تازہ ترین

کمبھ سے دہلی واپسی پر 14دن کا قرنطین ضروری : ڈی ڈی ایم اے

تاریخ    19 اپریل 2021 (00 : 12 AM)   


یو این آئی
نئی دہلی// قومی دارالحکومت میں کورونا کے کیسزتیزی سے بڑھ رہے ہیں اور دہلی حکومت نے ایک حکمنامہ  جاری کر کے ہری دوار کے کمبھ میلے سے واپس آنے والے ان تمام افراد کے لئے 14 دن کا قرنطین لازمی کر دیا ہے ، جو حال ہی میں وہاں سے واپس لوٹے ہیں۔ دہلی ڈیزاسٹر منیجمنٹ اتھارٹی (ڈی ڈی ایم اے) نے اپنے حکمنامے میں کہا ہے کہ کمبھ میلہ سے واپس آنے والے دہلی کے شہریوں کو 14 دن تک گھر قرنطین میں رہنا لازمی ہوگا اور اپنی تفصیلات دہلی حکومت کے پورٹل پر اپ لوڈ اور لنک کرنی ہوگی۔ڈی ڈی ایم اے نے ہفتہ کی دیر رات یہ ہدایت جاری کی۔ انہوں نے کہا کہ حال ہی میں دہلی کے وہ تمام رہائشی  جو ہری دوار میں کمبھ 2021میں اشنان کر لوٹے ہیں یا جائیں گئے، انہیں اپنی ضروری تفصیلات جیسے نام ، دہلی کا پتہ ، فون نمبر ، شناختی کارڈ ، جانے اور آنے کی تاریخ  دہلی سرکار  کے پورٹل پر اپ لوڈ اور لنک کرنا ضروری ہو گا۔ انہوں نے کہا کہ اگر یہ پایا جاتا ہے کہ دہلی کا کوئی بھی رہائشی ، جو کمبھ 2121 سے دہلی واپس آیا ہے ،اس  نے مطلوبہ تفصیلات / معلومات اپلوڈ نہیں کی ہیں ، تو اسے  سرکاری کورنٹائن بھیجا جائے گا۔ انہوں نے کہا کہ دہلی  کے ضلع مجسٹریٹ اسے لوگوں کی روزانہ کی بنیاد پرٹریسنگ اور نگرانی کو یقینی بنائیں گے۔ ریاستی حکومت نے کہا کہ کمبھ سے آنے والے تمام لوگوں کو اپنے آنے کی اطلاع ضلعی کلکٹر کو دینی ہو گا۔  دہلی کے چیف سکریٹری وجئے دیو کی جانب سے جاری کردہ حکمنامے کے مطابق دارالحکومت کے تمام ضلعی مجسٹریٹ اور ان کے مساوی ڈی سی پی اور متعلقہ تمام عہدیداروں کو اس حکم پر عمل درآمد کو  یقینی بنانا ہوگا۔دارالحکومت میں ہفتے کے روز ایک دن میں کورونا  کے سب سے زیادہ 24375 نئے کیسز سامنے آئے ہیں  جبکہ  اس وبا سے مزید 167 افراد کی موت ہو گئی۔ ان نئے کیسز  کے سامنے آنے کے بعد دارالحکومت میں کورونا متاثرین  کی مجموعی تعداد 827998 تک پہنچ گئی ہے اور اب تک 11960 افراد کی موت ہو چکی ہے۔ یواین آئی