تازہ ترین

ڈوڈہ میں کرونا کرفیو نافذ رہا

نجی کاروباری ادارے بند رہے ،ٹریفک نظام معطل

تاریخ    9 مئی 2021 (00 : 01 AM)   


اشتیاق ملک
ڈوڈہ //ڈوڈہ ضلع میں آج کرونا کرفیو نافذ رہا جس دوران ایمرجنسی سروسز کو چھوڑ کر ٹریفک کی نقل و حرکت معطل رہی جبکہ بازار بھی بند رہے۔تفصیلات کے مطابق ڈپٹی کمشنر کی جانب سے جمعہ کی شام جاری حکمنامہ کے تحت ہفتہ کے روز ڈوڈہ، بھدرواہ، ٹھاٹھری ،عسر و گندوہ میں نجی کاروباری ادارے مکمل طور پر بند رہے جبکہ ٹریفک نظام معطل رہا۔اس دوران سبزی ،چکن ،گوشت ،بیکری و دودھ سپلائی کرنے والی دوکانیں دس بجے تک ومیڈیکل دوکانیں دن بھر کھلی رہیں۔انتظامیہ نے لوگوں سے ایس او پیز پر سختی سے عمل درآمد کرنے کی اپیل کی ہے۔ ادھر متعدد سبزی فروشوں نے کشمیر عظمیٰ کو بتایا کہ دن بھر دوکانیں بند رہنے سے بڑی مقدار میں سبزیاں خراب ہو رہی ہیں اور انہیں مالی خسارے کا سامنا کرنا پڑتا ہے۔ انہوں نے حکام سے اس فیصلے پر نظرثانی کرنے کا مطالبہ کیا ہے۔