفتے کی خریداری کرتے تھے۔  

دنیا کی تیز ترین ٹیکہ کاری مہم میں برطانیہ پہلے پائیدان پر

 لندن //کووڈ 19 کے خلاف ویکسینیشن دنیا کی تاریخ کی سب سے بڑی مہم ہے جس کا آغاز ایک برس قبل 8 دسمبر 2020 کو برطانیہ سے ہوا۔اس وقت تک دنیا کی تقریباً آدھی آبادی کو ویکسین کی کم سے کم ایک خوراک لگ چکی ہے۔تاہم جہاں ایک طرف امیر ممالک اپنے شہریوں کو ویکسین کی تیسری خوراک لگارہے ہیں وہیں غریب ممالک ابھی تک پہلی خوراک کا انتظار کررہے ہیں۔ویکسینیشن مہم میں برطانیہ دیگر ممالک سے برتری حاصل کیے ہوئے ہے، روس اور چین نے پہلے ہی یہ مہم شروع کررکھی ہے جس میں مخصوص شہروں اور علاقوں کو ہدف بنایا گیا ہے۔ویکسینیشن مہم کے ابتدائی دنوں میں برطانیہ نے ایسٹرازینیکا ویکسین کا استعمال کیا۔ دیگر کئی امیر ممالک جیسا کہ امریکہ، کینیڈا، متحدہ عرب امارات نے 14 دسمبر کو یہ مہم شروع کی۔ ان کے بعد سعودی عرب، اسرائیل اور یورپی یونین نے مہینے کے آخر میں اس مہم کا آغاز کیا۔ان ممالک نے زیادہ تر امریکہ اور جرمنی

خواتین کو جائیداد میں حصہ دیں اور زبردستی شادی نہ کرائیں:طالبان

کابل//طالبان حکومت نے خواتین کے حقوق کے حوالے سے حکم نامہ جاری کیا ہے جس میں ہدایت کی گئی ہے کہ خواتین کو جائیداد میں حصہ دیا جائے اور شادی بھی اْن کی مرضی سے کرائیں۔ امارت اسلامیہ افغانستان کی جانب سے ایک حکم نامے میں شہریوں کو ہدایت کی گئی ہے کہ لڑکیوں کی شادی کے لیے اْن کی رضامندی حاصل کرنا چاہیئے۔حکم نامے کی خلاف ورزی کرنے والوں کو سزائیں دی جائیں گی۔ترجمان طالبان ذبیح اللہ مجاہد کی جانب سے جاری حکم نامے میں کہا گیا ہے کہ عورت کوئی جائیداد نہیں بلکہ ایک عظیم اور آزاد مخلوق ہے جسے کوئی بھی امن کے بدلے یا دشمنی ختم کرنے کے لیے دوسرے فریق کے حوالے کر سکتا ہے۔خواتین کو جائیداد میں حصہ اور شادی کے حوالے سے حکم نامے میں مزید کہا گیا ہے کہ خواتین کو زبردستی شادی پر مجبور نہیں کیا جانا چاہیے اور بیواؤں کو ان کے مرحوم شوہر کی جائیداد میں حصہ ملنا چاہیے۔ترجمان طالبان کے بیان میں عورتوں کو

شام میں بس پر حملہ

دمشق// شام کے مشرقی صوبہ در الزور میں آئل فیلڈ میں کام کرنے والے کارکنوں کی بس پر حملہ ہوا ہے۔ جس کے نتیجے میں کم ازکم 10 کارکن ہلاک  اورچند دیگر زخمی ہوئے ہیں۔فوری طور پر یہ واضح نہیں ہو سکا کہ ذمہ دار کون ہے جب کہ یہ حادثہ اس وقت پیش آیا جب کارکنان کو کام سے واپس لے جایا جا رہا تھا۔تیل کی دولت سے مالا مال شام کے اس صوبے میں ایسی کارروائیوں میں باقاعدگی سے سرگرم داعش گروپ  نے اس کارروائی کا دعویٰ کیاہے۔شام میں کام کرنے والی تنظیم آبزرویٹری فار ہیومن رائٹس نے بتایا ہے کہ درالزور کے علاقے میں بس حملے میں دھماکہ خیز ڈیوائس استعمال کی گئی۔انہوں نے بتایا کہ یہ سانحہ  دیر ایزور کے اس علاقے میں پیش آیا  ہے۔  

