تازہ ترین

ہلکی بارشوںکے بیچ شاہراہ قابل آمد ورفت | آج سرینگر سے جموں کیلئے ٹریفک چلے گا

تاریخ    8 مئی 2021 (00 : 01 AM)   


محمد تسکین
بانہال // جموں سرینگر شاہراہ پر جمعہ کے روز وادی کشمیر سے مسافر گاڑیوں کو جموں کی طرف جانے کی اجازت تھی اور اودھمپور میں درماندہ مال گاڑیاں بھی وادی کشمیر کی طرف آئیں۔ اس دوران جمعہ دوپہر بعد سے بانہال میں بارشوں کا سلسلہ شام تک وقفے وقفے سے جاری تھا تاہم شاہراہ پر ٹریفک کی نقل وحرکت معمولی ٹریفک جام کے بیچ جاری تھی۔ محکمہ ٹریفک کے ذرایع کے مطابق آج سرینگر سے جموں کی طرف گاڑیوں کو چلنے کی اجازت ہو گی ۔معلوم رہے کہ جمعہ کو شاہراہ پر ٹریفک کا بھاری جام دیکھا گیا اور ساتھ میں شاہراہ پر ہلکی بارشیں بھی ہوئیں ۔