تازہ ترین

شتکڑی سونہ مرگ سڑک ناقابل آمدورفت

تاریخ    15 ستمبر 2021 (00 : 01 AM)   


غلام نبی رینہ
کنگن//ریزن سے شتکڑی سونہ مرگ تک سڑک خستہ حال ہونے کے نتیجے میں ٹرانسپورٹروں کو مشکلات کا سامنا کرنا پڑرہا ہے۔ سڑک پر  جگہ جگہ گہرے کھڈبن جانے کی وجہ سے گاڑیوں کو نقصان ہورہا ہے۔ ٹرانسپورٹروں پر مشتمل ایک وفد نے بتایا کہ گاندربل ضلع کے ریزن سے شتکڑی سونہ مرگ تک سرینگر سونہ مرگ سڑک خستہ حال ہوچکی ہے جس کے نتیجے میں ٹرانسپورٹروں کو نقصان سے دوچار ہونا پڑتاہے۔ ٹرانسپورٹروں نے کہا کہ اگر ریزن سے شتکڑی ٹول پوسٹ تک باڈر روڈ آرگنائزیشن نے میکڈم نہیں بچھایا جس کی وجہ سے شاہراہ پر چلنے والے ٹرانسپورٹروں کو روزانہ ہزاروں روپے کا نقصان برداشت کرنا پڑتا ہے۔ انہوں نے بتایا کہ بیکن اس سڑک کی مرمت کرتی ہے نہ میکڈم بچھایا جارہا ہے۔ انہوں نے حکام سے مطالبہ کیا کہ ریزن سے شتکڑی تک سڑک پر میکڈم بچھایا جائے تاکہ انہیںمزید نقصان سے دو چار نہ ہونا پڑے۔