تازہ ترین

نعتیں

تاریخ    21 مارچ 2021 (00 : 01 AM)   


نعت

جِسے بھی خوف ہو روزِ جزا کا
وہ دامن تھام لے خیرالوریٰ کا
 
ذرا چُومو تو در غارِ حِرا کا
پتہ مِل جائے گا بادِ صبا کا
 
جو پیاسی رُوح کو تسکین دے دے
تِرا کلمہ ہے وہ جھونکا ہوا کا
 
محمدؐ پر بھروسہ کرکے دیکھو
صِلہ مِل جائے گا تُم کو وفا کا
 
ہزاروں پاپ دھو دیتا ہے پَل میں
اِشارہ اِک محمد مصطفےٰؐ کا
 
سردار پنچھیؔ
جیٹھی نگر، مالیہ کوٹلہ اوڈ، کھنہ، پنجاب
موبائل نمبر؛94170191666
 
 

 آغوشِ محمد ﷺ

سوائے بارگاہِ رب کہیں راحت نہیں  پائی
اگر پائی کہیں میں نے ، تو آغوشِ مُحمد ؐ میں
 
  مُحمدؐ نام سُنتے ہی شیاطیں کانپ اُٹھتے ہیں
 بَلَندی کے گُہَر پنہاں ہیں  پاپوشِ مُحمدؐ میں
 
 ابوبکرؓ و عُمرؓ فاروق ، عُثماں ؓ حضرتِ حیدرؓ
  گُلِ اَربع مُحبت کے ہیں گُلپوشِ مُحمدؓمیں
 
مُسلمانِ ملت وادریغا ہوگئے مُنفق
جِراحِ یومِ اُحد دیکھو،لگے دوشِ مُحمدؐ میں
 
امانت ، پارسائی ، حق ادائی اور خُدا ترسی
عنبر افشا ں ہیں جاکے دیکھ لو کوشِ مُحمدـؐ میں
 
 خلوصِ قلب سے بھیجی درودِ پاک کی ڈالی
خبر پہنچا میرے مولاذرا گوشِ محمدؐ میں 
 
طُفیل شفیع
  گورنمنٹ میڈیکل کالج سرینگر
موبائل نمبر؛6006081653