لیبیا: سیف الاسلام قذافی انتخابات لڑنے کیلئے اہل قرار

جدہ //لیبیا کے سابق حکمران معمرقذافی کے بیٹے سیف الاسلام  صدارتی انتخابات میں حصہ لینے کیلئے  اہل قرار دے دیے گئے ہیں۔ لیبیا کی عدالت نے سیف الاسلام قذافی کو صدارتی انتخابات لڑنے کیلئے اہل قرار دے دیا۔قذافی کے بیٹے سیف الاسلام نے صدارتی انتخابات کیلئے کاغذات نامزدگی جمع کرا دیے۔سیف الاسلام  نے گزشتہ ماہ انتخابی کمیشن کی جانب سے ان کی درخواست کو مسترد کیے جانے کے خلاف سبھا کی عدالت میں  اپیل دائر کی تھی۔واضح رہے کہ گزشتہ ماہ  لیبیا کے الیکشن کمیشن نے سیف الاسلام قذافی کو  2015 میں جنگی جرائم کے الزامات سزائے یافتہ ہونے کی وجہ سے  ان کا نام صدارتی انتخابات میں شامل اْمیدواروں کی فہرست  سے خارج کردیا تھا۔خیال رہے کہ لیبیا کے پہلے براہ راست صدارتی انتخابات کا پہلا مرحلہ 24 دسمبرکو ہوگا۔  

اومیکرون کی ویکسین بنانے کیلئے عالمی دوڑ شروع

واشنگٹن //دنیا بھر کی حکومتوں نے ملک کو لاک ڈاون کی صورت میں معاشی تباہی سے بچانے کے لیے کورونا کی نئی قسم اومیکرون کی ویکسین بنانے کی کوششیں تیز کردیں۔ ہوائی اڈوں پر مسافروں کی جانچ کرکے متاثرہ افراد کی شناخت کی جارہی ہے،جب کہ اومیکرون وائرس کو ڈی کوڈ کرنے کا کام بھی تیز کردیا گیا ہے۔ طبی ماہرین کا کہنا ہے کہ اومیکرون کے تیزی سے پھیلنے کاخدشہ ہے۔ مملکت سعودی عرب اور متحدہ عرب امارات کے بعد امریکہ میں بھی کورونا وائرس کی اومیکرون اسٹرین کا پہلا کیس سامنے آگیا ہے ۔ متاثرہ شخص جنوبی افریقہ سے 22 نومبر کو امریکہ آیا تھا۔وائٹ ہاؤس کے مطابق اومیکرون سے متاثرہ شخص ویکسین کا کورس مکمل کر چکا تھا، مریض کا علاج جاری ہے ۔دوسری جانب عالمی ادارہ صحت (ڈبلیو ایچ او) کے سربراہ ٹیڈروس ایڈہانوم نے کہا ہے کہ تمام ممالک پُرسکون رہ کر اومیکرون کے خلاف حقیقی اقدامات کریں۔انہوں نے کہا کہ نئے ویرینٹ اومیک

نائجیریا:کشتی پلٹنے سے 29 افراد ہلاک

گوسے // شمالی نائجیریا کی ریاست کانو میں کشتی پلٹنے سے مرنے والوں کی تعداد 29 ہو گئی ہے ۔انفارمیشن کمشنر محمد گربا نے ایک پریس کانفرنس میں بتایا کہ اب تک کل 29 لاشیں ملی ہیں جن میں زیادہ تر بچے اور خواتین ہیں۔ جبکہ 14 دیگر تاحال لاپتہ ہیں۔ یہ حادثہ کانو صوبے کے باگوائی شہر میں منگل کو پیش آیا۔مسٹر گربا نے بتایا کہ سات افراد کو بچا لیا گیا ہے اور ان کا مقامی ہسپتال میں علاج کیا جا رہا ہے ۔ راحت اور بچاؤ آپریشن ابھی بھی جاری ہے ۔انہوں نے بتایا کہ صوبائی حکومت نے واقعہ کی تحقیقات اور مستقبل میں ایسے واقعات کے اعادہ کو روکنے کے لیے ایک کمیٹی تشکیل دی ہے ۔دریں اثناء نائجیریا کے صدر محمد بحاری نے کشتی حادثے پر افسوس کا اظہار کرتے ہوئے اسے المناک حادثہ قرار دیا۔ انہوں نے ریاستی حکومت کے تمام وفاقی اداروں کو تعاون کا یقین دلایا ہے ۔ ریسکیو آپریشن جاری ہے ۔یو این آئی  

