تازہ ترین

بمنہ، پلوامہ اور شوپیان میں تلاشیاں ، چھاپے

۔ 3نوجوان پوچھ تاچھ کیلئے گرفتار

تاریخ    28 فروری 2021 (00 : 01 AM)   


شاہد ٹاک
 سرینگر+شوپیان //سیکورٹی فورسز نے ہمدانیہ کالونی بمنہ میں شبانہ جبکہ پلوامہ اور شوپیان میں کئی دیہات کا محاصرہ کیا اور تلاشیاں لیں۔اس دوران پلوامہ میں 3 نوجوانوں کو احتیاطی حراست میں لیا گیا۔سنیچر کی شام گئے قریب ساڑھے 9بجے 2آر آر ، سی آر پی ایف اور پولیس نے ہمدانیہ کالونی بمنہ کا محاصرہ کیا اور مخصوص رہائشی مکانوں کی تلاشی کاروائی شروع کی۔ رات دیر گئے تک یہ سلسلہ جاری تھا۔ اس دوران 55آر آر کے علاوہ پولیس ٹاسک فورس نے پلوامہ کے گلزارپورہ اور حجام محلہ پنگلنہ کی بستیوں کاسنیچر کی صبح محاصرہ کیا۔ دوران محاصرہ مکانوں کی تلاشی کے علاوہ مشکوک مکینوں کے شناختی کارڈ چیک کئے گئے۔ تین گھنٹے کی کارروائی کے بعدمحاصرہ ختم کیا گیا۔ 44 آر آر اور ایس او جی پلوامہ نے  دربگام پلوامہ میں جمعہ کی شام ایک مخصوس محلے کا گھیرائو کیا اور تلاشی کارروائی عمل میں لائی۔اس دورانرئیس احمد میر ولد محمد اکبر نامی نوجوان کو گرفتارکیا گیا ۔ قصبہ یار میں بھی فوج اور پولیس نے ایک مشترکہ چھاپہ مار کاروائی کے دوران غلام احمد ولد فاروق احمد لون نامی شہری کی گرفتاری عمل میں لائی گئی۔ دوران شب پلوامہ کے ہی اگلر کنڈی گائوں کو محاصرے میں لیکر عاقب احمد شاہ ولد عبدالغنی شاہ کی گرفتاری عمل میں لائی گئی۔ادھر وچی زینہ پورہ شوپیان کا سنیچر کی شام قریب 7بجے محاصرہ کیا گیا اور تلاشیاں لی گئیں۔ 55آر آر کیساتھ پولیس بھی اس آپریشن میں شامل تھی۔
 

تازہ ترین