تازہ ترین

جوکووچ اور نڈال کے درمیان سیمی فائنل کھیلا جائیگا

تاریخ    11 جون 2021 (00 : 01 AM)   


 نئی دہلی/ دنیا کے نمبر ایک کھلاڑی سربیا کے نوواک جوکووچ اٹلی کے ماتیو بیریٹی کے چیلنج پر بدھ کی رات 6-3، 6-2، 6-7 (5)، 7-5 سے قابو پاتے ہوئے سال کے دوسرے گرینڈ سلیم فرنچ اوپن کے مردوں کے سنگلز کے سیمی فائنل میں داخلہ حاصل کرلیا جہاں ان کا مقابلہ 13 مرتبہ کے چیمپئن اسپین کے رافیل نڈال سے ہوگا۔ جوکووچ نے بیریٹینی کے خلاف تین بریک پوائنٹس کو بچایا جن کا انہوں کورٹ فلپ چیتریئر پر سامنا کیا ۔ پیرس میں رات کے کرفیو میں 11 بجے تک توسیع کے بعد کورٹ شائقین کے جوش و خروش سے گونج رہا تھا ۔ چوتھے سیٹ کے وسط میں ہی ناظرین کو اسٹیڈیم سے باہر کیا گیا لیکن جوکووچ نے اپنے تسلسل کو جاری رکھا اور ٹاپ سیڈ کھلاڑی نے تین گھنٹے 28 منٹ میں میچ جیتنے کا جشن زبردست طریقہ سے منایا۔ جوکووچ اور نڈال کے مابین سیمی فائنل میچ پچھلے سال کے فائنل اور 2014 اور 2012 کے چیمپئن شپ میچوں کی طرح ہوگا۔ یہ دونوں کے مابین 58 واں میچ ہوگا۔ جوکووچ نے 2016 میں ٹرافی جیتی تھی ۔ جوکووچ نے نڈال کے خلاف کیریئر میچوں میں 29-28 کی برتری بنا رکھی ہے ، جبکہ نڈال کو کلے کورٹ میچوں میں 19-7 کی برتری حاصل ہے ۔جوکووچ کی بیریٹنی کے خلاف جیت سے اپنے 40 ویں گرینڈ سلیم سیمی فائنل میں داخلہ حاصل کرلیا ہے اور سوئزرلینڈ کے روجر فیڈرر کے بعد یہ اعزاز حاصل کرنے والے دوسرے کھلاڑی بن گئے ہیں۔ اس مرتبہ ٹورنامنٹ سے ہٹ گئے فیڈرر 46 مرتبہ گرینڈ سلیم سیمی فائنل میں پہنچے ہیں ۔ پہلے دو سیٹ جیتنے کے بعد ، جوکووچ ٹائی بریک میں تیسرا سیٹ ہار گئے ۔ بیریٹینی نے اس سیٹ کا ٹائی بریک 7-5 سے جیتا۔ باریٹینی نے اس سیٹ میں جووکوچ کے 14 کے مقابلے 23 ونرس لگائے جو اس سیٹ میں ان کی جیت کی وجہ بنا۔چوتھے سیٹ میں تین۔دو تک دونوں کھلاڑیوں نے اپنی سروس برقرار رکھی لیکن گھڑی میں رات کے گیارہ بجتے ہی ناظرین کو اسٹیڈیم سے باہر نکالنے کا کام شروع کیا گیا جس کی وجہ سے کھیل پچیس منٹ تک روک دیا گیا۔ دونوں کھلاڑی پھر خالی اسٹیڈیم میں واپس لوٹے جہاں بیریٹینی نے اپنی سروس برقرار رکھی جبکہ جوکووچ نے چھ۔پانچ کے اسکور پر تین پوائنٹ حاصل کئے اور شاندار انداز میں میچ جیتنے کا جشن منایا۔ جوکووچ کے سامنے اب نڈال کا چیلنج ہوگا جنہوں نے ارجنٹینا کے ڈیگو شرواٹزمین کے چیلنج پر دو گھنٹے 45 منٹ میں چھ۔تین، چار۔چھ ،چھ۔چار، چھ۔صفر سے قابو پایا اور 14 ویں مرتبہ سیمی فائنل میں داخلہ حاصل کرلیا۔ یواین آئی۔ 
 

تازہ ترین