دنیا کے مہنگے ترین شہر،تل ابیب پہلے پائیدان پر

تل ابیب //اسرائیلی شہر تل ابیب نے مہنگا ہونے کے اعتبار سے پیرس کو پیچھے چھوڑ دیا ہے۔پیرس اور سنگاپور ایک ساتھ دوسرے مقام پر ہیں۔ 2020 کے مقابلے میں اسرائیل کے شہر تل ابیب نے پانچ درجے اوپر کی جانب پہنچ کر دنیا کا مہنگا ترین شہر ہونے کا درجہ حاصل کیا۔سن 2020 میں مہنگے ترین شہر کی پہلی پوزیشن پر تین شہر براجمان تھے، ان شہروں میں پیرس، ہانگ کانگ اور زیورچ شامل تھے۔رواں برس کی رپورٹ میں یہ تینوں شہر مہنگے ترین ہونے کے درجے سے تنزلی کر گئے ہیں۔ پیرس اور سنگا پور ایک ساتھ دوسری پوزیشن پر ہیں۔ زیورچ تیسرے اور ہانگ کانگ چوتھا مہنگا ترین مقام ہے۔ مہنگے ترین شہروں کی درجہ بندی میں امریکا کا نیویارک سٹی چھٹی پوزیشن پر ہے جب کہ ساتویں پر جنیوا ہے۔تل ابیب کے دنیا میں مہنگا ترین شہر ہونے کی اولین وجہ ڈالر کے مقابلے میں اسرائیلی کرنسی شیکل کی قدر میں پیدا ہونے والی غیر معمولی بہتری ہے۔ اس اسرائیلی شہ

ایران سرحد پر تصادم غلط فہمی کا نتیجہ:طالبان

کابل//یو این آئی//افغانستان میں طالبان حکومت کے ترجمان ذبیح اللہ مجاہد نے کہاکہ ایران اور افغانستان کی سرحد پر سلامتی دستوں کے مابین تصادم غلط فہمی کے علاوہ کچھ نہیں ہے ۔ایران اور افغانستان کے مغربی صوبہ نیمروز کی سرحد پر دونوں ممالک کے سلامتی دستوں کے مابین تصادم ہوا ہے ۔ مجاہد نے ٹوئٹ کرکے کہاکہ افغان اور ایران کے سلامتی دستوں کے مابین نیمروز صوبہ کے کانگ ضلع کے سرحدی علاقہ میں تصادم مقامی سطح پر پھیلی ایک غلط فہمی کی وجہ سے ہوا تھا جسے حل کرلیا گیا ہے ۔ آئندہ وفت میں اس طرح کے واقعات کو روکنے کے لئے اسلامی امارات نے ضروری ہدایات جاری کی ہیں۔

امریکہ میں فائرنگ

نیویارک //امریکی ریاست مشی گن کے ایک اسکول میںطالبعلم نے فائرنگ کرکے دو لڑکیوں سمیت تین طلباء کو قتل کردیا ہے۔ واقعے میں آٹھ افراد زخمی بھی ہوئے جبکہ ریسکیو اداروں کے پہنچنے سے قبل قاتل لڑکے نے اپنے ہم مکتب ساتھیوں پر کم و بیش بیس رائونڈز فائر کیے۔زخمیوں میں ایک ٹیچر کے بھی شامل ہونے کی اطلاع ہے۔نائب سٹی پولیس چیف مائیکل میک کابے نے نامہ نگاروں کو بتایا کہ  فائرنگ کے واقعے میں ہلاک ہونے والوں میں ایک 16 سالہ لڑکا جبکہ 17اور 14 برس کی دو لڑکیاں شامل ہیں۔ کم از کم ایک ٹیچر سمیت دیگر اٹھ افراد زخمی بھی ہوئے ہیں۔فائرنگ کا یہ واقعہ آکسفورڈ قصبے کے آکسفورڈ ہائی اسکول میں پیش آیاانہوں نے بتایا کہ حملے کے چند منٹوں کے اندر ہی پولیس نے حملہ آور کو گرفتار کرلیا۔ پولیس نے اس کے پاس سے سیمی آٹومیٹک ہینڈ گن اور متعدد گولیاں بھی برآمد کرلی ہیں۔مائیکل میک کابے نے بتایاکہ اس لڑکے نے تقریبا

