تازہ ترین

ساوجیاں سکول میں ’ہندی دیوس ‘پر تقریب کا انعقاد

تاریخ    15 ستمبر 2021 (00 : 01 AM)   


حسین محتشم
 پونچھ//گورنمنٹ ماڈل ہائر سکینڈری سکول ساوجیاں میں ہندی دیوس کے سلسلہ میں ایک تقریب کا اہتمام کیا گیا جس کے دوران سکول پرنسپل انور خان نے اردو اور کشمیری کے ساتھ ساتھ ہندی سیکھنے کا مشورہ دیتے ہوئے کہا کہ یہاں ہندی اور سنسکرت زبانیں بہت پہلے بولی جاتی تھیں۔ تقریب سے خطاب کرتے ہوئے پرنسپل انور خان نے طلبہ وطالبات کو دوسری زبانوں کے ساتھ ساتھ ہندی سیکھنے کا مشورہ دیتے ہوئے کہا’ہندی کے فروغ کے لئے بھارت سرکار اپنی کوششیں جاری رکھی ہوئی ہے لیکن ہم لوگوں کی بھی حصہ داری ہونی چاہئے۔ انہوں نے طلباء پر زور دیتے ہوئے کہاکہ اردو او ر انگریزی کیساتھ ساتھ ہندی سیکھنے کی کوششیں کی جائیں ۔ہندی دیوس تقریب کے دوران طلبا نے بھی اپنے خیالات کا اظہار کیا اور دیگر مقررین نے بھی ہندی سیکھنے کی ضرورت پر زور دیتے ہوئے کہا کہ زیادہ سے زیادہ زبانوں کو سیکھنے کیلئے کوششیں جاری رکھی جائیں ۔