اومیکرون کے بڑھتے خدشات

ٹوکیو//یو این آئی//جاپان نے بدھ کو نئے کووڈ-19 ویرئینٹ اومیکرون پر بڑھتے ہوئے خدشات کے درمیان ان افراد کو کورونا کے بوسٹر انجیکشن دینا شروع کیے جنہوں نے کم از کم آٹھ ماہ قبل دونوں ڈوز لی ہیں۔پورے ملک میں فائزر اور بایواین ٹیک کی تیار کردہ ویکسین کی تیسری ڈوزصحت کارکنان کو فراہم کی جائے گی۔ بوسٹر اور دیگر افراد کو جنوری سے بوسٹر ڈوزملنے کی توقع ہے ۔اومیکرون کے نئے ویریئنٹ کے خلاف بوسٹر ڈوز کی تاثیر ابھی تک معلوم نہیں ہے ، لیکن وزیر اعظم فومیو کشیدا نے فیصلہ کیا ہے کہ جاپان شیڈول کے مطابق بوسٹر ڈوز متعارف کرائے گا کیونکہ کورونا کے نئے ویریئنٹ کے خلاف بوسٹر ویکسین قوت مدافعت کو کمزور کرنے میں کارگر ہے ۔جاپان کی موجودہ پالیسی کے تحت، 18 سال یا اس سے زیادہ عمر کے افراد تیسری ویکسین کے اہل ہوں گے ۔ خاص طور پر، بوڑھے یا زیادہ خطرے والے پیشوں سے وابستہ افراد اور شدید علامات والے افراد کو خاص ط

روس کا جدید میزائل کا تجربہ

ماسکو// روس نے جدید سِرکون ہائپر سونک کروز میزائل کے کامیاب تجربے کا دعویٰ کیا ہے۔ روسی وزیر دفاع نے کہا ہے کہ روسی جنگی بحری جہاز ایڈمرل گورشیکوف سے ہائپر سونک کروز میزائل داغا جس نے 400 کلومیٹر کی دور پر ہدف کو کامیابی سے نشانہ بنایا۔ ہائپر سونک کروز میزائل کا نام سِرکون ہے جس کی تیاری کے لیے سائنس دان اور ماہرین کافی عرصے سے تجربات میں مصروف تھے۔  

اخوند نے خاموشی توڑ دی، غنی پر بدعنوانی کے الزامات لگائے

کابل/یو این آئی//افغانستان کے نگراں وزیر اعظم ملا محمد حسن اخوند نے سوشل میڈیا پر ہونے والی تنقید کے درمیان اپنی خاموشی توڑتے ہوئے طالبان کے دور حکومت میں وزیر اعظم مقرر ہونے کے بعد پہلی بار ایک بیان جاری کیا ہے۔افغانستان کے قومی ریڈیو اور نیوز چینل پر ہفتہ کی شام حسن اخوند کا آڈیو پیغام نشر کیا گیا جس میں سابق افغان صدر اشرف غنی پر بدعنوانی اور فنڈ کے غبن کے الزامات لگائے گئے۔خامہ نیوز پر نشر ہونے والے ایک پیغام میں اخوند نے کہاکہ ’’ غنی نے صدارتی محل میں ایک بینک قائم کررکھا تھا۔"انہوں  نے بتایا کہ طالبان فوجیوں نے صدارتی محل  سے غنی  اور ان کے ٹیم کے فرار ہونے کے بعد کافی رقم برآمد کی تھی۔ عام معافی کے معاملے پر انہوں نے کہا کہ طالبان عام لوگوں اور فوجی اہلکاروں کو بھی عام معافی دے گی۔ انہوں نے کہا کہ صرف ان لوگوں کو سزا دی جائے گی جنہوں نے جرم کیا

اُومیکرون وائرس سے دنیا میںدہشت

 پریٹوریا//کورونا وائرس کے ارتقا کو دو برس ہوگئے، دنیا کورونا وائرس کے نئے ویرینٹ سے مقابلے کی کوشش کر رہی ہے جو کورونا وائرس سے زیا خطرناک ہے جس نے تقریباً دنیا کے تمام براعظموں میں متعدی مرض کی لہر کو ہوا دی ہے۔ عالمی ادارہ صحت (ڈبلیو ایچ او) کے پینل نے اس ویرینٹ کو ’اومیکرون‘ کا نام دیا ہے اور اس کی درجہ بندی تیزی سے منتقل ہونے والے وائرس کے طور پر کی گئی ہے، یہ اس سے قبل غالب وائرس ڈیلٹا ویرینٹ کی ہی قسم ہے،جس کے کیسز یورپ اور امریکا میں اب بھی سامنے آرہے ہیں اور یہ لوگوں کی اموات کی وجہ بن رہا ہے۔دنیا کے متعدد ممالک نے جنوبی افریقہ سفر کرنے والے ، وہاں سے آنے والے اور پروازوں پر پابندی لگانے کے اعلانات پر شدید احتجاج کرتے ہوئے پابندیوں کو ڈریکونئین، غیر سائنسی اور عالمی ادارہ صحت کی ہدایات کے برعکس قرار دے دیا ہے ۔  

ورلڈ ٹریڈ آرگنائزیشن کی کانفرنس ملتوی

جنیوا// ورلڈ ٹریڈ آرگنائزیشن (ڈبلیو ٹی او) کے ڈپٹی ڈائریکٹر جنرل اینابیل گنزالیز نے کہا کہ کورونا وائرس (کووڈ-19) کے نئے ویریئنٹ کے پھیلاؤ کے پیش نظر 12ویں وزارتی کانفرنس کو ملتوی کر دیا گیا ہے ۔مسٹر گنزالیز نے ٹویٹ کیا کہ 12ویں ڈبلیو ٹی او وزارتی کانفرنس ملتوی کر دی گئی ہے ۔ یہ فیصلہ ڈبلیو ٹی او جنرل کونسل کے صدر کاسٹیلو ڈیسیو، ڈی جی نویلا اور کل وقتی اراکین کے مشورے سے کیا گیا ہے ۔ صحت اور غیر جانبداری کے لحاظ سے یہ درست فیصلہ ہے ۔ کام جاری رہنا چاہیے ۔"ڈبلیو ٹی او میں برطانیہ کے مستقل نمائندے سائمن مینلی نے تنظیم کے فیصلے پر تائید کا اظہار کیا۔    

تیل کی پیداوار

ماسکو //روس نے تیل کی پیداوار میں امریکا کو پیچھے چھوڑ دیا۔ خبر رساں اداروں کے مطابق روس ستمبر میں دنیا کا سب سے بڑا تیل پیدا کرنے والا ملک بن گیا ، جس کے بعد اس نے امریکا کو بھی پیچھے چھوڑ دیا ہے۔ روس نے جولائی میں ایک کروڑ بیرل یومیہ تیل کی پیداوار کی ، جب کہ اس دوران امریکا کی طرف سے یومیہ ایک کروڑ 10لاکھ بیرل تیل پیدا کیا گیا۔  

امریکہ میں ہرن کووڈ19سے متاثر پائے گئے

اوٹاوا/یو این آئی/ژنہوا// امریکہ میں سفید دم والے کئی ہرن کورونا وائرس سے متاثر پائے گئے ہیں، جو اس وبا کے خلاف جاری لڑائی کے لیے تشویش کا باعث ہے ۔یہ اطلاع کناڈا کی گلوبل نیوز ویب سائٹ نے اپنی رپورٹ میں دی ہے ۔  

اٹلانٹا ایئرپورٹ پرفائرنگ، 3افراد زخمی

واشنگٹن/یو این آئی/ اسپوتنک// امریکہ کے اٹلانٹا بین الاقوامی ہوائی اڈے پر اتفاقیہ طور پر فائرنگ کے نتیجے میں تین افراد زخمی ہو گئے ہیں۔یو ایس ٹرانسپورٹیشن سیکیورٹی ایڈمنسٹریشن (ٹی ایس اے ) نے یہ اطلاع دی ہے ۔ ٹی ایس اے نے ہفتے کے روز ایک بیان میں کہا، ‘‘آج تقریباً 1:30 بجے ہارٹسفیلڈ-جیکسن اٹلانٹا انٹرنیشنل ایئرپورٹ پرسنٹرل سرچ پوائنٹ پر تلاشی کے دوران ٹی ایس اونے ایکس رے کے ذریعے شناخت شدہ ایک ممنوعہ چیز کی وجہ سے بیگ کی تلاش شروع کی۔ مسافر کو بیگ کو چھونے کا مشورہ دیا اور جیسے ہی اس نے بیگ کھولا تو اس میں بندوق برآمد ہوئی۔  

میانمار میں سمندری لہروں نے 15لوگوں کی جان لی

نائے پیڈا/یو این آئی۔زنہوا//میانمار کے جنوب مشرقی مون ریاست میں اتوار کی صبح تیز سمندری لہروں کی زد میں آکر کم از کم 15لوگوں کی موت اور کچھ دیگر کے لاپتہ ہونے کی اطلاع ملی ہے ۔ ایک مقامی پولیس افسر نے زنہوا خبررساں ایجنسی کو یہ اطلاع دی۔پولیس افسر نے بتایا کہ ایک پگوڈا میں خراج عقیدت پیش کرنے کے لئے کچھ عقیدت مند سمندری راستے سے ہوکر جارہے تھے ، اسی دوران وہ تمام تیز لہروں کی زد میں آکر بہہ گئے ۔یہ واقعہ تھانبوجائت شہر میں صبح ساڑھے سات بجے کے آس پاس ہوا۔ لاپتہ لوگوں کا پتہ لگانے کے لئے مقامی انتظامیہ کی طرف سے تلاش اور بچاو مہم چلائی جارہی ہے ۔